7ተኛው የሲቪል ማኅበረሰብ ድርጅቶች ባለስልጣን እና የክልል እና የፌደራል ባለድርሻ አካላት ጉባኤ የክልሉ ርዕሰ መስተዳድር ዶ/ር ነጋሽ ዋጌሾ በተገኙበት በድምቀት ተካሂዷል፡፡

7ተኛው የሲቪል ማኅበረሰብ ድርጅቶች ባለስልጣን እና የክልል እና የፌደራል ባለድርሻ አካላት ጉባኤ የክልሉ ርዕሰ መስተዳድር ዶ/ር ነጋሽ ዋጌሾ በተገኙበት በድምቀት ተካሂዷል፡፡

በመድረኩ ርዕሰ መስተዳድሩን ጨምሮ የክልሉ ቢሮ ሃላፊዎች የሁሉም ክልል የፋይናንስ አና ፍትህ ቢሮ ሃላፊዎችና የኢትዮጵያ የሲቪል ማህበረሰብ ድርጅቶች ምክር ቤት ፕረዝዳንት ተገኝተዋል፡፡ የደቡብ ምዕራብ ኢትዮጵያ ሕዝቦች ክልላዊ መንግስት ርዕሰ መስተዳድር ዶ/ር ነጋሽ ዋጌሾ በንግግራቸው እንደገለጹት ይህ የጋራ ጉባኤ በክልላችን ለማድረግ ስለመጣችሁ ምስጋናችን የላቀ ነው በማለት አገራዊ ለውጡን ተከትሎ የሪፎርም ስራዎች ከተሰራባቸው የህግ ማዕቀፍ ውስጥ የሲቪል ማህበረሰብ ድርጅቶች ዘርፍ አንዱ ነው ሲሉ አንስተዋል፡፡ አያይዘውም ለውጡን ተከትሎ በአገራችን የሚገኙ የሲቪል ማኅበረሰብ ድርጅቶች እያደረጉት ያለው እንቅቃሴ የተሻለ መሆኑን ገልፀው የክልል መንግስታትና የፌደራል መንግስት ለሲቪል ማኅበረሰብ ድርጅቶች ተገቢውን ድጋፍ ማድረግ አለባቸው ብለዋል፡፡ የደቡብ ምዕራብ ኢትዮጵያ ሕዝቦች ክልላዊ መንግስት በክልሉ የሚሰሩ ድርጅቶች በአግባቡ በመያዝ እንዲሁም አዳዲስ ድርጅቶችንም ለመቀበል ዝግጁ መሆኑን ርዕሰ መስተዳድሩ አክለው ገልፀዋል፡፡ የኢፌዲሪ የፍትህ ሚኒስቴር ሚንስትር ዴኤታ አቶ ዓለም ዓንተ አግደው በንግግራቸው እንደገለጹት የኢትዮጵያን ሁለንተናዊ ብልጽግና ለማረጋገጥ፣የአገራዊ ምክክር ኮሚሽኑን ሥራ እና የሽግግር ፍትህን አላማ ለማሳካት እንዲሁም መንግስት የጀመረዉን የመልካም አስተዳደር ችግሮች እና ሙስናን የመታገል ዘመቻ የተሳካና ዉጤታማ ለማድረግ የሁሉንም አካላት የጋራ ርብርብ የሚጠይቅ ሲሆን በተለይም ለትርፍ ያልተቋቋሙትና ለፖለቲካ ያለወገኑት የስቪል ማህበረሰብ ድርጅቶች ሚና ከፍተኛ ነዉ ብለዋል፡፡

ከምንገኝበት ወሳኝ የአገር ግንባታ ምዕራፍ አንጻር በዋና ዋና አገራዊ ጉዳዮች ላይ በተለይም የህግ የበላይነትን በማረገጋገጥ፣ሰላምን በማስፈን፣ግጭቶችን በዘላቂነት በመፍታት እና ዲሞክራሲያዊ ስርዓት በመገንባት ሂደት የሲማዶች ከእስከአሁኑ በበለጠና ትርጉም ባለዉ መልኩ አወንታዊ ሚናችሁን መጫዎት ይኖርባቸዋል ሲሉ ገልጸዋል፡፡ የስቪል ማኅበረሰብ ድርጅቶች የተቋቋሙለትን ዓላማ እንዲያሳኩ በመደገፍ፣በመከታተልና በመቆጣጠር ኃላፊነት ያለባችሁ አካላት ባለስልጣን መ/ቤቱን ጨምሮ ፤ የፌዴራል፣የክልልና ከተማ አስተዳደሮች በተለይም የፍትሕና የፋይናንስ ቢሮዎች አገራችን ከዘርፉ የበለጠ መጠቀም እንድትችል ቅንጅታዊ አሰራርን በማጎልበት መንቀሳቀስ ይኖርባችኋል በማለት በቋሚነት የሚካሄደውን የጋራ ጉባኤ አመስግነዋል፡፡ አቶ ጂማ ዲልቦ የኢፌዴሪ የሲቪል ማህበረሰብ ድርጅቶች ባለስልጣን ዋና ዳይሬክተር ባስተላለፉት መልዕክት ኢትዮጵያን ወደ ብልጽግና ጎዳና ለመውሰድ ባለፉት አምስት አመታት በርካታ የሪፎርም ስራዎች መከናወናቸውን እና እየተካሄደ ያለው የሪፎርም ንቅናቄ የዘመናት የኢትዮጵያውያን መሻት እና የታሪካችን አካል መሆኑን አንስተዋል፡፡ የተገኙ አገራዊ ስኬቶችን አስጠብቆ የማስቀጠልም ሆነ ፈተናዎችን ተቋቁሞ ለማለፍ ሁሉም አገር ወዳድ ዜጋ ሚናው የማይተካ ነው ያሉት ዋና ዳይሬክተሩ በዚህ ሂደት የሲማዶች ሚና የላቀ አስተዋጽኦ እንዳላቸው በመታመኑ መንግስት ሲማዶችን ከሦስቱ የኢኮኖሚ ተዋናዮች መካከል አንደ አንዱ በመውሰድ ምቹ የእንቅስቃሴ ምህዳር እንዲፈጠርላቸው የህግና የአሰራር ማሻሻያዎችን ማድረጉን ገልጸዋል፡፡

7ተኛውን የሲቪል ማኅበረሰብ ድርጅቶች ባለሥልጣን፣የክልል እና የፌደራል ባለድርሻ አካላት ጉባኤ ልዩ ከሚያደርጋቸው ጉዳዮች መካከል አንዱ እንደ ተቋም የመጀመሪያውን የሪፎርም ምዕራፍ በማጠናቀቅ 2ኛውን ተቋማዊ ሪፎርም በጀመርንበት ማግስት የሚካሄድ መሆኑ ነው፤ 2ኛው ተቋማዊ የሪፎርም አቅጣጫችን በመጀመሪያው የሪፎርም ምዕራፍ ያገኘናቸውን ውጤቶች ከማጽናትና ከማላቅ ባሻገር የአገልግሎት አሰጣጣችንን ማዘመንና ዲጂታል ትራንስፎርሜሽን በዘርፉ እንዲተገበር ማስቻል፤ በምናከውናቸው ቀጣይ ስራዎች ስፔሻላይዜሽን ላይ ትኩረት በማድረግ የሲማድን አስተዋፅኦ እንዲልቅ ማድረግ፤ ዘርፉ ያለውን እምቅ አቅም አሟጦ ለአገር ልማትና ዴሞክራሲ እንዲያውል የትብብርና የአጋርነት መንፈስን አጠናክሮ ማስቀጠል፤ የተጀመረውን የሪፎርም ስራ በሁሉም ሴክተሮችና ተቋሞች አጠናክሮ ማስቀጠል፤ በየሴክተሩ የጋራ የምክክር ፎረሞችን በማደራጀት ልምድ መለዋወጥ፣ አፈፃፀሞችን መገምገም፣ ችግሮችን መለየት፣ መፍትሄዎችን መተለም፣ ቅንጅታዊ አሰራርን ማጠናከር ከብዙ ጥቂቶቹ ናቸው ሲሉ መልዕክታቸውን አስተላልፈዋል፡፡


የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ የጌርጌሴኖን የአእምሮ ህሙማን መርጃ ማህበርን ጎበኙ፡፡

የሲቪል ማህበረሰብ ድርጅቶች ባለስልጣን ምክትል ዋና ዳይሬክተርን ጨምሮ ከባለስልጣን መስሪያ ቤቱ ልዩ ልዩ የስራ ክፍሎች የተውጣጡ ሰራተኞችና ባለሙያዎች የጌርጌሴኖን የአእምሮ ህሙማን መርጃ ማህበርን ጎብኝተዋል፡፡ በጉብኝቱ ላይ የተቋሙ ሰራተኞች በበጎ ፈቃድ ወደ ማህበሩ ቀርበው የሚቻላቸውን ሁሉ ለማድረግም ቃል ገብተዋል፡፡ በጉብኝቱ ላይ የተገኙት የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ በማዕከሉ ያዩት ነገር ከጠበቁት በላይ መሆኑን አንስተው በማህበሩ እየተሰራ ያለው ስራ መልካም ልብ ያለው፣ ለሀገር የሚቆረቆሩ እና ማህበረሰባቸውን የሚወዱ፣ ደግና ቅን የሆኑ የሚሰሩት መልካም ስራ እንደሆነ አንስተዋል፡፡
ጥቂት ድጋፍ ቢደረግላቸው ሀገራቸውን እና ማህበረሰባቸውን ሊቀይሩ የሚችሉ በርካታ ዜጎች በየቦታው ወድቀው የሚገኙ መሆናቸውን ያነሱት ምክትል ዋና ዳይሬክተሩ ጌርጌሴኖን ከወደቁበት አንስቶ ባደረገው ድጋፍ ጤናቸው ተመልሶ በስራ ላይ መገኘታቸውን ማየት ችለናል ብለዋል፡፡ ድርጅቱ ውጤታማ እንዲሆን በጎ ፈቃደኞችን ማሳተፍ፣ ከሲቪል ማህበረሰብ ድርጅቶችና ሌሎች ተቋማት ጋር በቅንጅትና በትብብር መስራት እንዲሁም ራስን ማስተዋወቅ የበለጠ ውጤት ለማምጣት በእጅጉ እንደሚረዳ ያነሱት ምክትል ዋና ዳይሬክተሩ ባለስልጣን መስሪያ ቤቱ አቅም በፈቀደ መጠን ሁሉ የሚችለውን ድጋፍ ለማድረግ ዝግጁ መሆኑን አንስተዋል፡፡

የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ የጌርጌሴኖን የአእምሮ ህሙማን መርጃ ማህበርን ጎበኙ፡፡

በሲቪል ማህበረሰብ ድርጅቶች ባለስልጣን የበጎ ፈቃድ ማጎልበትና ትብብር መሪ ስራ አስፈጻሚ አስተባባሪነት የተሰባሰቡ የተለያዩ አልባሳትን ለማህበሩ ድጋፍ የተደረገ ሲሆን የባለስልጣን መስሪያ ቤቱ ሰራተኞችም በበጎ ፈቃድ ማህበሩን ለማገዝ ቃል ገብተዋል፡: የጌርጌሴኖን የአእምሮ ህሙማን መርጃ ማህበር መስራችና ስራ አስኪያጅ ሊቀ ህሩያን መለሰ አየለ የባለስልጣን መስሪያ ቤቱ ኃላፊዎችና ሰራተኞች መጥተው ስለጎበኟቸው ምስጋናቸውን አቅርበው ወደፊት ባላቸው ጥቂት ቦታና የሰው ኃይል በርካታ ስራዎችን ለመስራት እቅድ መያዛቸውን ገልጸዋል፡፡ ጌርጌሴኖን የአእምሮ ህሙማን መርጃ ማዕከል ከ18 ዓመት በፊት የተቋቋመ የሲቪል ማህበረሰብ ድርጅት ሲሆን በጎዳና ላይ የወደቁ የአእምሮ ህሙማንን በማንሳት ወደቀደመ ጤንነታቸው እንዲመለሱ እያደረገ የሚገኝ ድርጅት ነው፡፡ በማዕከሉ 567 የአእምሮ ህሙማን የሚገኙ ሲሆን ከ20 በላይ የሚሆኑት ድነው በድርጅቱ ውስጥ በማገልገል ላይ ይገኛሉ፡፡


ተቋሙ ከሳሳካዋ አፍሪካ አሶስኤሽን / SASAKAWA AFRICA ASSOCIATION /ጋር የመግባቢያ ስምምነት ሰነድ ተፈራረመ፡፡

``ተቋሙ ከሳሳካዋ አፍሪካ አሶስኤሽን / SASAKAWA AFRICA ASSOCIATION /ጋር የመግባቢያ ስምምነት ሰነድ ተፈራረመ፡፡``

ዋና ዳይሬክተር አቶ ጂማ ዲልቦ በመርሃ ግብሩ ላይ ባደረጉት ንግግር ድርጅቱ ካለው ጥሩ ስም እና ካከናወናቸው ተግባራት አንጻር የስምምነት ሰነዱን መፈራረማቸው ደስታ እንደፈጠረላቸው በመግለጽ በተለይም ከመንግስት አካላት ጋር ያላቸው ቅንጅት፣የሃብት አጠቃቀምና አሳታፊነት ድርጅቱ አርዓያ ያደርገዋል ብለዋል፡፡ ከዚህ ቀደም ድርጅቱ በግብርና ዘርፍ ቴክኖሎጂን ከማስተዋወቅ አንጻር ያከናወናቸውን ተግባራትን አጠናክሮ እንዲቀጥል በመግለጽ ሌሎች ድርጅቶችም ምርትና ምርታማነትን የሚያሳድጉ ጉዳዬች ላይ እንዲሰማሩ ጥሪያቸውን አቅርበዋል፡፡
የድርጅቱ ካንትሪ ዳይሬክተር ዶ/ር ፈንታሁን መንግስቱ በበኩላቸው ድርጅቱ ግብርና ላይ ትኩረት አድርጎ የሚሰራ እና መሰረቱ ጃፓን ሃገር መሆኑን ገልጸዋል፡፡ አያይዘውም በኢትጵያ 1986 ዓ.ም ጀምሮ ስራ የጀመረው ድርጅቱ ከግብርና ሚኒስቴር ጋር በየ5 ዓመቱ የስምምነት ሰነድ በመፈራረም ፤በየእርከኑ የሚገኙ የግብርና ኢንስፔክሽን ባለሙያዎችን በመጠቀም፤ ዘመናዊ የግብርና መሳሪያዎችን በማቅረብ፤ በተለያየ መንገድ ለገበሬዎች ድጋፍ የማድረግ ሰራ እንደሚሰራ በመግለጽ የዛሬው ስምምነትም በግብርና ዘርፍ የበለጠ ለመስራት እና ለመደገፍና ምቹ የስራ ሁኔታ ለመፍጠር መሆኑን አንስተዋል፡፡


የሲቪል ማህበረሰብ ድርጅቶች ባለስልጣን ከ voluntary service overseas (VSO) ጋር በመተባበር የበጎ ፈቃደኝነት ባህልን በማህበረሰቡ ውስጥ ለማሳደግ የመንግስት አካላት እና የሲቪል ማህበረሰብ ድርጅቶች ስለሚኖራቸው ሚና እንዲሁም በሀገር አቀፍ ፕሮግራሞች ያሉ የበጎ ፈቃደኝነት ተመክሮዎች ላይ ውይይት በማድረግ ላይ ይገኛል፡፡

የሲቪል ማህበረሰብ ድርጅቶች ባለስልጣን ከ voluntary service overseas (VSO) ጋር በመተባበር የበጎ ፈቃደኝነት ባህልን በማህበረሰቡ ውስጥ ለማሳደግ የመንግስት አካላት እና የሲቪል ማህበረሰብ ድርጅቶች ስለሚኖራቸው ሚና እንዲሁም በሀገር አቀፍ ፕሮግራሞች ያሉ የበጎ ፈቃደኝነት ተመክሮዎች ላይ ውይይት በማድረግ ላይ ይገኛል፡፡

የሲቪል ማህበረሰብ ድርጅቶች ባለስልጣን የበጎ ፈቃደኝነትና በጎ አድራጊነት ባህልን በማህበረሰቡ ውስጥ የማሳደግ ኃላፊነት በሲቪል ማህበረሰብ ድርጅቶች አዋጅ ቁጥር 1113/2011 ተሰጥቶታል፡፡ ይህንኑ ኃላፊነት ለመወጣት በርካታ ስራዎችን እየሰራ የሚገኝ ሲሆን በዛሬው ዕለት ከሚመለከታቸው የመንግስት ተቋማት እና ከሲቪል ማህበረሰብ ድርጅቶች ተወካዮች ጋር በጎ ፈቃደኝነትን በማህበረሰቡ ውስጥ ባህል ለማድረግ የሲቪል ማህበረሰብ ድርጅቶች እንዲሁም የመንግስት ባለድርሻ አካላት ስለሚኖራቸው ሚና እንዲሁም በሀገር አቀፍ ፕሮግራሞች ያሉ ምርጥ ተመክሮዎችን በሚመለከት ውይይት አድርጓል፡፡
በዚሁ የውይይት መድረክ ላይ የተገኙት የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ የበጎ ፈቃድ ጽንሰ ኃሳብ ከሰብዓዊ አመለካከት በመነሳት ለማህበረሰብ እድገት፣ ልማት፣ ብልጽግና በራስ ተነሳሽነት፣ እውቀት፣ ገንዘብ እና መሰል ነገሮች መስራት፤ በምላሹ ደግሞ እውቀት፣ ልምድና ክህሎትን ማዳበር እንደሆነ አንስተው በሀገራችን ዜጎች ማህበራዊ ችግሮቻቸውን ለመፍታት በተለያየ መንገድ የበጎ ፈቃድ ጽንሰ ሀሳብን ሲተገብሩት እንደቆዩ አንስተዋል፡፡ የሲቪል ማህበረሰብ ድርጅቶች ባለስልጣን ይህን የበጎ ፈቃደኝነትና በጎ አድራጊነት ባህልን ለማሳደግ በአስር አመት ስትራተጂክ እቅድ ውስጥ ቅድሚያ ከተሰጣቸው ጉዳዮች አንዱ የበጎ ፈቃደኝነት ባህልን ማሳደግ እንዱ እንደሆነ አንስተው ይህንኑ ቅድሚያ ሰጥቶ ለመምራት የበጎ ፈቃድ ማጎልበትና ትብብር መሪ ስራ አስፈጻሚ በሚል የስራ ክፍል አቋቁሞ በርካታ ስራዎችን በመስራት ላይ እንደሚገኝ ጠቁመዋል፡፡
የመድረኩ ዓላማ የበጎ ፈቃደኝነት ባህልን በማህበረሰቡ ውስጥ ባህል ለማድረግ የመንግስትና የሲቪል ማህበረሰብ ድርጅቶች ሚና ምን መሆን እንደሚገባው ማመላከት ነው ያሉት ዋና ዳይሬክተሩ ከውጪ ድጋፍ በመላቀቅ በውስጥ አቅም ችግሮቻችንን ለመቅረፍ እንዲሁም ቀደም ሲል እንደሰራናቸው ያሉ ትልልቅ ፕሮጀክቶችን ለመስራት መንግስት፣ የሲቪል ማህበረሰብ ድርጅቶችና የግሉ ዘርፍ በቅንጅት መስራት ይጠበቅብናል ብለዋል፡፡ አያይዘውም በሀገር አቀፍ ደረጃ ወጥ የሆነ የበጎ ፈቃደኝነት ፖሊሲ አለመኖር እንዲሁም እሱን የሚያስተባብርና የሚመራ የመንግስት ተቋም አለመኖሩ በዋናነት እንደ ችግር የሚነሳ መሆኑን አንስተው ባለስልጣን መስሪያ ቤቱ ይህንን ለመቅረፍ ጥረቶችን እያደረገ እንደሚገኝም ጠቁመዋል፡፡
የበጎ ፈቃኝነት ስራን እዚህም እዚያም በተበጣጠሰ ሁኔታ እየተሰራ ይገኛል ያሉት ዋና ዳይሬክተሩ የበጎ ፈቃድ ፖሊሲው ከወጣ በኋላ ተቋማዊ ቅርጽ ይዞ ተግባራዊ እንደሚሆንም አንስተዋል፡፡
Voluntary service overseas (VSO) ግሎባል ዩዝ ኢንጌጅመንት ማኔጀር ወ/ሮ ሶስና ይርጋ በበኩላቸው የበጎ ፈቃደኝነት ጽንሰ ሀሳብን በማህበረሰቡ ውስጥ የማስረጽ ኃላፊነት የአንድ ተቋም ኃላፊነት ብቻ አለመሆኑን አንስተው voluntary service overseas VSO በዋናነት የበጎ ፈቃደኝነትን ጽንሰ ሀሳብን ማስተዋወቅ እና እድገትና ልማትን በመደገፍ ለውጥ ማምጣትን አላማ አድርጎ እየሰራ እንደሚገኝ አንስተዋል፡፡


ከህዝብ ተወካዬች ምክር ቤት ከህግና ፍትህ ጉዳዬች ቋሚ ኮሚቴ አባላት ጋር ውይይት ተደረገ፡፡

ከህዝብ ተወካዬች ምክር ቤት ከህግና ፍትህ ጉዳዬች ቋሚ ኮሚቴ አባላት ጋር ውይይት ተደረገ፡፡

ውይይቱ በባለፉት አራት ዓመታት በዘርፉ የተካሄዱ የህግ እና ተቋማዊ ሪፎርም ዙሪያ ሲሆን በመድረኩ የቋሚ ኮሚቴው ሰብሳቢ የተከበሩ ወ/ሮ እጸገነት መንግስቱን ጨምሮ ሁሉም የቋሚ ኮሚቴው አባላት ተገኝተዋል፡፡ በመድረኩ የመክፈቻ ንግግር ያደረጉት የባለስልጣን መስሪያቤቱ ዋና ዳይሬክተር አቶ ጂማ ዲልቦ እንዳሉት በሀገራችን ኢትዮጵያ በወርሀ መጋቢት 2010 ዓ.ም የተደረገው ሀገራዊ ለውጥ ከዳሰሳቸው ዘርፎች መካከል አንዱ የሲቪል ማህበረሰብ ድርጅቶች አዋጅ 1113/2011 መሆኑን ገልጸዋል፡፡
የሲቪል ማህበረሰብ ድርጅቶች ለሀገራችን ሁለንተናዊ እድገትና ልማት፤ ለዴሞክራሲያዊ ሥርዓት ግንባታ፤ በአጠቃላይ ለሀገረ መንግስት ግንባታና ለጀመርነው የብልጽግና ጉዞ አዎንታዊ ሚና እንደሚጫወቱ በመታመኑ ከመንግስትና ከግሉ ሴክተር ጎን ለጎን እንደ አንድ የልማት ተዋናይ ተወስደዋል ብለዋል፡፡
ድርጅቶቹ ለሀገር ልማት የሚያበረክቱትን አስተዋጽኦ የበለጠ ለማጠናከር ይረዳ ዘንድ አዲስ ሕግ አውጥቶ ሥራ ላይ ከማዋል ጎን ለጎን የሲቪል ማኅበረሰብ ድርጅቶች ባለሥልጣን ተከታታይ የሪፎርም ተግባራት በማከናወን ባለፉት ሦስት ዓመታት አመርቂ ውጤቶችን ማስመዝገቡን ጠቅሰዋል፡፡
የመድረኩ ዓላማም በዚህ ዘርፍ ውስጥ የተደረጉ የህግና የአሰራር ሪፎሞችን ለመቃኘትና ባለሥልጣኑ ባለፉት አራት የሪፎም ዓመታት ያከናወናቸውን ተግባራት ለተከበረው የህግና የፍትህ ቋሚ ኮሚቴ በማስተዋወቅ የሥራ መመሪያ ለመቀበል መሆኑን አብራርተዋል፡፡ የህዝብ ተወካዬች ምክርቤት የህግና ፍትህ ጉዳዬች ቋሚ ኮሚቴ ሰብሳቢ የተከበሩ ወ/ሮ እጸገነት መንግስቱ በንግግራቸው እንደገለጹት ሃገራችን በባለፉት አራት ዓመታት በርካታ ሪፎርም አከናውናለች ሪፎርም ከተደረገባቸው ተቋማት መካከል ደግሞ የሲቪል ማህበረሰብ ድርጅቶች ባለስልጣን አንዱ ነው፤ ተቋምን መገንት ደግሞ ሃገርን መገንባት በመሆኑ መልካም ጅምሮች መመልከት ተችሏል ብለዋል፡፡ ቋሚ ኮሚቴውም ተቋሙ ያከናወናቸው ተግባራት ፣ያጋጠሙ ችግሮችና ቋሚ ኮሚቴው ማገዝ ስለሚገባቸው ጉዳዬች ውይይት በማድረግ እና የጋራ መግባባት ላይ በመድረስ የክትትልና ቁጥጥር ስራውን ይሰራል ሲሉ ተናግረዋል ፡፡


በሳቢን ባካዮና ካንዚ የሚመራው የቡርኪናፋሶ ሉዑካን ቡድን ከሲቪል ማህበረሰብ ድርጅቶች ባለስልጣን ጋር የልምምድ ልውውጥ አካሄደ::

በሳቢን ባካዮና ካንዚ የሚመራው የቡርኪናፋሶ ሉዑካን ቡድን ከሲቪል ማህበረሰብ ድርጅቶች ባለስልጣን ጋር የልምምድ ልውውጥ አካሄደ::

በኢ.ፌ.ዴ.ሪ ውጭ ጉዳይ ሚኒስትር እና በኢትዮጵያ የሚገኘው የቡርኪናፋሶ ኢምባሲ አስተባባሪነት ከቡርኪናፋሶ የመጣው ሉዑካን ቡድን ከኢ.ፌ.ዴ.ሪ የሲቪል ማህበረሰብ ድርጅቶች ባለስልጣን ጋር በሲቪል ማህበረሰብ ድርጅቶች እና በዘርፉ ላይ የተደረገውን ለውጥ (reform) አስመልክቶ የልምምድ ልውውጥ አድርገዋል፡፡ በልምድ ልውውጡ ላይ የተገኙት የባለስልጣን መስሪያ ቤቱ ም/ዋና ዳይሬክተር አቶ ፋሲካው ሞላ ለልዑካን ቡድኑ እንኳን ደህና መጣችሁ በማለት በዘርፉ ላይ የታየውን ለውጥ በማስመልከት ገለጻ አድርገዋል፡፡ በገለጻቸውም እንዳሉት በአገራችን የመጣውን ለውጥ ተከትሎ የተሻሻለው የሲቪል ማህበረሰብ ድርጅቶች አዋጅ 1113/2011 ከፀደቀ በኋላ በርካታ ለውጦች መምጣታቸውን በማንሳት ለአብነት ያህል አገልግሎቶች በኦንላይ መሰጠታቸውን፣ የሲቪል ማህበረሰብ ም/ቤት መቋቋሙ፣ የሲቪል ማህበረሰብ ድርጅቶች ፈንድ አስተዳደር መቋቋሙ፣ ለዘርፉ ሰፊ ምዕርዳር መፈጠሩን እና ሌሎችም በርካታ ስራዎችን ለልዑካን ቡድኑ ገልፀዋል፡፡ ም/ዋና ዳይሬክተሩ አክለውም አፍሪካውያን ተመሳሳይ ባህል ስላላቸው የእርስ በእርስ የልምምድ ልውውጥ ማድረጋቸው ችግሮቻቸውን በራሳቸው አቅም ለመፍታት እንደሚያግዝ በመግለጽ ተጠናክሮ መቀጠል እንዳለበት አንስተዋል፡፡
በመጨረሻም የልምድ ልውውጥ ለማድረግ ወደኢትዮጵያ በመምጣታቸው ያላቸውን ምስጋና አቅርበዋል፡፡ የልዑካን ቡድኑ ሰብሳቢ አምባሳደር ሳቢን ባካዮና ካንዚ እንዳሉት የተደረገላቸው አቀባበልና የተደረገላቸውን ገለጻ በማመስገን በቀጣይ ከባለስልጣን መስሪያ ቤቱ ጋር ተቀራርበው እንደሚሰሩ አንስተዋል፡፡


የስርዓተ ጾታ እና ማህበራዊ አካታችነት ስትራቴጂ የትውውቅና የስልጠና መርኃ ግብር ተካሄደ፡፡

የስርዓተ ጾታ እና ማህበራዊ አካታችነት ስትራቴጂ የትውውቅና የስልጠና መርኃ ግብር ተካሄደ፡፡

የሲቪል ማህበረሰብ ድርጅቶች ባለስልጣን ከCSSP2 ጋር በመተባበር ለባለስልጣን መስሪያ ቤቱ የስራ ኃላፊዎች ከፍተኛ ባለሙያዎች በስርዓተ ጾታ እና ማህበራዊ አካታችነት ስትራቴጂ እቅድ ዙሪያ የትውውቅ እና የስልጠና መርኃ ግብር አካሂዷል፡፡ በስልጠናው ላይ የባለስልጣን መስሪያ ቤቱን ዋና ዳይሬክተር አቶ ጂማ ዲልቦን ጨምሮ የተቋሙ የስራ ሃላፊዎች ተሳታፊ ሆነዋል፡፡ ስልጠናው ሴቶችን፣ አካል ጉዳተኞችንና ልዩ ድጋፍ የሚሹ የማህበረሰብ ክፍሎች በእለት ከእለት የስራ እንቅስቃሴ ውስጥ አካቶ መተግበር ስለሚቻልባቸው መንገዶች ሰፊ ገለጻ ተደርጓል፡፡ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ በንግግራቸው የሚሰጡ ስልጠናዎችን በትክክል መጠቀም ከቻልን ብዙ ነገር መለወጥ የምንችል በመሆኑ የሚገኙ የስልጠና ዕድሎችን በአግባቡ መጠቀም ተገቢ ነው ብለዋል፡፡ አክለውም የሲቪል ማህበረሰብ ድርጅቶች ባለስልጣን ሞዴል ተቋም እንዲሆን የምንፈልግ በመሆኑ ዕውቀትን ከስነምግባር ጋር የያዘ ባለሙያ መፍጠር አስፈላጊ በመሆኑ እንዲህ አይነት ስልጠናዎች እንደሚዘጋጁ ገልጸዋል፡፡
ሴቶች በማህበራዊ እና ፖለቲካዊ ጉዳዬች ላይ ያላቸው ተሳትፎ በቂ ባለመሆኑ ዛሬም የሴቶች ጉዳይ አጀንዳ ሆኖ እንወያያለን ያሉት ዋና ዳይሬክተሩ ሴቶች እኩል ተጠቃሚ መሆን እስኪችሉ ሁላችንም ጥረት ማድረግ ይገባናል ብለዋል፡፡
በመጨረሻም ይህንን ሰነድ የባለሰስልጣን መስሪያ ቤቱ የስራ መሪዎች አውቀውት በቀጣይ ወደሲቪል ማህበረሰብ ድርጅቶች የማውረድ ስራ ይሰራል ብለዋል፡፡ መርኃግብሩን ላዘጋጀው CSSP2ም ምስጋናቸውን አቅርበዋል፡፡


የተሻለ ውጤት ለማስመዝገብ በእውቀትም በአመለካከትም ዝግጁ መሆን እንደሚጠበቅ ተጠቆመ፡፡

የተሻለ ውጤት ለማስመዝገብ በእውቀትም በአመለካከትም ዝግጁ መሆን እንደሚጠበቅ ተጠቆመ፡፡

የሲቪል ማህበረሰብ ድርጅቶች ባለስልጣን በቢሾፍቱ ከተማ ለተቋሙ ባለሙያዎች ተከታታይ ስልጠናዎችን በመስጠት ላይ ይገኛል፡፡ ስልጠናዎቹ ትኩረት ያደረጉት በቡድን ስራ፣ በስራ አመራር፣ የስራ ግንኙነት እና ከጥቃት ጥበቃ እንዲሁም አዋጅ ቁጥር 1113/11 መሰረት አድርገው በወጡ መመሪያዎች (team building, leadership, communication, safeguarding, directives) ዙሪያ ነው፡፡ በእለቱ የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ ለሰልጣኝ ባለሙያዎች ባስተላለፉት መልዕክት ሁለተኛው ተቋማዊ ሪፎርም ከተጀመረ ወዲህ አሰራርን ከመዘርጋት ባለፈ የበለጠ አቅምን ሊገነቡ የሚችሉ ስልጠናዎች እየተሰጡ መሆኑን አንስተው በዚህም አበረታታች ውጤት እየተመዘገበ እንደሆነ መረዳት መቻሉን ጠቅሰዋል፡፡
የሲቪል ማህበረሰብ ድርጅቶች ባለስልጣንን ተቋማዊ ሪፎርም ውጤታማ ለማድረግ ስልጠናዎቹ መዘጋጀታቸውን ያነሱት ምክትል ዋና ዳይሬክተሩ የተሻለ ውጤት ለማስመዝገብ የተቋሙ ባለሙያዎች በእውቀትም በአመለካከትም ዝግጁ መሆን እንደሚጠበቅባቸው አንስተው ለዚህም ዝግጁነት ይህ ስልጠና በእጅጉ የሚጠቅም መሆኑን አንስተዋል፡፡ አክለውም ባለስልጣን መስሪያ ቤቱ በሚሰጣቸው ስልጠናዎች የራስን አቅም በመገንባት ለተቋም ለውጥ አስተዋጽዖ በማድረግ የተግባር ሰው መሆን የሚጠበቅ መሆኑን አንስተዋል፡፡ የሲቪል ማህበረሰብ ድርጅቶች ባለስልጣን በቅርቡ መዋቅራዊ አደረጃጀት በመስራት ወደ ሁለተኛው የሪፎርም ስራ ከገባ በኋላ ስኬታማ ውጤት ለማስመዝገብ በየደረጃው ለሚገኙ የተቋሙ አመራሮችና ባለሙያዎች በርካታ የአቅም ግንባታ ስልጠናዎች በመስጠት ላይ ይገኛል፡፡


በባለስልጣን መስርያቤቱ የሚሰጡ የግንዛቤ ማስጨበጫ ስልጠናዎች በማህበረሰቡ ስም የሚገኙ ሀብቶችን በተገቢው መንገድ እንድንጠቀም ያስችለናል ተባለ ፡፡

የሲቪል ማህበ ረሰብ ድርጅቶች ባለስልጣን ከሲቪል ማህበረሰብ ድርጅቶች ፎረም ጋር በመተባበር ለአዲስ አበባ ከተማ አስተዳደር ስር ላሉት የፋይናንስ ተቋማት ሃላፊዎችና የሲቪል ማህበረሰብ ድርጅቶች ሃላፊዎች በአዳማ ከተማ አዋጅ 1113/2011እና አዋጁን ተከትሎ በወጣው 6 መመርያዎች ላይ የግንዛቤ ማስጨበጫ ስልጠና እየሰጠ ይገኛል ፡፡
የሲቪል ማህበረሰብ ድርጅቶች ፎረም ዋና ስራ አስኪያጅ አቶ ተረፈ ደጌቲ እንደተናገሩት ይህ ስልጠና የፋይናንስ ተቋማት እና ለሲቪል ማህበረሰብ ድርጅቶች በጋራ በአዋጁና በመመርያዎቹ ላይ የግንዛቤ ማስጨበጫ ስልጠና መሰጠቱ ፋይዳው የጎላ መሆኑን በመናገር ሁለቱም በጋራ ለማህበረሰቡ እንደመስራታቸው ያላቸውን ጥያቄዎች በጋራ ለመመለስ እና በአዋጁና መመርያው ላይ የጋራ ግንዛቤ እንዲኖራቸው ያስችላል ብለዋል ፡፡
የአዲስ አበባ ከተማ አስተዳደር ፋይናንስ ቢሮ የሲቪል ማህበረሰብ ድርጅቶች ክትትልና ግምገማ ዳይሬክቶሬት ዳይሬክተር አቶ ሱሲ ፍርደሳ በበኩላቸው ይህ ዛሬ የምንወስደው ስልጠና አዋጁንና መመርያዎችን በተገቢው መንገድ ተረድተን የሲቪል ማህበረሰብ ድርጅቶችን ለመደገፍ፣ ክትትል ለማድረግ እና በማህበረሰቡ ስም የሚመጣውንም ሃብት በተገቢው አገልግሎት ላይ መዋሉን ለማረጋገጥ ዕድል ይፈጥርልናል ብለዋል ፡፡

አክለውም በስልጠናው የተሳተፋችሁ የስራ ሃላፊዎችና የሲቪል ማህበረሰብ ድርጅቶች ወደተቋማችሁ ስትመለሱ በስራችሁ ላሉት ባለሞያዎች አዋጁንና መመርያዎቹን በተገቢው በማስገንዘብ የሚጠበቀውን ውጤት ማምጣት ይኖርባችዋል በማለት መልዕክታቸውን አስተላልፈዋል ፡፡
አቶ ተሾመ ወርቁ እና አቶ ዳንኤል ግዛው በአዋጅ 1113/2011ን ጨምሮ በአስተዳደራዊ ወጪን አፈፃፀም መመርያ ቁጥር 847/2014፣የሲቪል ማህበረሰብ ድርጅቶችን ለማስተዳደር የወጣን መመርያ ቁጥር 848/2014፣ለሲቪል ማህበረሰብ ድርጅቶች ሂሳብ አጣሪዎችና ስለንብረት ግዢ ፣ሽያጭ ና አወጋገድ የወጣ መመርያ ቁጥር 850/2014፣የሲቪል ማህበረሰብ ድርጅቶች ገቢ ማስገኛ ስራዎች ላይ ሚሰማሩበት ሁኔታ የወጣ መመርያ ቁጥር 937/2015፣ጥቅም ግጭትን ለማስቀረት የወጣ መመርያ ቁጥር 939/2015 እና ስለድርጅቶች መዋሃድ ፣መከፋፈልና መለወጥ የወጣ መመርያ ቁጥር 936/2014 ላይ መመርያዎቹ ላይ የግንዛቤ ማስጨበጫ ስልጠናው እየሰጡ ይገኛሉ ፡፡


የአባቶቻችንን አደራ በመወጣት አንድነቷንና የዜጎቿን ክብር የተጠበቀ ጠንካራ አገር ለትውልድ ማስተላለፍ እንደሚገባ የሲቪል ማኅበረሰብ ድርጅቶች ባለስልጣን ም/ዋና ዳይሬክተር ገለጹ፡፡

የአባቶቻችንን አደራ በመወጣት አንድነቷንና የዜጎቿን ክብር የተጠበቀ ጠንካራ አገር ለትውልድ ማስተላለፍ እንደሚገባ የሲቪል ማኅበረሰብ ድርጅቶች ባለስልጣን ም/ዋና ዳይሬክተር ገለጹ፡፡

ለ127ኛ ጊዜ የሚከበረው የአደዋ ድል በዓል “ዓደዋ አንድነት፣ ጀግንነትና ጽናት” በሚል መሪ ቃል የሲቪል ማህበረሰብ ድርጅቶች ባለስልጣን ከጥንታዊ አርበኞች ማህበር እና ከኢትዮጵያ ኮሪያ ዘማቾች ማህበር እንዲሁም ከተለያዩ የሲቪል ማህበረሰብ ድርጅቶች ጋር አከበረ፡፡ በበዓሉ ላይ የመክፈቻ ንግግር ያደረጉት የባለስልጣን መስርያ ቤቱ ም/ዋና ዳይሬክተር አቶ ፋሲካው ሞላ እንደተናገሩት ሀገራችን ኢትዮጵያ በታሪክ ሂደት ውስጥ በተለያዩ ዘመናት በርካታ የህልውና ተግዳሮቶች ተደቅነውባት በኢትዮጵያዊያን በተከፈለ መስዋትነት በድል አድራጊነት ተግዳሮቶችን በሙሉ በመሻገር የፀናች ታላቅ አገር መሆኗን ገልፀዋል፡፡ አገራችን በተለያዩ መስኮች የሚያጋጥሟትን ፈታኝ ሁኔታዎች ከሁላችን ለሁላችን በሆነው በደማቁ የጋራችን የአድዋ ድል ትሩፋቶች ውስጥ ሁነን ለሁላችንም ምቹ የሆነች ፣ የለማች ዴሞክራሲያዊትና ሰላሟ የተጠበቀ አገር የመገንባትና ለመጪው ትውልድ የማስተላለፍ በአደዋ ጦርነት መስዋትነት የከፈሉ አባቶቻችን አደራ አለብን ሲሉ ም/ዋና ዳይሬክተሩ አንስተዋል፡፡
የሲቪል ማህበረሰብ ድርጅቶች የአደዋ ድል በኢትዮጵያ በአፍሪካ እንዲሁም በአለም አቀፍ ደረጃ በተገቢው መንገድ እንዲከበር የማድረግ እና የአድዋ ትሩፋቶችን በመጠቀም ትውልድ የመገንባት ሃላፊነት እንዳለባቸው በመግለጽ ፈታኝ አገራዊ ችግሮቻችን በዘላቂነት ተፈተው የለማች ዴሞክራሲያዊት እና ሰላሟ የተጠበቀ አገር በመገንባት ሂደት ላይ በንቃት እንዲንቀሳቀሱ በባለስልጣን መስረሪያ ቤቱ ስም ጥሪያቸውን አስተላልፈዋል፡፡ ከደማቁ የአድዋ ድል አገራዊ አንድነትን፣ልዩነታችን ጥንካሬያችን መሆኑን፣አብሮነትን፣ሀገር ወዳድነትን፤ከራስ ጥቅም በፊት የአገርን ጥቅም ማስቀደምን፣ጀግንነትን፣ጽናትን፣የአስተሳሰብ ልዕልናን፣በድል አለመታበይን፣የአመራር ጥበብን እንዲሁም ለጋራ ስኬት በጋራ መሰለፍን ልንማር እና በአሁኑ ወቅት በግል ህይወታችንና በተቋም እንቅስቃሴያችን ልንተገብረው የሚገባ መሆኑን ማስመር ይገባል ሲሉ ተናግረዋል፡፡
በመጨረሻም ለእኛ ለኢትዮጵያውያን የአደዋ ድል የማይጠፋ አርማችን፣ የማያረጅ ጌጣችን፣ ከሩቅ የሚታይ ምልክታችን ፣ ዓለም የሰማው ድምጻችን፣ የተባበረ ክንዳችን እና ከፍ ያለ ክብራችን ነው ሲሉ በማንሳት በዓለም አደባባይ በኩራትና በአሸናፊነት ስሜት እንድንቆም መስዋት የሆኑ አባቶቻችንና እናቶቻችን ዘላለማዊ ክብር ይገባቸዋል ሲሉ ገልጸዋል፡፡ ኮነሬል እስጢፋኖስ ገ/መስቀል የኢትዮጵያ ኮርያ ዘማቾች ማህበር ፕሬዝዳንት የአድዋ ድል በዓልን ምክንያት በማድረግ አጠቃላይ ያለፉበትን የድል ታሪክ ለታዳሚው አጋርተዋል፡፡ አቶ ተስፋዬ ሽፈራው የሲቪል ማህበረሰብ ድርጅቶች ባለስልጣን የስራ አመራር ዋና ስራ አስፈጻሚ ለዕለቱ የተዘጋጀውን ሰነድ አቅርበው ውይይት ተደርጎበታል፡፡