ባለስልጣን መስሪያ ቤቱ በኦሮሚያ ብሄራዊ ክልላዊ መንግስት በጅማ ዞን ለሚገኙ የመንግስት መስሪያ ቤቶችና በዞኑ ለሚሰሩ የሲቪል ማህበረሰብ ድርጀቶች በመመሪያዎች ላይ የግንዛቤ ማስጨበጫ ስልጠና ሰጠ፡፡


ባለስልጣን መስሪያ ቤቱ በኦሮሚያ ብሄራዊ ክልላዊ መንግስት በጅማ ዞን ለሚገኙ የመንግስት መስሪያ ቤቶችና በዞኑ ለሚሰሩ የሲቪል ማህበረሰብ ድርጀቶች በመመሪያዎች ላይ የግንዛቤ ማስጨበጫ ስልጠና ሰጠ፡፡
የሲቪል ማህበረሰብ ድርጅቶች ባለስልጣን በአዋጅ 1113/2011 በተሰጠው ስልጣን መሰረት መመሪያዎችን አዘጋጅቶ ለሁሉም ክልሎችና ከተማ አስተዳደሮች እንዲሁም በዞን ደረጃ ስልጠናዎችን እየሰጠ ይገኛል ፡፡
በጅማ ዞን ለሚገኙ የመንግስት ተቋማትና ለሲቪል ማህበረሰብ ድርጅቶች በወጡ ስምንት መመሪያዎች ላይ በጅማ ከተማ እየተሰጠ ይገኛል፡፡
በስልጠናው ላይ የተገኙት የጅማ ዞን አስተዳደር ጽ/ቤት ሀላፊ አቶ ሚፍታ አብድልቃድር እንዳሉት ባለስልጣን መስሪያ ቤቱ ያወጣቸውን መመሪያዎች ወደ ዞኖች አውርዶ መስጠቱ ጠቀሜታው የጎላ መሆኑን አንስተው ዞኑ የስልጠናው እድል ተጠቃሚ በመሆኑ አመስግነዋል፡፡
ሀላፊው አያይዘውም በጅማ ዞን የሚገኙ የሲቪል ማህበረሰብ ድርጅቶች ከክልሉ መንግስት እና ከዞኑ ጋር የልማት ስራዎች በቅንጅት እየሰሩ መሆኑን በመግለጽ በአሁን ወቅት በአገራችን እየተሰሩ ያሉት የልማት ስራዎች በመንግስት ብቻ የሚሸፈኑ ባለመሆናቸው የሲቪል ማህበረሰብ ድርጅቶች በልማት ስራዎች ላይ የሚታዩ ክፍተቶች በመሙላት ትልቅ አስተዋጽኦ እያደረጉ መሆኑን አብራርተዋል፡፡
በጅማ ዞን እየተንቀሳቀሱ የሚገኙ የሲቪል ማህበረሰብ ድርጅቶች 14 የውጭ ድርጅቶች እና 18 አገር በቀል ድርጅቶች ሲሆኑ 53 ፕሮጀክቶች ተቀርፀው እየተተገበሩ ይገኛሉ፡፡
ስልጠናው በባለስልጣን መስሪያ ቤቱ የሲቪል ማህበረሰብ ድርጅቶች ክትትል፣ግምገማና ምርመራ መሪ ስራ አስፈጻሚ አቶ ተሾመ ወርቁ እና የፕሮጀክት አስተዳደርና ሀብት ማፈላለግ ዴስክ ሀላፊ አቶ እድሪስ የሱፍ እየተሰጠ ይገኛል፡፡
የሲቪል ማህበረሰብ ድርጅቶች ባለስልጣን አዋጅ ቁጥር 1113/2011 መሰረት አድርገው በወጡ መመርያዎች ዙሪያ የሚሰጠው ስልጠና በሁሉም ክልሎች እና የክልል ዞኖች አጠናክሮ ቀጥሏል ፡፡




የሲቪል ማህበረሰብ ድርጅቶች ባለስልጣን አዋጅ ቁጥር 1113/2011 መሰረት አድርገው በወጡ መመርያዎች ዙሪያ የሚሰጠው ስልጠና በሁሉም ክልሎች እና የክልል ዞኖች አጠናክሮ ቀጥሏል ፡፡
የሲቪል ማህበረሰብ ድርጅቶች ባለስልጣን በኮምቦልቻ እና በሻሸመኔ ከተማ እና አከባቢው ለሚገኙ የመንግስት ባለድርሻ አካላት እና በአከባቢው ለሚንቀሳቀሱ ድርጅቶች ስልጠና እየሰጠ ይገኛል፡፡ የሲቪል ማህበረሰብ ድርጅቶች ባለስልጣን ከአማራ ክልል ገንዘብ ቢሮ ጋር በመተባበር በጸደቁ ስድስት መመሪያዎች ዙሪያ ለዞን መምሪያ ኃላፊዎችና ለሲቪል ማህበረሰብ ድርጅቶች በኮምቦልቻ ከተማ ስልጠና የተሰጠ ሲሆን በተመሳሳይ መልኩ በምዕራብ አርሲ ዞን ሻሸመኔ ከተማ በዞኑ ለሚንቀሳቀሱ የሲቪል ማህበረሰብ ድርጅቶች እንዲሁም በዞኑ ለሚገኙ የመንግስት ባለድርሻ አካላት ከኦሮሚያ ገንዘብ ቢሮ ጋር በመተባበር ስልጠናው ተሰጥቷል፡፡
በኮምቦልቻ ከተማ በተሰጠው ስልጠና ላይ የተገኙት የአማራ ክልል ገንዘብ ቢሮ ምክትል ኃላፊ ዶ/ር ደመቀ ቦሩ ስልጠናው ሲታሰብ በክልል ደረጃ እንዲደረግ የታሰበ ቢሆንም በዞን ደረጃ ስልጠናው እንዲሰጥና እስከታችኛው መዋቅር ድረስ ስለመመሪያዎቹ ግንዛቤ እንዲፈጠር ባለስልጣን መስሪያ ቤቱ ላደረገው ቀና ትብብር ምስጋናቸውን አቅርበው በቅንጅትና በህብረት መስራት እንደዚህ አይነት እድሎችን እንደሚፈጥር አንስተዋል፡፡
ደሴ፣ ኮምቦልቻና ደቡብ ወሎ በመቀናጀታቸው የተሻለ አፈጻጸም አይተናል ያሉት ምክትል ቢሮ ኃላፊው በክልል ደረጃ በርካታ የሲቪል ማህበረሰብ ድርጅቶች እንዲኖሩንና ፕሮጀክቶች እንዲሰፉ እንፈልጋለን ያሉ ሲሆን ለዚህ ደግሞ የክልሉ ገንዘብ ቢሮ አስፈላጊውን ድጋፍ እንደሚያደርግ ጠቁመዋል፡፡ አክለውም የሲቪል ማህበረሰብ ድርጅቶች ችግሮችን የሚፈቱ ጉድለቶችን የሚሞሉ አጋዦች በመሆናቸው እስካሁን የነበረውን የተዛባ እሳቤ ማውጣት አለብን ያሉ ሲሆን እንደ አመራር የሚገጥማቸውን ተቋማዊም ሆነ የህግና የአሰራር ችግር ሊቀረፍላቸው እንደሚገባ አንስተው ወደክልሉ የሚመጡ ሀብቶችን በአግባቡ መጠቀም እንደሚገባም አንስተዋል፡፡
የሲቪል ማህበረሰብ ድርጅቶች ባለስልጣን ፈንድ አስተዳደር እና የሲ.ማ.ድ ንብረት ጉዳዮች መሪ ስራ አስፈጻሚ አቶ ኃይለማሪያም አየለ በበኩላቸው የማህበረሰቡን የላቀ ተጠቃሚነት ማረጋገጥ የምንችለው ለማህበረሰቡ ችግር ቅድሚያ በመስጠት፣ ልማቱን ሊያፋጥን፣ ችግሮቹን ሊፈታ በሚችል መልኩ ከመንግስት አሰራር ጋር በማስተሳሰር መስራት ሲቻል መሆኑን አንስተው መመሪያዎቹ የተዘጋጁትም በአሰራር ሂደት የሚገጥሙ ችግሮችን ለመፍታት በማለም መሆኑን ገልጸዋል፡፡
በኦሮሚያ ክልል ምዕራብ አርሲ ዞን ሻሻመኔ ከተማ በምዕራብ አርሲ ዞን ለሚገኙ የመንግስት ባለድርሻ አካላት እንዲሁም በዞኑ ለሚንቀሳቀሱ የሲቪል ማህበረሰብ ድርጅቶች በተሰጠው ተመሳሳይ ስልጠና ላይ የተገኙት በኦሮሚያ ክልል ፋይናንስ ቢሮ የሲቪል ማህበረሰብ ድርጅቶች ዘርፍ ዳይሬክተር አቶ ፍቃዱ ዴቢሳ በሃገራችን የሲቪል ማህበረሰብ ድርጅቶች ለረጅም ዓመታት እንቅስቃሴ ሲያደርጉ እንደነበር አስታውሰው አዋጅ ቁጥር 621/2001 የህብረተሰቡን የመደራጀት መብትን የሚገድብ ስለነበር በልማቱና በዲሞክራሲ ስርዓት ግንባታ ላይ የሚጠበቀውን ውጤት ማምጣት አዳጋች እንደነበር ተናግረዋል ፡፡
ከለውጡ በኋላ መንግስት ቀደም ሲል የነበረውን አዋጅ ሙሉ በሙሉ በማሻሻል የህብረተሰቡን የመደራጀት መብት ክፍት በማድረጉ አገልግሎት አሰጣጥ ላይ ብቻ ሳይሆን በዲሞክራሲ ስርዓት ግንባታ እና መልካም አስተዳደር ላይ ትልቅ አስተዋፅኦ ለማበርከት ችለዋል ብለዋል ፡፡ የሲቪል ማህበረሰብ ድርጅቶች ባለስልጣን በሁሉም ክልሎችና ዞኖች ጭምር በአዲሱ አዋጅ 1113/2011 እና አዋጁን ተከትሎ በወጡ መመርያዎች ላይ የግንዘቤ ማስጨበጫ ስልጠናዎች እየሰጠ መሆኑን ያነሱት አቶ ፍቃዱ እንደክልል ከዚህ ቀደም የሲቪል ማህበረሰብ ድርጅቶች በሚበዙበትና ጥሩ እንቅስቃሴ ያለበትን ዞን በመለየት ለሁለት ዙር በአዋጁና እሱን ተከትለው በወጡ መመርያዎች ላይ ስልጠና መሰጠቱን እንዲሁም በቀጣይ የሲቪል ማህበረሰብ ድርጅቶች በብዛት በሚገኙባቸው ዞኖች የሚቀጥል መሆኑን ተናግረዋል፡፡
የሲቪል ማህበረሰብ ድርጅቶች ባለስልጣን ከክልል ገንዘብ ቢሮዎች ጋር በመተባበር አዋጁን ለማስፈጸም የወጡ መመሪያዎችን ከክልል እስከ ዞን ለሚገኙ ባለድርሻ የመንግስት አካላት እንዲሁም በየክልሉ ለሚንቀሳቀሱ የሲቪል ማህበረሰብ ድርጅቶች በቅርበት ስልጠናዎችን እየሰጠ የሚገኝ ሲሆን በቀጣይም ስልጠናው ባልተዳረሰባቸው ክልሎችና ዞኖች መሰጠቱን የሚቀጥል ይሆናል፡፡
በሲቪል ማህበረሰብ ድርጅቶች ዘርፍ የወጡ ህጎች እና መመሪያዎችን በአግባቡ ተረድቶ ተግባራዊ ማድረግ እንደሚገባ ተገለጸ፡፡
በሲቪል ማህበረሰብ ድርጅቶች ዘርፍ የወጡ ህጎች እና መመሪያዎችን በአግባቡ ተረድቶ ተግባራዊ ማድረግ እንደሚገባ ተገለጸ፡፡
የሲቪል ማህበረሰብ ድርጅቶች አዋጅና አዋጁን መሰረት አድርጎ የተዘጋጁ መመሪያዎች ላይ ለማዕከላዊ ጎንደር ዞን የሚመለከታቸው የመንግስት የስራ ሃላፊዎችና ድርጅቶች የግንዛቤ ማስጨበጫ መድረክ ተዘጋጀ፡፡ የባለስልጣን መስሪያቤቱ ም/ዋና ዳይሬክተር አቶ ፋሲካው ሞላ በስልጠናው የመክፈቻ ንግግር ሲያደርጉ እንደገለጹት በባለፉት የሪፎርም ግዚያት ለውጥ ከተደረገባቸው ተቋማት መካከል የሲቪል ማህበረሰብ ድርጅቶች መሆኑን አንስተው በተለይም ዘርፉ ይተዳደርበት የነበረው አዋጅ 621/2001 ተሽሮ 1113/2011 ተግባራዊ አንዲሆን ተደርጓል ብለዋል፡፡
ህጉ ሲሻሻል የሲቪል ማህበረሰብ ድርጅቶች ለልማት፣ለዲሞክራሲ ስርዓት ግንባታ እና ለሃገረመንግስት ግንባታው የበኩላቸውን ሚና ይጫወታሉ በሚል መሆኑን የገለጹት ሃላፊው ህግን መሰረት ያደረገ እና የህዝብን ሞራል ተቃራኒ ባልሆኑ ጉዳዬች ሁሉ በመሰማራት የማህበረሰቡን የላቀ ተጠቃሚነት ለማረጋገጥ መስራት እደሚቻል አንስተዋል፡፡ ይህንን ተግባራዊ ለማድረግ በባለፉት አራት ዓመታት ከተገልጋይ እርካታ አንጻር፣አገልግሎት አሰጣጡ ዘመናዊ ከማድረግ አንጻር፣ከክልሎች ጋር ያለው ቅንጅታዊ የአሰራር ስርዓትን ከማጎልበት አንጻር በርካታ ስራዎች መከናወኑን አብራርተዋል፡፡
ዘርፉ የተሻለ አፈጻጸም እንዲኖረው ባለድርሻ አካላት ህጎችን በአግባቡ መረዳትና ተግባራዊ ማድረግ፣የሲቪል ማህበረሰብ ድርጅቶች ያላቸውን እውቀትና ክህሎት በአግባቡ መጠቀም እና ቅንጅታዊ የአሰራር ስርዓትን በማጎልበት የማህበረሰቡን የላቀ ተጠቃሚነት ማረጋገጥ ያስፈልጋል ብለዋል፡፡ በዛሬው ዕለትም የሪፎርሙ አካል የሆኑ ዝርዝር የተዘጋጁ መመሪያዎች ላይ ስልጠና እየተሰጠ መሆኑን ገልጸው አስፈጻሚ አካላት ህጉን በአግባቡ በመረዳታቸው እና መመሪያው በዝርዝር መዘጋጀቱ የዳበረ የሲቪል ማህበረሰብ ድርጅቶች ዘርፍ ለመፍጠር፣ በህግ ለመመራት እና ተፈጻሚ ለማድረግ ብሎም የሲቪል ማህረሰብ ድርጅቶች በዕለት ተዕለት ስራቸው የሚያጋጥማቸውን ችግር ለመፍታት ያስችላል ብለዋል፡፡
ወ/ሮ ሰላማዊት ነጋ የማዕከላዊ ጎንደር የገንዘብ መምሪያ ም/ሃላፊ የእንኳን ደህና መጣችሁ ንግግር በማድረግ የሲቪል ማህበረሰብ ድርጅቶች ባለስልጣን ህጎችን በአግባቡ አውቀን ተግባራዊ ማድረግ እንዲያስችለን እንዲህ አይነት ስልጠና ማዘጋጀቱን አመስግነዋል፡፡

በኦሮሚያ ክልል ድርቅ በተከሰተባቸው አከባቢዎች ድጋፍ ለማድረግ የገቢ ማሰባሰቢያ መርሃ ግብር ተካሄደ፡፡


በኦሮሚያ ክልል ድርቅ በተከሰተባቸው አከባቢዎች ድጋፍ ለማድረግ የገቢ ማሰባሰቢያ መርሃ ግብር ተካሄደ፡፡
የሲቪል ማህበረሰብ ድርጅቶች ባለስልጣን ከኦሮሚያ ክልል ፋይናንስ ቢሮ ጋር በመተባበር በድርቅ ለተጎዱ የማህበረሰብ ክፍሎች የሰብዓዊ ድጋፍ ማሰባሰቢያ መርሃ ግብር ያካሄደ ሲሆን በመርሃግብሩ በኦሮሚያ ክልል ፕሮጀክቶችን የሚያንቀሳቅሱ በርካታ የሲቪል ማህበረሰብ ድርጅቶች ተሳታፊ ሆነዋል፡፡ በመድረኩ ላይ የመክፈቻ ንግግር ያደረጉት የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ በንግግራቸው በሶማሌ እና በኦሮሚያ ክልል የተወሰኑ አካባቢዎች የበርካታ ዜጎች ሕይወት እየቀጠፈ ያለ ድርቅ መኖሩን አንስተው ለዚህ የዜጎችን ነፍስ አድን ስራ መልስ መስጠት እንደሚያስፈልግ ጠቁመዋል፡፡ የመድረኩ ዓላማም ለዚህ የነፍስ አድን ጥሪ ምላሽ ለመስጠት ነው ያሉት ዋና ዳይሬክተሩ የሲቪል ማህበረሰብ ድርጅቶችም ለዚህ የነፍስ አድን ስራ ምላሽ እንድትሰጡ አደራ እላለሁ ብለዋል፡፡
በጸደቁ መመሪያዎች ዙሪያ ለተቋሙ የማኔጅመንት አባላት እና ቡድን መሪዎች ስልጠና እየተሰጠ ይገኛል፡፡
በጸደቁ መመሪያዎች ዙሪያ ለተቋሙ የማኔጅመንት አባላት እና ቡድን መሪዎች ስልጠና እየተሰጠ ይገኛል፡፡
የባለስልጣን መስሪያቤቱ ዋና ዳይሬክተር አቶ ጂማ ዲልቦ በስልጠናው ላይ ባስተላለፉት መልዕክት በሪፎርም ሂደቱ ውጤታማ ለመሆን ለተቋሙ አመራርና ሰራተኞች በርካታ ስልጠና መሰጠቱን አንስተው እውቀት በየግዜው የሚሻሻልና የሚያድግ በመሆኑ ሁልግዜ ስልጠና መውሰድ፣ማንበብ እና እራስን ማብቃት (update ) ማድረግ ያስፈልጋል ሲሉ መልዕክት አስተላልፈዋል፡፡ ተቋሙ በመጀመሪያው የሪፎርም ምዕራፍ በብዙ ውጣ ውረድ ውስጥ በማለፍ ውጤታማ ስራ ማከናወኑን አስታውሰው በአዲስ መነሳሳት የተጀመረው ሁለተኛው ተቋማዊ ሪፎርም እውቀትን መሰረት ያደረገ እና ዘመናዊ ቴክኖሎጂን የሚጠቀም ተቋም መገንባት ላይ ትኩረት አድርጎ ይሰራል ብለዋል፡፡ ያለእውቀት የሚከናወን ተግባር ውጤታማ አያደርግም ያሉት ዋና ዳይሬክተሩ ሁሉም በሚሰራበት ስራ ዘርፍ ህጎችን፣መመሪያዎችን፣ ደንቦችን ማስተር ማድረግ እና እውቀትን መሰረት ያደረገ አገልግሎት መስጠት ይኖርበታል ሲሉ ገልጸዋል፡፡ ከዚህ ጋር በተያያዘም እደተቋም አንዱ የተሰጠን ተግባርና ሃላፊነት ድርጅቶች የሚሰሯቸውን ስራዎች ከመንግስት ፖሊሲ ጋር የተጣጣሙ እንዲሆን ማድረግ ሲሆን ይህንን ለማስፈጻም ተቋሙ የተቋቋመበትን አዋጅ እና የወጡ መመሪያዎችን በአግባቡ ጠንቅቆ ማወቅ ያስፈልጋል ብለዋል፡፡




በፌደራል ደረጃ የተዘጋጀው የመንግስትና የሲቪል ማኅበረሰብ ድርጅቶች የጋራ ጉባዔ በመካሄድ ላይ ይገኛል፡፡




በፌደራል ደረጃ የተዘጋጀው የመንግስትና የሲቪል ማኅበረሰብ ድርጅቶች የጋራ ጉባዔ በመካሄድ ላይ ይገኛል፡፡
የሲቪል ማኅበረሰብ ድጅቶች ባለስልጣን ከሲቪል ማ ኅበረሰብ ድርጅቶች ምክር ቤት እና ከሲቪል ማኅበረሰብ ድርጅቶች ፎረም ጋር በመተባበር በፌደራል ደረጃ የመንግስትና የሲቪል ማህበረሰብ ድርጅቶች የጋራ ጉባዔ በማካሄድ ላይ ይገኛል፡፡
በጋራ ጉባዔው ላይ ከፍተኛ የመንግስት ኃላፊዎችና የሲቪል ማህበረሰብ ድርጅቶች ተወካዮች ተሳተፊ ሆነዋል፡፡
የፍትህ ሚንስቴር ሚኒስትር ደኤታ አቶ ፍቃዱ ጸጋ ባደረጉት የመክፈቻ ንግግር በሀገራችን ያለው ሀብት ውስን በመሆኑ የሲቪል ማኅበረሰብ ድርጅቶች በዚህ ረገድ የማይተካ ሚና እንዳላቸው በመገንዘብ አገልግሎታቸው የተሳለጠ እንዲሆን በክልል ደረጃ የሲቪል ማህበረሰብ ድርጅቶች የጋራ መድረክ ተመስርቶ ላለፉት ዓመታት የማህበረሰቡን ተጠቃሚነት ከማጎልበት አንጻር ሲያሳልጥ መቆየቱ አንስተዋል፡፡
አክለውም መድረኩ ይህንን ትብብር ወደላቀ ደረጃ የሚያደርስ፣ በውስን የሰው ሃይል እና የፋይናንስ አቅም ያለውን አስተባብሮ የሚያሰራ ፣ያለውን ውስን ሀብት በተናጠል ከመስራት ይልቅ ለጋራ ዓላማ በተገናዘበ መንገድ በትብብር ለመስራት ትልቅ ሚና እንዳለው ገልጸው በተለይም የሲቪል ማህበረሰብ ድርጅቶች ውስጥ የዜጎችን ጥቅም ለማረጋገጥ ከፌደራል መንግስት ተቋማት ጋር በመተባበር በመስራት የማይተካ ሚናችሁን እንደምትወጡ እና ከዚህ መድረክ ምስረታ በኋላ ወቅታዊ ግንኙነቶችን በማድረግ የዜጎችን ተጠቃሚነት ወደላቀ ደረጃ እንደምታደርሱ እምነቴ ነው ሲሉ ተናግረዋል፡፡ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ በበኩላቸው የመድረኩ ዓላማ በፌዴራል መንግስቱ የሚመለከታቸው አካላትና በሲቪል ማህበረሰብ ድርጅቶች መካከል ያለውን ግንኙነትና ትብብር በማጠናከር በዘርፉ ያለውን ጠንካራና ደካማ ጎን በመለየት የሚመለከታቸው መንግስታዊ አካላት ከዘርፉ ጋር በቅርበት በመሥራት የሀገራችንን ብልጽግና በማፋጠን ውስጥ ዘርፉ ሊጫወት የሚገባውን ሚና እንዲጫወት ማድረግ የመድረኩ አላማ መሆኑን አንስተው የመንግስትና የሲቪል ማህበረሰብ ድርጅቶች የጋራ መድረክ በክልሎች የተለመደና በተለይም በባለፉት አመታት እየተጠናከረ የመጣና ውጤት እያስመዘገበ ያለ ፎረም መሆኑን አንስተዋል፡፡
የምክክር መድረኩ በፌዴራል ደረጃ ለማቋቋም ጥረቶች ሲደረጉ ቆይቶ በተለያዩ ምክንያቶች ቢዘገይም አሁን መቋቋሙን ያነሱት ዋና ዳይሬክተሩ ቀደም ሲል የሲቪል ማህበረሰብ ድርጅቶች ባለሥልጣን ከፌዴራልና ከክልል አስፈጻሚ አካላት ጋር ጠንካራ ቅንጅታዊ አሰራር በመዘርጋት ውጤታማ ሥራዎች በማከናወን ላይ እንደሚገኝ እና አሁን በፌዴራል ደረጃ የሚመሰረተው መድረክም ዘርፉን ውጤታማ በሆነ ሁኔታ ለመምራት እንደሚያስችል ገልጸዋል፡፡ የኢትዮጵያ የሲቪል ማኅበረሰብ ድርጅቶች ምክር ቤት ዋና ዳይሬክተር አቶ ሔኖክ መለሰ በበኩላቸው ሃገራችን አሁን የምትገኝበትን አስቸጋሪ የደህንነት ሁኔታ ተሻግራ ዘለቂ ሰላምን እንድታረጋግጥ የሲቪል ማህበረሰብ ድርጅቶች ሚናቸውን ሊያጠናክሩ እና የድርሻቸውን ሊወጡ ይገባል ያሉ ሲሆን በተለይም የዘላቂ ሰላም መሰረቶች አንዲጣሉ፤ ግጭቶችን በሰለጠነ መንገድ እና በውይይት የመፍታት ባህል ስር እንዲሰድ ፤ አካታችነት እና መቻቻል እንዲጠናከር፤ በአጭሩ የሰላም ባህል በሀገራችን እንዲስፋፋ እና የበላይነት እንዲኖረው የሲቪል ማህበረሰብ ድርጅቶች ፕሮጀክቶችን በመቅርፅ መንቀሳቀስ ይኖርባቸዋል ሲሉ መልዕክታቸውን አስተላልፈዋል፡፡
በፌደራል ደረጃ የተዘጋጀው የመንግስትና የሲቪል ማህበረሰብ ድርጅቶች የጋራ ጉባኤ ዛሬ ጥር 30 ቀን 2015 ዓ.ም የተመሰረተ ሲሆን በመድረኩ ላይ የተለያዩ መነሻ ሀሳቦች ቀርበው ውይይት ተደርጎባቸዋል፡፡
የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ በዱብቲ አጠቃላይ ሆስፒታል በመገኘት ኤም ኤስ ኤፍ ቤልጄም እና አምረፍ ሄልዝ አፍሪካ በእናቶችና ህጻናት ጤና እንዲሁም ተላላፊ ባልሆኑና ቲቢን መሰረት አድርገው እየተሰሩ ያሉ ስራዎችን ጎብኝተዋል፡፡

የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ በዱብቲ አጠቃላይ ሆስፒታል በመገኘት ኤም ኤስ ኤፍ ቤልጄም እና አምረፍ ሄልዝ አፍሪካ በእናቶችና ህጻናት ጤና እንዲሁም ተላላፊ ባልሆኑና ቲቢን መሰረት አድርገው እየተሰሩ ያሉ ስራዎችን ጎብኝተዋል፡፡
በጉብኝቱ ላይ ከባለስልጣን መስሪያ ቤቱ ዋና ዳይሬክተር አቶ ጂማ ዲልቦ በተጨማሪ የክልሉ ፋይናንስ እና ኢኮኖሚ ቢሮ ምክትል ሀላፊ አቶ ደረሳ መሀመድ እና የዱብቲ አጠቃላይ ሆስፒታል ስራ አስኪያጅን ጨምሮ የሁለቱም ድርጅቶች ኃላፊዎችና ፕሮጅክት አስተባባሪዎች በጉብኝቱ ተሳታፊ ሆነዋል፡፡ ኤም ኤስ ኤፍ ቤልጄም(MSF Belgium) እና አምረፍ ኸልዝ አፍሪካ በሲቪል ማህበረሰብ ድርጅቶች ባለስልጣን ተመዝግበው እየተንቀሳቀሱ የሚገኙ ሲሆን በአፋር ክልል ዱብቲ አጠቃላይ ሆስፒታል ኤምኤስኤፍ ቤልጀም ከ120 በላይ ሰራተኞችን በመያዝ በወባና ተያያዥ ተላላፊ ባልሆኑ በሽታዎች እንዲሁም የቲቢ ተጠቂዎችን በመርዳት ላይ የሚገኙ ሲሆን አምረፍ ኸልዝ አፍሪካ (Amref health Africa) ደግሞ ለሆስፒታሉ የጤና መሰረተ ልማቶችን ከማሟላት ባለፈ የአንድ ማዕከል (one stop center) በማቋቋም; በሆስፒታሉ ውስጥ አገልግሎት ላይ እንዲውል አድርጓል፡፡
የሲቪል ማህበረሰብ ድርጅቶች ባለስልጣን ከሲቪል ማህበረሰብ ድርጅቶች ፎረም ጋር በመተባበር በክልሉ ለሚንቀሳቀሱና ለዞን የሲቪል ማህበረሰብ ድርጅቶች ዴስክ ሃላፊዎች የሚሰጠው ስልጠና እንደቀጠለ ነው፡፡
የሲቪል ማህበረሰብ ድርጅቶች ባለስልጣን ከሲቪል ማህበረሰብ ድርጅቶች ፎረም ጋር በመተባበር በክልሉ ለሚንቀሳቀሱና ለዞን የሲቪል ማህበረሰብ ድርጅቶች ዴስክ ሃላፊዎች የሚሰጠው ስልጠና እንደቀጠለ ነው፡፡
ስልጠናው በአፋር ብሄራዊ ክልል የተካሄደ ሲሆን በዚህ ስልጠና ላይ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ እንዲሁም የአፋር ብሄራዊ ክልላዊ መንግስት ፋይናንስና ኢኮኖሚ ቢሮ ዘርፍ ምክትል ሃላፊ እንዲሁም የዞን የሲቪል ማህበረሰብ ድርጅቶች ዴስክ ሃላፊዎችና የሲቪል ማህበረሰብ ድርጅቶች ተሳታፊ ሆነዋል፡፡የባለስልጣን መስሪያ ቤቱ ዋና ዳይሬክተር አቶ ጂማ ዲልቦ መመሪያዎቹ ሲዘጋጁ ጀምሮ ተግባር ላይ እስኪውሉ ድረስ የሲቪል ማህበረሰብ ድርጅቶች ንቁ ተሳታፊ እንዲሆኑ እያደረገ እንደሚገኝ አንስተው ይሁንና ድርጅቶች የሚያከናውኗቸው የልማት ስራዎች መንግስት ከሚያወጣቸው የልማት ፖሊሲዎችና እቅዶች ጋር የተጣጣሙ መሆናቸውን የመከታተልና የማረጋገጥ ኃላፊነት የፌደራልና የክልል የሚመለከታቸው አስፈጻሚ አካላት ነው ብለዋል፡፡ዘርፉ በፍጥነት እያደገ የመጣ ዘርፍ መሆኑን ያነሱት ዋና ዳይሬክተሩ አስፈጻሚ አካላት ስለዘርፉ እድገትና የእንቅስቃሴ ሁኔታ በመገምገም የህዝቡን የላቀ ተጠቃሚነት የሚያረጋግጡበትን ስርዓት መዘርጋት ይኖርባቸዋል ያሉ ሲሆን በህዝብ ስም የሚመጣ ማንኛውም ድጋፍ ለህዝብ ጥቅም ብቻ መዋሉን የማረጋገጥ ኃላፊነት የመንግስት ኃላፊነት እንደመሆኑ ይህንንም በኃላፊነት ስሜት መወጣት ያስፈልጋል ሲሉ ገልጸዋል፡፡አክለውም በመድረኩ የቀረቡት መመሪያዎች በህዝብ ስም የሚመጡ ሀብቶች ለህዝብ ጥቅም መዋላቸውን ማረገጋገጥ፤ ድርጅቶች ያላቸውን ሀብት በቁጠባና በጥንቃቄ እንዲጠቀሙ ለማስቻል በውጪ ድጋፍ ላይ የተመሰረተው የሲቪል ማህበረሰብ ድርጅቶች የገቢ ምንጭ ዘርፈ ብዙ እንዲሆንና በተለይም ከሀገር ውስጥ ገቢ ማሰባሰብ እንዲችሉና በጎ ፈቃደኝነትን ለማበረታታት፤ ማህበረሰቡን ማነቃነቅ እና በራሳችን ጥረት ከገባንበት ችግሮች መውጣት የምንችልበትን መንገዶች እንዲቀይሱ የሚያስችሉ መመሪያዎች ናቸው ብለዋል፡፡
ስልጠናው በአፋር ብሄራዊ ክልል የተካሄደ ሲሆን በዚህ ስልጠና ላይ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ እንዲሁም የአፋር ብሄራዊ ክልላዊ መንግስት ፋይናንስና ኢኮኖሚ ቢሮ ዘርፍ ምክትል ሃላፊ እንዲሁም የዞን የሲቪል ማህበረሰብ ድርጅቶች ዴስክ ሃላፊዎችና የሲቪል ማህበረሰብ ድርጅቶች ተሳታፊ ሆነዋል፡፡
የባለስልጣን መስሪያ ቤቱ ዋና ዳይሬክተር አቶ ጂማ ዲልቦ መመሪያዎቹ ሲዘጋጁ ጀምሮ ተግባር ላይ እስኪውሉ ድረስ የሲቪል ማህበረሰብ ድርጅቶች ንቁ ተሳታፊ እንዲሆኑ እያደረገ እንደሚገኝ አንስተው ይሁንና ድርጅቶች የሚያከናውኗቸው የልማት ስራዎች መንግስት ከሚያወጣቸው የልማት ፖሊሲዎችና እቅዶች ጋር የተጣጣሙ መሆናቸውን የመከታተልና የማረጋገጥ ኃላፊነት የፌደራልና የክልል የሚመለከታቸው አስፈጻሚ አካላት ነው ብለዋል፡፡
ዘርፉ በፍጥነት እያደገ የመጣ ዘርፍ መሆኑን ያነሱት ዋና ዳይሬክተሩ አስፈጻሚ አካላት ስለዘርፉ እድገትና የእንቅስቃሴ ሁኔታ በመገምገም የህዝቡን የላቀ ተጠቃሚነት የሚያረጋግጡበትን ስርዓት መዘርጋት ይኖርባቸዋል ያሉ ሲሆን በህዝብ ስም የሚመጣ ማንኛውም ድጋፍ ለህዝብ ጥቅም ብቻ መዋሉን የማረጋገጥ ኃላፊነት የመንግስት ኃላፊነት እንደመሆኑ ይህንንም በኃላፊነት ስሜት መወጣት ያስፈልጋል ሲሉ ገልጸዋል፡፡
አክለውም በመድረኩ የቀረቡት መመሪያዎች በህዝብ ስም የሚመጡ ሀብቶች ለህዝብ ጥቅም መዋላቸውን ማረገጋገጥ፤ ድርጅቶች ያላቸውን ሀብት በቁጠባና በጥንቃቄ እንዲጠቀሙ ለማስቻል በውጪ ድጋፍ ላይ የተመሰረተው የሲቪል ማህበረሰብ ድርጅቶች የገቢ ምንጭ ዘርፈ ብዙ እንዲሆንና በተለይም ከሀገር ውስጥ ገቢ ማሰባሰብ እንዲችሉና በጎ ፈቃደኝነትን ለማበረታታት፤ ማህበረሰቡን ማነቃነቅ እና በራሳችን ጥረት ከገባንበት ችግሮች መውጣት የምንችልበትን መንገዶች እንዲቀይሱ የሚያስችሉ መመሪያዎች ናቸው ብለዋል፡፡
Change the color to match your brand or vision, add your logo, choose the perfect layout, modify menu settings, add animations, add shape dividers, increase engagement with call to action and more.


የአፋር ብሄራዊ ክልላዊ መንግስት ፋይናንስ ቢሮ የኢኮኖሚክ ዘርፍ ምክትል ኃላፊ አቶ ደረሳ መሀመድ በበኩላቸው ዝቅተኛ የሲቪል ማህበረሰብ ድርጅቶች ቁጥር ካሉባቸው ክልሎች አንዱ የአፋር ብሄራዊ ክልል እንደሆነ አንስተው ከፍተኛ የልማት ፍላጎት፣የተጎጂ ማህበረሰብ ቁጥር ከፍተኛ በመሆኑ መንግስት ብቻ የሚያደርገው ጥረት በቂ አይደለም ያሉ ሲሆን ከአጋር አካላት ጋር በትብብር መስራት ይኖርብናል ብለዋል፡፡ አክለውም ክልሉ ፋታ በማይሰጥ ከፍተኛ ግጭት ውስጥ እንደነበር ገልጸው ይህን የሚፈታ ተጨማሪ ፕሮጀክቶችን በመቅረጽ ለህብረተሰባችን ለመድረስ እነዚህ መመሪያዎች እንደሚያግዙ የተናገሩ ሲሆን ለክልሉ ፋይናንስ ቢሮም ድርጅቶች የሚገጥማቸውን ችግሮች ለመቅረፍ መመሪያዎቹ ትልቅ ሚና እንደሚኖራቸው አንስተዋል፡፡ በጸደቁ መመሪያዎች ላይ የሚሰጠው ስልጠና በተለያዩ ክልሎች የተሰጠ ሲሆን በቀጣይም በሲዳማ እና በደቡብ ምዕራብ ክልሎች የሚካሄድ ይሆናል፡፡
የአፋር ብሄራዊ ክልላዊ መንግስት ፋይናንስ ቢሮ የኢኮኖሚክ ዘርፍ ምክትል ኃላፊ አቶ ደረሳ መሀመድ በበኩላቸው ዝቅተኛ የሲቪል ማህበረሰብ ድርጅቶች ቁጥር ካሉባቸው ክልሎች አንዱ የአፋር ብሄራዊ ክልል እንደሆነ አንስተው ከፍተኛ የልማት ፍላጎት፣የተጎጂ ማህበረሰብ ቁጥር ከፍተኛ በመሆኑ መንግስት ብቻ የሚያደርገው ጥረት በቂ አይደለም ያሉ ሲሆን ከአጋር አካላት ጋር በትብብር መስራት ይኖርብናል ብለዋል፡፡ አክለውም ክልሉ ፋታ በማይሰጥ ከፍተኛ ግጭት ውስጥ እንደነበር ገልጸው ይህን የሚፈታ ተጨማሪ ፕሮጀክቶችን በመቅረጽ ለህብረተሰባችን ለመድረስ እነዚህ መመሪያዎች እንደሚያግዙ የተናገሩ ሲሆን ለክልሉ ፋይናንስ ቢሮም ድርጅቶች የሚገጥማቸውን ችግሮች ለመቅረፍ መመሪያዎቹ ትልቅ ሚና እንደሚኖራቸው አንስተዋል፡፡ በጸደቁ መመሪያዎች ላይ የሚሰጠው ስልጠና በተለያዩ ክልሎች የተሰጠ ሲሆን በቀጣይም በሲዳማ እና በደቡብ ምዕራብ ክልሎች የሚካሄድ ይሆናል፡፡
Change the color to match your brand or vision, add your logo, choose the perfect layout, modify menu settings, add animations, add shape dividers, increase engagement with call to action and more.
የሲቪል ማህበረሰብ ድርጅቶች በሰላም፣በዲሞክራሲ፣በሃገረ መንግስት ግንባታ እና ዘላቂ ሰላም ለማምጣት በሚደረግ ጥረት ውስጥ አይነተኛ ሚና እንዳላቸው ተገለጸ፡፡




የሲቪል ማህበረሰብ ድርጅቶች በሰላም፣በዲሞክራሲ፣በሃገረ መንግስት ግንባታ እና ዘላቂ ሰላም ለማምጣት በሚደረግ ጥረት ውስጥ አይነተኛ ሚና እንዳላቸው ተገለጸ፡፡
የመንግስትና የሲቪል ማህበረሰብ ድርጅቶች አጋርነትና ትብብር ለሃገር ግንባታ ያለው ሚና በሚል ርዕስ ሰብዓዊ መብት ላይ ከሚሰሩ የሲቪል ማህበረሰብ ድርጅቶች ጋር ውይይት ተደርጓል፡፡
በመድረኩ የተገኙት የኢፌዴሪ ፌዴሬሽን ምክር ቤት አፈ ጉባኤ አቶ አገኘሁ ተሻገር በመክፈቻ ንግግራው እንደገለጹት ተቋሙ በሃገራዊ ሪፎርም ውስጥ ካለፉ ተቋማት መካከል መሆኑን አንስተው ድርጅቶች የሃገረ መንግስት ግንባታው ላይ የራሳቸውን ሚና እንዲወጡ የሚያስችል መሰረታዊ ስራዎች በባለስልጣን መስሪያቤቱ ተሰርቷል ብለዋል፡፡ መድረኩ ስለፌዴሬሽን ምክርቤቱ ግንዛቤ በመያዝ በጋራ መስራት ስለሚገቡ ጉዳዬች ለመወያየት እድል እንደሚሰጥ ጠቅሰው የሲቪል ማህበረሰብ ድርጅቶች በሰላም ፣በዲሞክራሲ፣በሃገረ መንግስት ግንባታ እና ዘላቂ ሰላም ለማምጣት በሚደረግ ጥረት ውስጥ አይነተኛ ሚና አላቸው ሲሉ ተናግረዋል፡፡
የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ በእንኳን ደህና መጣችሁ ንግግራቸው እንደገለጹት የሲቪል ማህረሰብ ድርጅቶች ዘርፈ ብዙ የእንቅስቃሴ መስክ ያላቸው መሆኑን አንስተው ይኸውም ዜጎችን ከማንኛውም ጥቃት ከመከላከል ጀምሮ ልዩ ድጋፍ ለሚያስፈልጋቸው የህብረተሰብ ክፍሎች በመድረስ እንዲሁም ድምጽ ለሌላቸው ድምጽ በመሆን በሕገ መንግስቱ የተረጋገጡ የዜጎች መብቶች እንዲከበሩ የሙግት ሥራዎችን እንደሚያከናውኑ ገልጸዋል፡፡
የመድረኩን ዓላማ ሲያብራሩ በሕገ መንግስቱ ከፍተኛ የስልጣን አካል ከሆነው ፣ ሕገ መንግስትን የመተርጎምና የህዝብ ለህዝብ ግንኙነትን በማጠናከር ዴሞክራሲ ስር እንዲሰድ የማድረግ ሥልጣን ከተሰጠው እና በህዝቦች እኩልነትና መፈቃቀድ ላይ የተመሰረተ አንድነት እንዲዳብር የማድረግ ሥልጣን ከተሰጠው የፌዴሬሽን ምክር ቤት ጋር የሲቪል ማህበረሰብ ድርጅቶች አብረው ሊሰሩ በሚችሉባቸው ጉዳዮች ላይ ለመመካከርና የጋራ ግንዘቤ በመጨበጥ ተግባራዊ እርምጃዎች ለመውሰድ እንዲቻል ለማድረግ ታስቦ የተዘጋጀ መድረክ መሆኑን አብራርተዋል፡፡ መድረኩ በጠንካራ ሀገረ መንግስት ግንባታ ውስጥ የበኩሉን አስተዋጽኦ አንደሚያበረክት ይታመናል ያሉት ዋና ዳይሬክተሩ የሲቪል ማህበረሰብ ድርጅቶች ባለሥልጣን ከፌዴራልና ከክልል አስፈጻሚ አካላት ጋር ጠንካራ ቅንጅታዊ አሰራር በመዘርጋት ውጤታማ ሥራዎች በማከናወን ለይ ያለ ተቋም እንደመሆኑ መጠን አሁንም ከፌዴሬሽን ምክርቤት ጋር የጀመርነውን ግንኙነት አጠናክረን እንቀጥላለን ብለዋል፡፡
የተቋሙ ም/ዋና ዳይሬክተር አቶ ፋሲካው ሞላ የመንግስትና የሲቪል ማህበረሰብ ድርጅቶች አጋርነትና ትብብር ለሃገር ግንባታ በሚል ርዕስ እንዲሁም አቶ በላይ ወዲሻ የፌዴሬሽን ምክር ቤት ም/ጽ/ቤት ሃላፊ የፌዴሬሽን ምክር ቤት ህገ መንግስታዊ ተልዕኮና የሲቪል ማህበረሰብ ድርጅቶች ሚና በሚል ርዕስ ሰነድ አቅርበው ሰፊ ውይይት ተደርጎበታል፡፡
የውይይት መድረኩ የፌዴሬሽን ምክር ቤት እና የሲቪል ማህበረሰብ ድርጅቶች ባለስልጣን ከኢትዮጵያ ሰላም ኢንስቲቲዩት ጋር በመተባበር የተዘጋጀ ነው፡፡
ለሲቪል ማህበረሰብ ድርጅቶች ባለስልጣን ሰራተኞችና ባለሙያዎች በዓይነ ስውራን ዙሪያ የግንዛቤ ማስጨበጫ መርኃ ግብር ተካሄደ፡፡

ለሲቪል ማህበረሰብ ድርጅቶች ባለስልጣን ሰራተኞችና ባለሙያዎች በዓይነ ስውራን ዙሪያ የግንዛቤ ማስጨበጫ መርኃ ግብር ተካሄደ፡፡
የሲቪል ማህበረሰብ ድርጅቶች ባለስልጣን ከቱጌዘር ኢትዮጵያ ጋር በመተባበር ለተቋሙ ሰራተኞችና ባለሙያዎች ለአይነ ስውራን ስለሚደረግ ድጋፍ የግንዛቤ ማስጨበጫ ፕሮግራም አካሂዷል፡፡ በዚህ በመርኃ ግብር ላይ የባለስልጣን መስሪያ ቤቱን ምክትል ዋና ዳይሬክተርን ጨምሮ ከፍተኛ የስራ ኃላፊዎች ተገኝተዋል፡፡ የሲቪል ማህበረሰብ ድርጅቶች ባለስልጣን ም/ዋና ዳይሬክተር አቶ ፋሲካው ሞላ ባደረጉት ንግግር ባለስልጣን መስሪያ ቤቱ በደረገው የመዋቅር ለውጥ አካል ጉዳተኞች በተለየ ሁኔታ ተጠቃሚ የሚሆኑበትን አሰራር እንደዘረጋ አንስተዋል፡፡ አያይዘውም ይህ ፕሮግራም የተዘጋጀው አካል ጉዳተኞች በተለይም አይነስውራን የሚገጥማቸው ችግር ምን ያህል ትልቅ እንደሆነና ስሜታቸውን እንድንጋራ እንዲሁም በያለንበት የሃላፊነት ደረጃ መወጣት ያለብንን ግዴታ እንድንገነዘብ የሚያደርግ ነው ብለዋል፡፡
የቱጌዘር ኢትዮጵያ ስራስፈጻሚ የሆኑት አቶ ብርሃኑ ተስፋዬ ለዓይነ ስውራን የተለያዩ ድጋፎችን ለማድረግና በዓይነ ስውርነት ዙሪያ ግንዛቤ ለመፍጠር በፈረንጆቹ አቆጣጠር በ2013 የተቋቋመ መሆኑን አንስተው እስካሁንም በርካታ ስራዎችን ሲሰራ መቆየቱን አንስተዋል፡፡ በመርኃ ግብሩ ላይ ውይይት እና የጨለማ ሂወት ምን እንደሚመስል የሚያሳይ ዝግጅት የቀረበ ሲሆን የህይወት ተመክሮ ቀርቧል::












