የሲቪል ማህበረሰብ ድርጅቶች ባለስልጣን በጸደቁ አራት መመሪያዎች ላይ ለሚመለከታቸው የመንግስት አካላትና ለሲቪል ማህበረሰብ ድርጅቶች ስልጠና መስጠቱን ቀጥሏል ፡፡

የሲቪል ማህበረሰብ ድርጅቶች ባለስልጣን በጸደቁ አራት መመሪያዎች ላይ ለሚመለከታቸው የመንግስት አካላትና ለሲቪል ማህበረሰብ ድርጅቶች ስልጠና መስጠቱን ቀጥሏል ፡፡

የሲቪል ማህበረሰብ ድርጅቶች ባለስልጣን በጸደቁ አራት መመሪያዎች ላይ ለሚመለከታቸው የመንግስት አካላትና ለሲቪል ማህበረሰብ ድርጅቶች ስልጠና መስጠቱን ቀጥሏል ፡፡ ባለስልጣን መስሪያቤቱ ከሲቪል ማህበረሰብ ድርጅቶች ፎረም ጋር በጋራ በመሆን በሁሉም ክልሎች በጸደቁ መመሪያዎች ላይ ሰልጠና እየሰጠ ይገኛል፡፡ ከዚሁ ጋር በተያያዘ በጋምቤላ ክልል የሚመለከታቸው የመንግስት ባለድርሻ አካላት እና በክልሉ ለሚንቀሳቀሱ የሲቪል ማህበረሰብ ድርጅቶች ስልጠናው ተሰጥቷል፡፡


በደቡብ ብሔር ብሔረሰቦች ህዝቦች ክልላዊ መንግስት የተዘጋጀው የሲቪል ማህበረሰብ ድርጅቶች ረቂቅ አዋጅ ላይ ግብዓት የማሰባሰቢያ መድረክ ተዘጋጀ፡፡

በደቡብ ብሔር ብሔረሰቦች ህዝቦች ክልላዊ መንግስት የተዘጋጀው የሲቪል ማህበረሰብ ድርጅቶች ረቂቅ አዋጅ ላይ ግብዓት የማሰባሰቢያ መድረክ ተዘጋጀ፡፡

በመድረኩ የእንኳን ደህና መጣችሁ ንግግር ያስተላለፉት የክልሉ ፋይናንስ ቢሮ ሃላፊ አቶ ተፈሪ አባተ እንደገለጹት 90 ፐርሰንት በሚባል ደረጃ ረቂቅ ህጉ የክልሉን አደረጃጀት ተከትሎ ከፌደራሉ የሲቪል ማህበረሰብ ድርጅቶች ህግ የተወሰደ መሆኑን አንስተዋል፡፡ ይህንንም ህግ ለማዳበር በርካታ የውይይት መድረኮች መካሄዳቸውን በማንሳት የዛሬውም የግብዓት ማሰባሰቢያ መድረክ የበለጠ ሰነዱን ለማዳበርና ወደ ተግባር ለመቀየር ይረዳናል ሲሉ ተናግረዋል፡፡ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ በተወካያቸው በኩል ባስተላለፉት መልዕክት የሲቪል ማኅበረሰብ ዘርፉን ለማሳደግ እና የተሻለ ድጋፍና ክትትል ሥርዓት ለመዘርጋት፣ የዜጎች የመደራጀት መብት ለማረጋገጥ የሚመለከታቸው የፌደራልና የክልል መንግስታት በቅንጅት መስራት አስፈላጊ መሆኑን አንስተዋል፡፡ በፌደራል ተቋማትና የክልል ባለድርሻ አካላት መካከል ገንቢ የሆኑ ግንኙነቶች መፈጠሩና ቅንጅታዊ አሰራር በመዘርጋቱ የህብረተሰቡን ሁለንተናዊ ተጠቃሚነት ለማሳደግ የተጀመሩ ጥረቶች ወደ ተሻለ ደረጃ እያደጉ መምጣታቸውንም አክለው ገልጸዋል ፡፡ ባለስልጣን መስሪያ ቤቱ በዘርፉ የተሻለ የአሰራር ስርዓት ለመፍጠር እና በህጎች ዙሪያ በሁሉም አስፈጻሚ አካላት ዘንድ እኩል ግንዛቤ እንዲኖር ለማስቻል በአዋጁ እና በጸደቁ መመሪያዎች ላይ ለሁሉም ክልሎች የግንዛቤ ማስጨበጫ መድረኮች መካሄዳቸውን እና ክልሎች የራሳቸውን ህግ እንዲያወጡ ድጋፍ የማድረግ ስራ መከናወኑን ገልጸዋል፡፡
በሁሉም ክልሎች የሲቪል ማህበረሰብ ድርጅቶች አዋጅ መኖሩ በዘርፉ በፌዴራል ደረጃ የተገኘውን ምቹ ሁኔታ በክልሎች በተመሳሳይ መልኩ ተፈጻሚ እንዲሆን ለማስቻል ከፍተኛ አስተዋጽ ያለው መሆኑን በማንሳት በአንድ ክልል ብቻ ለሚንቀሳቀሱ ድርጅቶች ቀላልና ምቹ የምዝገባ አስተዳደር ስርአት ለመፍጠር እንዲሁም በፌዴራል መንግስቱ ተመዝግበው ወደ ክልሉ ፕሮጀክት ለመፈጸም የሚመጡ ድርጅቶች ቀላል፣ግልጽና ተጠያቂነት ያለበት አሰራር ለመዘርጋት ይህ አዋጅ ከፍተኛ ሚና ይጫወታል ብለዋል፡፡ በመጨረሻም ይህንን ከግንዛቤ በማስገባት ክልሉ የሲቪል ማህበረሰብ ድርጅቶች ምዝገባና አስተዳደር ረቂቅ አዋጅ አዘጋጅቶ ለውይይት በማቅረቡ አመስግነው ባለስልጣን መስሪያቤቱ ከረቂቅ አዋጁ ዝግጅት ጀምሮ የግብአት ማሰባሰቢያ የውይይት መድረኮችን ድጋፍ እንዳደረገው ሁሉ ወደፊትም አስፈላጊውን ድጋፍ ያደርጋል ሲሉ መልዕክታቸውን አስተላልፈዋል፡፡ በመድረኩ በክልሉ የሚመለከታቸው የመንግስት አስፈጻሚ አካላት እና በክልሉ የሚንቀሳቀሱ የሲቪል ማህበረሰብ ድርጅቶች ተሳታፊ ሆነዋል፡፡

read more

የሲቪል ማህበረሰብ ድርጅቶች በአገር ልማት፣ በዴሞክራሲ ስርዓት ግንባታ እና በሰላም ላይ ከፍተኛ አስተዋጽኦ እንዳላቸው ተገለጸ፡፡

የሲቪል ማህበረሰብ ድርጅቶች በአገር ልማት፣ በዴሞክራሲ ስርዓት ግንባታ እና በሰላም ላይ ከፍተኛ አስተዋጽኦ እንዳላቸው ተገለጸ፡፡

ይህ የተባለው የሲቪል ማህበረሰብ ድርጅቶች ባለስልጣን ከሲቪል ማህበረሰብ ድርጅቶች መድረክ ጋር በመተባበር በኦሮሚያ ብሄራዊ ክልላዊ መንግስት ለፋይናንስ ቢሮ እና በኦሮሚያ ክልል ለሚሰሩ የሲቪል ማህረሰብ ድርጅቶች በፀደቁ 8 መመሪያዎች ላይ ስልጠና በሚሰጥበት ወቅት ነው፡፡
ባለስልጣን መስሪያ ቤቱ አዋጅ 1113/2011 በተሟላ መልኩ ለማስፈጸም መመሪያዎችን ማውጣት እንዳለበት አዋጅ 1113/2011 ይደነግጋል፡፡ በዚህም መሰረት አስራ ሰባት መመሪያዎችን በማዘጋጀት ስምንቱን መመሪያዎች በማጽደቅ በሁሉም ክልሎችና በሁለቱ ከተማ አስተዳደሮች ስልጠናዎችን እየሰጠ ይገኛል፡፡
በኦሮሚያ ብሄራዊ ክልላዊ መንግስት በአዳማ ከተማ በተሰጠው ስልጠና ላይ የተገኙት የባለስልጣኑ ም/ዋና ዳይሬክተር አቶ ፋሲካው ሞላ እንዳሉት የሲቪል ማህበረሰብ ድርጅቶች በአገር ልማት፣ በዴሞክሲያዊ ስርዓት ግንባታ እና በሰላም ግንባታ ላይ ከፍተኛ አስተዋጽኦ እንዳላቸው በመግለጽ ክፍተቶችን የሚሞሉ ሳይሆኑ ስትራቴጂካዊ የልማት አጋር መሆናቸው በመንግስት ደረጃ መያዙን ገልፀዋል፡፡ አያይዘውም ላለፉት አራት ዓመታት አዋጁን ተግባራዊ ለማድረግ ከፌደራልና ከክልል ባለድርሻ አካላት ጋር በጋራ በመናበብ በርካታ የለውጥ ስራዎች መሰራታቸውን አንስተው ባለስልጣን መስሪያ ቤቱ ለውጡን ለማስቀጠል በአዲስ መንፈስ ሁለተኛውን የለውጥ ምዕራፍ አዲስ መዋቅር በመዘርጋት ወደስራ መግባቱን አብራርተዋል፡፡ ባለፉት አራት የለውጥ አመታት ወደኋለ የማይመለስ በሲቪል ማህበረሰብ ድርጅቶች እና በዘርፉ ላይ መሰረት መጣሉንም አንስተው ህግ ብቻ ማውጣቱ ትርጉም ስለሌለው በየደረጃው የሚገኙ የመንግስት አካላት ህግን በሚገባ ተረድተው መተርጎም መቻል አለባቸው ብለዋል፡፡ ባለስልጣን መስሪያ ቤቱ የአሰራር ስርዓቱን የተሻለ ለማድረግ የተለያዩ ማንዋሎችን፣ መመሪያዎችን በማዘጋጀት ወደ ስራ መገባቱንም ገልፀዋል፡፡

በመጨረሻም ይህን ስልጠና ለመስጠት ድጋፍ ያደረጉ አካላትን በማመስገን ስልጠናው እስከ ታችኛው አካል ወርዶ በዞንና በወረዳ መስጠት እንዳለበትም ለተሳታፊዎች ገልፀዋል፡፡ በፀደቁ መመሪያዎች ላይ ስልጠና የሰጡት የሲቪል ማህበረሰብ ድርጅቶች የክትትል፣ ግመገማና ምርመራ መሪ ስራ አስፈጻሚ አቶ ተሾመ ወርቁ እና የአገር በቀል ድርጅቶች የድጋፍና አገልግሎት ዴስክ ሀላፊ አቶ ዳንኤል ግዛው ናቸው፡፡


ምክትል ዋና ዳይሬክተር አቶ ፋሲካው ሞላ መሰረቱን ጃፓን አገር ካደረገው የጃፓን ኮሪያና ኢትዮጵያ ወዳጅነት ፋውንዴሽን ሃላፊ ጋር ተወያዩ፡፡

የጃፓን፣ ኮሪያ ኢትዮጵያ ወዳጅነት ፋውንዴሽን ለኢትዮጵያ ኮሪያ ዘማቾች ማህበር የአስር ሺህ ዶላር ድጋፍ እንደሚያደርግም ተጠቁሟል፡፡

የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ ለፋውንዴሽኑ ሰብሳቢ ዮንግዎ ሊ (Yongwoo lee) ድርጅቱ በኢትዮጵያ ተመዝግቦ ስለሚቀሳቀስበት ሁኔታ ገለጻ አድርገውላቸዋል፡፡ ፋውንዴሽኑ ለሚያደርገው ድጋፍም ባለስልጣን መስሪያ ቤቱ ትልቅ ክብር እንዳለው ገልጸዋል፡፡ የድርጅቱ ሰብሳቢ የሆኑት ዮንግዎ ሊ (Yongwoo lee) የኢትዮ ኮሪያ ዘማቾች በኮሪያ ጦርነት ወቅት ከኢትዮጵያ ሄደው ብዙ ተጋድለዋል ያሉ ሲሆን ይህ ስራቸው የሚዘነጋ እንዳልሆነ አንስተዋል፡፡ የኢትዮ ኮሪያ ዘማቾች ከኪሳቸው እያወጡ ወላጅ አልባና ለችግር የተጋለጡ ህጻናትን እየረዱ እንደሚገኙ በመጠቆም ይህን የድርጅቱን እንቅስቃሴ ለመደገፍና ለማበረታታት የአስር ሺህ ዶላር ድጋፍ እንደሚያደርጉ አክለው ገልጸዋል፡፡ ድርጅቱ በተደረገለት ጥሪ መሰረት በኢትዮጵያ ቢሮውን ለመክፈት እንቅስቃሴ ላይ እንደሚገኝ የገለጹት ሃላፊው በነገው እለት በኢትዮ ኮሪያ ዘማቾች መታሰቢያ የአበባ ጉንጉን ለማስቀመጥ እና ለማህበሩ ድጋፍ ለማድረግ መርኃ ግብር መዘጋጀቱን ጠቁመዋል ፡፡


ተቋሙ የ2015 በጀት ዓመት የ6 ወራት እቅድ አፈጻጸም እና የቀጣይ 6 ወራት የተከለሰ እቅድን ለባለድርሻ አካላት አቅርቦ ውይይት ተደርጎበታል፡፡

በመድረኩ የፌደራል ባለድርሻ አካላት፣የተለያዩ የሲቪል ማኅበረሰብ ድርጅቶች ተወካዬች እና የተቋሙ የማኔጅመንት አባላት ተገኝተዋል፡፡

በመድረኩ የመክፈቻ ንግግር ያደረጉት የፍትህ ሚኒስቴር ሚኒስትር ዴኤታ አቶ ዓለምአንተ አግደው እንደገለጹት መንግስት ሁለንተናዊ ብልፅግናን ለማረጋገጥ ከፍተኛ ጥረት እያደረገ መሆኑ በማንሳት ለትርፍ ያልተቋቋሙና ለፖለቲካ ያልወገኑ የሲቪል ማህበረሰብ ድርጅቶች በአገራዊ የልማት እንቅስቃሴ እና በዴሞክራሲ ስርዓት ግንባታ አይነተኛ ሚና ያላቸው መሆኑ ስለሚታመን ላለፉት ዓመታት የህግ እና ተቋማዊ ሪፎርም ሲካሄድ ቆይቷል ብለዋል፡፡ የሲቪል ማኅበረሰብ ድርጅቶች ከጊዜ ወደ ጊዜ የተሻለ አቅም እየገነቡ እና መልካም አስተዋፅኦ እያደረጉ መሆኑን በሚያደርጓቸው እንቅስቀሴዎች መገንዘብ ይቻላል ያሉት ሚኒስትር ዴኤታው ሲማዶች በአገራዊ ወቅታዊ ጉዳይ በጦርነትና ድርቅ ለተጎዱ አካባቢዎችና የህብረተሰብ ክፍሎች በገንዘብ በዐይነት እያደረጉ ያሉት ድጋፍ አንድ ለህዝብ ተጠቃሚነት ከቆመ ዘርፍ የሚጠበቅና ምስጋና የሚቸረው ጉዳይ ነው ሆኖም ሲማዶች በወቅታዊ ጉዳይም ሆነ ሀብረተሰቡን ተጠቃሚ በማድረግ ረገድ እያደረጓቸው ያሉት አስተዋፅኦዎች መንግስት ከፈጠረው ምቹ ሁኔታ እና ከአገርና ህዝብ ፍላጎት አንጻር ሲታይ አሁንም ብዙ የሚቀረው እና መሻሻል የሚጠበቅበት ነው ሲሉ መልዕክታቸውን አስተላልፈዋል፡፡
የእንኳን ደህና መጣችሁ ንግግር ያደረጉት የተቋሙ ዋና ዳይሬክተር አቶ ጂማ ዲልቦ እንደገለጹ በባለፉት ስድስት ወራት የተቋሙ አገልግሎት አሰጣጥ በኢ-ሰርቪሲ ቴክኖሎጂ የተደገፈ እንዲሆን ማድረግ መቻሉን፤ አገልግሎት አሰጣጥ የጥራት ደረጃ በአማካይ 87.71% መድረሱ፣ 326 አዲስ የሲቪል ማህበረሰብ ድርጅቶች ተመዝግበው የምዝገባ ሰርተፍኬት እንዲያገኙ መደረጉ፣ የህብረተሰቡን ተጠቃሚነት ለማረጋገጥ በሚደረገው ጥረት የክትትልና ግምገማ ስርዓታችንን በማጠናከር የ1,047 የዴስክ ክትትል መደረጉ፣ በመስክ ለድርጅቶች ክትትልና ድጋፍ ለማድረግ በተሰራው ስራ ከተያዘው እቅድ አንጻር 92.76% መከናወኑን ገልጸዋል፡፡
ከእቅድ አንጻር የሲቪል ማኅበረሰብ ዘርፉን ሚናና ተሳትፎ በማሳደግ የበለፀገች አገር የመገንባት ዘላቂነት ያለው የኢኮኖሚ ዕድገት በማስመዝገብ ዜጎች የልማቱ ባለቤት እንዲሆኑ ማድረግ፣ብቁ፣ገለልተኛና ነጻ የህዝብ አገልግሎት ሥርዓት በመገንባት የመንግስትን የመፈፀም ብቃት በማጎልበትና መልካም አስተዳደርን በማስፈን የዜጎች እርካታ ማሳደግ እና ሠላምና ፍትሕን የሚያረጋግጡ ጠንካራ ሥርዓትን በመገንባትና የሕግ የበላይነትንና ሰብአዊ መብትን በማስከበር፣ የዜጎችን ደህንነት በማረጋገጥ ጉዞ ውስጥ የሲቪል ማኅበረሰቡ ዘርፍ ሚና ከመቸውም ጊዜ በላይ ጎልቶና ጎልብቶ እንዲታይ ተደርጎ የተዘጋጀ ዕቅድ ነው ሲሉ አብራርተዋል፡፡

Click the button

የሲቪል ማህበረሰብ ድርጅቶች ባለስልጣን በጅግጅጋና በባህርዳር ከተማ በጸደቁ አራት መመሪያዎች ላይ ለሚመለከታቸው የመንግስት አካላትና ለሲቪል ማህበረሰብ ድርጅቶች ስልጠና እየሰጠ ይገኛል፡፡

በቅርቡ በፍትህ ሚኒስቴር ቁጥር ተሰጥቷቸው ስራ ላይ የዋሉትን መመሪያዎች በሚመለከት በሶማሌ ብሄራዊ ክልላዊ መንግስት ጅግጅጋ ከተማ እንዲሁም በአማራ ብሄራዊ ክልላዊ መንግስት ባህዳር ከተማ ለሚመለከታቸው የመንግስት ባለድርሻ አካላትና በክልሎቹ ለሚንቀሳቀሱ የሲቪል ማህበረሰብ ድርጅቶች የግንዛቤ ማስጨበጫ ስልጠና እየተሰጠ ይገኛል፡፡

በጅግጅጋው መድረክ የመክፈቻ ንግግር ያደረጉት የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ እንደተናገሩት በአዋጅ 1113/2011 አንቀጽ 89 መሰረት አዋጁን ሊያስፈጽሙ የሚችሉ መመሪያዎች ባለስልጣን መስሪያቤቱ ማውጣት እንደሚችል በተደነገገው መሰረት ተቋሙ እስካሁ 17 መመርያዎችን በማዘጋጀት እና ከዚህ ውስጥ 8ቱ በባለስልጣኑ ቦርድ ቀርበው ማጸደቅ መቻሉን ተናግረዋል ፡፡ የነዚህም መመርያዎች አስፈላጊነት በህጎች ተዋረድ (Hierarchy of laws) መመርያ የመጨረሻ ወይም የበታች ህግ በመሆኑ በየደረጃው ላሉ አስፈፃሚ አካላት ጠቃሚነቱ የጎላ መሆኑ፣ በአዋጁ ያልተብራሩ ዝርዝር ጉዳዮች የሚብራሩበት እና አዋጁን በተሻለ ሁኔታ ለመረዳትና ለማስፈፀም አስፈላጊ መሆኑን ገልጸዋል፡፡ አዋጅ ቁጥር 1113/2011 መውጣቱና የአሰራር ማሻሻያዎች መደረጋቸው የሲቪል ማህበረሰብ ድርጅቶች እንቅስቀሴ ምህዳርን እንዲሰፋና በሀገር እድገት ውስጥ ያላቸውን ተሳትፎ እንዲጨምር ማድረጉን ዋና ዳይሬክተሩ አክለው ተናግረዋል፡፡

በባህርዳር ከተማ በተደረገው ስልጠና ላይ የተገኙት የሲቪል ማህበረሰብ ድርጅቶች ምክትል ዋና ዳይሬክተር አቶ ፋሲካው ሞላ እንደገለጹት በመጀመሪያው የለውጥ ምዕራፍ ውጤታማ የህግ እና ተቋማዊ ሪፎርም ስራዎች መከናወናቸውን ገልጸው በአራት ዓመታት ያሳካናቸውን ተግባራት ወደ ኋላ እንዳይመለሱ የማላቅ ስራዎች የሚሰራበት፣ስፔሻላይዜሽን ስራ ማጎልበት፣ በኢንፎርሜሽን ቴክኖሎጂ የተደገፈ ስራ መስራት የሁለተኛው የለውጥ ምዕራፍ ተግባራት እንደሚሆኑ አብራርተዋል፡፡

ከዚህ በፊት ከክልሎች ጋር ያለው ግንኙነት ደካማ እንደነበር ያነሱት ምክትል ዋና ዳይሬክተሩ አሁን ግን ከክልሎች ባለፈ እስከታችኛው የዞን አደረጃጀት ድረስ ጥሩ ግንኙነት መፍጠር መቻሉን ጠቁመው ይህ የሪፎርም ስራ እንዲሳካ ሁላችንም በመተባበርና በጋራ መስራት ይጠይቀናል ሲሉ መልዕክታቸውን አስተላልፈዋል፡፡ ስልጠናዎቹ ትኩረት ያደረጉት ስለ ድርጅቶች መዋሃድ፣ መከፋፈል፣ መለወጥና መፍረስ የወጣ መመሪያ ቁጥር 936/2015፤ የሲቪል ማኅበረሰብ ድርጅቶች በገቢ ማስገኛ ሥራዎች ላይ የሚሰማሩበትን ሁኔታ ለመወሰን የወጣ መመሪያ (937/2015)፤ የአገር በቀል ድርጅቶች ምዝገባ እና አስተዳደር መመሪያ ቁጥር 938/2015 እንዲሁም የጥቅም ግጭትን ለማስቀረት የወጣ መመሪያ ቁጥር 939/2015 በሚሉ ርዕሰ ጉዳዮች ላይ ሲሆን በቀጣይ ስልጠናው ባልተዳረሰባቸው የአፋር፣ ኦሮሚያ፣ ጋንቤላ፣ ሲዳማና ደቡብ ምዕራብ ክልሎች የሚሰጥ ይሆናል፡፡

Click the button

በባለፉት የለውጥ ዓመታት በህግ እና ተቋማዊ ሪፎርም አንጻር የተከናወኑ ተግባራት መሰረት የያዙ መሆናቸው ተገለጸ፡፡

ተቋሙ ከአጠቃላይ ሰራተኛ ጋር በ2015 በጀት ዓመት የ6 ወራት እቅድ አፈጻጸም ሪፖርት እና የቀጣይ 6 ወራት የተከለሰ እቅድ ላይ እየገመገመ ይገኛል፡፡ በውይይቱ የመክፈቻ ንግግር ያደረጉት የተቋሙ ዋና ዳይሬክተር አቶ ጂማ ዲልቦ እንደገለጹት የእቅድ አፈጻጸም ሪፖርት መገምገም ከእቅድ አንጻር የደርስንበትን የአፈጻጸም ደረጃ ለማወቅና ያጋጠሙ ችግሮችን ለመፍታት እንዲሁም መልካም አፈጻጸሞቻችንን አጠናክረን ለማስቀጠል ይጠቅመናል ብለዋል፡፡ በባለፉት የለውጥ ዓመታት የህግ እና ተቋማዊ ሪፎርም አንጻር መሰረት ተጥሏል ያሉት ዋና ዳይሬክተሩ እንደሃገር በርካታ ያለፍንባቸው ፈተናዎች ቢኖሩም በዛ ውስጥ አልፈን ዛሬ ለደረስንበት ከፍተኛ ውጤት በቅተናል ሲሉ ገልጸዋል፡፡
በሁለተኛው የለውጥ ምዕራፍም የተገኙ ምቹ መደላድሎችን ውጤታማ እንዲሆን መስራት፣ከወረቀት ወደ ወረቀት አልባ አሰራር መቀየር እስካሁን ያገኘናቸውን ውጤቶች ማጽናት ላይ ትኩረት አድርገን መስራት ይጠበቅብናል ሲሉ መልዕክታቸውን አስተላልፈዋል፡፡ የአንድ ተቋም ውጤታማነት የሚለካው በሚሰራው ስራ ብቻ ሳይሆን በሰራተኞቹ ስነ-ምግባር በመሆኑ ሁሉም ሰራተኛ በስነ-ምግባር የታነጸ፣እንደሰራዊት ለአንድ ዓላማ የሚሰራ እና እርስ በእርስ የሚደጋገፍ እንዲሆን አጽንኦት ሰጥተው ተናግረዋል፡፡


ወጣቶች የነገ ሃገር ተረካቢ እና የዛሬ የሃገር ባለቤት ናቸው፡፡

ይህ የተባለው ለተቋሙ ወጣት ሴት ሰራተኞች የስብዕና ግንባታ እና የስሜት ብቃት በስራ ቦታ በሚል ርዕስ ስልጠና በተሰጠበት ወቅት ነው፡፡ ስልጠናው የሲቪል ማኅበረሰብ ድርጅቶች ባለስልጣን ከኒው ብራይት ኮሚኒውቲ ዴቨሎፕመንት ሴንተር ጋር በመተባበር የተዘጋጀ ነው፡፡ በስልጠናው የመክፈቻ ንግግር ያደረጉት የተቋሙ ም/ዋና ዳይሬክተር አቶ ፋሲካው ሞላ እንደገለጹት በሃገራችን አብዛኛው የማህበረሰብ ክፍል ወጣት መሆኑን አንስተው ወጣትነት የነገ ሃገር ተረካቢ እና የዛሬ የሃገር ባለቤት ናቸው ሲሉ ገልጸዋል፡፡ ወጣትነት በዋዛ ፈዛዛ የምናባክነው ሳይሆን ዛሬ የጣልነው መሰረት ለነገ ተስፋና መሰረት የምንጥልበት መሆኑን አንስተው ወጣትነት ካለፈ የማይመለስ እና ሳንሰራ ካለፍንበት የሚቆጭ በመሆኑ ቁጭት ውስጥ የሚከት ነገር ውስጥ ማለፍ የለብንም ሲሉ መልዕክታቸውን አስተላልፈዋል፡፡ ወጣት ብዙ ፈተናዎች አለበት ሴት ወጣት ሲኮን ደግሞ የበለጠ ችግሩ ይጨምራል ያሉት ም/ዋና ዳይሬክተሩ የሚያጋጥሙ ፈተናዎችን ወደ እድል የምትቀይሩ እና የጥንካሬ ምንጭ አድርጋችሁ እንደምትሰሩ አምናለሁ ብለዋል፡፡
ወጣቶች እንደተቋማችን ብዙ ሃላፊነት አለባችሁ በማለት ወጣት ሴቶችና ወንዶችን አብቅቶ በአግባቡ መምራት ከተቻለ የበለጸገች ሃገር መፍጠር ያስችላል ሲሉ ተናግረዋል፡፡

ለወጣቶች እደዚህ አይነት ስልጠናዎች ሲዘጋጁ አቅም የምትገነቡበት እና ልምድ የምትቀምሩበት ሲሆን ዛሬ አቅማችሁን በመገንባት ለተቋማችሁ ብሎም ለሃገር የተሻለ ስራ ትሰራላችሁ ሲሉ ገልጸዋል፡፡ ሁልግዜ የማያቋርጥ ለውጥ ውስጥ ማለፍ ያስፈልጋል ያሉት ም/ዋና ዳይሬክተሩ ስልጠና ስንወስድ ከስልጠና በኋላ ምን አዲስ ነገር አገኘን ብሎ መጠየቅና በስልጠናው እራሳችንን መለወጥ ብሎም በስልጠናው መጠቀም ያስፈልጋል ሲሉ መልዕክታቸውን አስተላልፈዋል፡፡ በመጨረሻም ለኒው ብራይት ኮሚኒውቲ ዴቨሎፕመንት ሴንተር ስልጠናውን በማስተባበርና ወጪውን በመሸፈን ላበረከተው አስተዋጽኦ የምስጋና የምስክር ወረቀት በተቋሙ ዋና ዳይሬክተር አቶ ጂማ ዲልቦ ተበርክቶላቸዋል፡


ተቋሙ የ2015 በጀት ዓመት የ6 ወራት እቅድ አፈጻጸም እና የቀጣይ 6 ወራት የተከለሰ እቅድ ላይ በማኔጅመንት ደረጃ ገምግሟል፡፡

በሪፖርቱ ተቋሙ ካስቀመጣቸው ግቦች አንጻር የተከናወኑ ዋና ዋና ተግባራት፣ የተገኙ ውጤቶች፣ያጋጠሙ ችግሮች የተወሰዱ እርምጃዎች፣ እና የቀጣይ የትኩረት አቅጣጫን ያካተተ ሪፖርት በወ/ሮ ቃልኪዳን መንግስቴ የስትራቴጂክ ጉዳዬች ስራ አስፈጻሚ ቀርቦ ውይይት ተደርጎበታል፡፡ በውይይቱ የተቋሙ ዋና ዳይሬክተር አቶ ጂማ ዲልቦ እንደገለጹት በባለፉት ዓመታትም ሆነ ወራት የተከናወኑ ስራዎች በጣም አበረታች መሆናቸውን አንስተው በመተባበርና በመተጋገዝ ከዚህ የተሻለ ስራ ለመስራት መዘጋጀት አለብን ብለዋል፡፡ የተቋሙ ምክትል ዋና ዳይሬክተር አቶ ፋሲካው ሞላ በበኩላቸው የባለፉት 4 ዓመታት የመጀመሪያው የሪፎርም ምዕራፍ መሆኑን አንስተው በዚህ ሂደት የህግ ሪፎርም ማሳካት መቻሉ፣ የአቅም ግንባታ ስራዎች ፣የአሰራር ስርዓት መዘርጋት፣ጠንካራ ቅንጅታዊ የአሰራር ስርዓት ማጎልበት እና ዘመናዊ አሰራሮችን ተግባራዊ ማድረግ መቻሉ በዘርፉ የመጡ ስኬቶች መሆናውን አንስተዋል፡፡ አያይዘውም ይህንን በማሳካታችን የአገልግሎት አሰጣጥ መሻሻል መታየቱ፣በክህሎት የተገነባ ተቋም መፈጠሩ፣ከሲቪል ማህበረሰብ ድርጅቶች ጋር በአጋነት ላይ የተመሰረተ ግንኙነት መፈጠር መቻሉና በዘርፉ እና ስለተቋሙ በጎ የሆነ ገጽታ መገንባቱ የመጡ ለውጦች መሆናቸውን አብራርተዋል፡፡ ሁለተኛው ተቋማዊ ሪፎርም በአራት ዓመታት ያሳካናቸውን ተግባራት ወደ ኋላ እንዳይመለሱ የማላቅ ስራዎች የሚሰራበት፣ስፔሻላይዜሽን ስራ ማጎልበት፣ በኢንፎርሜሽን ቴክኖሎጂ የተደገፈ ስራ መስራት የትኩረት አቅጣጫ መሆኑን አክለው አንስተዋል፡፡


የሲቪል ማኅበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ ኤስኤን ቪ ድርጅት በግብርና ስራ ላይ እያከናወነ ያለውን ስራ ጎበኙ፡፡

ኤስኤን ቪ የተባለ ድርጅት በባለስልጣን መስሪቤቱ ህጋዊ ፍቃድ ያለው እና ከተቋቋመ ረጅም አመታት ያስቆጠረ ሲሆን በኢትዮጵያ የተለያዩ ፕሮጀክቶችን ቀርጾ እየተንቀሳቀሰ ይገኛል፡፡ ይህ ድርጅት በዋናነት በአርባምንጭ ዙሪያ ጋንታ ካፍማ ቀበሌ የአርሷደሩን የግብርና ስራዎች በዘመናዊ መልክና በቴክኖሎጂ በማገዝ እና በሙዝ ምርታማነት ላይ ጥሩ ስራዎችን እየሰራ ይገኛል፡፡ ኤስኤን ቪ ድርጅት በሁሉም ክልሎችና በሁለቱ ከተማ አስተዳደሮች ላይ የተለያዩ ፕሮጀክቶችን ቀርጾ እየሰራ እንደሚገኝ የፕሮጀክቱ ማናጀር ወ/ሪት አለምጸአይ ገነት ገልጸዋል፡፡ በጉብኝቱ ላይ የተገኙት የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ እንዳሉት የሲቪል ማህበረሰብ ድርጅቶች ከለውጡ በኋላ የልማት አጋር መሆናቸውን መንግስ በፖሊሲ ደረጃ መያዙን አውስተው ልማትን ከማረጋገጥ አኳያ መንግስት ብቻውን የአገርን ልማት መስራት ስለማይችል የሲቪል ማህበረሰብ ድርጅቶች ከዚህ ረገድ ትልቅ ሚና አላቸው ሲሉ ገልፀዋል፡፡ ዋና ዳይሬክተሩ አያይዘው የሲቪል ማህበረሰብ ድርጅቶች አዳዲስ እሳቤዎችን ፣እውቀቶችን እና ቴክኖሎጂዎን ለአርሷአደሩ የሚያስተዋውቁ ከሆነ መለወጥ የማይፈልግ ማህበረሰብ እንደሌለ ገልጸው በነበረን እውቀት ላይ ተጨምሮ ለአገር ልማት ትልቅ አስተዋጽኦ እንደሚያደርጉ ገልፀዋል፡፡ ሌላው ያነሱት በክቡር ጠ/ሚ አብይ አህመድ (ዶ/ር) የሌማት ትሩፋት በቅርቡ መጀመሩ የሚታወቅ ነው ያሉት ዋና ዳይሬክተሩ እሳቤው የአርሷደሩ ሌማት ሙሉ ይሁን ስንል ሁላችንም ተግተን ስንሰራ ሌማታችን ሙሉ እንደሚሆን ጥርጥር የለኝም ሲሉ ገልጸዋል፡፡ ኤስ ኤን ቪ ድርጅት ከአርሷአደሩ ጋር እየሰሩት ያለው የቴክኖሎጂ ሽግግር የሚበረታታ ነው ያሉት ዋና ዳይሬክተሩ ሌሎችም ድርጅቶች ልምድ በመውሰድ እና በመተጋገዝ ትልቅ ስራ መስራት እንደሚቻል አንስተዋል፡፡