የሲቪል ማህበረሰብ ድርጅቶች ማህበራዊ ተጠያቂነት የትግበራ መምሪያ /Social Accountability mainstreaming guideline for CSOs/ ሰነድ ላይ ውይይት ተደርጎ ጸድቋል፡፡

የሲቪል ማህበረሰብ ድርጅቶች ማህበራዊ ተጠያቂነት የትግበራ መምሪያ /Social Accountability mainstreaming guideline for CSOs/ ሰነድ ላይ ውይይት ተደርጎ ጸድቋል፡፡

በማኔጅመንት ደረጃ እና የሚመለከታቸው የባለድርሻ አካላት በተገኙበት ዛሬ በአዳማ ከተማ ውይይት በማድረግ ለሰነዱ ተጨማሪ ግብዓት በማሰባሰብ የማጽደቅ ስራ ተሰርቷል፡፡ ም/ዋና ዳይሬክተር አቶ ፋሲካው ሞላ በመድረኩ እንደገለጹት የዚህ ሰነድ አስፈላጊነት የሲቪል ማህበረሰብ ድርጅቶች የማህበራዊ ተጠያቂነትን በስራቸው አካተው መፈጸም የሚያስችል መሆኑን ገልጸው ድርጅቶቹ አካቶ ትግበራ /mainstream/ አድርገው የማህበራዊ ተጠያቂነት መፈጸም ቢችሉ የመልካም አስተዳደር ችግሮችን በመቅረፍ ረገድ ከፍተኛ አስተዋጽኦ ይኖረዋል ብለዋል፡፡
ውይይት የተደረገበት ይህ የትግበራ መምሪያ /guideline/ ዘርፈ ብዙ ጠቀሜታ እና አተገባበር ስልት እንዳለው በማንሳት ጽንሰ ሐሳቡ ግልጽ እንዲሆን በተቋም ደረጃ ሁሉም ሰራተኛ እና አመራሮች እንዲሁም በክልል የሚመለከታቸው ባለድርሻ አካላት ውይይት አድርገውበታል ሲሉ ገልጸዋል፡፡ በመጨረሻም ም/ዋና ዳይሬክተሩ የትግበራ መምሪያው ተፈጻሚ እንዲሆን እና ዘላቂነት እንዲኖረው አስፈላጊውን እገዛ ያደርጋል ሲሉ መልዕክታቸውን አስተላልፈዋል፡፡
የባለስልጣን መስሪያቤቱ ሚና ይህ የትግበራ መምሪያ /guideline/ ከማዘጋጀት ጀምሮ እንዲፈጸም የመከታተልና የመደገፍ ሲሆን ይህንን ጋይድ ላይን ለማዘጋጀት መነሻ የሆነው ሀሳብ በአዋጅ 1113/2011 በፕሬአምፕል ላይ እንደተገለጸው የመንግስት አሰራር በግልጽነት፣በተጠያቂነትና በአሳታፊነት እንዲከናወን ለማድረግ የነቃና በነጻነት የተደራጀ ማኅበረሰብ መፍጠር የሚለው መሆኑ ከመድረክ ተገልጿል፡፡
በመጨረሻም የተሰጡ አስተያየቶች ተካቶ ሰነዱ ጸድቋል፡፡

Click the button

የሲቪል ማህበረሰብ ድርጅቶች ባለስልጣን ስኬት በስሩ ተመዝግበው በሚንቀሳቀሱ የሲቪል ማህበረሰብ ድርጅቶች ስኬት ይለካል ሲሉ ዋና ዳይሬክተር አቶ ጂማ ዲልቦ ገለጹ፡፡

የሲቪል ማህበረሰብ ድርጅቶች ባለስልጣን ከፈተኛ የስራ ኃላፊዎች ባቡልኸይር የበጎ አድራጎት ድርጅት እና እንረዳዳ የበጎ አድራጎት ድርጅት የተባሉ ሀገር በቀል ድርጅቶችን የስራ እንቅስቃሴ ጎብኝተዋል፡፡ በጉብኝቱ ላይ የባለስልጣን መስሪያ ቤቱ ዋና ዳይሬክተር አቶ ጂማ ዲልቦን ጨምሮ የተለያዩ የስራ ክፍሎች ኃላፊዎች ተሳታፊ ሆነዋል፡፡
ባቡልኸይር የበጎ አድራጎት ድርጅት ወ/ሮ ሀናን መሀሙድ ሁለት ሴት ወጣት ተማሪዎች የዕለት ጉርስ ፍለጋ በማይገባቸው ቦታ በመመልከታቸው ምክንያት የተመሰረተ ሀገር በቀል የሲቪል ማህበረሰብ ድርጅት ሲሆን ድርጅቱ አሁን ላይ በቀን ከ3800 በላይ ዜጎችን በቋሚነት በመመገብ ላይ ይገኛል፡፡ ድርጅቱ ከተመሰረተ አራት ዓመታትን ያቆጠረ ሲሆን በቋሚነት ምገባ ከማድረግ ባሻገር በትምህርት እና ስልጠና፣ በስራ እድል ፈጠራ እንዲሁም አቅመ ደካሞችን በመደገፍ እየሰራ የሚገኝ ድርጅት መሆኑን መመልከት ተችሏል፡፡ ሌላው ከ1990 ዓ.ም ጀምሮ አረጋውያንን ትኩረት አድርጎ በመንቀሳቀስ ላይ የሚገኘው እንረዳዳ የበጎ አድራጎት ድርጅት 167 አረጋውያንን በቋሚነት ድጋፍ እያደረገ ይገኛል፡፡ ድርጅቱ የሚደግፋቸው እነዚህ አረጋውያን በተለያዩ የእጅ ስራ ውጤቶችን እየሰሩ ራሳቸውን በኢኮኖሚ እንዲደግፉ እያደረገ የሚገኝ ሲሆን የእለት ደራሽ ድጋፍ በማድረግም አረጋውያኑን እየረዳ ይገኛል፡፡

የእነዚህን ድርጅቶች የስራ እንቅስቃሴ ተዘዋውረው የተመለከቱት የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ ድርጅቶቹ በተቋቋመበት ዓላማ መሰረት ለዜጎች እያደረጉት ባለው ትልቅ ስራ መደሰታቸውን ገልጸዋል፡፡ የባለስልጣን መስሪያ ቤቱ ስኬት የሚለካው በስሩ ተመዝግበው በሚንቀሳቀሱ ድርጅቶች ስኬት እንደሆነ ያነሱ ሲሆን ባለስልጣን መስሪያ ቤቱም ድርጅቶች ስኬታማ እንዲሆኑ ድጋፍ እያደረገ እንደሚገኝ ተናግረዋል፡፡ በተለይም በህጻናት፣ በአረጋውያንና በአካል ጉዳተኞች ላይ ለሚሰሩ ድርጅቶች ልዩ ድጋፍ ማድረግ ከአዋጅ ቁጥር 1113/2011 የሚመነጭ የባለለስልጣን መስሪያ ቤቱ ሃላፊነት መሆኑን ያነሱት ዋና ዳይሬክተሩ ይህን መነሻ በማድረግ በነዚህ ዘርፎች ላይ ለሚሰሩ ድርጅቶች ድጋፍ እያደረገ እንደሚገኝ ጠቁመዋል፡፡ አክለውም በድርጅቶቹ እንቅስቃሴ መደሰታቸውን ገልጸው በተለይም አማራጭ የገቢ ማስገኛ ስራዎች ላይ በመሳተፍ ራሳቸውን ማጠናከር መቻል እንዳለባቸው አስገንዝበዋል፡፡
የእንረዳዳ የአረጋውያን በጎ አድራጎት ድርጅትን የስራ እንቅስቃሴ የድርጅቱ የፋይናንስ ኃላፊ አቶ አክሊሉ ተካ ያስጎበኙ ሲሆን የባቡል ኸይር የበጎ አድራጎት ድርጅት የስራ እንቅስቃሴን በሚመለከት የድርጅቱ መስራችና ስራ አስኪያጅ ወ/ሮ ሀናን መሀሙድ ገለጻ አድርገዋል፡፡ በመጨረሻም ለሁለቱም ድርጅቶች በተቋሙ የተዘጋጀውን ስጦታ ዋና ዳይሬክተር አቶ ጂማ ዲልቦ አበርክተዋል፡፡


በአእምሮ ህመም ላይ የሚሰሩ ድርጅቶች ህብረት መመስረት እንዳለባቸው ተገለጸ፡፡

በአእምሮ ህመም ላይ የሚሰሩ ድርጅቶች ህብረት መመስረት እንዳለባቸው ተገለጸ፡፡

የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ በአእምሮ ህሙማን ላይ የሚሰራውን ቦርን አጌን ሜንታልኸልዝ ሪሀብሊቴሽን ኤንድ ሂሊንግ የበጎ አድራጎት ድርጅትን ጎብኝተዋል፡፡
በንግድ ስራ ይተዳደሩ የነበሩት ወ/ሮ ኪያ ስብሃት በህይወት አጋጣሚ ያገኟትን የእእምሮ ታማሚ በማንሳት ነበር የበጎ አድራጎት ስራን የጀመሩት፡፡ አንድ ሰው በማንሳት የተጀመረው ይህ መልካም ሀሳብ እያደገ መጥቶ በ2008 ዓ.ም በቀድሞው የበጎ አድራጎት ድርጅቶችና ማህበራት ኤጀንሲ በአሁኑ የሲቪል ማህበረሰብ ድርጅቶች ባለስልጣን ተመዝግቦ “ቦርን አጌን ሜንታል ኸልዝ ሪሀብሊቴሽን ኤንድ ሂሊንግ የበጎ አድራጎት ድርጅት” በሚል ስያሜ ህጋዊ ሰውነት ያለው የሲቪል ማህበረሰብ ድርጅት ወደ መሆን ተሸጋገረ፡፡
“በአእምሮ ህመም ምክንያት አንድም ሰው በጎዳና ላይ አያድርም” የሚል መርህ አንግቦ በመንቀሳቀስ ላይ የሚገኘው ቦርን አጌን ሜንታል ኸልዝ ሪሀብሊቴሽን ኤንድ ሂሊንግ የበጎ አድራጎት ድርጅት ከተቋቋመበት ጊዜ አንስቶ ከ374 በላይ የእዕምሮ ህሙማንን ከጎዳና ላይ በማንሳት ከአእምሮ ህመማቸው እንዲያገግሙ አድርጓል፡፡ በአሁን ጊዜም ከ122 በላይ የአእምሮ ህሙማንን በመደገፍ ላይ የሚገኝ ሲሆን 23 የሴት የአእምሮ ህሙማን ልጆችንም በማሳደግ ላይ ይገኛል፡፡
የዚህን ሀገር በቀል ድርጅት የስራ እንቅስቃሴ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ እና የባለስልጣን መስሪያ ቤቱ የስራ ኃላፊዎች በቦታው ተገኝተው ጎብኝተዋል፡፡
የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ ድርጅቱ ምንም ቋሚ የገቢ ምንጭ ሳይኖረው በኪራይ ቤት ሆኖ ይህን ትልቅ ስራ መስራት በመቻሉ ምስጋናቸውን አቅርበው ድርጅቱ የበለጠ ውጤታማ ስራ መስራት እንዲችል ከተለያዩ ተቋማት ጋር በቅንጅት መስራት እንዳለበት አንስተዋል፡፡ ባለስልጣን መስሪያ ቤቱ በዚህ ረገድ አስፈላጊውን ድጋፍ እንደሚያደርግ የተናገሩት ዋና ዳይሬክተሩ ከሚመለከታቸው ተቋማትና በጎ ፈቃደኞች ጋር መስራት ድርጅቱ ያለበትን ችግር በመጠኑም ቢሆን እንደሚቀንስለት አንስተዋል፡፡
በአእምሮ ህመም ላይ የሚሰሩ ድርጅቶች በጋራ በመሆን ህብረት መመስረት ቢችሉ ያለውን ውስን ሀብት በጋራ በመጠቀም የተሻለ እገዛ ማድረግ እና የበለጠ ተደራሽ መሆን አንደሚችሉ አጽንዖት ሰጥተው የተናገሩት ዋና ዳይሬክተሩ የአእምሮ ህመም ችግር ተመሳሳይ በመሆኑ የችግሩን ስፋትና ጥልቀት የምታውቁ እንዴት መረዳዳት እንዳለባችሁ መነጋገር መቻል ያለባችሁ በመሆኑ በአእምሮ ህሙማን ላይ የምትሰሩ ድርጅቶች ተሰባስባችሁ ህብረት ብትመሰርቱ ሲሉ መልዕክታቸውን አስተላልፈዋል፡፡
ዋና ዳይሬክተሩ አክለውም ከአእምሮ ህመም ያገገሙ ዜጎች ተሰባስበው ማህበር መመስረት ቢችሉ ስለጉዳዩ በቂ ግንዛቤ ስላላቸው የተሻለ ስራ መስራት የሚችሉበት አጋጣሚ እንዳለ ጠቁመዋል፡፡ ድርጅቱ በገቢ ማስገኛ ስራዎች ላይ የሚሳተፍበትን መንገድ መመልከት ቢችል በገቢ በኩል ያለበትን ችግር ከመቅረፍ ባለፈ ከአእምሮ ህመም ለሚያገግሙትም የስራ እድል የሚፈጥር ይሆናል ብለዋል፡፡
አንድ ሰው ከጎዳና ላይ በማንሳት የተቋቋመው ይህ ቦርን አጌን ሜንታል ኸልዝ ሪሀብሊቴሽን ኤንድ ሂሊንግ የበጎ አድራጎት ድርጅት የተባለው ሀገር በቀል የሲቪል ማህበረሰብ ድርጅት 23 ሰራተኞች ያሉት ሲሆን ከነዚህ ውስጥ 22 የሚሆኑት የድርጅቱ ሰራተኞች በድርጅቱ ከአእምሮ ህመም በማገገም ወደስራ የገቡ እንደሆነ የድርጅቱ መስራችና ስራ አስኪያጅ የሆኑት ወ/ሮ ኪያ ስብሃት ገልጸውልናል፡፡

Click the button

የፕሮጀክት መርሲ መስራች ለነበሩት ለወ/ሮ ማርታ ገ/ፃዲቅ መታሰቢያ ፕሮግራም ተካሄደ ፡፡

የፕሮጀክት መርሲ መስራች ለነበሩት ለወ/ሮ ማርታ ገ/ፃዲቅ መታሰቢያ ፕሮግራም ተካሄደ ፡፡

ይህን ፕሮግራም የሲቪል ማህበረሰብ ድርጅቶች ባለስልጣን ከፕሮጀክት መርሲ ጋር በመተባበር የተዘጋጀ ሲሆን በዚህም ፕሮግራም ላይ የባለስልጣን መስርያቤቱ ዋና ዳይሬክተር አቶ ጂማ ዲልቦ ጨምሮ ጥሪ የተደረገላቸው የሲቪል ማህበረሰብ ድርጅቶች ሃላፊና ተወካዬች ተሳታፊ ሆነዋል፡፡ የዚህም ፕሮግራም ዋና ዓላማ የPROJECT MERCY መሥራች ለነበሩት ወ/ሮ ማርታ ገ/ጻድቅ የሕይወት ጉዞ ለመዘከርና ሌጋሲያቸውን ለማስቀጠል ታስቦ መሆኑ ተገልጷል ፡፡
በፕሮግራሙ ላይ ዋና ዳይሬክተር አቶ ጂማ ዲልቦ የመክፈቻ ንግግር ያደረጉ ሲሆን በንግግራቸውም ፕሮጀክት ሜርሲ የተመሰረተበት ዋነኛ ምክንያት የእለት ደራሽ ዕርዳታዎች ከማቅረብ ባለፈ በትምህርትና በጤና ስራ ላይ በርካታ ተግባራት በማከናወን የወገናቸውን ሕይወት ለመታደግ ነበር ብለዋል፡፡ ድርጅቱ መሰረቱ አሜሪካን ሃገር መሆኑን እና ወደ ኢትዮጵያ ገብቶ በሕጋዊ መንገድ መንቀሳቀስ ከጀመረ ከ25 ዓመታት በላይ መቆጠሩን ገልጸው በተለይ በደቡብ ብ/ብ/ሕዝቦች እና በአማራ ብሔራዊ ክልላዊ መንግሰታት የተቀናጀ የገጠር ልማት ስራ ላይ በተለይም በትምህርት፣ በጤና፣ በምግብ ዋስትና፣ በመሠረተ-ልማት እና የሙያ ክህሎትን በማዳበር ውጤታማ ተግባራትን ማከናወኑን ተናግረዋል፡፡ እኚህ እናት በሰለጠነ ዓለም ውስጥ የመኖር ዕድል የነበራቸው ቢሆንም ለሀገራቸው ሕዝብ የነበራቸው ቀናዒ ልብ ፕሮጀክት ሜርሲን እንዲመሰርቱና ለዛሬ ብቻ ሳይሆን ለትውልድ የሚተላለፍ ቅርስ ትተውልን አልፈዋል ብለዋል፡፡
በመጨረሻም የኘሮጀክት መርሲ መስራችና ባለራዕይ የነበሩት ወ/ሮ ማርታ ገ/ፃዲቅ በተወለዱ በ91 ዓመታቸው ግንቦት 13 ቀን 2015 ዓ.ም ከዚህ ዓለም በሞት ቢለዩንም ህያው ሥራቸው ግን ከኛ ጋር ይኖራል ሲሉ መልዕክታቸውን አስተላልፈዋል፡፡ እኝህ ታላቅ እና የበጎ አድራጎት ሰው ለሰሯቸው በርካታ ተግባራትና ለአገራችን ላበረከቱት አስተዋጽኦ አዲስ አበባ ዩኒቨርሲቲን ጨምሮ ከተለያዩ አካላት የተለያዩ ሽልማቶችና የዕውቅና ስጦታዎች በተለያየ ጊዜ መበርከቱን በመድረኩ ተገልጷል፡፡


ታላቁ የህዳሴ ግድብ የኢትዩጵያ የአንድነት አርማ ምልክት ነው::

ታላቁ የህዳሴ ግድብ የኢትዩጵያ የአንድነት አርማ ምልክት ነው::

ለታላቁ ህዳሴ ግድብ ግንባታ የጎላ ተሳትፎ በማድረግ ታሪካዊ አሻራችንን እናሳርፍ በሚል መሪ ቃል የታላቁ ህዳሴ ግድብ ጉብኝት ተደርጓል፡፡ በጉብኝቱ የተቋሙ ከፍተኛ ሃላፊዎች ጨምሮ የሲቪል ማህበረሰብ ድርጅቶች አመራሮች እንዲሁም የህዳሴ ማስተባበሪያ ጽ/ቤት ሃላፊዎች ተሳታፊ ሆነዋል፡፡ በጉብኝቱ ላይ ንግግር ያደረጉት የባለስልጣን መስሪያቤቱ ዋና ዳይሬክተር አቶ ጂማ ዲልቦ ሲገልጹ ግድቡን ለመጎብኘት ሲታቀድ ሁለት ዓላማዎች አሉት የመጀመሪያው ለዓመታት ግድቡን በመስራት ላይ ያሉትን አመራሮችና ሰራተኞች ለማመስገን ሲሆን ሁለተኛው ደግሞ የሲቪል ማህበረሰብ ድርጅቶች ግድቡ ከተጀመረ ጊዜ አንስቶ አሻራቸውን እያሳረፉ መሆናቸውን እና በቀጣይ በምን መልኩ ማገዝ እንዳለባቸው ለማወቅና ከአመራሩ ጋር ለመወያየት ነው ሲሉ አንስተዋል፡፡ የሲቪል ማህበረሰብ ድርጅቶች ግድቡ እዚህ ደረጃ እስኪደርስ ድረስ ከፍተኛ አስተዋጽኦ ሲያደርጉ መቆየታቸውን ያነሱት ዋና ዳይሬክተሩ በአገር ደረጃም ግድቡ የኔ ነው በማለት ከፍተኛ የንቅናቄ ስራዎች መስራታቸው እንዲሁም በአገር አቀፍ ደረጃ መድረኮችን በማዘጋጀት ትልቅ ሚና መጫወታቸውን ገልፀዋል፡፡
ዋና ዳይሬክተሩ በንግግራቸው አጽእኖት ሰተው የተናገሩት ታላቁ የህዳሴ ግድብ ከግድብነት ያለፈ ትርጉም እንዳለው በማንሳት የኢትዮጵያ የአንድነት አርማ፣ ኢትዮጵያውያን በጋራ የሚያስተሳስራቸው ገመድ እንዲሁም የአገራችን የመልማትና የማድግ ተስፋ የሚሰጥ ትልቅ ፕሮጀክት ነው ሲሉ ገልፀዋል፡፡
የሲቪል ማህበረሰብ ድርጅቶችም ታላቁን የህዳሴ ግድብ ከፍጻሜ ማድረስ በብዙ መልኩ ትልቅ ትርጉም እንዳልው በመገንዘብ በቀጣይም ድጋፎችን እንደሚያደርጉ ገልፀዋል፡፡ የታላቁ ህዳሴ ግድብ ስራ አስኪያጅ ኢንጂነር ክፍሌ ሆሮ አጠቃላይ ስለግድቡ ሰፊ ማብራሪያ በማድረግ ባስተላለፉት መልዕክት ይህ ግድብ ባለቤቱ የኢትዮጵያ ህዝብ ነው በማለት አገራችን በብዙ ችግሮች ውስጥ ሆናም የግድቡ ስራ ለአንድ አፍታም ሳይቋረጥ የቀጠለ መሆኑን ገልፀው ይህ የሆነው የመንግስት ቁርጠኝነትና የህዝቡ ድጋፍ ስላልተለየው ነው ብለዋል፡፡ በቀጣይ ግድቡ ከፍጻሜ እንዲደርስ እጅ ለእጅ በመያያዝ በጋራ ከግብ ማድረስ አለብን ብለዋል፡: በመጨረሻም ተቋሙ የህዳሴ ግድብ ግንባታ ላይ ቀን ከሌሊት ለሚሰሩ አመራሮችና ሰራተኞች የሰርተፍኬት በማዘጋጀት ምስጋና ያቀረበ ሲሆን አክሽን ፎር ዘ ኒዲ የተባለ የሲቪል ማህበረሰብ ድርጅትም የሶስት መቶ ሺህ ብር ቼክ ለታላቁ የህዳሴ ግድብ ማስተባባሪያ ጽ/ቤት አስረክቧል፡፡


የሲቪል ማህበረሰብ ድርጅቶች ባለስልጣን ዋና ዳይሬክተር በተገኙበት የትግራይ ሶሻል ኢንተርፕራዝ ምስረታ ተካሄደ፡፡

የሲቪል ማህበረሰብ ድርጅቶች ባለስልጣን ዋና ዳይሬክተር በተገኙበት የትግራይ ሶሻል ኢንተርፕራዝ ምስረታ ተካሄደ፡፡

በትግራይ ብሄራዊ ክልል መቐለ ከተማ የትግራይ ሶሻል ኢንተርፕራይዝ ምስረታ ተካሂዷል፡፡ በምስረታው ላይ የሲቪል ማህበረሰብ ድርጅቶች ባለስልጣን ከፍተኛ የስራ ኃላፊዎችን ጨምሮ የክልሉ የማህበራዊ ልማትና ሽግግር ካቢኔ ሴክሬታሪያት ኃላፊ ፕሮፌሰር ክንደያ ገ/ህይወት እና የሲቪል ማህበረሰብ ድርጅቶች ተወካዮች ተገኝተዋል፡፡
የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ በምስረታው ላይ ባደረጉት ንግግር ኢትዮጵያ በሀገር አቀፍ ደረጃ ማህበራዊ ኢንተርፕራይዞችን የምትመራበት የህግ ማዕቀፍ እንደሌለ አንስተው የሲቪል ማህበረሰብ ድርጅቶች ባለስልጣን ይህ ህግ እንዲወጣ በባለቤትነት እየሰራ እንደሚገኝ ጠቁመዋል፡፡
የማህበራዊ ኢንተርፕራይዞች መቋቋምና መስፋፋት የሲቪል ማህበረሰብ ድርጅቶች ከውጪ እርዳታ ተላቀው በሀገር ውስጥ ምንጭ ማህበራዊና ኢኮኖሚያዊ ችግሮችን ለመፍታት ሁነኛ መፍትሔ እንደሚሆኑ ጠቁመው የትግራይ ማህበራዊ ኢንተርፕራይዝ ምስረታ በሀገሪቱ ታሪክ ትልቅ ስፍራ የሚሰጠው እንደሆነ ገልጸዋል፡፡
ለዚህ ማህበራዊ ኢንተርፕራይዝ ምስረታ ሀገሪቱ ከገባችበት ችግር ለመውጣት አስተዋጽዖው የጎላ እንደሆነ ያነሱት ዋና ዳይሬክተሩ ለኢንተርፕራይዙ ምስረታ አስተዋጽዖ ላደረጉ የክልሉ የሲማድ ህብረት /አክሶት/ እና ግለሰቦች ምስጋናቸውን አቅርበው ሀሳቡ ተጠናክሮ እንዲቀጥልና ማህበራዊ ኢንተርፕራይዞች የሚመሩበት ህግ እንዲወጣ የድርሻቸውን እንዲወጡም ጥሪያቸውን አስተላልፈዋል፡፡
ከዚህ ጋር በተያያዘም አዲሱን አዋጅ 1113/2011 መሰረት በማድረግ የተዘጋጁ መመሪያዎች ላይ ስልጠና የተሰጠ ሲሆን ለትግራይ ክልል መልሶ ማቋቋም አይካፕ ኢትዮጵያ ከሲቪል ማህበረሰብ ድርጅቶች ባለስልጣን ጋር በመተባበር ከ26 ሚሊየን ብር በላይ የሚገመት የህክምና መርጃ መሳሪያ አና አልባሳት ድጋፍ ተደርጓል፡፡


ባለስልጣን መስሪያ ቤቱ የህጻናት ቀንን በአሜን በጎ አድራጎት ድርጅት በመገኘት አከበረ::

ሰላም፣ ፍቅር፣ እንክብካቤና ጥበቃ ለሁሉም ህጻናት በሚል መሪ ቃል በአገራችን ለ32ኛ ጊዜ የተከበረው የህጻናት ቀን ባስልጣን መስሪያቤቱ ከአሜን በጎ አድራጎት ድርጅት ጋር በመሆን በድምቀት አከበረ፡፡
በበዓሉ ላይም የአሜን በጎ አድራጎት ድርጅት መስራችና ም/ስራ አስኪያጅ አቶ ሰለሞን ሀብቴ እንዳሉት የአሜን በጎ አድራጎት ድርጅት በ2011 ዓ.ም ሀያአምስት ህጻናትን ይዞ የተቋቋመ ድርጅት መሆኑን ገልፀዋል፡፡
አሜን በጎ አድራጎት (አሜን የፍቅር ቤተሰብ) ህጻናት ፈጽሞ አይለመንባቸውም፣ በልጆች ላይ መልካም ዘርን በመዝራት ተስፋ ያላት ኢትዮጵያን መፍጠር፣ ከማብላትና ከማጠጣት ያለፈ ስራ በአእምሮአቸው ላይ በመስራት ከጥገኝነት የተላቀቀ ሀገርሩን የሚወድ ቅን፣ የዋህ፣ ቸር በጎ አድራጊ ትውልድ ማፍራት፣ የሚሉ ዓላማዎች ይዞ እንደሚንቀሳቀስ ገልጸዋል፡፡
በበዓሉ ላይ የተገኙት የባለስልጣኑ ዋና ዳይሬክተር አቶ ጂማ ዲልቦ እንዳሉት የህጻናት ቀንን ከአሜን በጎ አድራት ድርጅት ጋር በማክበራችን ትልቅ ደስታ ይሰማናል ብለዋል፡፡
አያይዘውም መልካም ሀሳብ ይዞ የተነሳ ትውልድ ፍጻሜውም መልካም ይሆናል የተበላሸ ሀሳብ የያዘ ትውልድ ፍጻሜውም የተበላሸ ሊሆን ስለሚችል በህጻናት አስተሳሰብ ላይ መስራት እንደሚገባ አንስተው በተለይም በዲጂታል አለም እንዴት ህጻናት ሳይጎዱ ቴክኖሎጂን በአግባቡ ይጠቀሙ የሚለው ጉዳይ ላይ አጥብቀው መስራት ይገባናል ሲሉ ገልጸዋል፡፡
በዋናነት ዋና ዳይሬክተሩ አጽዕኖት ሰተው ያነሱት አገር በቀል ድርጅቶች የውጭ ድጋፍ ጠባቂ ሳይሆኑ በራሳቸው አቅም ህጻናትን ማሳደግ ሌሎች ማህበራዊ ችግሮቻቸውንም ለመቅረፍ በአገራችን ሀብት መስራት አለብን ሲሉ አንስተዋል፡፡
አዲሱ አዋጅ 1113/2011 ለድርጅቶች በርካታ የገቢ ማስገኛ ስራዎችን እንዲሰሩ እድሎች ተፈጥረዋል ይህ የሆነው በዋናነት አገራችንንም ሆነ ህዝባችንን ከውጭ እርዳታ በማላቀቅ በአገራቸው ሀብት እንዲንቀሳቀሱ ለማስቻል ነው ሲሉ አብራርተዋል፡፡
በመጨረሻም ዋና ዳይሬክተሩ አሜን በጎ አድራጎት ድርጅት በስራ ላይ የገጠሙትን ችግሮች ባለስልጣን መስሪ ቤቱ በተቻለው አቅም ድጋፍ እንደሚያደርግ ገልጸዋል፡፡


የሲቪል ማህበረሰብ ድርጅቶች ዘርፍ ለህብረተሰብ ተጠቃሚነትና ለሀገር ልማት የላቀ አቅም መፍጠር እንዲችል ባለስልጣኑ እየሰራ እንደሚገኝ የሲቪል ማህበረሰብ ድጅቶች ባለስልጣን ምክትል ዋና ዳይሬክተር አቶ ፋሲካው ሞላ ገለጹ፡፡

የሲቪል ማህበረሰብ ድርጅቶች ዘርፍ ለህብረተሰብ ተጠቃሚነትና ለሀገር ልማት የላቀ አቅም መፍጠር እንዲችል ባለስልጣኑ እየሰራ እንደሚገኝ የሲቪል ማህበረሰብ ድጅቶች ባለስልጣን ምክትል ዋና ዳይሬክተር አቶ ፋሲካው ሞላ ገለጹ፡፡


ወርልድ ሰርቭ ኢንተርናሽናል የተባለ የውጪ ድርጅት የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ በተገኙበት በሰሜን ሸዋ ዞን ባሶና ወራና ወረዳ እና በደብረብርሃን ከተማ ከ15 ሚሊዮን ብር በላይ በሆነ ወጪ የተገነቡ 10 በሶላር የሚሰሩ የውኃ ፕሮጀክቶችን አስመርቀዋል፡፡
በምረቃ ስነ ስርዓቱ ላይ የድርጅቱ የሀገር ውስጥ ተወካይ የሆኑት አቶ ከተማ ክንፈን ጨምሮ ጥሪ የተደረገላቸው የመንግስት እና የድርጅቱ የስራ ኃላፊዎች ተገኝተዋል፡፡
የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ የውሃ ፕሮጀክቶቹን ባስመረቁበት ወቅት እንዳሉት መንግስት ከፍተኛ የለውጥ ስራዎችን ከሰራባቸው ዘርፎች አንዱ የሲቪል ማህበረሰብ ድርጅቶች ዘርፍ እንደሆነ አንስተው የሲቪል ማህበረሰብ ድርጅቶች ባለስልጣንም ዘርፉ ለህብረተሰብ የላቀ ተጠቃሚነትና ለሀገር ልማት የላቀ አቅም መፍጠር እንዲችል እየሰራ እንደሚገኝ ገልጸዋል፡፡
አክለውም የሲቪል ማህበረሰብ ድርጅቶች በሀገር ሰላምና ግንባታ እያበረከቱ ያለው ድርሻ ትልቅ መሆኑን አንስተው ወርልድ ሰርቭ ኢንተርናሽናል በተለያዩ አካባቢዎች ህዝብን ተጠቃሚ የሚያደርጉ ስራዎችን በማከናወኑ ምስጋናቸውን አቅርበዋል፡፡
ም/ዋና ዳይሬክተሩ አክለውም የተገነቡ የውሃ ፕሮጀክቶች ቀጣይነት እንዲኖራቸው ማህበረሰቡ ተገቢውን ጥበቃና እንክብካቤ እንዲያደርግ ጥሪያቸውን አስተላልፈዋል፡፡
የወርልድ ሰርቭ ኢንተርናሽናል የሀገር ውስጥ ተወካይ የሆኑት አቶ ከተማ ክንፈ በበኩላቸው ፕሮጀክቶቹ የተሰሩት በማህበረሰቡ ተሳትፎ መሆኑን አንሰተው በቀጣይም ከ40 ሚሊዮን ብር በላይ ወጪ በማድረግ 25 የንፁህ መጠጥ ውሃ ፕሮጀግቶችን ለመስራት በዝግጅት ላይ መሆኑን ገልጸዋል፡፡
የሰሜን ሸዋ ዞን ውሃና ኢነርጂ መምሪያ ሀላፊ አቶ ሀይሌ ዳኛቸውና የደብረብርሃን ከተማ ውሃና ፍሳሽ ስራ አስኪያጅ ወ/ሮ መሰረት መንገሻ ድርጅቱ ለምረቃ የውኃ ፕሮጀክቶቹን ገንብቶ በማስረከቡ ምስጋናቸውን አቅርበው ፕሮጀክቶቹ ረጅም የአገልሎት ጊዜ እንዲኖራቸው በመንከባከብና በአግባቡ በመጠቀም የባለቤትነት ጥበቃ እንደሚያደርጉ ጠቁመዋል፡፡
የአካባቢው ማህበረሰብም ፕሮጀክቶቹ ለፍሬ በመብቃታቸው መደሰታቸውን የተናገሩ ሲሆን በአግባቡ እንደሚጠቀሙባቸውም ገልጸዋል፡፡




ምቹ ሁኔታ ያለበት ተቋም መፍጠር እንፈልጋለን፡፡ ከዋና ዳይሬክተር አቶ ጂማ ዲልቦ ንግግር የተወሰደ።

ምቹ ሁኔታ ያለበት ተቋም መፍጠር እንፈልጋለን፡፡ ከዋና ዳይሬክተር አቶ ጂማ ዲልቦ ንግግር የተወሰደ።

ይህ የተባለው በተቋም ደረጃ የተዘጋጀ የጥቃት ጥበቃ መምሪያ ላይ ተከታታይ ስልጠና ሲሰጥ ቆይቶ ዛሬ በተጠናቀቀበት ወቅት ነው፡፡
ዋና ዳይሬክተር አቶ ጂማ ዲልቦ በንግግራቸው እንደገለጹት የመምሪያው ዓላማ የባለሥልጣኑ ሠራተኞችና አጋሮች ከፍተኛ የሙያ ሥነ ምግባር ደረጃ እንዲኖራቸው፤ ይህንንም እንዲያጠናክሩና በጥቃት ጥበቃው መምሪያ እንዲመሩ ማገዝ እና ሁሉም የባለሥልጣኑ ሠራተኞችና አጋሮች የሚመሩበትን የጥቃት ጥበቃ ደረጃ በግልጽ በማስቀመጥ ማንኛውንም ሰው በባለሥልጣኑ ሠራተኞችና አጋሮች ሊደርስበት ከሚችል ፆታዊ/ወሲባዊ ትንኮሳ፣ ብዝበዛና በደል መጠበቅ መሆኑን አብራርተዋል፡፡
በዚህ መምሪያ መሠረት መሥሪያ ቤቱ አግባብነት ካላቸው የመንግሥት የሥራ ቅጥር አገልግሎት ሕጎች፣ መመሪያዎችና የአሠራር ሥርዓቶች ጋር በተጣጣመ ሁኔታ ተገቢ የሆኑ የጥቃት ጥበቃ አሠራሮችን ጥቅም ላይ ያውላል ብለዋል።
በመጨረሻም የዚህ መምሪያ መርህ ሰው መሆን እና የሰው ልጆች ክብር መሆኑን ገልጸው ተቋሙ ለስራ የተመቸ፣ ሁሉም ሰራተኛ፣ ባለጉዳይ፣ ጐብኚ ወዘተ በክብርና በስነስርዓት የሚያገለግልበትና የሚስተናገድበት ምቹ ሁኔታ ያለበት ተቋም መፍጠር እንፈልጋለን ሲሉ ገልጸዋል፡፡
የተቋሙ ሰራተኞች አቶ መስፍን ማጎ እና አቶ ሱሌማን አብዱ ስልጠናውን ሰጥተዋል፡፡


ሁለተኛው የኤዢያ አፍሪካ ወጣቶች ፎረም በአዲስ አበባ እየተካሄደ ይገኛል ፡

ሁለተኛው የኤዢያ አፍሪካ ወጣቶች ፎረም በአዲስ አበባ እየተካሄደ ይገኛል ፡:

ሁለተኛው የኤዢያ አፍሪካ ወጣቶች ፎረም ላይ ከተለያዩ አፍሪካ እና ኤዢያ ሀገራት የተገኙ ከሶስት መቶ በላይ ወጣቶች በአዲስ አበባ በተለያዩ ርዕሰ ጉዳዮች ላይ ውይይት እያደረጉ ይገኛሉ ፡፡
ዝግጅቱ ከተለያዩ የመንግስት ተቋማትና የሲቪል ማህበረሰብ ድርጅቶች ጋር በመተባበር ያዘጋጀው ኦ የስ ግሎባል ፋውንዴሽን (O-YES GLOBAL FOUNDATION) ነው ፡፡
የ ኦ የስ ግሎባል ፋውንዴሽን (O-YES GLOBAL FOUNDATION) ዋና ዳይሬክተር አቶ ከማል አብደላ እንደተናገሩት የዚህ ፎረም ዋና ዓላማ ከተለያዩ ሀገራት የመጡ ወጣቶች የተለያዩ ልምድ የሚለዋወጡበትን ዕድል የሚፈጥር መሆኑን ተናግረው በዚህም የኤዢያ አፍሪካ ወጣቶች ፎረም ውይይት ወጣቶች ፍላጎቶቻቸው፣ ተግዳሮቶቻቸው፣ጉልበታቸውን፣የፈጠራ ሃሳቦቻቸውን፣የቴክኖሎጂ ትስስር በመጠቀም ለተሻለ የአፍሪካ-እስያ አጋርነት ሁለንተናዊ ለውጥ በማምጣትና በማበርከት የማይተካ ሚናቸውን የሚጫወቱበት ዕድል ይፈጥራል ብለዋል።
አክለውም አቶ ከማል ወጣቶቹ በፎረሙ በጤና፣ የአየር ንብረት ለውጥ፣ የወጣቶች ኢኮኖሚ ማጎልበት፣ ሰላም እና አቅም ግንባታ እንዲሁም በጎ ፈቃደኝነት ላይ ተሞክሯቸውን ይለዋወጣሉ ብለዋል።
በፎረሙ ላይ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ እንደተናገሩት በጎ ፈቃደኝነት ለወጣቶች የግል ልማት እና የዕድገት ብሎም የቡድን ሥራን በማሳደግ መልካም ስነምግባርን ያበረታታል በማለት የመንግስት/መንግስታዊ ያልሆኑ ተዋናዮች ከዚህ ረገድ ከፍተኛ ሚና እንዳለው በመድረኩ ተናግረዋል ።
አክለውም በጎ ፈቃደኞች እና ተጠቃሚዎች በህብረተሰቡ ውስጥ ወሳኝ-ገንቢ ሚና ይጫወታሉ ያሉ ሲሆን እነዚህም በጋራ በመሆን ለዘላቂ ልማት፣ ማህበራዊ ትስስር እና መረጋጋት ትልቅ አስተዋፅዖ ይኖራቸዋል ብለዋል ፡፡
ይህም አፍሪካ እና እስያ ወጣቶች ፎረም ወጣቶች በየጊዜው ለሚለዋወጧቸው ፍላጎቶች፣ ተግዳሮቶቻቸው እና ምኞቶቻቸው ምላሽ የሚሰጡ አዳዲስ አቀራረቦችን ያመነጫሉ፣ ጉልበታቸውን፣ የፈጠራ ሃሳቦቻቸውን፣ ቴክኖሎጂዎችን፣ እና የእርስ በርስ ትስስርን እንዲኖራቸው የሚያስችል ሲሆን ይህምበ የሚያበረታታና ለSDGs ስኬት አስተዋፅዖ በማድረግ ረገድ ወሳኝ ሚና ይጫወታል ብለዋል።
በመጨረሻም በ2ኛው የአፍሪካ እስያ የወጣቶች መድረክ (AAYF 2023) አዘጋጆች (O-YES Global Foundation) ልዩ ምስጋናዬን አቀርባለሁ ሲሉ ገልጸዋል ፡፡