የሲቪል ማህበረሰብ ድርጅቶች ባለስልጣን ቦርድ በ14ኛ መደበኛ ስብሰባው በተለያዩ ርዕሰ ጉዳዮች ላይ በመወያየት ውሳኔ አሳልፏል፡፡
የሲቪል ማህበረሰብ ድርጅቶች ባለስልጣን ቦርድ በ14ኛ መደበኛ ስብሰባው በተለያዩ ርዕሰ ጉዳዮች ላይ በመወያየት ውሳኔ አሳልፏል፡፡
የሲቪል ማህበረሰብ ድርጅቶች ባለስልጣን ቦርድ ባደረገው 14ኛ መደበኛ ስብሳባው በቅድሚያ የተወያየው የክትትል ድጋፍና ቁጥጥር መመሪያ ላይ ነው፡፡ ቦርዱ በ13ኛ መደበኛ ስብሰባው የተሰጡ ማስተካከያዎች በትክክል መካተታቸውን ከተመለከተ በኋላ ተጨማሪ ግብዓቶችን በመስጠት አጽድቋል፡፡
ቦርዱ በመቀጠል የተወያየው በ2015 በጀት አመት በባለስልጣን መስሪያ ቤቱ ዋና ዋና የእቅድ አፈጻጸሞች ላይ ሲሆን ባለስልጣን መስሪያ ቤቱ በበጀት አመቱ ያከናወናቸው ዋና ዋና ክንውኖች የባለስልጣን መስሪያ ቤቱ ምክትል ዋና ዳይሬክተር አቶ ፋሲካው ሞላ አቅርበዋል፡፡
በመቀጠልም የ2016 በጀት አመት የባለስልጣን መስሪያ ቤቱ እቅድ የቀረበ ሲሆን ቀደም ሲል ለቀረበው የ2015 በጀት ዓመት የእቅድ የአፈጻጸም እና ቀጥሎ ለቀረበው የ2016 በጀት ዓመት እቅድ የቦርድ አባላቱ የተለያዩ ሀሳቦችን አንስተው ምላሽ ተሰጥቶባቸዋል፡፡
የሲቪል ማህበረሰብ ድርጅቶች ባለስልጣን ቦርድ ዛሬ የጸደቀውን መመሪያ ጨምሮ 14 መመሪያዎችን ያጸደቀ ሲሆን 10 መመሪያዎች በፍትህ ሚንስቴር ቁጥር ተሰጥቷቸው ወደስራ የገቡ ናቸው፡፡ ቀሪዎቹ አምስት መመሪያዎች ቁጥር እንዲሰጣቸው ለፍትህ ሚንስቴር ተልከዋል፡፡

የሲቪል ማህበረሰብ ድርጅቶች ባለስልጣን ከፍተኛ የስራ ኃላፊዎች ቦርን ፍሪ የተባለን የውጪ ድርጅት የስራ እንቅስቃሴ ጎብኝተዋል።
የሲቪል ማህበረሰብ ድርጅቶች ባለስልጣን ከፍተኛ የስራ ኃላፊዎች ቦርን ፍሪ የተባለን የውጪ ድርጅት የስራ እንቅስቃሴ ጎብኝተዋል።
የሲቪል ማህበረሰብ ድርጅቶች ባለስልጣጣ ከፍተኛ የስራ ኃላፊዎች በሲቪል ማህበረrሰብ ድርጅቶች አዋጅ ቁጥር 1113/2011 ተመዝግቦ በእንስሳት ጥበቃ ላይ የሚሰራውን ቦርን ፍሪ የተባለ የውጪ ድርጅት የስራ እንቅስቃሴ ተመልክተዋል፡፡
ሆለታ የሚገኘው የእንስሳት ኮቴ እንስሳት መከለያና ትምህርት ማዕከል በቦርን ፍሪ ፋውንዴሽን ኢትዮጵያ ከ15 አመታት በፊት የተቋቋመ ነው፡፡ እንስሳት ከተለያዩ ህገወጦች በመሰብሰብ በመንከባከብ ላይ የሚገኘው ቦርን ፍሪ ፋውንዴሽን ከኢትዮጵያ የዱር እንስሳት ጥበቃ ባለስልጣን ጋር በመተባበር እየሰራ የሚገኝ የሲቪል ማህበረሰብ ድርጅት መሆኑን አቶ በረከት ግርማ የማዕከሉ ስራስኪያጅ ገልጸዋል፡፡

የሲቪል ማህበረሰብ ድርጅቶች ባለስልጣን በሆለታ ኢፈ ቦሩ ቱሉ ሀርቡ 2ኛ ደረጃ ትምህርት ቤት ለ3ኛ ጊዜ የአረንጓዴ አሻራ መርኃ ግብር አከናወነ።
የሲቪል ማህበረሰብ ድርጅቶች ባለስልጣን በሆለታ ኢፈ ቦሩ ቱሉ ሀርቡ 2ኛ ደረጃ ትምህርት ቤት ለ3ኛ ጊዜ የአረንጓዴ አሻራ መርኃ ግብር አከናወነ።
ባለስልጣን መስሪያ ቤቱ ከተለያዩ የሲቪል ማህበረሰብ ድርጅቶች ጋር በመሆን ሀገር በቀል እጽዋትንና ለምግብነት የሚውሉ ከ3000 በላይ ችግኞችን “ነገን ዛሬ እንትከል!” በሚል መሪቃል ተክለዋል፡፡
የአረንጓዴ አሻራ በማኖር ስነስርዓቱ ላይ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱን ጨምሮ የተቋሙ ከፍተኛ የስራ ኃላፊዎችና የሆለታ ከተማ አስተዳደር የግብርና ጽህፈት ቤት ሃላፊዎች እንዲሁም የባለስልጣን መስሪያቤቱ ሰራተኞችና ከተለያዩ የሲቪል ማህበረሰብ ድርጅቶች የተውጣጡ ተሳታፊዎች ተገኝተዋል፡፡
የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ በመርኃ ግብሩ ማጠቃለያ ላይ ባስተላለፉት መልዕክት በአረንጓዴ ልማት ላይ የተመሰረተ ኢኮኖሚ ድህነትን በዘላቂነት እንደሚቀርፍ ገልጸው ባለስልጣን መስሪያ ቤቱ ሀገራዊ ጥሪውን ተቀብሎ ልክ እንደሁልጊዜው በሁለተኛው ምዕራፍ የአረንጓዴ አሻራ መርሃ ግብር አካባቢን ከመጠበቅ ባለፈ ለምግብነት የሚውሉ ተክሎችን በተከታታይ ለ3ኛ ጊዜ በመትከል ላይ እንደሚገኝ ጠቁመዋል፡፡
አክለውም የችግኝ ተከላው በትምህርት ቤት ውስጥ መከናወኑ ትልቅ መልዕክት እንዳለው ገልጸው ትምህርት ቤት የነገን ትውልድ የሚቀረጽበት እንደመሆኑ ትልቅ ትርጉም አለው ብለዋል፡፡
ሆለታ ግብርና ጽህፈት ቤትን ወክለው የተገኙት አቶ በርሲሳ በበኩላቸው ችግኞችን መትከል ብቻ ግብ አይደለም፤ ችግኞችን መንከባከብ ተገቢ መሆኑን አንስተው ባለስልጣን መስሪያ ቤቱ እዚህ ድርረስ መጥቶ የችግኝ ተከላን በማከናወኑ መደሰታቸውን ገልጸዋል።
የሲቪል ማህበረሰብ ድርጅቶች ባለስልጣን በስሩ ከሚገኙ ሰራተኞች ጋር ለተከታታይ ሶስት ዙር በርካታ ለምግብነት የሚውሉ ተክሎችን የተከለ ሲሆን ከፍትህ ሚንስቴር ተጠሪ ተቋማት እና ከሲቪል ማህበረሰብ ድርጅቶች ጋር በመተባበር በክረምት የበጎ ፈቃድ አገልግሎት ስራዎች ላይ በስፋት እየተንቀሳቀሰ ይገኛል፡፡


ዓለም ዓቀፍ የወጣቶች ቀን በፓናል ውይይት ተከበረ፡፡
ዓለም ዓቀፍ የወጣቶች ቀን በፓናል ውይይት ተከበረ፡፡
የሲቪል ማህበረሰብ ድርጅቶች ባለስልጣን ከጀስቲስ ፎር ኦል ፕሪዝን ፎሎውሺፕ ኢትዮጵያ (justice for all prison fellowship Ethiopia) እና ኢንፓወር ኔክስት ጀነሬሽን ኢትዮጵያ (empower next generation Ethiopia) ከተባሉ ሀገር በቀል ድርጅቶች ጋር በመሆን ዓለም ዓቀፍ የወጣቶች ቀን በፓናል ውይይት ተክብሮ ውሏል፡፡
ዓለም ዓቀፉ የወጣቶች ቀን በፈረንጆቹ አቆጣጠር በየዓመቱ ነሀሴ 12 የሚከበር ሲሆን ባለስልጣን መስሪያ ቤቱ ከባለድርሻ አካላት ጋር በመሆን ለሁለት ቀናት በአረንጓዴ ክህሎት (green skill) እና በዴሞክራሲ ባህል ወጣቶችን መገንባትና ባለድርሻ አካላትን በማሳተፍ የተረጋጋ ወደፊትን መገንባት (Empowering youth & engaging stakeholders; building a sustainable future through democratic culture and green skill) በሚል መሪ ቃል በአዲሱ የጀስቲስ ፎር ኦል ፕሪዝን ፎሎውሺፕ ኢትዮጵያ (justice for all prison fellowship Ethiopia) የልህቀት ማዕከል ተከብሯል፡፡
በመርኃ ግብሩ ላይ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱን ጨምሮ የጀስቲስ ፎር ኦል ፕሪዝን ፎሎውሺፕ ኢትዮጵያ ምክትል ፕሬዝዳንት አቶ ዳንኤል ገዛኸኝ እንዲሁም የባለስልጣን መስሪያ ቤቱ ወጣት ሰራተኞችና ከተለያዩ ተቋማት የተውጣጡ ወጣቶች ተሳታፊ ሆነዋል፡፡
የፓናል ውይይቱ ለተከታታይ ሁለት ቀናት የተካሄደ ሲሆን በመርኃ ግብሩ ላይ የአረንጓዴ ክህሎትን መነሻ በማድረግ አረንጓዴ አሻራን የማስቀመጥ መርኃ ግብር ተከናውኗል፡፡
ባለስልጣን መስሪያ ቤቱ CERFODES ከተባለ ዓለም አቀፍ አማካሪ ድርጅት ጋር ተፈራረመ፡፡
ባለስልጣን መስሪያ ቤቱ CERFODES ከተባለ ዓለም አቀፍ አማካሪ ድርጅት ጋር ተፈራረመ፡፡
ባለስልጣን መስሪያ ቤቱ እያከናውነ ያለውን ተቋማዊ ለውጡን ከግብ ለማድረስ እና የአገልግሎት አሰጣጡን ለማዘመን እንዲሁም የቴክኖሎጂ አቅሙን ለማሳደግ ከAFD ባገኘው የገንዘብ ድጋፍ the establishment of a project management unit የተባለ ፕሮጀክት CERFODES ከተባለ አማካሪ ድርጅት ጋር ዛሬ ተፈራርሟል፡፡
የሲቪል ማህረሰብ ድርጅቶች ባላስልጣን አገራዊ ለውጡን ተከትሎ በዘርፉ ላይ እዲሁም በተቋሙ የመጀመሪያውን የሪፎርም ስራ በተሳካ ሁኔ አካናውኗል፡፡
.
ሁለተኛውን የሪፎርም ምዕራፍ የተጀመረ ሲሆን የአገልግሎት አሰጣጡን በቴክኖሎጂ በመታገዝ በተቀላጠፈ መንገድ ለማከናወንና የተቋሙን የመፈጸምና የማስፈጸም አቅም ለመገንባት የሚያግዝ ‘‘The establishment of a project management unit at ACSO’’ ፕሮጀክት ቀርጾ አለም አቀፍ አማካሪ ድርጅቶችን በማወዳደር አሸናፊ ከሆነው CERFODES ከተባለ ድርጅት ጋር በመፈራረም ወደ ስራ ገብቷል፡፡
.
ፕሮጀክቱ ባለስልጣን መስሪያ ቤቱን ዲጂታላይዝ ለማድረግ ሶስት ዓላማዎችን ያያዘ ሲሆን የመጀመሪያው የአገልግሎት አሰጣጡን ማዘመን፣ የአቅም ግንባታ ስራዎችን ማከናወን እና የኢንፎርሜሽንና ኮሙኒኬሽን ቴክኖሎጂ በማዘመን አንዲሁም የአዋጁን ተፈጻሚነት ለማሳለጥ ላይ ትልቅ አቅም ይፈጥራል ተብሎ ይጠበቃል፡፡


የሶስቱ አካላት አጋርነት ለሌላው ምሳሌ የሚሆን ነው፡፡
የሶስቱ አካላት አጋርነት ለሌላው ምሳሌ የሚሆን ነው፡፡
የሲቪል ማህበረሰብ ድርጅቶች ባለስልጣን፣የኢትዮጵያ የሲቪል ማህበረሰብ ድርጅቶች ምክር ቤት እና የCSSP2 አጋርነት ለሌሎች ተምሳሌት እንደሚሆን ም/ዋና ዳይሬክተር አቶ ፋሲካው ሞላ ገልጸዋል፡፡
ለዘርፉ እድገት፣ግልጸኝነትና ተጠያቂነት በርካታ ውጤታማ ስራዎችን በጋራ በማከናወን ላይ መሆናቸውን ገልጸው በቀጣይም እንዲህ አይነት ትብብር እና አጋርነት ተጠናክሮ ይቀጥላል ሲሉ ገልጸዋል፡፡
የኢትዮጵያ የሲቪል ማህበረሰብ ድርጅቶች ምክርቤት ከ CSSP2 ጋር በጋራ በመሆን የሲቪል ማህበረሰብ ድርጅቶች አዋጅ 1113/2011 መሰረት በማድረግ ስምንት የጸደቁ መመሪያዎችን በማሳተም ዛሬ ለባለስልጣን መስሪያቤቱ አስረክበዋል፡፡
በርክክብ ስነስርዓቱ ላይ የባለስልጣኑ ዋና ዳይሬክተር አቶ ሳምሶን ቢራቱ ምስጋናቸውን አቅርበው በቀጣይም በዘርፉ በሚከናወኑ ተግባራት ዙሪያ አብሮ ለመስራት ዝግጁ ነን ብለዋል፡፡
ም/ዋና ዳይሬክተር አቶ ፋሲካው ሞላ ባስተላለፉት መልዕክት ግልጽነትና ተጠያቂነት የሰፈነበት አሰራር ስርዓት መዘርጋት አንዱ የተቋሙ ቁልፍ ተግባር መሆኑን አንስተው ይህ መመሪያም ባለድርሻ አካትና የሲቪል ማህበረሰብ ድርጅቶች ተረድተው ተግባራዊ ለማድረግ ያግዛል ሲሉ መልዕክታቸውን አስተላልፈዋል፡፡
ውጤታማ ዘርፍ ለመፍጠር በመተባበር መስራትና ጠንካራ ተቋም መገንባት ያስፈልጋል ያሉት ም/ዋና ዳይሬክተሩ በዚህ ሂደት ምክርቤቱ እና CSSP2 በርካታ ስራዎችን ሰርተዋል ለዚህም ምስጋና ይገባቸዋል ብለዋል፡፡
የኢትዮጵያ የሲቪል ማህበረሰብ ድርጅቶች ምክርቤት ዋና ዳይሬክተር አቶ ሄኖክ መለሰ በበኩላቸው ከCSSP2 በተገኘ የገንዘብ ድጋፍ አስራ ሁለት ሺህ ኮፒ መዘጋጀቱን ገልጸው ይህ አጋርነት በዘርፉ የበለጠ መተማመን ይገነባል ሲሉ ገልጸዋል፡፡ ህትመቶቹ ለሲቪል ማህበረሰብ ድርጅቶች፣ለባለድርሻ እና ለለጋሽ አካላት የሚሰራጭ ነው ፡፡


8ኛው የኢ.ፌ.ዲ.ሪ የሲቪል ማኅበረሰብ ድርጅቶች ባለሥልጣን እና የክልልና የፌደራል ባለድርሻ አካላት የጋራ ጉባኤ በድሬደዋ ከተማ እየተካሄደ ይገኛል፡፡
8ኛው የኢ.ፌ.ዲ.ሪ የሲቪል ማኅበረሰብ ድርጅቶች ባለሥልጣን እና የክልልና የፌደራል ባለድርሻ አካላት የጋራ ጉባኤ በድሬደዋ ከተማ እየተካሄደ ይገኛል፡፡
በጉባኤው ላይ የድሬደዋ ከተማ አስተዳደር ከንቲባ ጨምሮ የፌደራል መንግስት ተቋማት ሚኒስትሮች፣የክልል ፋይናንስና የፍትህ ቢሮ እና የክልሎች የሲቪል ማህበረሰብ ድርጅቶች ዴስክ ሀላፊዎች ተገኝተዋል፡፡
.
የድሬደዋ ከተማ አስተዳደር ከንቲባ ክቡር አቶ ከድር ጁሃር ወደበርሃዋ ገነት ትንሿ ኢትዮጵያ ድሬደዋ ከተማ እንኳን ደህና መጣችሁ በማለት የሲቪል ማህበረሰብ ድርጅቶች እየሰሩ ያሉት ስራዎች በተለይ ዜጋ ተኮር የሆኑት ውጤት እየታየባቸው መሆኑን ገልፀው ተገቢውን ክትትልና ድጋፍ በየወቅቱ በማድረግ ለታለመለት ዓላማ እንዲውል አስፈላጊውን ክትትልና ድጋፍ እንደሚያደርጉ ገልፀዋል፡፡
.
አቶ ኢሳ ቦሩ፤ የህዝብ ተወ/ም/ቤት የህግና ፍትህ ጉዳዮች ቋሚ ኮሚቴ ም/ሰብሳቢ እንደገለጹት ከአገራዊ ለውጡ ማግስት በኢፌዴሪ የህዝብ ተወካዮች ምክር ቤት ከፀደቁ አዳዲስ ህጎች መካከል የሲቪል ማህበረሰብ ድርጅቶች አዋጅ ተጠቃሽ ነው፡፡
.
ይህ ህግ መብት ገዳቢ የነበረውን የቀድሞውን ህግ በመሻር የወጣ እና በኢትዮጵያ ህገ መንግስት እና ኢትዮጵያ ፈርማ የተቀበለቻቸው ዓለም አቀፍ ስምምነቶች የተረጋገጠውን የመደራጀት መብት በተሟላ መንገድ ተግባራዊ የማድረግ እንዲሁም በድርጀቶቹ እንቅስቃሴ የህዝብና አገር ተጠቃሚነትን የማረጋገጥ ዓላማን ይዞ ለሲቪል ማህበረሰብ ድርጅቶች መብትን ያጎናፀፈ አዋጅ መሆኑን አንስተዋል፡፡
.
ሲቪል ማህበራትም አገርና ህዝብን በሚጠቅሙ በርካታ ጉዳዮች ላይ በንቃት እንቅስቀሴ እያደረጉ መሆኑን በመግለፅ በዚህ አጋጣሚ የህዝ/ተ/ም/ቤት የህግና ፍትህ ጉዳዮች ቋሚ ኮሚቴ እስካሁን በዘርፉ ለተመዘገቡ ስኬቶች ባለስልጣን መ/ቤቱን፣ የሚመለከታቸውን የመንግስት አካላት እና ሲቪል ማህረሰብ ድርጅቶች ቋሚ ኮሚቴ ም/ሰብሳቢ አመስግነዋል፡፡
.
የፍትህ ሚኒስትር ሚኒስቴር ዴኤታ ክቡር ዶ/ር ኤርሚያስ የማነብርሃን እንዳሉት የኢፌዲሪ መንግስት ባለፉት ዓመታት ዘርፈ ብዙ የሪፎርም ተግባራትን በማከናዎን ቀላል የማይባሉ አስቸጋሪ ሁኔታዎችን በማለፍ በአገራችን ሁለንተናዊ ልማትና ዴሞክራሲ እንዲረጋገጥ ያላሳለሰ ጥረት እያደረገ እንደሚገኝ በመግለፅ የአገራችን የዲሞክራሲ ሽግግር፣ የዘላቂ ሰላም ግንባታ፣ የኢኮኖሚ እንዲሁም የማህበራዊ የእድገት ጉዞ የተሳካ እንዲሆን እንዲሁም የሚያጋጥሙ ተግዳሮቶች እየተፈቱ እንዲሄዱ ማድረግ በመንግስት እንቅስቃሴ ብቻ ሳይሆን በመላው ህዝባችን ተሳትፎ እና በተለያዩ አካላት አዎንታዊ አስተዋፅኦ የሚሳካ መሆኑ አንስተዋል፡፡
ሚኒስቴር ደኤታው አክለውም የሲቪል ማህበረሰብ ድርጅቶች በአገራችን የልማት እንቅስቃሴ እና የዴሞክራሲ ስርዓት ግንባታ ላይ የማይተካ ሚና ያላቸው እና ለዚህም በትጋት መስራት የሚገባቸው መሆኑን በመንግስት በኩል ፅኑ እምነት ያለ መሆኑን አረጋግጣለሁ ብለዋል፡፡
.
የሲቪል ማኅበረሰብ ድርጅቶች ባለሥልጣን ዋና ዳይሬክተት ክቡር አቶ ሳምሶን ቢራቱ በንግግራቸው እንዳነሱት አገራችን ኢትዮጵያ በርካታ ውስጣዊና ውጫዊ ፈተናዎች ቢያጋጥሟትም የጀመረችውን የብልጽግና ጉዞዋን ከመቼውም ጊዜ በላይ አጠናክራ እንድትቀጥል ያለን ብቸኛ አማራጭ በመተባበር አገራችንን ወደ ተሻለ ከፍታ ማድረስ፤ ከድህነትና ኃላቀርነት መላቀቅ እና የበለፀገች ኢትዮጵያን እውን ማድረግ ነው ሲሉ ገልፀዋል፡፡
.
አያይዘውም ባለስልጣን መስሪያ ቤቱ ባለፉት ዓመታት ያካሄደው ሪፎረም የበለጠ በማጠናከር በ2015 በጀት ዓመት ዋና ዋና ተልዕኮዎቻችን ያደገ አፈፃፀም ማስመዝገብ መቻሉን በመግለፅ በበጀት ዓመቱ 688 አዳዲስ ድርጅቶችን መመዝገብ፣ድርጅቶች ህግን አክብረው መንቀሳቀስ እንዲችሉ በሚደረገው የክትትልና ድጋፍ ስራም በዓመቱ 3345 ድርጅቶች በላይ የክትትልና ድጋፍ ተግባራት መከናወናቸውን ገልፀዋል፡፡
.
በጉባኤው ላይ የባለስጣኑን የ2015 በጀት ዓመት ሪፖርት በባለስጣኑ ም/ዋና ዳይሬክተር አቶ ፋሲካው ሞላ ቀርበው ውይይት ተደርጎባቸዋል፡:





ድሬደዋ 8ተኛው የኢፌዴሪ የሲቪል ማኀበረሰብ ድርጅቶች ባለስልጣን እና የፌዴራልና የክልል ባለድርሻ የመንግስት ተቋማት የጋራ ጉባኤ ለማክበር እንግዶቿን ተቀብላለች፡:
ድሬደዋ 8ተኛው የኢፌዴሪ የሲቪል ማኀበረሰብ ድርጅቶች ባለስልጣን እና የፌዴራልና የክልል ባለድርሻ የመንግስት ተቋማት የጋራ ጉባኤ ለማክበር እንግዶቿን ተቀብላለች፡:
ከጉባኤው ቀደም ብሎ የኤክስፐርቶች (NGO Desk heads) ሃላፊዎች ውይይት ዛሬ የተካሄደ ሲሆን በመድረኩ የሁሉም ክልሎች በዘርፉ የተከናወኑ ተግባራትና ምርጥ ተሞክሮዎች እንዲሁም የቀጣይ የትኩረት አቅጣጫ ላይ መክረዋል፡፡
የጉባኤው ዓላማ የሲቪል ማህበረሰብ ድርጅቶች እንቅስቀሴ ጋር በተያያዘ ኃላፊነት ያላቸው የመንግስት አካላት ሃላፊነታቸውን በአግባቡ በመወጣት የሲቪል ማህበረሰብ ድርጅቶች ዘርፍ በህግ አግብብ በመንቀሳቀስ የህዝብ ጥቅምን የሚያረጋግጥ ስራ እንዲያከናውን የሚያስችል ቅንጅታዊ አሰራርን ማጎልበት፤የሲቪል ማህበረሰብ ድርጅቶች እንቅስቀሴና የተቋማትን አፈፃፀም በአገራዊ ደረጃ በመገምገም ክፍተቶችን በመለየት የጋራ የመፍትሄ አቅጣጫዎችን ማስቀመጥ እና የሲቪል ማህበረሰብ ድርጅቶች አስተዳደር ጋር በተያያዘ መልካም ተሞክሮዎችን መለዋወጥ ነው፡፡


የሲቪል ማህበረሰብ ድርጅቶች ባለስልጣን የ2015 በጀት ዓመት እቅድ አፈጻጸምን እና የ2016 በጀት አመት እቅድን በሚመለከት ከባለድርሻ አካላት ጋር ውይይት አደረገ ፡፡
የሲቪል ማህበረሰብ ድርጅቶች ባለስልጣን የ2015 በጀት ዓመት እቅድ አፈጻጸምን እና የ2016 በጀት አመት እቅድን በሚመለከት ከባለድርሻ አካላት ጋር ውይይት አደረገ ፡፡
የሲቪል ማህበረሰብ ድርጅቶች ባለስልጣን በ2015 በጀት ዓመት እቅድ አፈፃፀም እና የ2016 በጀት ዓመት አቅድን በሚመለከት ከሲቪል ማህበረሰብ ድርጅቶችና ከሚመለከታቸው የመንግስት ባለድርሻ አካላት ጋር ውይይት አድርጓል፡፡
በመድረኩ ላይ በፍትህ ሚንስቴር የመንግስት ህግና ፍትህ ጉዳዮች ሚንስትር ደዔታ አቶ አለምአንተ አግደውን ጨምሮ የባለስልጣን መስሪያ ቤቱ ከፍተኛ የስራ ኃላፊዎች እና ከተለያዩ የሲቪል ማህበረሰብ ድርጅቶች የተወጣጡ ተሳታፊዎች ተገኝተዋል፡፡
በፍትህ ሚንስቴር የመንግስት ህግና ፍትህ ጉዳዮች ሚንስትር ደዔታ አቶ አለምአንተ አግደው ባደረጉት የመክፈቻ ንግግር መንግስት በሲቪል ማህበረሰብ ድርጅቶች ዘርፍ ላይ በርካታ የህግና ተቋማዊ ሪፎርሞችን ሲሰራ እንደቆየ አንስተው በዚህ ረገድ የጀመረውን የሪፎርም ስራ አጠናክሮ እንደሚቀጥል አንስተዋል፡፡ ወደባለስልጣን መስሪያ ቤቱ በቅርቡ ተሹመው የመጡት አቶ ሳምሶን ቢራቱም ተቋሙ የጀመረውን የሪፎርም ስራ አጠናክረው እንደሚቀጥሉ ገልጸው መላው የዘርፉ ተዋናይ የሲቪል ማህበረሰብ ድርጅቶች አስፈላጊውን ትብብር እንዲያደርጉ ጥሪያቸውን አስተላልፈዋል፡፡
የሲቪል ማህበረሰብ ድርጅቶች መንግስት የፈጠረውን ምቹ ሁኔታ በመጠቀም ህዝብንና ሀገርን የሚጠቅሙ በርካታ ስራዎችን መስራታቸውን ያነሱት ሚኒስትር ደዔታው በቀጣይም በሀገራዊ ምክክር፣ በሽግግር ፍትህ እንዲሁም ሰላምንና ፍትህን ለማስፈን በሚደረግ ጥረት ውስጥ የሲቪል ማህበረሰብ ድርጅቶች የበኩላቸውን ሚና እንዲወጡ አሳስበዋል፡፡
የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ በበኩላቸው መንግስት ቀደም ሲል ይከተል በነበረው የተሳሳተ ፖሊሲ እንደሀገር ከዘርፉ ሊገኝ የሚገባው ጥቅም አለመገኘቱን አንስተው መንግስት ባደረገው ሪፎርም የሲቪል ማህበረሰብ ድርጅቶች በልማትና በዲሞክራሲያዊ ሰርዓት ግንባታ ውስጥ ጉልህና ንቁ ተሳትፎ ማድረግ መቻላቸውን ገልፃዋል ፡፡
ዋና ዳይሬክተሩ አክለውም የሲቪል ማህበረሰብ ድርጅቶች ህግንና ስርዓትን ተከትለው እንዲሰሩ በማብቃት እናበሀገሪቱ ሁለንተናዊ እድገት ውስጥ የሚኖራቸውን ሚና በአግባቡ እንዲወጡ በማድረግ እንዲሁም የህብረተሰቡን የላቀ ተጠቃሚነትን ለማረጋገጥ ባለስልጣን መስርያቤቱ እየሰራ እንደሚገኝ አንስተው በ2015 በጀት አመት የተገኙ መልካም ተመክሮዎች የበለጠ ተጠናክረው ስራ ላይ እንዲውሉ በማድረግ የተሻለ ውጤት ለማስመዝገብ እንዲሁም የሚያጋጥሙ ተግዳሮቶችን ወደመልካም አጋጣሚ ለመቀየር ወደስራ ተገብቷል ብለዋል፡፡

የሲቪል ማህበረሰብ ድርጅቶች በልማትና በዴሞክራሲያዊ ስርዓት ግንባታ ላይ የነቃ ተሳትፎ በማድረግ የህዝብን የላቀ ተጠቃሚነት የሚረጋግጥ ተግባር መፈጸም እንደሚገባቸው ተጠቆመ፡፡
የሲቪል ማህበረሰብ ድርጅቶች በልማትና በዴሞክራሲያዊ ስርዓት ግንባታ ላይ የነቃ ተሳትፎ በማድረግ የህዝብን የላቀ ተጠቃሚነት የሚረጋግጥ ተግባር መፈጸም እንደሚገባቸው ተጠቆመ፡፡
የሲቪል ማህበረሰብ ድርጅቶች አዋጅ 1113/2011 አንቀጽ 85 መሰረት በሁሉም ድርጅቶች ሙሉ ተሳትፎ የሚመራ ም/ቤት እንዲቋቋም ተደርጓል፡፡ በዚሁ መሰረት የሲቪል ማህበረሰብ ድርጅቶች ም/ቤት 4ኛ ጠቅላላ ጉባኤ አካሄዷል፡፡
በጉባኤው ላይ በክብር እንግድነት የተገኙት የባለስልጣኑ ም/ ዋና ዳይሬክተር አቶ ፋሲካው ሞላ እንደተናገሩት ባለስልጣን መስሪያ ቤቱ ባለፉት ዓመታት በህግ የተሰጠውን ተልዕኮ በተሟላ መንገድ ለመተግበር ብርቱ ርብርብ ሲያደርግ መቆየቱን ገልፀው የሲቪል ማህበረሰብ ድርጅቶች ምቹ ሁኔታዎች ተፈጥሮላቸው ህግና ስርዓትን በተከተለ መልኩ አገርና ህዝብን በሚጠቅሙ ጉዳዮች ላይ ከፍተኛ አስተዋፅኦ ማድረግ እንዲችሉ ተደርጓል ሲሉ ገልፀዋል፡፡
አያይዘውም ባለስልጣን መስሪያቤቱ ባካሄደው ተከታታይ ተቋማዊ ሪፎርም ውጤቶችን በማስመዝገብ የመፈፀምና የማስፈፀም አቅም ያለው ተቋም መገንባት መቻሉን በመግለጽ ዝርዝር የአፈፃፀም መመሪያዎች፣ ማኑዋሎች፣ ስታንዳርዶች በማውጣት የአሰራር ስርዓት መዘርጋት፤ በኦንላይ ጭምር ቀልጣፋና ጥራት ያለው አገልግሎት መስጠት፤ ቀላልና ቀልጣፋ የምዝገባ ስርዓት ተግባራዊ ማድረግ፤ እያደገ የሄደ የድጋፍ እና የክትትል አቅም መገንባት፤ ከፌዴራልና ከክልል ባለድርሻ አካላት ጋር ቋሚና ጠንካራ ግንኙነት መፍጠር፤ እንደ ቮለንተሪዝም ማኔጅመንት ኢንፎርሜሽን ሲስተም የመሳሰሉ በጎ ፈቃደኝነትን ተቋማዊ ለማድረግ የሚያስችሉ ወሳኝ ተግባራትን ማከናዎን መቻሉን አንስተዋል፡፡
ሌላው ያነሱት ም/ዋና ዳይሬክተሩ የሲቪል ማህበረሰብ ድርጅቶች ዘርፍ ሪፎርም ውስጥ እንደ አንዱ ዋነኛ ስኬት የሚቆጠረው ጉዳይ በአዋጁ የተደነገገው የሲቪል ማህበረሰብ ድርጅቶች ምክር ቤት በማቋቋም ወደ ስራ መግባት መቻሉ ነው፡፡ የሲቪል ማህበረሰብ ድርጅቶች ምክር ቤት ሁሉንም የሲቪል ማህበረሰብ ድርጅቶች እንደ ጥላ የሚያሰባስብና የሚወክል ከመሆኑ ባሻገር በዘርፉ የእርስ በእርስ የቁጥጥር ስርዓት እንዲገነባ በማድረግ የዘርፉን መልካም ስምና ተቀባይነት ከፍ የሚያደርግ ወሳኝ ተቋም ነው በማለት ይህ ምክር ቤት በኢትዮጵያ ውስጥ ሊገነባ ከሚፈለገው የሲቪል ማህበረሰብ ድርጅቶች ዘርፍ ማለትም ህግን አክብሮ፤ ነፃና ገለልተኛ ሆኖ፤ ከማንም በላይ ለህሊናውና ለመርህ ታማኝ ሆኖ፤ ለህዝብ ጥቅም ወግኖ፤ የአገራዊ ሁኔታ መሰረት በማድረግ ፍላጎት ላይ የተመሰረተ ትርጉም ያለው ለውጥ የሚያመጣ ተግባር የሚያከናውን የሲቪል ማህበረሰብ ድርጅቶች ዘርፍ መገንባት ከፍተኛ ሚና የሚኖረው ስትራቴጅያዊ አካል መሆኑን ገልፀዋል፡፡
ም/ዋና ዳይሬክተሩ አጽዕኖት ሰተው የተናገሩት ባለስልጣን መስያቤቱ ለምክር ቤቱ የሚያደርገውን ድጋፍ አጠናክሮ እንደሚቀጥል በመጠቆም ምክር ቤቱም በአዋጅ የተጣለበትን ሃላፊነት በአግባቡ በመወጣት በተለይም የራስ በራስ ቁጥጥር ስርዓትን በማጠናከር ህግን አክብሮ የሚንቀሳቀስ፤ ግልፅነትና ተጠያቂነት ያሰፈነ፣ መልካም ስም ያተረፈ እና ለህዝብ ጥቅም የሚሰሩ ሲማድ መገንባት ላይ ትኩረት አድርጎ ውጤታማ ስራ ማከናዎን ይኖርበታል ብለዋል፡፡ የሲቪል ማህበረሰብ ድርጅቶች ም/ቤት ለጉባኤው ያከናወናቸውን ስራዎች በ ሪፖርት ለማቅረብ ችሏል፡፡










