በባለስልጣን መስሪያ ቤቱ የተሰሩ በርካታ የለውጥ ስራዎች በዲጂታል ቴክኖሎጂ የታገዙ መሆን እንደሚገባቸው ተገለጸ፡፡

በባለስልጣን መስሪያ ቤቱ የተሰሩ በርካታ የለውጥ ስራዎች በዲጂታል ቴክኖሎጂ የታገዙ መሆን እንደሚገባቸው ተገለጸ፡፡

ይህ የተባለው የሲቪል ማህበረሰብ ድርጅቶች ባለስልጣን የተቋሙን የኢንፎርሜሽን ቴክኖሎጂን ለማዘመንና ዲጂታላይዝ ለማድረግ በተዘጋጀው የፍላጎት ዳሰሳ ጥናት ላይ ባተኮረ መድረክ ላይ ነው፡፡ በመድረኩ ላይ የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላን ጨምሮ የባለስልጣን መስሪያ ቤቱ የስራ ኃላፊዎችና ባለሙያዎች እንዲሁም ከገንዘብ ሚንስቴርና ከAFD የመጡ ባለሙያዎች ተሳታፊ ሆነዋል፡፡
አቶ ፋሲካው ሞላ በመድረኩ ላይ ባስተላለፉት መልዕክት ባለስልጣን መስሪያ ቤቱ በሁለተኛው የለውጥ ምዕራፍ ላይ የሚገኝ በመሆኑ የኢንፎርሜሽን ቴክኖሎጂን ለማዘመንና ዲጂታላይዝ ለማድረግ የተዘጋጀው የፍላጎት ዳሰሳ ጥናት እጅግ አስፈላጊ መሆኑን አንስተዋል፡:
ባለስልጣን መስሪያ ቤቱ ሊጠቀሱ የሚችሉ የለውጥ ስራዎችን መስራቱን ያነሱት ም/ዋና ዳይሬክተሩ በሁለተኛው የለውጥ ምዕራፍ ባለስልጣን መስሪያቤቱን ዲጂታላይዝ ማድረግ ዋነኛው አጀንዳ መሆኑን አስንተው ተቋሙ የሚሰጣቸው የውጪ እና የውስጥ አገልግሎቶች በዲጂታል ቴክኖሎጂ የታገዙ መሆን እንደሚጠበቅባቸው ገልጸዋል፡፡
በመጀመሪያው የለውጥ ምዕራፍ ተቋማዊ የአቅም ግንባታ ላይ ትኩረት መደረጉን ያስታወሱት አቶ ፋሲካው በሁለተኛው የለውጥ ምዕራፍ ባለስልጣን መስሪያ ቤቱ ሙሉ በሙሉ ከወረቀት ነጻ የሆነ አሰራርን ለመተግበር ትኩረት ሰጥቶ እየሰራ እንደሚገኝ የገለጹ ሲሆን ይህን የለውጥ አጀንዳ ስኬታማ ለማድረግ የኢንፎርሜሽን ቴክኖሎጂን ለማዘመንና ዲጂታላይዝ ለማድረግ የሚያስችለው ይህ የዳሰሳ ጥናት ትልቅ አስተዋጽዖ እንደሚኖረው ተናግረዋል፡፡ በመጨረሻም AFD ባለስልጣን መስሪያ ቤቱን ለማዘመንና ዲጂታላይዝ ለማድረግ በሚደረግ ጥረት ውስጥ እያደረገ ባለው አስተዋጽዖ ምስጋናቸውን አቅርበዋል፡፡


የቀድሞው ዋና ዳይሬክተር አቶ ጂማ ዲልቦ በተቋሙ የማኔጅመንት አባላትና አጠቃላይ ሰራተኞች በክብር ተሸኝተዋል፡፡

የቀድሞው ዋና ዳይሬክተር አቶ ጂማ ዲልቦ በተቋሙ የማኔጅመንት አባላትና አጠቃላይ ሰራተኞች በክብር ተሸኝተዋል፡፡

በአመራር ብቃታቸው፣የአገልጋይነት ባህሪያቸው፣ሰው አክባሪነታቸውና ለዘርፉ ውጤት በማምጣት የሚታወቁት አቶ ጂማ ዲልቦ በመላው አመራርና ሰራተኞች እንዲሁም የሲቪል ማህበረሰብ ድርጅቶች ቦርድ አባላት ምስጋና ቀርቦላቸዋል፡፡ ሌላው አዲስ ወደ ተቋሙ ተሹመው የመጡትን ዋና ዳይሬክተር አቶ ሳምሶን ቢራቱ የእንኳን ደህና መጡ አቀባበል ተደርጎላቸዋል፡፡


የተቋሙ ዓመታዊ ስፖርት ውድድር ተካሄደ፡:

የተቋሙ ዓመታዊ ስፖርት ውድድር ተካሄደ፡:

በየዓመቱ የሰራተኞች የስፖርት ውድድር የሚካሄድበትና የተቋሙ ሰራተኞች የእርስ በእርስ ግንኙነት እንዲያጠናክር ታስቦ የተጀመረው የስፖርት ፕሮግራም ዛሬ በአዳማ ከተማ በደማቅ ሁኔታ ተካሄደ፡፡ በፕሮግራሙ ላይ የቀድሞው ዋና ዳይሬክተር አቶ ጂማ ዲልቦን ጨምሮ የተቋሙ ከፍተኛ አመራሮችና መላው ሰራተኞች ተሳታፊ ሆነዋል፡፡


በጋራ የተሻለ ተቋምና ሃገር ለመገንባት እንሰራለን፡፡

በጋራ የተሻለ ተቋምና ሃገር ለመገንባት እንሰራለን፡፡

ተቋሙ የ2015 በጀት ዓመት እቅድ አፈጻጸም እና የ2016 እቅድ ላይ በማኔጅመንት ደረጃ እና ከአጠቃላይ ሰራተኛ ጋር ገምግሟል፡:
የባለስልጣን መስሪያቤቱ ም/ዋና ዳይሬክተር አቶ ፋሲካው ሞላ በመክፈቻ ንግግራቸው እንደገለጹት በ2015 በጀት ዓመት እንደባለፉት ዓመታት ሁሉ ተቋሙ በማያቋርጥ የለውጥ ሂደት ውስጥ መቆየቱን አንስተው በተለይ በበጀት ዓመቱ ሁለተኛው የለውጥ ምዕራፍ በሚል እቅድ በማቀድና አንዳንድ ስራዎች ላይ በልዩ ሁኔታ ክትትል በማድረግ መከናወኑን አንስተዋል፡፡
የክትትልና ድጋፍ ስራን በተመለከተ የሲቪል ማህበረሰብ ድርጅቶችን በሚገነባ መልኩ መከናወኑ፣የመፈጸም እና የማስፈጸም አቅም ያለው ተቋም እየተገነባ መምጣቱ፣ የሲቪክ ምህዳሩ እንዲሰፋ የምዝገባ ስርዓታችንን ቀልጣፋና ተደራሽ እያደረግን መምጣታችን፣ ከባለድርሻ አካላትና ከአጋር አካላት ጋር ጥሩ ቅንጅት መፈጠሩ እና የዲታል ተቋም ለመገንባት በትልቅ እቅድ ስራ የተጀመረበት በጀት ዓመት ነው ሲሉ አክለው ገልጸዋል፡፡
ይህ ውጤት የመጣው በመላው ሰራተኛና አመራሩ ትጋት በመሆኑ ምስጋና ይገባቸዋል ያሉት ም/ዋና ዳይሬክተሩ በ2016 በጀት ዓመትም የተሻለ ስራ ለመስራት እና ለበለጠ ስኬት እቅድ ላይ ትኩረት በማድረግ ተግባራትን ማከናወን፣ በስነምግባር መፈጸምና ያልሰራ አካልን እርምጃ መውሰድ አስፈላጊ ነው ለዚህ ደግሞ ዝግጅ መሆን ያስፈልጋል ብለዋል፡፡ ከባለፈው በጀት ዓመት አፈጻጸም አንጻር የተሻለ ክንውን ቢኖርም ከፋይናስ እና ኦዲት ጋር ተያይዞ የተወሰኑ ክፍተቶች በመኖራቸው በአጭር እና የረጅም ግዜ እቅድ በማውጣት መፍታት ያስፈልጋል ሲሉ ገልጸዋል፡፡
በመጨረሻም በ2016 በጀት ዓመት መንግስትና ህዝብ የሰጠንን አደራ የምንወጣበት እና ህግና ስርዓትን ጠብቀን የምንሰራበት የበለጠ የህዝብና የመንግስትን ጥቅም የምናረጋግጥበት እንዲሆን እመኛለሁ በማለት በጋራ የተሻለ ተቋምና ሃገር ለመገንባት እንሰራለን ሲሉ መልዕክታቸውን አስተላልፈዋል፡፡
ወደ ተቋሙ አዲስ ተሹመው የመጡት ሃላፊ አቶ ሳምሶን ቢራቱ በበኩላቸው ከዚህ ሁለት መድረክ በርካታ ትምህርቶችን ወስጃለሁ ማሻሻል የሚገቡንን ጉዳዬች እያስተካከልን በ2016 በጀት ዓመት የተሻለ ስራ እንሰራለን ሲሉ ገልጸዋል፡፡


የሲቪል ማኅበረሰብ ድርጅቶች ባለስልጣን የቀድሞ ዋና ዳይሬክተር አቶ ጂማ ዲልቦ አዲስ ተሹመው ወደ ተቋሙ ከመጡት አቶ ሳምሶን ቢራቱ ጋር የስራ ርክክብ አደረጉ፡፡

የሲቪል ማኅበረሰብ ድርጅቶች ባለስልጣን የቀድሞ ዋና ዳይሬክተር አቶ ጂማ ዲልቦ አዲስ ተሹመው ወደ ተቋሙ ከመጡት አቶ ሳምሶን ቢራቱ ጋር የስራ ርክክብ አደረጉ፡፡

ዋና ዳይሬክተር አቶ ሳምሶን ቢራቱ የትውውቅ እና የስራ ርክክብ ያደረጉ ሲሆን በንግግራቸው የተጀመሩ የሪፎርም ስራዎችን ለማስቀጠል በቁርጠኝነት ከአመራሩ እና ከአጠቃላይ ሰራተኛው ጋር እንደሚሰሩ ገልጸዋል፡፡ አቶ ጂማ ዲልቦ በበኩላቸው በቆይታቸው ጠንካራ ተቋም ለመገንባት እንዲሁም በሲቪል ማህበረሰብ ድርጅችና በባለስልጣን መስሪያቤቱ መርህን መሰረት ያደረገ የስራ ግንኙነት እንዲኖር ተችሏል ያሉ ሲሆን ይህ የመጣው ውጤት የሁሉም ሰራተኛና አመራር ነው ብለዋል፡፡
በመጨረሻም በዚህ ተቋም እና ዘርፍ በማገልገሌ ደስታ ይሰማኛል በማለት አዲስ ተሹመው ወደ ተቋሙ ለመጡት ሃላፊ መልካም ምኞታቸውን ገልጸዋል፡፡


የሲቪል ማህበረሰብ ድርጅቶች ባለስልጣን ለሁለተኛ ዙር በጫንጮ ከተማ ጎርፎ ቀበሌ የችግኝ ተከላ ፕሮግራም አካሂዷል ፡፡


ብሔራዊ ተሃድሶ ኮሚሽን ከሲቪል ማህበረሰብ ድርጀቶች ጋር በጋራ ለመስራት መከረ፡፡


ከOHCHR እና ከኢትዮጵያ ሰብዓዊ መብት ተሟጋቾች ማዕከል (Ethiopian human right defenders centre) ጋር በመተባበር በዲጂታል ሴኩሪቲ እና ሰብዓዊ መብት ላይ ስልጠና ተሰጠ፡፡

ከOHCHR እና ከኢትዮጵያ ሰብዓዊ መብት ተሟጋቾች ማዕከል (Ethiopian human right defenders centre) ጋር በመተባበር በዲጂታል ሴኩሪቲ እና ሰብዓዊ መብት ላይ ስልጠና ተሰጠ፡፡


 

 

 

 

 

አክለውም የሲቪል ማህበረሰብ ድርጅቶች ባለስልጣንን መደገፍ ዘርፉን መደገፍ እንደሆነ የጠቀሱት ምክትል ዋና ዳይሬክተሩ ባለስልጣኑ የጀመረውን ሪፎርም በተሻለ መንገድ መምራት እንዲችል አቅሙን ማሳደግና በአዳዲስ ጉዳዮች ላይ የተሻለ ልምምድ ማድረግ እንዲሁም የዘመኑን ቴክኖሎጂዎችን በመጠቀምና አገልግሎታችንን ዲጂታላይዝ በማድረግ  በአገልግሎታችን ተደራሽ መሆን ይጠበቅብናል ብለዋል፡፡ በተጨማሪም የሲቪል ማህበረሰብ ድርጅቶች ዘርፍ ከኋላ የሚከተል ሳይሆን አዳዲስ ቴክኖሎጂዎችን በመጠቀም ከፊት ሆኖ ሀገርን የተሻለ ቦታ ላይ ለማድረስ አስተዋጽዖ ማድረግ መቻል አለበት ያሉ ሲሆን ይህ ስልጠናም በተለይ ከዲጂታል ሴኩሪቲ ጋር በተያያዘ  ያለንን ግንዛቤ ለማሳደግ ትልቅ አስተዋጽዖ እንደሚኖረው ጠቁመዋል፡፡

በዲጂታል ሴኩሪቲና ሰብዓዊ መብት ላይ ያተኮረ ስልጠና በተለይም በሰብዓዊ መብት ላይ ለሚሰሩ ሀገር በቀል ድርጅቶች ተሰጠ፡፡ ስልጠናው የተዘጋጀው በተመባበሩት መንግስታት የሰብዓዊ ምብቶች ኮሚሽን እና በኢትዮጵያ ሰብዓዊ መብት ተሟጋቾች ማዕከል (Ethiopian human right defenders centre) ከሲቪል ማህበረሰብ ድርጅቶች ባለስልጣን ጋር በመተባበር ነው፡፡

የስልጠናው መክፈቻ ላይ የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ተገኝተው መልዕክት ያስተላለፉ ሲሆን የOHCHR በኢትዮጵያ ምክትል ተወካይ የሆኑት ቻርለስ ኩዌሞይ (Charlese Kwemoi) ተገኝተዋል፡፡ የኢትዮጵያ ሰብዓዊ መብት ተሟጋቾች ማዕከል (Ethiopian human right defenders centre) ዳይሬክተር የሆኑት አቶ ያሬድ ኃ/ማሪያም በቪዲዮ መልዕክት አስተላልፈዋል፡፡

የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ ባስተላለፉት መልዕክት በአሁኑ ጊዜ የሲቪል ማህበረሰብ ድርጅቶች በተሻለ መንገድ መንቀሳቀስ የሚችሉበት አውድ መፈጠሩን አንስተው ከዚህ የበለጠ አቅም ኖሯቸው ለሀገር ልማትና እድገት የበለጠ ውጤታማ ስራ መስራት እንዲችሉ የሲቪል ማህበረሰብ ድርጅቶች ባለስልጣን ምቹ ሁኔታዎችን በመፍጠር ላይ ይገኛል ብለዋል፡፡ በተለይም በሀገር በቀል ድርጅቶች ላይ የአቅም ውስንነት መኖሩን ያነሱት ምክትል ዋና ዳይሬክተሩ ይህን የአቅም ውስንነት በመቅረፍ  ለሀገር የሚጠቅም ውጤታማ ስራ ሊሰሩ እንደሚገባ አንስተዋል፡፡

የኢትዮጵያ ሰብዓዊ መብት ተሟጋቾች ማዕከል (Ethiopian human right defenders centre) ዳይሬክተር የሆኑት አቶ ያሬድ ኃ/ማርያም በቪዲዮ ባስተላለፉት መልዕክት በሁለት አመት ውስጥ ከ650 በላይ የሲቪል ማህበረሰብ ድርጅቶችን በዲጂታል ሴኩሪቲ እና በሰብዓዊ መብት ላይ ስልጠና የተሰጠ  መሆኑን አንስተው ስልጠናው በሰብዓዊ መብት ላይ ለሚሰሩ ድርጅቶች ከሰብዓዊ መብት ጋር የተያያዙ መረጃዎችን ደህንነት መጠበቅ የሚችሉበትን ክህሎት የምናስጨብጥበት ነው ብለዋል፡፡ አክለውም ከሲቪል ማህበረሰብ ድርጅቶች ባለስልጣን ጋር በትብብር ስልጠናውን ማዘጋጀት በመቻላቸው ምስጋናቸውን አቅርበው በቀጣይም በሌሎች በርካታ ስራዎች ላይ በጋራ እንደሚሰሩ ጠቁመዋል፡፡

የOHCHR በኢትዮጵያ ምክትል ተወካይ የሆኑት ቻርለስ ኩዌሞይ (Charlese Kwemoi) በበኩላቸው የኢንፎርሜሽንና ቴክኖሎጂ የሰብዓዊ መብቶች ላይ ቅስቀሳ ለማድረግ እና ተግባራዊ ለማድረግ እድል መፍጠሩን አንስተው እነዚህ ቴክኖሎጂዎች በአግባቡ ደህንነታቸው ተጠብቆ በኃላፊነት ካልተጠቀምንባቸው ለሌላ ሰብዓዊ መብት ጥሰት ሊያጋልጡ እንደሚችሉ አንስተዋል፡፡ የሲቪል ማህበረሰብ ድርጅቶች የሰብዓዊ መብቶች ላይ ቅስቀሳ የሚያደርጉት እነዚህን የቴክኖሎጂ ውጤቶች ተጠቅመው መሆኑን ያነሱት ሚስተር ቻርለስ ለአጠቃቀም ምቹ ከመሆናቸው ባሻገር በዚያው ልክ ለአደጋ የሚያጋልጡ በመሆናቸው ደህንነታቸውን መጠበቅ እና በየጊዜው የደህንነት መጠበቂያ ርምጃዎችን መውሰድ እንደሚገባ አንስተዋል፡፡ ስልጠናው ለሁለት ተከታታይ ቀናት የተሰጠ ሲሆን በሰብዓዊ መብት ላይ ከሚሰሩ የተለያዩ ሀገር በቀል ድርጅቶች የተውጣጡ ተሳታፊዎች ስልጠናውን ውስደዋል፡፡


ለትግራይ ክልል ሰብዓዊ ድጋፍ እና መልሶ ማቋቋም መርሀ ግብር ተካሄደ::

ለትግራይ ክልል ሰብዓዊ ድጋፍ እና መልሶ ማቋቋም መርሀ ግብር ተካሄደ::

ላለፉት ሁለት ዓመታት በሰሜኑ የአገራችን ክፍሎች በተደረገው ጦርነት በትግራይ፣ በአማራ እና በአፋር ክልሎች በጦርነቱ ከፍተኛ ጉዳት መድረሱ ይታወቃል፡፡
የኢትዮጵያ መንግስት ለሰላም አማራጭ ቅድሚያ በመስጠት በሰሜኑ የአገራችን ክፍል ተከስቶ የነበረውን ጦርነት በፕሪቶሪያው ስምምነት በሰላም እንዲፈታ አድርጓል፡፡ በሰብዓዊ ድጋፍ እና መልሶ ማቋቋም መርሀ ግብር ላይ የተገኙት የፍትሕ ሚኒስቴር ሚኒስትር ዴኤታ ክቡር አቶ አለም አንተ አግደው ባደረጉ ንግግር ለትግራይ ክልል ሰብዓዊ ድጋፍ እና መልሶ ማቋቋም መርሀ ግብር ላይ ለተገኙ የሲቪል ማህረሰብ ድርጅቶች ምስጋናቸውን በማቅረብ መንግስት በአገራችን ግጭትና ጦርነት ቁሞ ዘላቂ ሰላም እንዲሰፍን እና ለሁሉም ኢትዮጵያዊ ጠቃሚ ወደሆነው ወደልማትና ዴሞክራሲ ጉዳዮች ሙሉ በሙሉ ማተኮር እንዲቻል ለሰላም አማራጭ ቅድሚያ በመስጠት በሰሜኑ የአገራችን ክፍል ተከስቶ የነበረውን ጦርነት በፕሪቶሪያው ስምምነት በሰላም እንዲፈታ ማድረጉን ገልፀዋል፡፡ አያይዘውም በሀገራችን ሲንከባለሉ የመጡ ቁርሾዎች፣በደሎች፣ የሰብዓዊ መብት ጥሰቶች ለአንዴና ለመጨረሻ ጊዜ እውነትን በማፈላለግ በተጠያቂነት፣ በእርቅና በይቅርታ ለመዝጋት የተጀመሩ የሀገር ግንባታ ስራ በጣም ወሳኝ መሆኑ መንግስት በጽኑ እንደሚያምን በማመላከት መንግስት ገለልተኛ የሆነ ብሔራዊ የምክክር ኮሚሽን በማቋቋም በአገራችን የግጭት፣ የጦርነት፣ የቁርሾና ያለመግባባት መንስሄዎችን በዳበረ ውይይትና ምክክር ለመፍታት ሰፊ እቅስቃሴዎች እያደረገ መሆኑን አንስተዋል፡፡

ሚኒስትር ዴኤታው ሌላው ያነሱት ጉዳይ ከሀገራዊ ለውጡ በኋላ የተሻለ የፖሊሲ፣ የህግና የተቋማት ሪፎርም ተካሄዶ ለመንቀሳቀስ ምቹ ሁኔታ የተፈጠረላቸው የሲቪል ማህረሰብ ድርጅቶች በአገራችን ዘላቂ ሰላም እንዲሰፍንና በመንግስ በኩል የተጀመሩ እቅስቃሴዎች እንዲሳኩና እንዲተገብሩ ከመቼውም ጊዜ በበለጠ አስተዋጽኦ ማድረግ እንዳለባቸው ገልፀዋል፡፡ በሰሜኑ የአገራችን ክፍል በተካሄደው ጦርነት ምክንያት የተጎዱ ወገኖቻችን ከፍተኛ ችግር ውስጥ የሚገኙ በመሆኑ በአሁን ወቅት የሁላችንም ድጋፍ ይሻሉ በማለት የሲቪል ማህበረሰብ ድርጅቶች ሰብዓዊ ድጋፍ በማድረግ በክልሉ መልሶ ግንባታና ማቋቋም ሂደት የሚያደርጉት ሁነኛ አስተዋጽኦ ዘላቂ ሰላም እንዲፈጠር ግጭቶች እንዲወገዱ አለመግባባቶች በሰላማዊ መንገድ እዲፈቱ የህዝብ ለህዝብ ግንኙነቶች እንዲጠናከሩ እንዲሁም የሰላም ጠቀሜታና አስፈላጊነት ዙሪያ ከፍተኛ ሚና ያላቸው በመሆኑ ስራቸውን አጠናክረው ማስቀጠል እንዳለባቸው ገልፀዋል፡፡ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ እንደተናገሩት ለአንድ አገር እድገትና ለህዝቦች ኑሮ መሻሻል ትልቁን ሚና የሚጫወተው ሰላም መሆኑን ከኛ በላይ ምስክር የለም በማለት ያለሰላም ልማትም ሆነ እድገት ዴሞክራሲም ሆነ አገር የሚታሰብ አይደለም ሲሉ ገልፀዋል፡፡
አያይዘውም የሰላም ስምምነቱ የመሳሪያ ግጭትን ያስቆመ ቢሆንም በጦርነት ምክንያት የደረሱ ጉዳቶችና በህብረተሰቡ የደረሱ የስነልቦና ጫናዎች በአግባቡ መታካም እንዳለባቸው በማንሳት የተፈናቀሉ ዜጎች ወደ ቀዬአቸው እንዲመለሱ የሲቪል ማህበረሰብ ድርጅቶች ከፍተኛ ሚና አለባቸው ሲሉ ገልፀዋል፡፡ በትግራይ ክልል ያሉ የሲቪል ማህበረሰብ ድርጅቶች ከመሀል አገር ካሉ የሲቪልማህበረሰብ ድርጅቶች ጋር በመቀናጀት በከፍተኛ አገራዊ ስሜት የችግሩን ጥልቀት በመለየት ድጋፍ ለሚያስፈልጋቸው የማህበረሰብ ክፍሎች በአፋጣኝ ድጋፍ የሚደረግበትን ሁኔታ እንዲያመቻቹ ጥሪ አስተላልፈዋል፡፡
ለወገን ደራሽ ወገን እንደሚባለው በችግር ላይ የሚገኝን የማህበረሰብ ክፍል ከማገዝ የሚበልጥ ሰብዓዊ ተግባር የሌለ በመሆኑ ይህ አስቸጋሪ ወቅት በመተጋገዝ የወገን አሌንታችንን ማሳየት አለብን በማለት የሲቪል ማህበረሰብ ድርጅቶች እስካሁን ሲያደርጉት ለነበረው ድጋፍ ምስጋናቸውን አቅርበው በቀጣይም አጠናክረው እንዲቀጥሉ ጥሪያቸውን አስተላልፈዋል፡፡ በተካደው መርሀ ግብር ላይ የባለስልጣኑ ም/ዋና ዳይሬክተር አቶ ፋሲካው ሞላ በባለስልጣኑ የተከናወኑ የሰብዓዊ ድጋፎች በተመለከተ ማብራሪ ያቀረቡ ሲሆን ከትግራይ የተወከሉ ባለሙያ በክልሉ ስላለው ጉዳትና ከሲቪል ማህበረሰብ ድርጅቶች ስለሚጠበቅ ጉዳይ ሰነድ አቅርበው ውይይት ተደርጎበታል፡፡ በመድረኩም 29 ሚሊየን ብር የሚገመት የዓይነትና የብር ድጋፍ የተገኘ ሲሆን ሌሎች ተሳታፊ ድርጅቶቹ በወሰዱት ፕሌጅ መሰረት ከሃላፊዎቻቸው ጋር በመነጋገር ድጋፍ እንደሚያደርጉ ገልጸዋል፡፡


ባለስልጣን መስርያቤቱ ባዘጋጀው የማህበራዊ ተጠያቂነት መምርያ ላይ ከሚመለከታቸው ባለድርሻ አካላት ጋር ውይይት ተደረገበት፡፡

ባለስልጣን መስርያቤቱ ባዘጋጀው የማህበራዊ ተጠያቂነት መምርያ ላይ ከሚመለከታቸው ባለድርሻ አካላት ጋር ውይይት ተደረገበት፡፡

የሲቪል ማህበረሰብ ድርጅቶች ባለስልጣን የማህበራዊ ተጠያቂነት መመርያን የማስተዋወቅና ተጨማሪ ግብዓቶችን ለማሰባሰብ ከሚመለከታቸው ባለድርሻ አካላት ጋር ውይይት አደረገ፡፡ የሲቪል ማህበረሰብ ድርጅቶች ባለስልጣን የበጎ ፍቃድ ማጎልበትና ትብብር መሪ ስራ አስፈፃሚ አቶ አሉላ ሚሊዮን የዚህ ውይይት ዓላማ መመርያውን ማስተዋወቅና ለመመርያው ግብዓት ለመሰብሰብ ታቅዶ የተዘጋጀ መሆኑን አብራርተው አዲስ በመመዝገብ ወደ ስራ ለሚገቡት የሲቪል ማህበረሰብ ድርጅቶችም ስራ ላይ የሚያውሉት ይሆናል ብለዋል ፡፡ በውይይቱ ከገንዘብ ሚኒስትር ፣ከኦሮሚያ ፋይናንስ ቢሮ ተጠሪዎች እንዲሁም በአዲስ አበባና ኦሮሚያ ክልል ውስጥ በማህበራዊ ተጠያቂነት ላይ የሚሰሩት የሲቪል ማህበረሰብ ድርጅቶች ተሳታፊ ሆነዋል፡፡