ለሃገር ብዙ ውለታ ለከፈሉ አረጋዊያን ተገቢው ክብርና እንክብካቤ ያሻቸዋል፡፡ ከምክትል ዋና ዳይሬክተር አቶ ፋሲካው ሞላ ንግግር የተወሰደ፡፡
ለሃገር ብዙ ውለታ ለከፈሉ አረጋዊያን ተገቢው ክብርና እንክብካቤ ያሻቸዋል፡፡ከምክትል ዋና ዳይሬክተር አቶ ፋሲካው ሞላ ንግግር የተወሰደ፡፡
ይህ የተባለው በዓለም አቀፍ ደረጃ ለ33ኛ ጊዜ በሃገራችን ለ32ኛ ጊዜ ‹‹የአረጋዊያንን መብት ማክበር ትውልድን ለማሻገር›› በሚል መሪ ቃል በተቋሙ በተከበረበት ወቅት ነው፡፡
በፕሮግራሙ ላይ የመክፈቻ ንግግር ያደረጉት የተቋሙ ም/ዋና ዳይሬክተር አቶ ፋሲካው ሞላ እንደገለጹት አረጋዊያን ሃገርን፣ተቋምን እና ቤተሰብን በመገንባት ሂደት ከፍተኛ አስተዋጽኦ ያበረከቱ በመሆናቸው ትልቅ ክብርና እንክብካቤ ያሻቸዋል ሲሉ ገልጸዋል፡፡
የኢፌዴሪ ህገመንግስት ለአረጋዊያን በርካታ መብቶችን እንደሚያጎናጽፍ ያነሱት ም/ዋና ዳይሬክተሩ ለእነሱ እንክብካቤና ጥበቃ ማድረግ የየዕለት ተግባራችን እንጂ ዓመት ጠብቀን የምናከብረው መሆን የለበትም ሲሉ አብራርተዋል፡፡
የአረጋዊያን ጉዳይ እንደሚመለከተው አንድ ተቋም የአረጋዊያንን መብትና ጥቅም ከማስከበር አንጻር በማንኛውም ጉዳይ ቅድሚያ መስጠትና ቅንጅታዊ የአሰራር ስርዓትን ማጎልበት አስፈላጊ መሆኑን አንስተዋል፡፡
በዚህ ዘርፍ ላይ የሚሰሩ የሲቪል ማህበረሰብ ድርጅቶችን አመስግነው ከፍላጎቱ አንጻር አሁንም በቂ ባለመሆኑ ትኩረት ሰጥቶ መስራት እንደሚጠይቅ ተናግረዋል፡፡
ይህንን ባህል ስናከብር እንደግለሰብ ማድረግ ስለሚገቡን ጉዳዮች እንዲሁም እንደተቋም የተሰጠንን ሃላፊነት በአግባቡ መወጣት እንዲያስችለን ነው ሲሉ ም/ዋና ዳይሬክተሩ ገልጸዋል ፡፡
የተቋሙ የሴቶች ማህበራዊ ጉዳዮች ትግበራ ስራ አስፈጻሚ ወ/ሪት ጸሐይ ሽፈራው በበኩላቸው የአረጋዊያ ቀን በሃገር አቀፍ ደረጃ ለ32ኛ ግዜ ቢከበርም በተቋማችን ግን ለመጀመሪያ ግዜ መሆኑን አንስተዋል፡፡
የአረጋዊያን እድሜ ላይ መድረስ መታደል ነው ያሉት ስራ አስፈጻሚዋ ለሃገር ትልቅ ውለታ የዋሉ አረጋዊያንን ለማሰብና ግንዛቤ ለማህበረሰቡ ለመፍጠር ቀኑ በየዓመቱ ታስቦ እንደሚውል ገልጸዋል፡፡
በመድረኩ ከሴቶችና ማህበራዊ ጉዳይ የመጡ ባለሙያ መነሻ ጹሑፍ አቅርበው ውይይት የተደረገበት ሲሆን ከዚህም በተጨማሪም በተቋሙ በጡረታ የተገለሉ ባለሙያ ልምዳቸውን አጋርተዋል፡፡


ሲቪል ማህበረሰብ ድርጅቶች፣ በጎ ፈቃደኞችና የሚመለከታቸው ሁሉ የመንገድ ደህንነት ጉዳይ ሚመለከታቸው በመሆኑ በጋራ መስራት እንደሚገባቸው ተጠቆመ፡:
ሲቪል ማህበረሰብ ድርጅቶች፣ በጎ ፈቃደኞችና የሚመለከታቸው ሁሉ የመንገድ ደህንነት ጉዳይ ሚመለከታቸው በመሆኑ በጋራ መስራት እንደሚገባቸው ተጠቆመ፡:
ይህ የተባለው ከጳጉሜ እስከ ጳጉሜ እንደርሳለን በሚል መሪ ቃል በመንገድ ደህንነት ላይ ትኩረቱን አድርጎ በኢትዮጵያ መንገድ ደህንነት ማህበር በተዘጋጀው የፓናል ውይይት ላይ ነው፡፡ በመድረኩ ላይ የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላን ጨምሮ የመንገድ ደህንነትና ፈንድ አገልግሎት ኃላፊ አቶ ጀማል አባሶ እንዲሁም ጥሪ የተደረገላቸው የሲቪል ማህበረሰብ ድርጅቶች ተገኝተዋልለ፡፡
በመድረኩ ላይ ንግግር ያደረጉት የሲቪል ማህበረሰብ ድርጅቶች ባለስልጣን ም/ዋና ዳይሬክተር አቶ ፋሲካው ሞላ እንደገሉጹት የትራፊክ አደጋ በየአመቱ በረካታ ቁጥር ያለው ህዝብ እና ሀብት እያወደመ ይገኛል፡፡ ይሀንን አደጋ ለመቀነስ የመንገድ ደህንነትን በሚመለከት የሁሉንም ርብርብ የሚጠይቅ ነው፡፡ በተለይም የሲቪል ማህበረሰብ ድርጅቶች፣ በጎ ፈቃደኞችና የሚመለከታቸው ሁሉ የጋራ ኃላፊነት እንዳለባቸው በንግግራቸው አጽንዖት ሰጥተው ተናግረዋል፡፡
አክለውም ከጳጉሜ እስከ ጳጉሜ መድረስ ብቻ ሳይሆን ተከታታይነት ያለው ስራ መስራትና በተለይም የሲቪል ማህበረሰብ ድርጅቶች በመንገድ ደህንነት ላይ ግንዛቤ በመፍጠር፣ ጥናትና ምርምሮችን በማድረግ እንዲሁም ዓለም አቀፍ ልምድና ተመክሮዎችን በማምጣት ግንባር ቀደም ሚናቸውን ሊወጡ እንደሚገባ ጠቁሟል፡፡
በእለቱ የመንገድ ደህንነትን በሚመለከት የፓናል ውይይት የተደረገ ሲሆን የኢትዮጵያ መንገድ ደህንነት ማህበር ከሲቪል ማኅበረሰብ ድርጅቶች ጋር በመንገድ ደህንነት ላይ በጋራ ለመስራት የሚያስችል የጋራ ስምምነት ተፈራርመዋል፡፡ ማህበሩ በመንገድ ደህነት ላይ አስተዋጽዖ ላበረከቱ አካላት እውቅና የሰጠ ሲሆን የመንገድ ደህንነትን በሚመለከት ግንዛቤ የሚፈጥሩ እና የሚያስተዋውቁ አንባሳደሮችንም ሾሟል፡፡

ጳጉሜ 3 የበጎነት ቀን ፡፡
ጳጉሜ 3 የበጎነት ቀን ፡፡
የበጎነት ቀን “በጎነት ለሀገር” በሚል መሪ ቃል የፓናል ውይይት በማድረግ፣ የበጎ አድራጎት ድርጅቶች እና በጎ አድራጊ ግለሰቦች እውቅና በመስጠት ተከብሯል፡፡
የሲቪል ማህበረሰብ ድርጅቶች ባለስልጣን ከሴቶችና ማህበራዊ ጉዳይ ሚኒስቴር፣ከሰላም ሚኒስቴር እና ከኮተቤ ዩኒቨርሲቲ ጋር በመተባበር የበጎነት ቀንን “በጎነት ለሀገር” በሚል መሪ ቃል በሃይሌ ግራንድ ሆቴል ተከብሯል፡፡ በዝግጅቱ ላይ የፌደሬሽን ምክርቤት ም/አፈ ጉባዔ ወ/ሮ ዛህራ ሁመድን ጨምሮ ሚንስትሮችና የተለያዩ ተቋማት ኃላፊዎች እንዲሁም የሲቪል ማህበረሰብ ድርጅቶች ተወካዮችና በጎ አድራጊ ግለሰቦች ተገኝተዋል፡፡
የሴቶችና ማህበራዊ ጉዳይ ሚኒስቴር ሚንስትር ኤርጎጌ ተስፋዬ (ዶ/ር) የበጎነት ጥቅሙና ትሩፋቱ ለራስ መሆኑን ጠቅሰው በጎነት ዘርፈ ብዙ ፋይዳ ያለው ከበጎ ልቦናና ከቅን ልቦና የሚመነጭ በነጻ የሚሰጥ አገልግሎት መሆኑን ጠቁመዋል፡፡ አያይዘውም የበጎነት አስተሳሰብ ሀገርና ህዝብን ማገልገል ትለቅ ክብር መሆኑን ያነሱት ሚንስትሯ ሰዎች የሚሰሩት የበጎ አድራጎት ስራ ከውስጣቸው ካለ እሴት ጨምረውበት ለሀገርና እድገት እና ለህብረተሰብ ለውጥ የሚያውሉበት በምላሹም ደስታ እና ጠቃሚ የህይወት ተመክሮ የሚገኝበት መሆኑን አውስተዋል፡፡
የሰላም ሚኒስቴር ሚንስትር አቶ ብናልፍ አንዷለም በጎነት በመናገር ሳይሆን በተግባር የሚገለጽ ከሰዎች ሰብዓዊነትና የውስጥ ተነሳሽነት የሚመነጭ ቅኖች፣ ልበ መልካሞች የሚያደርጉት ተግባር ነው ብለዋል፡፡
በጎ ሰዎች በጎ ተግባር ሲፈጽሙ ትመለከታላችሁ እንጂ ሲያወሩት አታዩም ያሉት ሚንስትሩ በጎነት ሲተገበር ነገ የሚገኘውን በማሰብ ሳይሆን እንዲሁ በነጻ ተግባር የሚደረግ ነው ብለዋል፡፡
በመድረኩ ላይ የህዝብ ተወካዮች ምክር ቤት አባልና የኮተቤ ትምህርት ዩኒቨርሲቲ ፕሬዝዳንት የሆኑት ዶ/ር ብርኃነመስቀል ጠና ለፓናል ውይይቱ የሚሆን መነሻ ጽሁፍ ያቀረቡ ሲሆን በሀገር አቀፍ ደረጃ በበጎነታቸው ምስጉን ለሆኑ ግለሰቦችና ድርጅቶች የምስጋናና የዕውቅና ሽልማት ተበርክቷል፡፡


ሪች ኢትዮጵያ የተባለ በጎ አድራጎት ድርጅት ባለስልጣን መስሪያ ቤቱ በቲቢ በሽታ መከላከል ላይ ላደረገላቸው አስተዋፅኦ ምስጋናቸውን አቀረቡ::
ሪች ኢትዮጵያ የተባለ በጎ አድራጎት ድርጅት ባለስልጣን መስሪያ ቤቱ በቲቢ በሽታ መከላከል ላይ ላደረገላቸው አስተዋፅኦ ምስጋናቸውን አቀረቡ::
ሪች ኢትዮጵያ በባለስጣን መስሪያ ቤቱ የተቋቋመ አገር በቀል ድርጅት ሲሆን ዋና ዓላማው አድርጎ የሚንቀሳቀሰው በቲቢ የተጠቁ ሰዎችን የመንከባከብና የመደገፍ ስራዎችን እየሰራ የሚገኝ ድርጅት ነው፡፡
የድርጅቱ ስራ አስክያጅ አቶ ቅጣው ተ/ማርያም እንዳሉት በአገራችን የቲቢ በሽታ ከመከላከልና ከመቆጣጠር አንጻር የባለስልጣን መስሪያ ቤቱ ከፍተኛ አስተዋጽኦ በማድረጉ፤ የተጀመሩ ድጋፎች ቀጣይነት እንዲኖራቸው በማሰብ ለባለስጣን መስሪያ ቤቱ ምስጋና ለማቅረብ መምጣታውን ገልፀዋል፡፡
የባለስልጣን መስሪያ ቤቱ ዋና ዳይሬክተር አቶ ሳምሶን ቢራቱ እንዳሉት በአገራችን ተስፋፍቶ የብዙዎችን ህይወት እየቀጠፈ ያለው የቲቢ በሽታ ከአገራችን ለአንዴና ለመጨረሻ ጊዜ እንዲጠፋ እየተደረገ ባለው ስራዎች ላይ የባለስልጣን መስሪያ ቤቱ ያላሰለሰ ጥረት እንደሚያደርግ በመግለፅ በቲቢ መከላከልና መቆጣጠር ላይ የሚሰሩ ድርጅቶችን ለመደገፍ ባለስልጣን መስሪያቤቱ የተቻለውን ሁሉ እንደሚያደርግ ገልፀዋል፡፡


የሲቪል ማኅበረሰብ ድርጅቶች ባለስልጣን ከፍተኛ የስራ ኃላፊዎች ክብር ላረጋውያን ግብረ ሰናይ ድርጅትን ጎበኙ፡፡
የሲቪል ማኅበረሰብ ድርጅቶች ባለስልጣን ከፍተኛ የስራ ኃላፊዎች ክብር ላረጋውያን ግብረ ሰናይ ድርጅትን ጎበኙ፡፡
የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ እንዲሁም ምክትል ዋና ዳይሬክተር አቶ ፋሲካው ሞላ እና የተቋሙ ከፍተኛ የስራ ኃላፊዎች የመስዋዕትነት ቀንን ምክንያት በማድረግ ክብረ አረጋውያን ግብረ ሰናይ ድርጅትን ጎብኝተዋል፡፡ ክብረ አረጋውያን በአረጋውያን እንክብካቤና ድጋፍ ላይ የሚሰራ በሲቪል ማህበረሰብ ድርጅቶች ባለስልጣን የተመዘገበ ሀገር በቀል ድርጅት ነው፡፡ ድርጅቱ ቦሌ ቡልቡላ በሚገኘው ማዕከሉ በርካታ አረጋዊያንን በመደገፍ ሙሉ እንክብካቤ በማድረግ ላይ ይገኛል፡፡
የድርጅቱን የስራ እንቅስቃሴ ተዘዋውረው የተመለከቱት የባለስልጣን መስሪያ ቤቱ ከፍተኛ የስራ ኃላፊዎች በማዕከሉ የሚገኙ አረጋውያንን እንኳን አደረሳችሁ ብለዋል፡፡ የባለስልጣን መስሪያ ቤቱ ዋና ዳይሬክተር አቶ ሳምሶን ቢራቱ አረጋውያንን ለመርዳት በሚል በጎ ርዕይ ይዘው በመነሳታቸው እና አረጋውያኑን መደገፍ በመቻላቻው የድርጅቱን መስራችና ስራአስኪያጅ የሆኑትን ወ/ሮ ወርቅነሽ ሙኔን አመስግነዋል፡፡
የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ በበኩላቸው ቀኑ የመስዋዕትነት ቀን በመሆኑ አረጋውያን በዘመናቸው ኢትዮጵያ ዛሬ ለ፤ይ እንድትደርስ ትልቅ መስዋዕትነት በመክፈላቸው ሊከበሩ ይገባል ብለዋል፡፡ ድርጅቱም እያደረገ ባለው እንቅስቃሴ መደሰታቸውን አያያዘው ገልጸዋል፡፡
የክብረ አረጋውያን መስራችና ስራ አስኪያጅ ወ/ሮ ወርቅነሽ ሙኔ በበኩላቸው ድርጅታቸው አረጋውያንን ለመደገፍ በርካታ ጥረቶችን እያደረገ እንደሚገኝ ገልጸው ሆኖም ግን አረጋውያኑን ወደጤና ተቋም ለማድረስ ድርጅቱ አንቡላንስ የሌለው በመሆኑ መቸገራቸውን ተናግረዋል፡፡ ባለስልጣን መስሪያ ቤቱ በበዓል ዋዜማ መጥቶ አረጋውያኑን በመጎብኘቱ እጅግ መደሰታቸውን ገልጸው ላደረገላቸው ድጋፍም ምስጋናቸውን አቅርበዋል፡፡


የሲቪል ማህበረሰብ ድርጅቶች ባለስልጣን ከፍተኛ የስራ ኃላፊዎችና ባለሙያዎች በኦሮሚያ ክልል ጂማ ከተማ በሴቶችና ህጻናት ላይ ትኩረት አድርገው የሚሰሩ ድርጅቶችን ጎበኙ፡፡
የሲቪል ማህበረሰብ ድርጅቶች ባለስልጣን ከፍተኛ የስራ ኃላፊዎችና ባለሙያዎች በኦሮሚያ ክልል ጂማ ከተማ በሴቶችና ህጻናት ላይ ትኩረት አድርገው የሚሰሩ ድርጅቶችን ጎበኙ፡፡
የሲቪል ማህበረሰብ ድርጅቶች ባለስልጣን በአዋጅ ቁጥር 1113/2011 በተሰጠው ስልጣንና ኃላፊነት በተለይም ልዩ ድጋፍ የሚሹ የማህበረሰብ ክፍሎች ላይ ትኩረት አድርገው የሚሰሩ ድርጅቶችን በቅርበት እተከታተለ ድጋፍ ያደርጋል፡፡ ይህንኑ መነሻ በማድረግ የባለስልጣን መስሪያ ቤቱ ከፍተኛ የስራ ኃላፊዎች በኦሮሚያ ክልል ጂማ ከተማ በመገኘት ኤስ ኦ ኤስ የህጻናት መንደር ጂማ(SOS Children’s village-jimma) እና የሰው ለሰው የአረጋውያንና የህጻናት መርጃ ማዕከልን እንዲሁም በደቡብ ምዕራብ ኢትዮጵያ በአካባቢ ጥበቃ ላይ የሚሰራውን ናቡ (NABU- Ethiopia) የተሰኘው ሀገር በቀል ድርጅት ተጎብኝቷል፡፡
የጉብኝቱ አላማ የሲቪል ማህበረሰብ ድርጅቶች ልዩ ድጋፍ በሚሹ የማህበረሰብ ክፍሎች ላይ ያሉበትን ሁኔታ ለመዳሰስና በሴቶችና ህጻናት ላይ ያተኮሩ ስራዎችን በመመልከት ድጋፍ ማድረግን ያለመ ነው፡፡
በሲቪል ማህበረሰብ ድርጅቶች ባለስልጣን ስር ተመዝግበው ህጻናትን እና ማህበረሰብ አቀፍ ስራዎችን ዓላማ አድርገው በኢትዮጵያ ከሚንቀሳቀሱ የውጪ ድርጅቶች መካከል አንዱ የሆነው ኤስ ኦ ኤስ የህጻናት መንደር (SOS Children’s village) አንዱ ነው፡፡ ድርጅቱ በህጻናትና በወጣቶች ላይ እንዲሁም ማህበረሰብ አቀፍ ስራዎች ላይ በጂማ ከተማ የሰራቸውን ፕሮጀክቶች አስመልክቷል፡፡ ፕሮጀክቶቹን ያስጎበኙት አቶ ኤቢሳ ጃለታ በተለይም በህጻናት ትምህርትና እንክብካቤ እንዲሁም በወጣቶች እና በአቅም ግንባታ ላይ የተሰሩ ስራዎችን አስመልክተዋል፡፡ በልዩ ሁኔታ ሴቶችን ተጠቃሚ ያደረገ የቁጠባና ብድር ማህበር በመቋቋምና ድጋፍ በማድረግ ትልቅ ስራ መስራቱንም ገልጸዋል፡፡
ሰው ለሰው የአረጋውያንና የህጻናት መርጃ ማዕከልም እንዲሁ በሲቪል ማህበረሰብ ድርጅቶች ባለስልጣን ከተመዘገቡ በህጻናትና አረጋውያን ላይ ከሚሰሩ ድርጅቶች አንዱ ነው፡፡ ይኸው ማዕከል በተለይም ተወልደው የተጣሉ ህጻናትን እንዲሁም የአዕምሮ ህሙማንና ረዳት የሌላቸውን አረጋውያን ከከተማ አስተዳደሩ ሴቶችና ህጻናት ቢሮ እንዲሁም ከጅማ ዩኒቨርሲቲ ጋር በመተባበር ከ125 በላይ ተጠቃሚዎችን ይዞ በመንከባከብና በመደገፍ ላይ የሚገኝ ሀገር በቀል ድርጅት ነው፡፡
የድርጅቱ መስራችና ስራ አስኪያጅ የሆኑት ወ/ሮ ዘመናይ ድርጅቱ በፈረንጆቹ 2018 ዓ.ም የተቋቋመ መሆኑን አንስተው በአዲሱ አዋጅ ዳግም ምዝገባ አድርጎ ጧሪ ቀባሪ የሌላቸውንና ጎዳና ላይ የወደቁ አረጋውያንን፤ የቤተሰብም ሆነ ማህበራዊ ድጋፍ የሌላቸውንና የአእምሮ ህሙማንን መደገፍ ዓላማ ያደረገ እና ሌሎችንም አላማዎች የያዘ ድርጅት እንደሆነ የገለጹ ሲሆን ከጅማ ዩኒቨርሲቲ ባገኛቸው በጎ ፈቃደኞች አማካኝነት ይህን ዓላማውን ከግብ ለማድረስ እየሰራ እንደሚገኝ ገልጸዋል፡፡
ድርጅቱ በመንቀሳቀስ ላይ የሚገኘው መስራችና ስራ አስኪያጅ በሆኑት በወ/ሮ ዘመናይ የግል ቦታ ላይ ሲሆን በቅርቡ ከከተማ አስተዳደሩ ባገኙት የመሬት ድጋፍ ላይ የተለያዩ ፕሮጀክቶችን በመቅረጽ ድርጀቱ የቆመለትን አላማ ውጤታማ ለማድረግ ጥረት በማድረግ ላይ እንደሚገኙ ጠቁመዋል፡፡
በደቡብ ምዕራብ ኢትዮጵያ የአካባቢ ጥበቃ ስራዎችን በመስራት ላይ የሚገኘው ናቡ ኢትዮጵያ (NABU- Ethiopia) በቦንጋ ከተማ በአካባቢው ለተደራጁ የማህበረሰብ ክፍሎች የስራ እድል በመፍጠር ሴቶችና አካል ጉዳተኞች ተጠቃሚ እንዲሆኑ እንዲሁም የጓሮ ቡና በማምረትና የገበያ ትስስር በመፍጠር ላይ የሚገኝ ሀገር በቀል ድርጅት ነው፡፡
ከነዚህ ስራዎች በተጨማሪም በአካባቢ ጥበቃ ስራዎች እየተመናመነ የመጣውን የተፈጥሮ ደን መልሶ እንዲያገግም በማድረግ ሰፋፊ ስራዎችን በመስራት ላይ እንደሚገኝ ለመመልከት ተችሏል፡፡
የእነዚህን ድርጅቶች የስራ እንቅስቃሴ የተመለከቱት የባለስልጣን መስሪያ ቤቱ የስራ ኃላፊዎች ድርጅቶቹ ባለስልጣን መስሪያ ቤቱ በአቅም በፈቀደ መጠን ድጋፍ እንደሚያደርግ ጠቁመዋል፡፡ የሲቪል ማህበረሰብ ድርጅቶች ባለስልጣን ክትትል፣ ግምገማና ምርመራ መሪ ስራ አስፈጻሚ የሆኑት አቶ ተሾመ ወርቁ እንዳሉት ባለስልጣን መስሪያ ቤቱ እንደዚህ አይነት ጉብኝቶችን በማድረግ የሲቪል ማህበረሰብ ድርጅቶች በአሰራር ሂደት ያጋጠሟቸው ችግሮች ካሉ ለመለየትና ከሚመለከታቸው ባለድርሻ አካላት ጋር በመመካከር ያጋጠሙ ችግሮች እንዲፈቱ ያደርጋል ብለዋል፡፡ መንግስት ለሴክተሩ ከፍተኛ ትኩረት መስጠቱን ያስታወሱት አቶ ተሾመ በተለይም ልዩ ድጋፍ በሚሹ የማህበረሰብ ክፍሎች ላይ ትኩረት አድርገው የሚሰሩ ድርጅቶች በልዩ ሁኔታ ድጋፍ የሚያገኙበት ሁኔታ እንዳለም ጠቁመዋል፡፡



ሴቶችን ማዕከል አድርገው የሚሰሩ የሲቪል ማህበረሰብ ድርጅቶች ስራቸውን ለማሳየትና ያጋጠሙ ችግሮች ላይ ለመምከር ሶስት ቀናት የሚቆይ መድረክ አዘጋጁ፡፡
ሴቶችን ማዕከል አድርገው የሚሰሩ የሲቪል ማህበረሰብ ድርጅቶች ስራቸውን ለማሳየትና ያጋጠሙ ችግሮች ላይ ለመምከር ሶስት ቀናት የሚቆይ መድረክ አዘጋጁ፡፡
ፕሮግራሙን የሲቪል ማህበረሰብ ድርጅቶች ባለስልጣን፣ የኢትዮጵያ ሴቶች ማኅበራት ቅንጅት፣ የኢትዮጵያ የሕግ ባለሙያ ሴቶች ማኅበር፣ የኢትዮጰያን ሴንተር ፎር ዴቨሎፕመንት፣ የኢትዮጵያ ሴቶችና ሕጻናት ማኅበራት ህብረት፣ ፕላን ኢንተርናሽናል ኢትዮጵያን እና የWomen’s Voice and Leadership ፕሮጀክት አስተባባሪዎች በቅንጅት ያዘጋጁት ነው፡፡
በመርሃ ግብሩ የተከበሩ ወርቀሰሙ ማሞ በህዝብ ተወካዮች ምክርቤት የጤና የማህበራዊ ልማት ባህልና ስፖርት ጉዳዮች ቋሚ ኮሚቴ ሰብሳቢን ጨምሮ በርካታ የመንግስት ሃላፊዎች፣ለጋሽ ድርጅቶችና ኢንባሲ ሃላፊዎችና ጥሪ የተደረገላቸው አንግዶች ተሳታፊ ሆነዋል፡፡
በመክፈቻው ላይ መልዕክት ያስተላለፉት የተቋሙ ም/ዋና ዳይሬክተር አቶ ፋሲካው ሞላ እንደገለጹት የሴቶች ተሳትፎና ተጠቃሚነት ዙሪያ የሚሰሩ የሲቪል ማህበረሰብ ድርጀቶችን እንቅስቃሴ ቀጣይነትና ውጤታማነት ለማረጋገጥ ሲማዶች፣ ለጋሾች፣ የመንግስት እና ሌሎች ባለድርሻ አካላት የሚመክሩበት መድረክ መሆኑን አንስተዋል፡፡
በዚህ መልቲ ፕላት ፎርም መድረክ ላይ የተሳተፉ ተቋማትና ለጋሽ አካላት በሴቶች ላይ የሚሰሩ እንዲሁም ሴት-መር የሆኑ አገር በቀል የሲቪል ማህበረሰብ ድርጅቶች ተጠናክረው እንዲወጡ የድርጅቶቹን ተግዳሮቶች በመገንዘብ ሁሉም የድርሻውን እንዲወጡ አደራ ብለዋል፡፡
በተለይም ድርጅቶቹ ጠንካራ የፋይናንስ አቅም እንዲኖራቸው ድጋፍ ማድረግ እና በአጋርነትና በትብብር መስራት ይኖርብናል በማለት በተለየ ሁኔታ ለጋሽ ተቋማት የሴቶች መብት መከበር፣ ተሳትፎና ተጠቃሚነት ዙሪያ ለሚሰሩ እና ሴት-መር ለሆኑ ድርጅቶች የሚያደርጉትን የፋይናንስ ድጋፍ እንዲያሳድጉ ጥሪያቸውን አቅርበዋል፡፡
በአንፃሩ ደግሞ የሲቪል ማህበረሰብ ድርጅቶች ከለጋሾች ከሚገኛ ድጋፍ ባሻገር በገቢ ማስገኛ ስራዎች ላይ በመሳተፍ ወይም የአገር ውስጥ የሃብት ምንጫቸውን በማስፋት የራሳቸው የሆነ አስተማማኝ የፋይናንስ አቅም መገንባት ላይ በትኩረት መስራት ይጠበቅባቸዋል ሲሉ ም/ዋና ዳይሬክተሩ ገልጸዋል፡፡
በመጨረሻም የዚህ መልቲ ፕላት ፎርም አዘጋጅ ድርጅቶችን ጨምሮ በሴቶች መብት፣ ተሳትፎ እና ተጠቃሚነት ዙሪያ ፕሮጀክቶችን ቀርፀውና ሃብት አፈላልገው የሚሰሩ እና ሴት-መር ድርጅቶች ለሚያደርጉት አስተዋፅኦ ምስጋናቸውን አቅርበው የሚከናዎኑ ስራዎች ከተጨባጭ ችግሮቻችን የሚመነጩ፣ ዘላቂነት ያላቸው እና ትርጉም ያለው ውጤት የሚያመጡ እንዲሆኑ በትኩረት ሊሰራ እንደሚገባ አሳስበዋል፡፡


3ኛው ዙር ተቋማዊ የንባብ ቀን በባለስልጣን መስሪያ ቤቱ የመሰብሰቢያ አዳራሽ በድምቀት ተካሄደ፡፡
3ኛው ዙር ተቋማዊ የንባብ ቀን በባለስልጣን መስሪያ ቤቱ የመሰብሰቢያ አዳራሽ በድምቀት ተካሄደ፡፡
የሲቪል ማህበረሰብ ድርጅቶች ባለስልጣን 3ኛውን ዙር ተቋማዊ የንባብ ቀን የባለስልጣን መስሪያ ቤቱ ከፍተኛ የስራ ኃላፊዎች እና ሰራተኞች በተገኙበት በድምቀት ተካሂዷል፡፡
ተቋማዊ የንባብ ቀኑ የተዘጋጀው የተቋሙ ሰራተኞች የንባብ ባህላቸውን እንዲዳብርና ውጤታማ አፈጻጸም ለማስመዝገብ የሚያስችል መነሳሳትን በተቋሙ ሰራተኞች መካከል ለመጨመር ነው፡፡
የተቋሙ ዋና ዳይሬክተር አቶ ሳምሶን ቢራቱ የአዲስ ዓመት መባቻ ከመሆኑ ጋር በተያያዘ ለአጠቃላይ ሰራተኞች አዲሱ ዓመት የሰላም የጤና እንዲሁም የተሻለ ሰራ እምንሰራበት ዓመት እንዲሆን መልካም ምኞታቸውን በማስተላለፍ ከንባብ ጋር በተያያዘ ልምዳቸውን አካፍለዋል፡፡
የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ እንዳሉት እንደዚህ አይነት ሁነቶች ተቋማዊ አንድነትና የሚያጎለብቱ እና የስራ መነሳሳትን የሚጨምሩ በመሆናቸው ተጠናክረው ሊቀጥሉ ይገባል በማለት ይህን የተቋሙን አንድነት የሚያጠናክሩ ስራዎችን የባለስልጣን መስሪያ ቤቱ ሃላፊዎችና ሰራተኞች አጠናክረው እንደሚቀጥሉ ገልጸዋል፡፡
በዕለቱ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ በተጨማሪ የኢንፎርሜሽንና ቴክኖሎጂ ስራ አስፈጻሚ ወ/ሮ ፋንታዬ ኩምሳ እንዲሁም የጸረ ሙስናና ስነምግባር መከታተያ ስራ አስፈጻሚ የሆኑት ወ/ሮ ትዕግስት አቡዬ ልምድና ተመክሯቸውን አካፍለዋል፡፡
በመድረኩ ሌሎች የተለያዩ አዝናኝና አስተማሪ ፕሮግራሞች ቀርበዋል፡፡

የሲቪል ማህበረሰብ ድርጅቶች ባለስልጣን ከፍተኛ የስራ ኃላፊዎች መቄዶንያ የአረጋውያንና የአዕምሮ ህሙማን መርጃ ድርጅትን ጎብኝተዋል፡፡
የሲቪል ማህበረሰብ ድርጅቶች ባለስልጣን ከፍተኛ የስራ ኃላፊዎች መቄዶንያ የአረጋውያንና የአዕምሮ ህሙማን መርጃ ድርጅትን ጎብኝተዋል፡፡
የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱን ጨምሮ የባለስልጣን መስሪያ ቤቱ ከፍተኛ የሥራ ሃላፊዎች ሀያት በሚገኘው መቄዶንያ የአረጋውያን እና የአዕምሮ ህሙማን መርጃ ድርጅት ተገኝተው የድርጅቱን የስራ እንቅስቃሴ ጎብኝተዋል፡፡
ድርጅቱ በሲቪል ማህበረሰብ ድርጅቶች አዋጅ ቁጥር 1113/2011 ተመዝግቦ በአረጋውያንና አዕምሮ ህሙማን ላይ ትኩረቱን አድርጎ እየሰራ የሚገኝ ሀገር በቀል የሲቪል ማህበረሰብ ድርጅት ሲሆን በርካታ አረጋውያንና የአዕምሮ ህሙማንን በመደገፍ ላይ ይገኛል፡፡
ይህን የድርጅቱን የስራ እንቅስቃሴ በድርጅቱ ዋና መስሪያ ቤት በመገኘት የተመለከቱት የሲቪል ማህበረሰብ ድርርቶች ባለስልጣን ዋና ዳይሬክተር አቶ ሳምሶን ቢራቱ ድርጀቱን ለመጎብኘት እድል በማግኘታቸው መደሰታቸውን ገልጸዋል፡፡
ባለስልጣን መስሪያ ቤቱ ከአሁን በፊት እንዳደረገው ሁሉ ወደፊትም ለድርጅቶች ድጋፍ ማድረጉን አጠናክሮ እንደሚቀጥል የገለጹት ዋና ዳይሬክተሩ በተገኘው አጋጣሚ ሁሉ ድርጅቱን ለመደገፍ ዝግጁ መሆናቸውን በጉብኝቱ ወቅት ተናግረዋል፡፡


የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ የሶማሌ ብሄራዊ ክልላዊ መንግስት የአደጋ ስጋት ስራ አመራር ቢሮ ልዑካንን በጽህፈት ቤታቸው ተቀብለው አነጋግረዋል፡፡
የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ የሶማሌ ብሄራዊ ክልላዊ መንግስት የአደጋ ስጋት ስራ አመራር ቢሮ ልዑካንን በጽህፈት ቤታቸው ተቀብለው አነጋግረዋል፡፡
የሶማሌ ብሄራዊ ክልላዊ መንግስት የአደጋ ስጋት ስራአመራር ቢሮ ምክትል ሃላፊ አቶ አብዱል ፈታ እና ልዑካቸው ከሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ ጋር በጋራ መስራት በሚችሉባቸው ጉዳዮች ላይ ውይይት አድርገዋል፡፡
በውይይቱ ወቅት የሲቪል ማህበረሰብ ድርጅቶች ባለስልጣን ከለውጡ በኋላ ያስመዘገባቸውን ውጤቶች በሚመለከት ምክትል ዋና ዳይሬክተሩ ገለጻ ያደረጉ ሲሆን በተለይም ከሲቪል ማህበረሰብ ድርጅቶች ጋር ስላለው አጋርነትና ትብብር እንዲሁም ከክልሎች ጋር ስለተፈጠረው ጠንካራ ቅንጅታዊ አሰራር ማብራሪያ ሰጥተዋል፡፡
አቶ ፋሲካው በማብራሪያቸው ባለስልጣን መስሪያ ቤቱ በየአራት ወሩ ከክልል ከሚመለከታቸው ቢሮ ኃላፊዎች ጋር ወጥነት ያለው የጋራ ጉባዔ እየተደረገ እንደሚገኝ አንስተው በዚህም ከክልሎች ጋር ያለው ቅንጅት እና በጋራ የመስራት ሂደት ጠንካራ መሰረት እንዲኖረው ማድረግ ችለናል ብለዋል፡፡ አክለውም በቀጣይ ከክልሉ የአደጋ ስጋት ስራ አመራር ቢሮ ጋር በጋራ እንደሚሰሩ ገልጸዋል፡፡
የሶማሌ ብሄራዊ ክልላዊ መንግስት የአደጋ ስጋት ስራ አመራር ምክትል ቢሮ ኃላፊ አቶ አብዱል ፈታ በበኩላቸው ወዲዚህ ተቋም የመጡበት ዋነኛ ምክንያት ከባለስልጣን መስሪያ ቤቱ ጋር በጋራ መስራት በሚቻልበት ጉዳይ ላይ ለመመካከር መሆኑን አንስተው ባለስልጣን መስሪያ ቤቱ ላደረገላቸው መልካም አቀባበል ምስጋናቸውን አቅርበዋል፡፡
አክለውም በርካታ ስራዎችን በጋራ ለመስራት ዝግጁ መሆናቸውን በመጠቆም ግንኙነታቸውን አጠናክረው እንደሚቀጥሉ ጠቁመዋል፡፡








