“የሚዲያ እና የሲቪል ማህበራት ሚና በኢትዮጵያ ዴሞክራሲ እንዲፈጠር መስራት ወይስ ዴሞክራሲን ማጠናከር?”

“የሚዲያ እና የሲቪል ማህበራት ሚና በኢትዮጵያ ዴሞክራሲ እንዲፈጠር መስራት ወይስ ዴሞክራሲን ማጠናከር?” በሚለው ርዕሰ ጉዳይ ላይ አቶ ኤርሚያስ በጋሻው እና አቶ ሰለሞን ሙጬ እንዲሁም በሲቪል ማህበረሰብ ድርጅቶች ኤጀንሲ ም/ዋና ዳይሬክተር በአቶ ፋሲካው ሞላ አወያይነት ክርክር አድርገዋል፡፡ በፌደራልም ይሁን በክልል ደረጃ የተዋቀሩ የመንግስት የመገናኛ ብዙኀን የፋይናንስ ነፃነት ስሌላቸው ለፖለቲካ ጫና ተጋልጠዋል ያሉት አቶ ኤርምያስ መገናኛ ብዙኀን ዴሞክራሲ እንዲኖር መስራት እና ለዴሞክራሲ ማደግ አስቻይ ሁኔታ መፍጠር ይጠበቅባቸዋል ብለዋል፡፡ መንግሥትን መጠየቅ፣ ተከታትሎ መረጃዎችን ማቅረብ እንዲሁም መብቶች ሲጣሱ ለምን ማለት የመገናኛ ብዙኀን እና የሲቪል ማህበራት ዋነኛ ድርሻ ነው፡፡ ይህ ተግባር በተጠናከረበት ልክ ዴሞክራሲ ማስረፅና መገንባት ይቻላል፡፡ መንግሥትን ወይም ፖለቲካ ፖርቲዎችን ማጠናከር ግን ከተቋቋሙበት ዓላማ ውጪ ነው ሲሉ ተከራክረዋል፡፡

አቶ ሰለሞን በበኩላቸው ዴሞክራሲ ሂደት እንጂ “የሚፈጠር” አይደለም፡፡ የመገናኛ ብዙኀን እና የሲቪል ማኅበራት ተግባር ዴሞክራሲን መፍጠር ሳይሆን ዴሞክራሲን እያጠናከሩ መሄድ ነው፡፡ ዴሞክራሲ ከፖለቲካ ፓርቲዎች እና ከመንግሥት ጋር ብቻ የተያያዘ አይደለም፡፡ ሕገመንግሥቱ እውቅና የሰጣቸው ሰብዓዊ መብቶች እና ሌሎች የሕግ ማዕቀፎች እንዳይጣሱ በመጠበቅ እንዲሁም መንግሥትን ተጠያቂ በማድረግ እና ትክክለኛ መረጃን በመስጠት የመገናኛ ብዙኀን እና የሲቪል ማህበራት ከፍተኛ ሚና አላቸው፡፡ በዚህም ዴሞክራሲን ያጠናክራሉ። ይህ መሬት ላይ በትክክል ይተገበራል ለማለት አስቸጋሪ ቢሆንም በሂደት የሚስተካከል ነው ሲሉ ተከራክረዋል፡፡

ከ«ሀበጋር»  DEBATES ማኅበራዊ የትስስር ገጽ የተወሰደ፡


ኤጀንሲው የሚሰጠውን አገልግሎት ለማዘመን በዝግጅት ላይ መሆኑ ተገለፀ፡፡

የሲቪል ማህበረሰብ ድርጅቶች ኤጀንሲ አመራሮችና ለሚመለከታቸው ስራክፍሎች ባለሙያዎች አሰራሩን የኦን ላይን አገልሎት ለመስጠት የሚስችለውን የኢ-ሰርቪስ አገልግሎት አሰጣጥ ዙርያ በቢሾፍቱ ከተማ አዱላላ ሪዞርትለሁለት ቀናት የቆየ  ስልጠና ተሰጠ፡፡

ኤጀንሲው የህብረተሰቡን የላቀ ተጠቃሚነትን ለማረጋገጥ ቀደም ሲል የነበረውን አዋጅ 621/2001 ሙሉ በሙሉ በ1113/2011 ከቀየረ በኋላ በውስጥ አሰራሩና የባለሙያውን አቅም ከመገንባት አንጻር የተለያዩ ስልጠናዎችን በመስጠት በርካታ የሪፎርም ስራዎችን በመስራት መልካም የሚባሉ ውጤቶችን ማምጣት መቻሉ የሚታወስ ነው፡፡

ከዚህም ባሻገር ተቋሙ በቀጣይ ምዕራፉ መንግስት ባስቀመጠው የኢ-ሰርቪስ አገልግሎት በኦን ላይን ለመጀመር የተለያዩ ቅድመ ዝግጅቶች እየተደረጉ መሆኑን የሚያመላክቱ እንቅስቃሴዎች እያደረገ ይገኛል ለዚህም ግብዓት ሚሆኑ ቅድመ ዝግጅቶች እያደረገ ነው፡፡

የኮሙኒኬሽንና ቴክኖሎጂ ዳይሬክቶሬት ዳይሬክተር ወ/ሮ ትግስት ዳኝነት የኢ-ሰርቪስ አገልግሎት ለማስተጀመር እንዲሁም ቀጥታ የኦን ላይን አገልግሎት ለመስጠት ኤጀንሲው ዝግጅት እያደረገ መቆየቱን በማስታወስ ከኢኖቬሽንና ቴክኖሎጂ ሚኒስቴር ጋር በመተባበር በኤጀንሲው በዋናነት በኦንላይን አገልግሎት መስጠት በሚቻልባቸው የስራ ክፍሎች እና አገልግሎት መስጠት ያስችላል በተባሉት አርባ አገልግሎት አሰጣጥ ላይ በመለየት ስልጠናውን ማዘጋጀት ተችሏል ብለዋል ፡፡

የኤጀንሲው ዋና ዳይሬክተር አቶ ጂማ ዲልቦ ስልጠናውን በተመለከተ በኮሙኒኬሽንና ቴክኖሎጂ ዳይሬክቶሬት በኩል ባስተላለፉት መልዕክት የኢ-ሰርቪስ አገልግሎት በተቋማችን ቅድሚያ የሚሰጠው እንደመሆኑ መጠን ተገቢውን ትኩረት በመስጠት ከባሙያዎቹ የሚሰጡትን ስልጠናዎች መከታተል ይኖርባችዋል፤ ይህም በቀጣይ የኦንላይን አገልግሎት ለመስጠት ዝግጅታችንን በማጠናቀቅ ወደትግበራ ለመግባት ከፍተኛ አስተዋፅኦ እንሚያበረክትም በማመላከት በድጋሚ በስልጠናው ላይ በመሳተፍ የተገኛችሁ ሰልጣኞች ተገቢውን ትኩረት በመስጠት መከታተል ይኖርባችዋል በማለት መልዕክታቸውን አስተላልፈዋል፡፡

የምክትል ዋና ዳይሬክተር አማካሪ አቶ ሃይለስላሴ ገ/ሚካኤል እንዳሉት ኤጀንሲው በርካታ የሪፎርም ስራዎችን በመስራት ውስጥ ማለፉን በመግለጽ በዚህም በአቅም ግንባታው ላይ እና አገልግሎት አሰጣጥ ላይ  በርካታ ስራዎች እንደተሰሩና ውጤትም እንደተገኘባቸው ተናግረዋል፡፡

ይህም ዛሬ በጋራ የምንሰለጥነው የኢሰርቪስ አገልግሎት አሰጣጥ አሰራራቸውን በኦን ላይን እንዲተገብሩ ከተደረጉት ሃያ የሚሆኑ የመንግስት ተቋማት ውስጥ የኛ ተቋም ከሚሰጠው አገልግሎት አንፃር አንደኛው ተቋም ተደርጎ ተመርጧል ይህም የአገልግሎት ፈላጊውን ድካም የሚቀንስልን መሆኑንና አሰራራችንን በማዘመን የተገልጋዮቻችን የተሻለና የተቀላጠፈ አገልግሎት ለመስጠት ያስችለናል ብለዋል፡፡

በመጨረሻም በ2014 ዓ.ም በጀት ዓመት ከተቀመጡት የትኩረት አቅጣጫዎች ውስጥ የኢ-ሰርቪስ አገልግሎት በተቋማችን ማስጀመር እንደመሆኑ መጠን ይህንን ተግባር ላይ ለማዋል ኮሚቴዎችን በማዋቀር በአገልግሎቱ ዙርያ ስልጠና መሰጠን አሰታውሰዋል፡፡

በመጨረሻም የዋና ዳይሬክተሩ አማካሪ አቶ ተስፋዬ ሽፈራው ባስተላለፉት መልዕክት የኢ-ርቪስ  አገልግሎት የተገልጋዩን እርካታ ከፍ እንደሚያደርገው እና በተገኘው ስልጠና ግንዛቤ የተጨበጠበት መሆኑን ያመላክታል ይህም ትልቁ ግባችን ሲሆን ተግባራዊ የሚሆነውም አገልግሎቱን በአግባቡ ተረድትን ስራ ላይ ስናውለው ነው ብለዋል፡፡

የመደራጀት መብት፤ ሰብዓዊነት፤ የኅብረተሰብ የላቀ ተጠቃሚነት!!


የሲቪል ማኅበረሰብ ድርጅቶች ኤጀንሲ ከሲቪል ማኅበረሰብ ድርጅቶች ጋር በጋራ በመሆን ችግኝ ተከሉ፡፡

የሲቪል ማህበረሰብ ድርጅቶች ኤጀንሲ ከተለያዩ የሲቪል ማህበረሰብ ድርጅቶችና ህብረቶች ጋር በመሆን በአዳማ ከተማ ኦቦ ፓርክ ከአምስት ሺህ በላይ የፍራፍሬ ችግኞችን ተክለዋል፡፡

የኤጀንሲው ምክትል ዋና ዳይሬክተር አቶ ፋሲካው ሞላ ባስተላለፉት መልዕክት ኢትዮጵያ ፈተና ውስጥ በምትገኝበትና ከየአቅጣጫው የተጋረጠባትን ጫና ለመመከት በምታደርገው ጥረት ጀግናውን የአገር መከላከያ ሰራዊት የሲቪል ማህበረሰብ ድርጅቶች በሎጂስቲክስና በገንዘብ መደገፍ ይጠበቅበታል ሲሉ ገልጸዋል፡፡

ከዚሁ ጋር ተያይዞ ማንኛውም ድርጅት ከዓላማው ውጪ ሲንቀሳቀስና ለጠላት ወግነው ሲሰሩ የተገኙ ድርጅቶች ላይ እርምጃዎች ተጠናክረው የሚቀጥል መሆኑን ጠቅሰው ነገር ግን ለህብረተሰብ የላቀ ተጠቃሚነት፣ ለሀገር እድገትና ብልጽግና የሚሰሩ ድርጅቶችን እያገዝንና እየደገፍን የምንቀጥል መሆኑን እገልፃለሁ ሲሉ መልዕክታቸውን አስተላልፈዋል፡፡

 

በመጨረሻም ለ3ኛ ጊዜ በምናከናውነው የአረንጓዴ አሻራ መርሃ ግብር ሀገራችን በድል ተሻግራ በብልጽግና አረንጓዴ ሆና ለትውልድ እንደምትቀጥል እምነት አለኝ ብለዋል፡፡

የሲቪል ማህበረሰብ ድርጅቶች ምክር ቤት ምክትል ፕሬዝዳንት አቶ አህመድ ሙሐመድ በበኩላቸው በእንደዚህ አይነት የበጎ ፈቃድ አገልግሎቶች ላይ ለሀገርና ለህብረተሰቡ ጥቅም የሚሰጡ እስከሆኑ ድረስ በግላችን ሀላፊነቱን ወስደን እንዲሁም ከኤጀንሲው ጋር በመሆን እንቅቃሴዎችን ስናደርግ ቆይተናል፡፡ ይህንንም አጠናክረን በመቀጠል በየትኛውም ሁኔታ ውስጥ ብንሆን ለሀገር ልማትና ለህብረተሰብ የላቀ ተጠቃሚነት እንሰራለን ሲሉ ገልፀዋል፡፡

 

ሀገር በአንድ ወገን ጥረት ብቻ አትበለፅግም ያሉት ምክትል ፕሬዝዳንቱ እኛም ተነሳሽነቱን ወስደን ከ1500 በላይ ለምግብነት የሚውሉ ችግኞችን ያቀረብን ሲሆን ይህም ከሀሳብ በዘለለ የድርሻችንን በተግባር እየተወጣን እንደሆነ ማሳያ ነው ብለዋል፡፡

ሀገር በአንድ ወገን ጥረት ብቻ አትበለፅግም ያሉት ምክትል ፕሬዝዳንቱ እኛም ተነሳሽነቱን ወስደን ከ1500 በላይ ለምግብነት የሚውሉ ችግኞችን ያቀረብን ሲሆን ይህም ከሀሳብ በዘለለ የድርሻችንን በተግባር እየተወጣን እንደሆነ ማሳያ ነው ብለዋል፡፡

በችግኝ ተከላ መርሃ ግብሩ ላይ ከ400 በላይ የኤጀንሲው ምክትል ዋና ዳይሬክተርን ጨምሮ አጠቃላይ ሰራተኞች እንዲሁም የሲቪል ማህበረሰብ ድርጅቶችና ህብረቶች ተሳታ ሆነዋል፡፡


‹‹ኢትዬጵያ ትልበስ ትውልድ ይታደስ››

የሲቪል ማህበረሰብ ድርጅቶች ኤጀንሲ ከጋምቤላ ብሔራዊ ክልላዊ መንግስት ጋር በመተባበር ‹‹ኢትዬጵያ ትልበስ ትውልድ ይታደስ›› በሚል መሪ ቃል የአረንጓዴ አሻራ መርሃ ግብር አካሂዷል፡፡

 

በፕሮግራሙ የመንግስት ከፍተኛ ሃላፊዎች፣ከተለያዩ የሲቪል ማህበረሰብ ድርጅቶች የተወከሉ ሃላፊዎችና ባለሙያዎች እንዲሁም የክልሉ ሃገር ሽማግሌዎችና ከተለያዩ አደረጃጀት የተወከሉ አካላት ታድመዋል፡፡

የክልሉ ፕሬዝዳንት አቶ ዑመድ ኡጅሉ እንኳን ወደ በረሃማ ገነት ወደ ሆነችው ጋምቤላ ክልል በደህና መጣችሁ በማለት በክልሉ ለሶስተኛ ግዜ ኢትዬጵያን እናልብሳት መርሃግብር እየተካሄደ መሆኑን እና በዘንድሮ መርሃ ግብር ከክልሉ ከሚተከለው በተጨማሪ ለደቡብ ሱዳን ችግኝ ለመስጠት እቅድ መያዛቸውን ገልጸዋል፡፡

 

የዕለቱ የክብር እንግዳ ዶ/ር አለሙ ስሜ የፖለቲካ ፓርቲዎችና ሲቪል ማህበራት ዘርፍ ኃላፊ የፕሮግራሙን ዋና ዓላማ ሲያብራሩ በርካታ ኢትዬጵያውያን የተሳተፉበት ነጻና ዴሞክራሲያዊ ምርጫ በተደረገ ማግስት በተለያዩ ክልሎች በመሄድ በኢፌዴሪ ጠቅላይ ሚኒስትር የተጀመረውን የአረንጓዴ አሻራ መርሃ ግብር ለማከናወን እና በየክልሉ ችግኙን ስንተክል ፍቅርና ሰላምን አብረን ለመትከል ነው ብለዋል፡፡

 

አያይዘውም በባለፉት 27 ዓመታት ከፍቅር ይልቅ ጥላቻን፣ከአንድነት ይልቅ መለያየትን መሰረት በማድረግ ሲሰራ መቆየቱን ገልጸው ይህ የሃገራችን ችግር በመሆኑ በጋራ ልንቀርፈው ይገባል ሲሉ አብራርተዋል፡፡ ለሲቪል ማህበረሰብ ድርጅቶችም ከመምረጥ ጀምሮ ምርጫው ሰላማዊና ዲሞክራሲያዊ እንዲሆን ላደረጉት አስተዋጽኦ ምስጋናቸውን አቅርበዋል፡፡

በመጨረሻም በክልሉ ከለውጡ በኋላ ብሔር ብሔረሰቦች ተባብረውና ተከባብረው ከሚኖሩበት ክልል ተጠቃሽ መሆኑን በመግለጽ በሃገራችን በምርጫው የተፈጠረው የመቻቻልና የሰላም ድባብ በማስቀጠል እንዲሁም ሁላችንም የድርሻችንን በመወጣት የምንፈልጋትን ኢትዬጵያን መፍጠር እንችላለን ሲሉ መልዕክታቸውን አስተላልፈዋል፡፡

 

የኤጀንሲው ዋና ዳይሬክተር በበኩላቸው ባስተላለፉት መልዕክት በባለፉት ሁለት ዓመታት የሲቪል ማበረሰብ ድርጅቶች ችግኝ በተለያዩ አከባቢዎች የተከሉ መሆኑን በማስታወስ የዘንድሮው ለየት የሚያደርገው ራቅ ብሎ በጋምቤላ ክልል መሆኑ ነው ብለዋል፡፡ ዋና ዳይሬክተሩ አክለውም ችግኙን ስንተክል ጥላቻን እና አረምን ነቅለን ፍቅርን እና መተሳሰብን የምንተክልበት እንዲሆን እመኛለሁ በማለት መልዕክታቸውን አስተላልፈዋል፡፡ ከችግኝ ተከላ ፕሮግራሙ በተጨማሪ የክልሉ ኪነት ባንድ የተለያዩ ባህላዊ ጭፈራዎችን ለታዳሚው አቅርበዋል፡፡


ከ3 ሚሊዮን ብር በላይ የሚያወጣ የፕሮጀክት ስምምነት ተደረገ፡፡

መዋቅራዊ በሆነ መንገድ በጎ ፈቃደኝነትንና የበጎ ፈቃድ መርሆችን በአዲስ አበባ ከተማ ውስጥ ለሚኖሩ የማህበረሰብ ክፍሎች ለማስረጽ ያግዛል የተባለለት ከ3 ሚሊዮን ብር በላይ የሚያወጣ የፕሮጀክት ስምምነት ተደረገ፡፡

የሲቪል ማህበረሰብ ድርጅቶች ኤጀንሲ ሰርቭ ግሎባል ከተባለ መሰረቱን አሜሪካን ሀገር ካደረገ ግብረ ሰናይ ድርጅት ጋር የበጎ ፈቃደኝነት ባህልን መዋቅራዊ በሆነ መንገድ ለማስተዋወቅ ያግዝልኛል ያለውን ስምምነት ተፈራርሟል፡፡ ፕሮጀክቱ ለቀጣዮቹ ሶስት አመታት የሚቆይ ሲሆን በጠቅላላው ከ3 ሚሊዮን ብር በላይ ወጪ ይደረግበታል ተብሏል፡፡

በስምምነት ስነስርዓቱ ላይ የሲቪል ማህበረሰብ ድርጅቶች ኤጀንሲ ምክትል ዳይሬክተርን ጨምሮ የአዲስ አበባ የፋይናንስ ትብብር ቢሮ እና የወጣቶችና በጎ ፈቃድ ማስተባበሪያ ቢሮ ሃላፊዎች እንዲሁም የሰርቭ ገሎባል ተወካዮች የተገኙ ሲሆን ፕሮጅክቱ በተለይም የኦንላይን ቮለንቲር ማኔጅመንት ሲሰተም (online volunteer management system) መዘርጋት፣ የበጎ ፈቃድ ባህልንና መርሆን በተለያዩ የማህበረሰብ ክፍሎች ዘንድ ማጎልበት፣ ከበጎ ፈቃድ ጋር ተያይዞ በሚወጡ ፖሊሲዎችና መመሪያች ላይ የበኩሉን መወጣት እንዲሁም ፕሮፌሽናል የሆኑ የበጎ ፈቃድ ባለሙያዎችን በተለያዩ ተቋማት ውስጥ ተመድበው የበጎ ፈቃድ አገልግሎት መስጠት የሚችሉበትንና በዚህም እውቅና የሚያገኙበትን ሁኔታዎች መፍጠር ዓላማ አድርጎ የተያዘ  ነው፡፡

ከተቋሙ ከፍተኛ አማካሪ አቶ እስቲበል ምትኩ እንዳገኘነው መረጃ ከሆነ በዚህ ፕሮጀክት ከ6000 በላይ ዜጎች በቀጥታ ተጠቃሚ ሲሆኑ ከአንድ ሚሊየን በላይ በአስሩም ክፍለ ከተማዎች የሚገኙ የከተማዋ ነዋሪዎች በአገልግሎቱ ተደራሽ ይደረጋሉ ተብሏል፡፡ በተጨማሪም በልዩ ልዩ የሙያ መስኮች የተመረቁ ሙያተኞች በምደባ በልዩ ልዩ ተቋማት ውስጥ ተመድበው አገልግሎት ይሰጣሉ ብለውናል፡፡

 

ፕሮጀክቱ ልዩ ድጋፍ የሚያሻቸውን የማህበረሰብ ክፍሎች ቅድሚያ ተጠቃሚ የሚያደርግ ሲሆን በተለይም አካል ጉዳተኞች ህጻናትና ሴቶች እንዲሁም አረጋውያን ላይ ቅድሚያ ሰጥቶ ይሰራል ተብሏል፡፡ ኤጀንሲውን በተለይ በOVMS (online volunteer management system)ን በመዘርጋት ግንባር ቀደም ተቋም እንዲሆን የሚያስችለው ነው፡፡

 

ፕሮጀክቱ ወጣቶችን፣ ህጻናትን፣ ዲያስፖራዎችን፣ ልዩ ልዩ ድጋፍ የሚያሻቸውን የማህበረሰብ ክፍሎችንና አረጋውያንን የሚጠቅም ፕሮጀክት መሆኑም ተያይዞ ተገልጹዋል፡፡


በኤጀንሲው የቀረቡት አምስት ረቂቅ መመሪያዎች ኤጀንሲው አዋጁን ለማስፈጸም የሚያደርገውን ጥረት የሚያያግዙ መሆናቸው ተገለጸ፡፡

የሲቨቢል ማህበረሰብ ድርጅቶች ኤጀንሲ አዋጅ ቁጥር 1113/2011ን መሰረት አድርገው በተዘጋጁ አምስት ረቂቅ መመሪያዎች ላይ ለሁለት ቀናት ከሁሉም የማህበራት ህብረቶች ጋር ውይይት አድርጓል፡፡ ኤጀንሲው ባለፉት ሁለት አመታት የተቋቋመበትን አዋጅ ለማስፈጸም ያስችለው ዘንድ በርካታ መመሪያዎችን በማዘጋጀት ለውይይት ክፍት ያደረገ ሲሆን የዚሁ አካል የሆነ የውይይት መድረክ በኢሊሌ ኢንተርናሽናል ሆቴል አዘጋጅቷል፡፡

 

የውይይት መድረኩን የከፈቱት የኤጀንሲው ዋና ዳይሬክተር አቶ ጂማ ዲልቦ ሴክተሩ ከነበረበት ጨለማ ወጥቶ በነጻነት ለመንቀሳቀስ በሚያስችለው ጎዳና ላይ ነው ያሉ ሲሆን ኤጀንሲውም አዋጁን ለማስፈጸም ያስችለው ዘንድ በርካታ የሪፎርም ስራዎችን ሰርቷል ብለዋል፡፡ አያይይውም ኤጀንሲው በተቋቋመበት አዋጅ ቁጥር 1113/2011 አንቀጽ 89 መሰረት አዋጁን ለማስፈጸም ያስችለው ዘንድ ልዩ ልዩ መመሪያዎችን የማውጣት ስልጣን የተሰጠው መሆኑን ጠቁመው ሆኖም ግን በበርካታ ምክንያቶች በተፈለገው ጊዜ ለማጸደቅ አልተቻለም ብለዋል፡፡ ለዚህም እንደምክንያት ያነሱት የሲቪል ማህበረሰብ ድርጅቶች ምክር ቤት በታቀደው ጊዜ አለመመስረት መሆኑን ጠቁመው የኮቪድ በኢትዮጵያ መከሰትና የአስቸኳይ ጊዜ አዋጅ መታወጁ ሌላው እንደምክንያት የሚጠቀስ ነው ብለዋል፡፡

ዋና ዳይሬክተሩ አያይዘው እንዳሉት የሲቪል ማህበረሰብ ድርጅቶች እንቅስቃሴያቸውን ግልጸኝነትና ተጠያቂነትን በተላበሰ መልኩ በማድረግ በስራዎቻቸው የህብረተሰቡን የላቀ ተጠቃሚነት ማረጋገጥ የቅድሚያ አጀንዳቸው አድርገው መስራት አለባቸው ብለዋል፡፡

ካሁን ቀደም አምስት ረቂቅ መመሪያዎችን አዘጋጅቶ ውይይት ካደረገ በኋላ  ለምክር ቤቱ ያቀረበ ሲሆን በተመሳሳይምእነዚህ አዲስ አምስት መመሪያዎች ውይይት ተደርጎባቸው ለምክር ቤት የሚቀርቡ መሆናቸውን አንስተዋል፡፡ ካሁን በፊት ለውይይት የቀረቡት ረቂቅ መመሪያዎች የሲቪል ማህበረሰብ ድርጅቶች የአስተዳድር ወጪ አፈጻጸም የወጣ ረቂቅ መመሪያ፣ ስለሲቪል ማህበረሰብ ድርጅቶች የሂሳብ አጣሪ፣ ስለድርጅት ንብረት ግዢ፣ ሽያጭና አወጋገድ የወጣ ረቂቅ መመሪያ፣ የሲቪል ማህበረሰብ ፈንድ ለማስተዳደር የወጣ ረቂቅ መመሪያ፣ የሙያ ማህበራትን ለመደገፍና ለማስተዳደር የወጣ ረቂቅ መመሪያ እንዲሁም የሲቪል ማህበረሰብ ድርጅቶች በገቢ ማሰገኛ ስራዎች ስለሚሰማሩበት የወጣ ረቂቅ መመሪያ የሚሉ ሲሆኑ በዚህኛው ዙር ደግሞ የሲቪል ማህበረሰብ ድርጅት ምዝገባ እና አስተዳደር የወጣ ረቂቅ መመሪያ፣ የሲቪል ማህበረሰብ ድርጅቶች የኦዲትና የስራ ክንውን ሪፖርት አቀራረብን ለመወሰን የወጣ ረቂቅ መመሪያ፣

በሲቪል ማህበረሰብ ድርጅቶች ላይ ስለሚደረግ ክትትል፣ ቁጥጥር እና ምርመራ የወጣ ረቂቅ መመሪያ፣ ስለሲቪል ማህበረሰብ ድርጅቶች መዋሀድ፣ ስለድርጅት መከፋፈል፣ መለወጥ መፍረስ እና መተዳደሪያ ደንብ ስለማረጋገጥና ስለመመዝገብ የወጣ ረቂቅ መመሪያ እንዲሁም ስለጥቅም ግጭት የወጣ ረቂቅ መመሪያዎች ላይ ውይይት ተደርጎባቸዋል፡፡ በውይይቱ በይዘቱ፣ በዓላማው፣ እንዲሁም የቋንቋ አጠቃቀምን ጨምሮ ከተሳታፊዎች አስተያየትና ጥያቄ ተነስቶ ማብራሪያ እና ምላሽ ተሰጥቶባቸዋል፡፡

የመዝጊያ ንግግር ያደረጉት የኤጀንሲው ምክትትል ዋና ዳይሬክተር አቶ ፋሲካው ሞላ በበኩላቸው ኤጀንሲው በተቻለው መጠን ድርጅቶችን ለማገዝና የህብረተሰብን ተጠቃሚነትን ብሎም የሀገርን ጥቅም ለማረጋገጥ በርካታ ስራዎችን እየሰራ መሆኑን ጠቁመው ለዚህ ደግሞ የሲቪል ማህበረሰብ ድርጅቶቾች ከፍተኛ ሚና ያላቸው መሆኑን ጠቁመዋል፡፡ አያይዘውም በዚህ መድረክ የሚነሱ ሀሳቦች እንደ ግብዓት የሚወሰዱ መሆናቸውን ጠቁመው ምናልባት እንደግብዓት ያልተጠቀምናቸው ከሆነ ከነምክንያቱ የሚገለጽ ይሆናል ያሉ ሲሆን ለዚህ ፕሮግራም አስተባባሪዎችም ምስጋናቸውን አቅርበዋል፡፡

የሲቪል ማህበረሰብ ድርጅቶች ኤጀንሲ የህግ አገልግሎት ዳይሬክቶሬት ዳይሬክተር ወ/ሮ ሓርነት በበኩላቸው ውይይቱ እዚሁ የሚቀር ሳይሆን ከአባላቶቻቸው ጋር ውይይት አድርገው ሰፊ ሀሳቦችን ማካተት የሚችሉበት ሁኔታ ያለ መሆኑን ጠቁመው ህብረቶቹ አባል ድርጅቶቻቸውን አወያይተው ተጨማሪ ግብዓት ይሆናል ያሉትን ከሰኔ 9/2013 ዓ.ም ጀምሮ ባሉ 15 የስራ ቀናት በኤጀንሲው የህግ ክፍል ወይም በኤጀንሲው የኢሜይል አድራሻ መላክ እንደሚችሉ ገልጸዋል፡፡


የሲቪል ማህበረሰብ ድርጅቶች ኤጀንሲ ከፍተኛ የስራ ኃላፊዎች ዎርልድ ቱጌዜር (world together) ኢትዮጵያ የተሰኘ ግብረሰናይ ድርጅትን የስራ እንቅስቃሴ ጎበኙ፡፡

የሲቪል ማህበረሰብ ድርጅቶች ኤጀንሲ ሰሚት በሚገኘው ኤል ጂ ኮይካ ሆፕ ቲቬት ኮሌጅ (LG-KOIKA HOPE TVET COLLEGE) በመገኘት የድርጅቱን የስራ እንቅስቃሴ ምልከታ አድርጓል፡፡

 

በእለቱ የኤጀንሲው ዋና ዳይሬክተር አቶ ጂማ ዲልቦና የኤጀንሲው የምዝገባና ፈቃድ ዳይሬክቶሬት ዳይሬክተር አቶ ተሾመ ወርቁ በቲቬት ኮሌጁ በመገኘት የተቋሙን የስራ እንቅስቃሴ ቅኝት አድርገዋል፡፡ በእለቱ ለኤጀንሲው የስራ ኃላፊዎች በካንትሪ ዳይሬክተሩ እና በባለሞያዎች በኩል ወርልድ ቱጌዘር (world together Ethiopia) ምን እየሰራ እንደሆነ ገለጻ የተደረገ ሲሆን በቲቬት ኮሌጁ እየተሰሩ ያሉ ስራዎች አንድ በአንድ አስቃኝተዋል፡፡

 

ዎርልድ ቱጌዘር ኢትዮጵያ (world together Ethiopia) በፈረንጆቹ አቆጣጠር ከ2005ዓ.ም ጀምሮ በኢትዮጵያ ሲንቀሳቀስ የቆየ እና ከ2007ዓ.ም ጀምሮ በኤጀንሲው ተመዝግቦ እየተንቀሳቀሰ ያለ ግብረ ሰናይ ድርጅት ነው፡፡ ድርጅቱ ሲመሰረት የተለያዩ የህክምና ድጋፎችን ለማድረግ የተቋቋመ ቢሆንም በሂደት በትምህርት፣ በኢፍራስትራክቸር ልማት እንዲሁም በማህበረሰብ አቀፍ ድጋፍ ላይ እየሰራ የሚገኝ ከአምስት በላይ አጋር ድርጅቶች ያሉት ግብረ ሰናይ ድርጅት ነው፡፡

በእለቱ አቶ ዶንግሆ ኪም (Mr. Dongho Kim) የኮይካ ኢትዮጵያ ካንትሪ ዳይሬክተር እንዳሉት በተለይ ዎርልድ ቱጌዘር ኢትዮጵያ (world together Ethiopia) በሚሰራው ማህበራዊ ግልጋሎት ለኮርያ ዘማች አርበኞች ልዩ ድጋፍ እያደረገ እንደሚገኝ የገለጹ ሲሆን በአሁን ጊዜ ድርጅቱ ከ105 በላይ በተለያየ አካባቢ የሚገኙ የኮሪያ ዘማች ቤተሰቦችን እየደገፈ የሚገኝ መሆኑን አንስተው በትምህርት ሴክተሩም በኤል ጂ ኮይካ ሆፕ ቲቬት ኮሌጅ (LG-KOIKA HOPE TVET COLLEGE) በኩል በርካታ ስራዎችን እየሰራ መሆኑን ገልጸዋል፡፡

አያይዘውም ድርጅቱ ከሰባት በላይ ሀገራት ውስጥ እየተንቀሳቀሰ የሚገኝ መሆኑን ጠቁመው ከነዚህ ውስጥም በኢትዮጵያ እያደረገ ያለው እንቅስቃሴ ከሌሎች ሀገሮች አንጻር ሲታይ ከፍተኛውን ድርሻ ይይዛል ብለዋል፡፡

የድርጅቱን የስራ እንቅስቃሴ የተመለከቱት የሲቪል ማህበረሰብ ድርጅቶች ኤጀንሲ ዋና ዳይሬክተር አቶ ጂማ ዲልቦ ድርጅቱ እየሰራ ባለው ነገር መደሰታቸውን ገልጸው በተለይም በሚሰጣቸው ስልጠናዎች ተማሪዎች ከትምህርቱ ባሻገር ስራ ፈጣሪና በተለይም ደግሞ በሰብዕና ግንባታ ላይ እያደረገ ያለው እንቅስቃሴ የሚበረታታ ነው ብለዋል፡፡

.