ለሲቪል ማህበረሰብ ድርጅቶች ባለስልጣን ባለሙያዎች የኦዲት አቀራረብና የግምገማ ስርዓት ላይ ስልጠና ተሰጠ፡፡
ለሲቪል ማህበረሰብ ድርጅቶች ባለስልጣን ባለሙያዎች የኦዲት አቀራረብና የግምገማ ስርዓት ላይ ስልጠና ተሰጠ፡፡
በስልጠናው የመክፈቻ ንግግር ያደረጉት የሲቪል ማህበረሰብ ድርጅቶች ባለስልጣን የክትትል ግምገማና ምርመራ ስራ አስፈፃሚ አቶ ተሾመ ወርቁ ባስተላለፉት መልዕክት የዚህ ስልጠና ዋናው ዓላማ የሲቪል ማኀበረሰብ ድርጅቶች ጥራቱንና ደረጃውን የጠበቀ የሪፖርት አቀራረብና የግምገማ ስርዓት እንዲኖራቸው በሚያስችል ዙርያ ባለሙያው በቂ ግንዛቤ እንዲኖረው ታስቦ የተዘጋጀ ነው ሲሉ ገልጸዋል ፡፡
አቶ ተሾመ አክለውም ይህ ስልጠና ለተቋማችን ባለሞያዎች ጠቃሚና በስራ ገበታችን ለምንሰጠው አገልግሎት የሚሰጠው እገዛ ከፍተኛ መሆኑን በመግለጽ ከስልጠናውም በኋላ ያገኘነውን እውቀት በነበረን ላይ በማከል የተሻለና ቀልጣፋ አገልግሎት መስጠት ይኖርብናል ብለዋል፡፡
በመጨረሻም ባስተላለፉት መልዕክት የዚህ አይነት የስልጠና አጋጣሚዎች በተገቢው በመጠቀም እራሳችንን ማብቃትና ለስራ ዝግጁና ብቁ በመሆን ተገልጋዮቻችንን ማገልገል ይኖርብናል ሲሉ መልዕክታቸውን አስተላልፈዋል ፡፡

በአዲስ አበባ 10ኛው የመንግስትና የሲቪል ማህበረሰብ ድርጅቶች የጋራ የምክክር መድረክ ተካሄደ፡፡
በአዲስ አበባ 10ኛው የመንግስትና የሲቪል ማህበረሰብ ድርጅቶች የጋራ የምክክር መድረክ ተካሄደ፡፡
በከተማ መስተዳድሩ 311 ድርጅቶች 352 ፕሮጀክቶችን ተፈራርመው እየሰሩ እንደሚገኙ ተገልጿል፡፡
የመክፈቻ ንግግር ያደረጉት የአዲስ አበባ ከተማ መስተዳድር ፋይናንስ ቢሮ ሃላፊ አቶ አብዱልቃድር ሬድዋን እንደገለጹት የሲቪል ማህበረሰብ ድርጅቶች በከተማው ማህበራዊ እና ኢኮኖሚያዊ ዘርፍ ላይ ከፍተኛ አበርክቶ እንዳላቸው በመግለጽ የመድረክ ዓላማ በዘርፉ የተገኙ ጠንካራ ጎኖችን ለማጎልበትና ያጋጠሙ ችግሮችን ለመገንዘብና በጋራ ለመፍታት መሆኑን ገልጸዋል፡፡
የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ በማጠቃለያ ንግግራቸው እንደገለጹት እንደዚህ አይነት ቋሚ መድረኮች በጣም አስፈላጊ እና በተለይም የሲቪል ማህበረሰብ ድርጅቶችን የእርስ በእርስ ግንኙነት የሚያጠናክር ነው ብለዋል፡፡
የበለጸገች ኢትዮጵያን በመገንባት ሂደት የሲቪል ማህበረሰብ ድርጅቶች ከፍተኛ ሚና አላቸው ያሉት ዋና ዳይሬክተሩ ለዘርፉ በሚፈጠሩ መድረኮች ንቁ ተሳታፊ እና ሃሳብ አመንጪ መሆን እንደሚገባቸው አንስተዋል፡፡
የሲቪል ማህበረሰብ ድርጅቶች ህግና ስርዓትን አክብረው እንዲሰሩ፣ ሃገራዊ ፍቅር እንዲኖራቸው ውስን ሃብትን በአግባቡ መጠቀም እንዲችሉ አደራ እላለሁ ብለዋል፡፡
በመድረኩ የሲቪል ማህበረሰብ ድርጅቶች በከተማ መስተዳድሩ በማህበራዊና በኢኮኖሚያዊ ጉዳዮች ላይ ያከናወኗቸው ተግባራት የቀረበ ሲሆን ከዚህ በተጨማሪ የኢትዮጵያ የሲቪል ማህበረሰብ ድርጅቶች ምክር ቤት አመሰራረት፣ተግባርና ሃላፊነት እንዲሁም ያከናወናቸውን ተግባራት ቀርበው ውይይት ተደርጎባቸዋል፡፡


ለተቋሙ የማኔጅመንት አባላት በሃብት አሰባሰብ እና አስተዳድር ዙሪያ ስልጠና ተሰጥቷል።
ለተቋሙ የማኔጅመንት አባላት በሃብት አሰባሰብ እና አስተዳድር ዙሪያ ስልጠና ተሰጥቷል።
የተቋሙ ዋና ዳይሬክተር አቶ ሳምሶን ቢራቱ በስልጠናው ላይ ባደረጉት ንግግር በሲቪል ማህበረሰብ ድርጅቶች አዋጅ ቁጥር 1113/2011 አንቀፅ 86 መሰረት በሲቪል ማህበረሰብ ድርጅቶች ባለሥልጣን የሚተዳደር የሲቪል ማህበረሰብ ፈንድ እንደሚቋቋም መደንገጉን በመግለፅ ባለስልጣን መስርያ ቤቱ ይህንኑ ተግባራዊ ለማድረግ በሃብት አሰባሰብና አስተዳድር ላይ ግንዛቤ በመያዝ ግልፅ አሰራር መዘርጋት ይጠበቅበታል ብለዋል።
.
አዋጅን መሰረት በማድረግ የወጣው የሲቪል ማህበረሰብ ፈንድ አስተዳደር መመርያ ቁጥር 848/2014 መሰረት በፈንዱ ተጠቃሚ የሚሆኑት በባለስልጣኑ ተመዝጋቢ አገር በቀል የሲቪል ማህበረሰብ ድርጅቶች ብቻ ሲሆኑ የፈንዱም አላማ በጎ ፈቃደኝነት እና የዘርፉን እድገት ማበረታታት ፣የሲቪል ማህበረሰብ ድርጅቶችን አገራዊ አስተዋጽዖ እና ልዩ ድጋፍ የሚያስፈልጋቸው የህብረተሰብ ክፍሎች ዙርያ የሚሰሩ ድርጅቶችን ማበረታታትና ማገዝ ነው፡፡


የሲቪል ማህበረሰብ ድርጅቶች ባለስልጣን ለበጎ ፈቃድ ማጎልበትና ትብብር መሪ ስራ አስፈጻሚ ባለሙያዎች የአሰልጣኞች ስልጠና ተሰጠ፡፡
የሲቪል ማህበረሰብ ድርጅቶች ባለስልጣን ለበጎ ፈቃድ ማጎልበትና ትብብር መሪ ስራ አስፈጻሚ ባለሙያዎች የአሰልጣኞች ስልጠና ተሰጠ፡፡
የሥልጠናው ዓላማ ባለስልጣን መስሪያ ቤቱ ለሚያደርገው ሀገር አቀፍ የበጎ ፈቃድ ማጎልበት ንቅናቄ በበጎ ፈቃድ ማጎልበት ዙሪያ የተለያዩ ስልጠናዎችን ለመስጠት ነው፡፡
በመድረኩ ላይ የበጎ ፈቃድ ማጎልበትትና ትብብር መሪ ስራ አስፈጻሚ አቶ አሉላ ሚሊዮን እንደተናገሩት ለማህበረሰቡ የበጎ ፈቃድን የሚያጎለብቱ ተከታታይ ስልጠናዎችንና ሀገር አቀፍ ንቅናቄዎችን መፍጠር ከባለስልጣን መስሪያ ቤቱ የሚጠበቅ በመሆኑ ይህንኑ ኃላፊነት ለመወጣት የሚያስችል የአሰልጣኞች ስልጠና ሊዘጋጅ እንደቻለ ተናግረዋል፡፡


በሲቪል ማህበረሰብ ድርጅቶች ባለስልጣን በየወሩ የሚካሄደው ተቋማዊ የንባብ ቀን ጥሪ የተደረገላቸው እንግዶች በተገኙበት ለ5ኛ ጊዜ በድምቀት ተካሂዷል፡፡
በሲቪል ማህበረሰብ ድርጅቶች ባለስልጣን በየወሩ የሚካሄደው ተቋማዊ የንባብ ቀን ጥሪ የተደረገላቸው እንግዶች በተገኙበት ለ5ኛ ጊዜ በድምቀት ተካሂዷል፡፡
በዕለቱ የባለስልጣን መስሪያ ቤቱ ዋና ዳይሬክተር አቶ ሳምሶን ቢራቱ፤ የአመልድ ኢትዮጵያ ዋና ዳይሬክተር የሆኑት ጸሃፊና ተመራማሪ ዶ/ር አለማየሁ ዋሴ እንዲሁም የባለስልጣን መስሪያ ቤቱ ከፍተኛ የስራ ኃላፊዎችና ሰራተኞች የተገኙ ሲሆን በዕለቱ ልዩ ልዩ ስነጹሁፋዊ ስራዎች ቀርበዋል፡፡
.
በመድረኩ ላይ የአመልድ ኢትዮጵያ ዋና ዳይሬክተር የሆነውና በስነጽሁፍ ስራዎቹ እንዲሁም በምርምር ስራዎቹ እውቅናን ያተረፈው ዶ/ር አለማየሁ ዋሴ ልምድና የህይወት ተመክሮውን ለመርኃ ግብሩ ታዳሚዎች አጋርቷል፡፡
.
በተጨማሪም የባለስጣን መስሪያ ቤቱ ዋና ዳይሬክተር አቶ ሳምሶን ቢራቱ፣ የአመልድ ኢትዮጵያ ዋና ዳይሬክተር ዶ/ር አለማየሁ ዋሴ እንዲሁም የሲቪል ማህበረሰብ ድርጅቶች ምክር ቤት ምክትል ፕሬዝዳንት አቶ መሀመድ ሁሴን የተቋሙን ቤተ መጻህፍት አገልግሎት በይፋ አስጀምረዋል፡፡
.
የተቋሙ ቤተመጻህፍት በጥቂት መጻህፍት አገልግሎት እንዲጀምር ሲደረግ ወደፊት የሲቪል ማህበረሰብ ድርጅቶች ዘርፉን በሚመለከት በቂ የሆኑ ሰነዶች የሚገኙበትና የተቋሙ ሰራተኞችም ሆኑ ወደተቋሙ ለጥናትና ምርምር ለሚመጡ ተገልጋዮች እንዲያገለግል ታሳቢ ያደረገ እንደሆነ በመድረኩ ላይ ተገልጿል፡፡


የባለስልጣን መስሪያቤቱ ሰራተኞች በእቅድ በመመራት የተቋሙን ተልዕኮ ማሳካት አለባቸው ተባለ::
የባለስልጣን መስሪያቤቱ ሰራተኞች በእቅድ በመመራት የተቋሙን ተልዕኮ ማሳካት አለባቸው ተባለ::
ይህ የተባለው ባለስጣን መስሪያ ቤቱ ለቡድን መሪዎች በእቅድ ዝግጅት፣ አተገባበር፣ አፈጻጸም ምዘና መመሪያ ላይ ስልጠና በሰጠበት ወቅት ነው፡፡ ተቋሙ የተሰጠውን ተልዕኮ ከግብ ለማድረስ ብቃት ያለው የሰው ሀይል ከማፍራት ጎን ለጎን በእቅድ አፈጻጸምና በውጤት የሚለካ ባለሙያ እንዲኖር ከማድረግ አኳያ በርካታ የአቅም ግንባታ ስልጠናዎች በመስጠት ላይ ይገኛል፡፡
.
በስልጠናው ላይ የተገኙት የባለሰልጣኑ ም/ዋና ዳይሬክተር አቶ ፋሲካው ሞላ እንዳሉት ባለፉት ዓመታት የለውጥ ስራዎችን በመስራት ውጤታማ ተግባሮች መከናወናቸውን አንስተው ሁለተኛው ተቋማዊ ለውጥ ስራዎችን የተሻለ ለማድረግ በእቅድ መመራት መቻል አስፈላጊ ነው ብለዋል፡፡
.
ሌላው ያነሱት አመራር ሶስት መሰረታዊ ሀላፊነቶችን አለባቸው በዋናነት በእቅድ ለመመራት እቅድ ማዘጋጀት አለበት ሁለተኛው እቅዱን ተግባራዊ ለማድረግ ምቹ የስራ አካባቢዎች እዲኖሩ ማድረግ እዲሁም ሶስተኛው የታቀደው እቅድ እንዲተገበር ክትትልና ድጋፍ ማድረግ እንደሚያስፈልግ ገልፀዋል፡፡ አያይዘውም የተቋሙ ሰራተኞችና አመራሮች በአግባቡ በእቅድ በመመራት የተቋሙን ተልዕኮ ለማሳካት ሀላፊነት እንዳለባቸው ገልፀዋል፡፡

የፌዴራል ፐፕሊክ ሰርቪስ መስሪያቤቶች የውጤት ተኮር ዕቅድ ዝግጅት ትግበራና የአፈጻጸም ምዘና መመሪያ ዙሪያ ለተቋሙ የማኔጅመንት አባላት ስልጠና ተሰጥቷል፡፡
የፌዴራል ፐፕሊክ ሰርቪስ መስሪያቤቶች የውጤት ተኮር ዕቅድ ዝግጅት ትግበራና የአፈጻጸም ምዘና መመሪያ ዙሪያ ለተቋሙ የማኔጅመንት አባላት ስልጠና ተሰጥቷል፡፡
በስልጠናው የመክፈቻ ንግግር ያደረጉት የተቋሙ የስራ አመራር ዋና ስራ አስፈጻሚ አቶ ተስፋዬ ሽፈራው እንዳሉት የዚህ ስልጠና ዓላማ የስራ ምዘና ስርዓታችንን ውጤታማና በጥራት ላይ የተመሰረተ ለማድረግ እና በሂደቱ ያጋጠሙ ችግሮችን ለመፍታት ብሎም የቀጣይ የትኩረት አቅጣጫ ለማስቀመጥ መሆኑን ተናግረዋል፡፡ በስልጠናው በርካታ ጉዳዬች ተነስተው ውይይትና ምላሽ ተሰጥቶበታል፡፡

የተቋሙ ሰራተኞችና አመራሮች ሃገር አቀፍ የቱሪዝምና ሆስፒታሊቲ ኤግዚቭሽንን ጎበኙ፡፡
የተቋሙ ሰራተኞችና አመራሮች ሃገር አቀፍ የቱሪዝምና ሆስፒታሊቲ ኤግዚቭሽንን ጎበኙ፡፡
ቱሪዝም ሚኒስቴር ሃገራችን ያላትን እምቅ የቱሪዝም ጸጋዎች ለማስተዋወቅና የቱሪዝም ዘርፍ ለሃገር እድገት የሚያበረክተውን ፈርጀ ብዙ አስተዋጽኦ ለማሳየት ባዘጋጀው ሃገር አቀፍ የቱሪዝምና ሆስፒታሊቲ ኤግዚቭሽን ላይ የተቋሙ ሰራተኞችና አመራሮች ተገኝተው ተመልክተዋል፡፡

በዋና ዳይሬክተር አቶ ሳምሶን ቢራቱ የተመራ ልዑካን ቡድን በትግራይ ክልል የተለያዩ አከባቢዎች አክሽን አጌንስት ሀንገር (Action against Hunger) የሚሰራቸውን ስራዎች ተመልክቷል፡፡
በዋና ዳይሬክተር አቶ ሳምሶን ቢራቱ የተመራ ልዑካን ቡድን በትግራይ ክልል የተለያዩ አከባቢዎች አክሽን አጌንስት ሀንገር (Action against Hunger) የሚሰራቸውን ስራዎች ተመልክቷል፡፡
በትግራይ ክልል አክሽን አጌንስት ሀንገር (Action against Hunger) የተባለው የውጭ ግብረሰናይ ድርጅት እያከናወነ ያለውን ስራ ምልከታ ያደረገ ሲሆን ድርጅቱ በትግራይ ክልል በአስራ ሶስት ወረዳዎች ኒውትሪሽን ፣በውሃ፣ የምግብ ዋስትና ፕሮግራሞች ላይ ይንቀሳቀሳል፡፡
ድርጅቱ ካከናወናቸው ተግባራት መካከል በአቢ አዲ ጤና ጣቢያ በወሊድ ጊዜ የመቀንጨር ዕክል ላጋጠማቸው ህፃናት የተለያዩ የአልሚ ምግቦች ድጋፍ እና በእናቶች ጤና ዙርያ እየሰራ ያለውን ተግባር ቡድኑ ተመልክቷል ፡፡
በምልከታውም ወቅት የጤና ጣቢያው ዳይሬክተር አቶ ወልዳይ መረሰ እንደተናገሩት ይህ ጤና ጣቢያ ለአርባ ሺህ የማህበረሰብ ክፍሎች አገልግሎት የሚሰጥ ተቋም መሆኑን ገልጸው በነበረው ወቅታዊ ሁኔታ አገልግሎቱ ተቋርጦ መቆየቱን እና አሁንም አገልግሎቱ ቢጀመርም የመድሃኒት አቅርቦት ችግር እያጋጠማቸው መሆኑን አንስተዋል፡፡
የአክሽን አጌንስት ሀንገር (Action against Hunger) ጤና ጣቢያው ወደ አገልግሎቱ እንዲመለስ አያደረገ ያለው ድጋፍ ከፍተኛ መሆኑን ገልጸው ይህም ድጋፍ በቀጣይ ተጠናክሮ እንዲቀጥል እንፈልጋለን ብለዋል ፡፡
በምልከታው ላይ የነበሩት የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ እንደተናገሩት በጤና ባለሙያዎችና ሃላፊዎች የተነሱት ችግሮች እንደ ተቋማችን ወስደን ማድረግ ያለብን ድጋፎች ሁሉ ለማድረግ ጥረት እናደርጋለን ብለዋል ፡፡
ሌላኛው የአክሽን አጌንስት ሀንገር (Action Against Hunger) ፕሮጀክት በትግራይ ክልል ዓድዋ፣ዓዲግራት፣አክሱም እና ሽረ ከተማ የሚገኘው የካሽ ዲስትርቢዩሽን ፕጀክት ምልከታ የተደረገ ሲሆን ይህም ከተለያዩ አከባቢዎች ለተፈናቀሉ የማህበረሰብ ክፍሎች በካሽ ገንዘብ ለ( ሁለት መቶ አርባ ስድስት ሺህ ዘጠኝ መቶ ሰማንያ ስምንት 246988) ተፈናቃዮች፣ከስደት ተመላሾችና ችግረኛ ነዋሪዎች ድርጅቱ ባዘጋጀው መመርያና መመዘኛ መስፈርት መሰረት አምስት መቶ ሚሊዮን ብር እንደየ ቤተሰብ ብዛታቸው ተደራሽ እያደረገ እንደሚገኝ የፕሮጀክት አስተባባሪ ሃላፊው አቶ አለማየሁ አብረሃ ተናግረዋል ፡፡
በመጨረሻም የባለስልጣን መስርያቤቱ ዋና ዳይሬክተር አቶ ሳምሶን ቢራቱ በሰጡት አስተያየት አክሽን አጌንስት ሀንገር (Action against Hunger) እያደረገ ያለው ድጋፍ የሚበረታታ መሆኑን ተናግረው ይሁን እንጂ የሚደረጉት ድጋፎች ቀጣይነት ያለው እና የማህበረሰቡን ህይወት በሚቀይር መልኩ መሆን ይገባዋል ሲሉ አስተያየታቸውን ሰጥተዋል፡፡


የሲቪል ማህበረሰብ ድርጅቶች ባለስልጣን ለሴት ሰራተኞች ፎረም በተሻሻለው የቤተስብ ህግ ላይ ስልጠና ሰጥቷል፡፡
የሲቪል ማህበረሰብ ድርጅቶች ባለስልጣን ለሴት ሰራተኞች ፎረም በተሻሻለው የቤተስብ ህግ ላይ ስልጠና ሰጥቷል፡፡
የሲቪል ማህበረሰብ ድርጅቶች ባለስልጣን በተሻሻለው የኢፌዲሪ የቤተሰብ ህግ ላይ ለተቋሙ ሴት ሰራተኞች ስልጠና የሰጠ ሲሆን የተቋሙ ሴት ሰራተኞች ፎረም የ2015 ዓ.ም ዕቅድ አፈጻጸሙንና የ2016 በጀት ዓመት እቅድን በሚመለከት ውይይት ተደርጓል፡፡ በመድረኩ የተጓደሉ የፎረም አመራሮችን የሟሟላት እና ፎረሙን የማያጠናክር ስራ ተከናውኗል፡፡
በውይይቱ ላይ የባለስልጣን መስሪያ ቤቱ የሴት ሰራተኞች ፎረም አባላቱን ለመደገፍ የተለያዩ ስልጠናዎችን ከአጋር አካላት ጋር በማዘጋጀት የተቋሙ ሴት ሰራተኞች ውጤታማ ስራ መስራት እንዲችሉ ሲሰራ እንደቆየ የተገለጸ ሲሆን በተጨማሪም የፎረሙን የፋይናንስ አቅም ለማጠናከር የበለጠ ውጤታማ ስራ ለመስራት ጥረት እያደረገ እንደሚገኝ ተገልጿል፡፡
በመድረኩ ላይ የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ ሁሉም የተቋሙ ሴት ሰራተኞች በፎረሙ ላይ ተሳትፎ ማድረግ ይጠበቅባቸዋል፤ ባለስልጣን መስሪያ ቤቱም በዚህ ረገድ አስፈላጊውን ድጋፍ እንደሚያደርግ ገልጸዋል፡፡
ባለስልጣን መስሪያ ቤቱ የተቋሙን ሴት ሰራተኞች አቅም ለመገንባት የሚያስችሉ ስራዎችን አጠናክሮ እንደሚሰራ የጠቆሙት ምክትል ዋና ዳይሬክተር አቶ ፋሲካው ሞላ ውጤታማ እና ለውጥ የሚያመጣ ፎረም እንደሚያስፈልግ ገልጸው ከተለያዩ ተቋማት ልምድ በመውሰድ እና በተለያየ ጊዜ የሚዘጋጁ መድረኮችን በመጠቀም መጠናከርና ወደፊት መምጣት ይጠበቅባችኋል ብለዋል፡፡
በመድረኩ የፎረሙን የተጓደሉ አመራሮች የተካ ሲሆን ወደተቋሙ በዝውውር የመጡ ሴት ሰራተኞች የፎረሙ አባል አድርጎ ተቀብሏል፡፡







