የሲቪል ማህበረሰብ ድርጅቶችም በሁለንተናዊ ልማት፣ በዴሞክራሲ ፣ የአገርን ችግር ሊፈቱ የሚችሉ እና ህዝብን በተጨባጭ የሚጠቅሙ ስራዎችን በመስራት የሚመዘኑበት ወቅት መሆኑ ተገለጸ፡፡

የሲቪል ማህበረሰብ ድርጅቶችም በሁለንተናዊ ልማት፣ በዴሞክራሲ ፣ የአገርን ችግር ሊፈቱ የሚችሉ እና ህዝብን በተጨባጭ የሚጠቅሙ ስራዎችን በመስራት የሚመዘኑበት ወቅት መሆኑ ተገለጸ፡፡

ዘጠነኛው የኢፌዴሪ የሲቪል ማኅበረሰብ ድርጅቶች ባለስልጣን፣ የክልል እና የፌደራል ባለድርሻ አካላት ጉባኤ በጂማ ከተማ እየተካሄደ ይገኛል፡፡
በጉባኤው ላይ የመክፈቻ ንግግር ያደረጉት አቶ መለስ ዓለሙ በጠቅላይ ሚኒስቴር ጽ/ቤት የዴሞክራሲ ባህል ግንባታ ዘርፍ ሚኒስትር እንደተናገሩት መንግስት ባለፉት የለውጥ ዓመታት በሁለንተናዊ መልኩ የበለፀገች አገር ለመገንባት ከፍተኛ ትኩረት በመስጠት የሪፎርም ስራ ካካሄደባቸዉ መስኮች አንዱ የሲቪል ማህበረሰብ ድርጅቶችን የሚመለከት መሆኑን አንስተው ይህም የሆነበት ዋናዉ ምክንት የሲቪል ማህበረሰብ ድርጅቶች ለአገራችን የልማትና ዴሞክራሲያዊ ስርዓት ግንባታ ከፍተኛ ሚና የሚጫዎቱ መሆናቸውን በማመን ነዉ ሲሉ ገልጸዋል፡፡
መንግስት ላለፉት ዓመታት በዘርፉ ሰፊ የፖሊሲ፣ የህግ እና የተቋማዊ ሪፎርሞች እንዲካሄዱ አድርጓል ያሉት ሚኒስትሩ ከለዉጡ በፊት እንደፖለቲካ ምህዳሩ ሁሉ የሲቪክ ምህዳሩም በመጥበቡ ምክንት የሲቪል ማህበረሰብ ድርጅቶች ለሀገር ልማትና ዴሞክራሲ መወጣት የሚጠበቅባቸውን ሚና በሙሉ አቅማቸዉ መወጣት አንዳይችሉ አድርጓቸው ቆይቷል ብለዋል፡፡
አቶ ሳምሶን ቢራቱ የኢፌዴሪ የሲቪል ማህበረሰብ ድርጅቶች ባለስልጣን ዋና ዳይሬክተር በመድረኩ ባስተላለፉት መልዕክት አሁን በደረስንበት ደረጃ ዘርፉ ከህዝብ ተጠቃሚነት አኳያ ትርጉም ያለው አስተዋፅኦ ማድረግ የሚገባው ወቅት ላይ እንደምንገኝ ገልጸው ይሄንኑ ውጤት ታሳቢ ያደረገ ክትትል፣ ቁጥጥር እና ድጋፍ ማድረግ ከመንግስት አካላት ይጠበቃል ሲሉ ገልጸዋል፡፡
የሲቪል ማህበረሰብ ድርጅቶችም በሁለንተናዊ ልማት፣ በዴሞክራሲ ፣ የአገርን ችግር ሊፈቱ የሚችሉ እና ህዝብን በተጨባጭ የሚጠቅሙ ስራዎችን በመስራት የሚመዘኑበት ወቅት መሆኑን በመገንዘብ ሃላፊነታቸውን መወጣት እንደሚጠበቅባቸው በመግለጽ በቀጣይም ይህንኑ ታሳቢ ያደረገ የተጠናከረ ክትትል እንዲሁም የድጋፍ ስራዎች የሚከናዎኑ መሆኑን ተናግረዋል፡፡
ጉባኤው በቀጣይ ከሲቪል ማህበራት ዘርፍ የሚጠበቀውን ተጨባጭ ውጤት ለማሳካት ትኩረት ያደረገ ቅንጅት በመፍጠር ሂደት ከፍተኛ አቅም መሆኑን አንስተው ይህ ከመንግስታት ግንኙነት ጋር በተያያዘ በአገራችን ለሌሎች ሞዴል መሆን የሚችል የጋራ ጉባኤ ሳይቋረጥ እንዲቀጥል ለማድረግ ተቋማችን ይሰራል ብለዋል፡፡
የጅማ ዞን ም/አስተዳዳሪ ለጉባኤተኛው የእንኳን ደህና መጣችሁ ንግግር እና አቀባበል አድርገዋል፡፡


    የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ ከዓለም አቀፉ የጥቁሮች ታሪክ፣ ቅርስና ትምህርት ማዕከል (Global Black History, Heritage, and Education Centre (GBHHEC) የስራ ኃላፊዎች ጋር ተወያዩ፡፡

    የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ ከዓለም አቀፉ የጥቁሮች ታሪክ፣ ቅርስና ትምህርት ማዕከል (Global Black History, Heritage, and Education Centre (GBHHEC) የስራ ኃላፊዎች ጋር ተወያዩ፡፡

    የአፍሪካ ህዝቦችን ታሪክና ቅርስ ለመጠበቅ እንዲሁም የአፍሪካ ሀገራትን እና ሰፊውን አፍሪካዊ ዲያስፖራ በባህል እና ቅርስ በማስተሳሰር አፍሪካውያን በሚኖሩበት ቦታ ሁሉ ስለታሪካቸው እና ስለ ቅርሶቻቸው እንዲያውቁና እንዲማሩ የማድረግ ተልዕኮ አንግቦ የተቋቋመው ዓለም አቀፉ የጥቁሮች ታሪክ፣ ቅርስና ትምህርት ማዕከል (Global Black History, Heritage, and Education Centre (GBHHEC) በቅርቡ አድስ አበባ ውስጥ ዓለም ዓቀፍ ቢሮውን ከፍቷል፡፡
    ተቋሙ የተቋቋመበትን ዓላማ ከግብ ለማድረስ እንዲያስችለው ከሲቪል ማህበረሰብ ድርጅቶች ባለስልጣን ጋር በትብብር ስለሚሰራበት ሁኔታ ከምክትል ዋና ዳይሬክተር አቶ ፋሲካው ሞላ ጋር ሰፊ ውይይት አድርጓል፡፡
    በውይይቱ ላይ የባለስልጣን መስሪያ ቤቱ ምክትል ዋና ዳይሬክተር አቶ ፋሲካው ሞላ ኢትዮጵያ በአፍሪካ ታሪክ ውስጥ ትልቅ ቦታ የሚሰጣት በመሆኑና እና የአፍሪካ ህብረት መቀመጫ ከመሆኗ አንጻር ማዕከሉ ዓለም አቀፍ ቢሮውን በአዲስ አበባ መክፈት መቻሉ የቆመለትን ዓላማ በሚገባ ለማሳካት የሚያስችለው መሆኑን ያነሱ ሲሆን ማዕከሉ ለሚሰራቸው ስራዎችም ሆነ ለቆመለት አላማ መሳካት ባለስልጣን መስሪያ ቤቱ አስፈላጊውን ትብብር እንደሚያደርግ ገልጸዋል፡፡
    Global Black History, Heritage, and Education Centre (GBHHEC) ፕሬዝዳንት ጸጋዬ ጫማ ማዕከሉ የሚሰራውን ስራ በተመለከተ ገለጻ ያደረጉ ሲሆን ከባለስልጣን መስሪያ ቤቱ ጋር በቅርበት ለመስራት ከፍተኛ ፍላጎት እንዳላቸውም ጠቁመዋል፡፡
    ዓለም ዓቀፉ የጥቁሮች ታሪክ፣ ቅርስና ትምህርት ምዕከል ወይም በእንግሊዘኛ አጠራሩ (Global Black History, Heritage, and Education Centre (GBHHEC) ባሳለፍነው ሳምንት ምክትል ጠቅላይ ሚንትርና የውጪ ጉዳይ ሚንስትር አቶ ደመቀ መኮንን እና ከፍተኛ የመንግስት የስራ ኃላፊዎችና የተለያዩ ሀገራት አምባሳደሮች በተገኙበት በይፋ ስራ መጀመሩን ማበሰሩ የሚታወስ ነው፡፡


      የሲቪል ማህበራትና የመንግስት አካላት ትስስር ለተሻለ የህጻናትና የሴቶች መብቶች ጥበቃ በሚል ርዕስ ውይይት ተካሄደ፡፡

      የሲቪል ማህበራትና የመንግስት አካላት ትስስር ለተሻለ የህጻናትና የሴቶች መብቶች ጥበቃ በሚል ርዕስ ውይይት ተካሄደ፡፡

      በሲቪል ማህበረሰብ ድርጅቶች ባለስልጣን እና በጀስቲስ ፎር ኦል ፕሪዝን ፌሎውሺፕ (JFA- PFE) ትብብር በተዘጋጀው የውይይት መድረክ ላይ ከተለያዩ የመንግስት ተቋማት እና ሴቶችን እና ህፃናትን ማዕከል አድርገው ከሚሰሩ የሲቪል ማህበረሰብ ድርጅቶች የተውጣጡ ተሳታፊዎች ተገኝተዋል፡፡
      የውይይት መድረኩን የከፈቱት የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ የሴቶችን እና የህጻናትን ተጠቃሚነት ለማጎልበትና የተሻለ የሴቶች እና የህጻናት መብቶች ጥበቃ ለማድረግ በሴቶች እና ህፃናት ላይ የሚሰሩ የሲቪል ማኅበረሰብ ድርጅቶች ተቀራርበው ቢሰሩ ትልቅ ለውጥ ማምጣት የሚችሉበት አጋጣሚ ከመኖሩም ባሻገር ለሀገር ልማትና ለዲሞክራሲ ስርዓት ግንባታ ላይ ትልቅ ሚና ይኖረዋል ብለዋል፡፡ እንደዚህ ዓይነት የውይይት መድረኮች መኖራቸው ለሚፈጠረው ትስስር አቅም የሚፈጥር ከመሆኑም ባሻገር የሚፈጠሩ ትስስሮችን ዓላማ በሚገባ በመገንዘብ ትስስሮችን ለማጠናከር እና ለውጥ ማምጣት የሚችሉ ሥራዎችን ለማከናወን አጋዥ እንደሚሆኑ ያነሱት ዋና ዳይሬክተሩ ባለስልጣን መስሪያ ቤቱ መሰል ትስስሮችን በመፍጠር የውስጥ ቁጥጥር፣ ግልጽነትና ተጠያቂነትን አጠናክረው የሚንቀሳቀሱ ድርጅቶችን ለመደገፍ ሁልጊዜ ዝግጁ መሆኑን ጠቁመዋል፡፡
      የባለሥልጣን መስሪያ ቤቱ ምክትል ዋና ዳይሬክተር አቶ ፋሲካው ሞላ ትስስሮች ስለሚኖራቸው ጠቀሜታ እና ስለሚያጋጥሙ ተግዳሮቶች፣ የትስስር ዓይነቶችና እና ትስስሮችን በሚመለከት ያሉ የህግ ማዕቀፎች ላይ ያተኮረ ሰነድ ያቀረቡ ሲሆን ትስስር መፍጠር እና በትስስር መንቀሳቀስ ያሉትን ውስን ሃብቶች ለመጠቀም እንዲሁም በሴክተሩ ትርጉም ያለውና የሚታይ ለውጥ እንደ ሀገር ለማምጣት እጅግ ጠቃሚ መሆኑን አጽንዖት ሰጥተው ተናግረዋል፡፡ አያይዘውም ትስስር ለመፍጠር የሚያስችሉ አማራጮችን በዘርፉ ያሉ የሲቪል ማህበረሰብ ድርጅቶች ተነጋግረው በሚስማሙበት አማራጭ ላይ ትስስሩን በመፍጠር ሴክተሩን ማጠናከር ይገባል ብለዋል፡፡ ትስስር መፍጠር በራሱ እንደ ትልቅ ግብ ሊታይ እንደማይገባ ያነሱት ምክትል ዋና ትስስሩን ማጠናከርና ትርጉም ያለው ሥራ መሥራት፤ በተለይም ውስጣዊ አቅምን ማጎልበት እና ትስስሩን ዘመኑን የዋጀ ዲጂታል ትስስርን መፍጠር ላይ ትኩረት ማድረግ እንደሚኖርበት አንስተዋል፡፡
      የጀስቲስ ፎር ኦል የኢንፎርሜሽን ኮሙኒኬሽን ከፍተኛ ባለሙያ “Networking with digital resources” በሚል ርዕስ መነሻ ጽሁፍ አቅርበው ውይይት ተደርጎበታል፡፡ የውይይት መድረኩ በጀስቲስ ፎር ኦል ፕሪዝን ፌሎውሺፕ የስልጠና ማዕከል ለሁለት ቀናት የተካሄደ በሴቶችና ህጻናት ላይ የሚሰሩ ድርጅቶች ትስስር ስለሚፈጥሩበት ሁኔታ ሰፊ ውይይት ተደርጓል፡፡ የሴቶችና ህጻናትን መብቶች ጥበቃ በሚመለከትም ስልጠና ተሰጥቷል፡፡ በተጨማሪም በሴቶችና ህጻናት ላይ የሚሰሩ ድርጅቶች ትስስር ለመፍጠር የሚያስችል ጋራ አስተባባሪ ኮሚቴ ተመርጦ መድረኩ ማጠቃለያውን አድርጓል፡፡


        18ኛው የኢትዮጵያ ብሔሮች፣ብሔረሰቦችና ሕዝቦች ቀን ፍትህ ሚኒስቴርና ተጠሪ ተቋማት በጋራ አክብረዋል፡፡

        18ኛው የኢትዮጵያ ብሔሮች፣ብሔረሰቦችና ሕዝቦች ቀን ፍትህ ሚኒስቴርና ተጠሪ ተቋማት በጋራ አክብረዋል፡፡

        የዘንድሮ የብሔር ብሔረሰብ ቀን “ብዝኅነትና እኩልነት ለሀገራዊ አንድነት” በሚል መሪ ቃል ይከበራል፡፡
        በመድረኩ የፍትህ ሚኒስቴር ሚኒስትር ዶ/ር ጌዲዮን ጢሞቲዮስ ጨምሮ የተጠሪ ተቋማት ሃላፊዎች ተሳታፊ ሆነዋል፡፡
        ቀኑን አስመልክቶ የተዘጋጀ ሰነድም ቀርቦ ውይይት ተደርጎበታል፡፡


          ተቋማችን የኢትዮጵያ ጥራት ሽልማት ድርጅት የጥራት ሽልማት ተሸላሚ መሆኑ የበለጠ መነሳሳትን ይፈጥራል ተባለ፡፡

          ተቋማችን የኢትዮጵያ ጥራት ሽልማት ድርጅት የጥራት ሽልማት ተሸላሚ መሆኑ የበለጠ መነሳሳትን ይፈጥራል ተባለ፡፡

          የኢትዮጵያ ጥራት ሽልማት ድርጅት ባዘጋጀው 10ኛ ዙር አገር አቀፍ የጥራት ሽልማት ውድድር ተቋማችን የከፍተኛ አድናቆት ተሸላሚ መሆኑ ይታወቃል፡፡
          የጥራት ሽልማት ሂደቱ ዛሬ ከአጠቃላይ ሰራተኞች ጋር የጋራ የተደረገ ሲሆን በመድረኩ የተቋሙ ም/ዋና ዳይሬክተር አቶ ፋሲካው ሞላ እንደገለጹት ይህ ሽልማት ትርጉሙ ብዙ ነው በተለይም ለበለጠ ስኬት አቅምና ተነሳሽነትን ለመስራት ብሎም ከዚህ የበለጠ ሰርተን ሞዴል የሆነ ተቋም ለመገንባት ስለሚያዝ ነው ብለዋል፡፡
          በሁለተኛው የለውጥ ምዕራፍ ሶስት መሰረታዊ ጉዳዮች ማሳካት አለበት ከወረቀት ነጻ የሆነ በዲጂታል የታገዘ ተቋም መገንባት፣በስራችን ስፔሻላይድ ማድረግ እና የውስጥ አሰራራችንን የበለጠ ማሻሻል የሚል ሲሆን ያገኘነው ሽልማት ይህንን ለማሳካት መነሻ እንደሚሆን አብራርተዋል፡፡
          አቶ ሃይለስላሴ ገ/ሚካኤል ተቋማዊ ለውጥ ስራ አስፈጻሚ ይህ ውድድር በርካታ መስፈርቶችን አልፎና ተገምግሞ የሰርተፍኬት ተሸላሚ መሆኑን ገልጸው በዚህ ሂደት የተጉ የተቋሙ ከፍተኛ ሃላፊዎች፣የማኔጅመንት አባላትና አጠቃላይ ሰራተኞችን አመስግነዋል፡፡
          በዚሁ መድረክ ላይ ሰራተኞች በሰጡት አስተያየት ሂደቱ በጣም አድካሚ እና በውጤት የተጠናቀቀ መሆን መደሰታቸውን በማንሳት ከሂደቱ ደካማ እና ጠንካራ ጎናችንን ለመለየትና በቀጣይ የዋንጫ ተሸላሚ ለመሆን እንድንሰራ መነሳሳት ይፈጥራል ሲሉ ገልጸዋል፡፡


            ከጥቃት ነጻ የሆነና ለሴቶች ምቹ ተቋምና የሲቪል ማህበረሰብ ድርጅቶች ዘርፍ መገንባት ያስፈልጋል፡፡

            ከጥቃት ነጻ የሆነና ለሴቶች ምቹ ተቋምና የሲቪል ማህበረሰብ ድርጅቶች ዘርፍ መገንባት ያስፈልጋል፡፡

            ይህ የተባለው ባለስልጣን መስሪያ ቤቱ የፀረ- ፆታ ጥቃት ቀንን እና የፀረ ኤች አይቪ ቀንን ዛሬ ባከበረበት ወቅት ነው፡፡
            ‹‹መቼም የትም በምንም ሁኔታ ፆታዊ ጥቃትን ዝም አንበል›› በሚል መሪ ቃል የ16ቱ የፀረ- ፆታ ጥቃት ንቅናቄ በዓለም አቀፍ ደረጃ ለ32 ጊዜ በአገራችን ደግሞ ለ18 ጊዜ እንዲሁም የፀረ ኤች አይቪ ቀንን በተቋም ደረጃ እየተከበረ ይገኛል፡፡
            በፕሮግራሙ ላይ የተቋሙ ም/ዋና ዳይሬክተር አቶ ፋሲካው ሞላ እንደተናገሩት ከጥቃት ነጻ የሆነና ለሴቶች ምቹ ተቋምና የሲቪል ማህበረሰብ ድርጅቶች ዘርፍ መገንባት ያስፈልጋል ብለዋል፡፡
            ኤድስን እና የጾታ ጥቃትን ከመከላከል አንጻር የሲቪል ማህበረሰብ ድርጅቶች ከፍተኛ ሚና አላቸው ያሉት ም/ዋና ዳይሬክተሩ ተቋማችንም ከዚህ ረገድ ተገቢውን ድጋፍና ክትትል ማድረግ አለበት ሲሉ መልዕክታቸውን አስተላልፈዋል፡፡
            በመጨረሻም የሴቶችን ጥቃት እና የኤች አይቪ ኤድስን ለመከላከል ሁሉም ባለድርሻ አካላት የድርሻውን ሚና ሊወጣ ይገባል ሲሉ ተናግረዋል፡፡
            የባለስልጣን መስሪያ ቤቱ የሴቶችና ህጻናት አካቶ ትግበራ ስራ አስፈጻሚ ወ/ሪት ፀሀይ ሽፈራው እንዳሉት በአገራችን በተከሰተው ጦርነት ምክንያት ጥቃት የደረሰባቸውን ሴቶችና ህጻናትን በማሰብ እና ከጎናቸው መቆም እንደሚገባ ገልፀዋል፡፡
            ሌላው ያነሱት ሴቶች ላይ የሚደርሰ ማንኛውም ጥቃት ለመከላከል የወንዶች ሚና ከፍተኛ መሆኑን በማንሳት ፆታዊ ጥቃትን ላለመፈጸም፣ሲፈጸምም ዝም ብሎ ባለማየት አጋርነታቸውን በማሳየት በልባችሁ ውስጥ ልታትሙት ይገባል ብለዋል፡፡


              ለተከታታይ 12 ቀናት ሲሰጥ የቆየው መሰረታዊ የምልክት ቋንቋ ስልጠና ተጠናቀቀ፡፡

              ለተከታታይ 12 ቀናት ሲሰጥ የቆየው መሰረታዊ የምልክት ቋንቋ ስልጠና ተጠናቀቀ፡፡

              የሲቪል ማህበረሰብ ድርጅቶች ባለስልጣን ከኢትዮጵያ መስማት የተሳናቸው ብሄራዊ ማህበርና ከኤል ኤም ኢንተርናሽናል ኢትዮጵያ ጋር በመተባበር “እጆች ይናገራሉ፤ አይኖች ያዳምጣሉ” በሚል መሪ ሀሳብ በተቋሙ የተለያዩ የስራ ክፍሎች ስር ለሚሰሩ 20 ባለሙያዎች ለ12 ቀናት ሲሰጥ የቆየውን የመሰረታዊ የምልክት ቋንቋ ስልጠና በዛሬው እለት አጠናቋል፡፡
              በሰልጣኞቹ የምርቃት ስነስርዓት ላይ የባለስልጣን መስሪያ ቤቱን ከፍተኛ ሃላፊዎችና ከኤል ኤም ኢንተርናሽናል ኢትዮጵያ ተወካዮች ተገኝተዋል፡፡
              በዕለቱ ንግግር ያደረጉት የባለስልጣን መስሪያ ቤቱ ምክትል ዋና ዳይሬክተር አቶ ፋሲካው ሞላ እንዳሉት የባለስልጣን መስሪያ ቤቱ አገልግሎት አሰጣጥ ሁሉን አቀፍ እንዲሆንና ለሁሉም ተደራሽ እንዲሆን ትኩረት ሰጥቶ እየሰራ እንደሚገኝ የገለጹ ሲሆን ተቋሙ በሁለተኛው የትራንስፎርሜሽን ምዕራፍ እንደመገኘቱ ይህ ስልጠና ተገልጋዮችን አካታች በሆነ መልኩ ለማገልገል ጠቀሜታው የጎላ መሆኑን ጠቁመዋል፡፡
              ሰልጣኞች በአጭር ጊዜ ውስጥ እጅግ ስኬታማ ለውጥ በማምጣታቸው መደሰታቸውን ያነሱት ምክትል ዋና ዳይሬክተሩ አቶ ፋሲካው የተቋሙን አገልግሎት አሰጣጥ ሊያሻሽሉ የሚችሉ መሰል ስልጠናዎች እንደሚሰጡም አክለው ገልጸዋል፡፡
              የኤል ኤም ኢንተርናሽናል ኢትዮጵያ ፕሮግራም ኃላፊ አቶ ምንባለ ጌታቸው በበኩላቸው ድርጅታቸው ከሲቪል ማህበረሰብ ድርጅቶች ባለስልጣን ጋር ይህን ስራ መስራት በመቻሉ በጣም ደስተኛ መሆናቸውን ገልጸው ወደፊትም ወደፊትም መሰል ትብብሮችን በመፍጠር በጋራ እንደሚሰሩ ጠቁመዋል፡፡
              በምረቃት ስነስርዓቱ ላይ ለሰልጣኞች የምስክር ወረቀት በምክትል ዋና ዳይሬክተሩ የተሰጠ ሲሆን ለዚህ ስልጠና መሳካት አስተዋጽዖ ላደረጉ ተባባሪ አካላትና አሰልጣኞችም ምስጋናቸውን አቅርበዋል፡፡


                ኮድ ኢትዮጵያ ለባለሥልጣን መስሪያ ቤቱ የተለያዩ መጽሀፍቶችን በስጦታ አበረከተ፡፡

                ኮድ ኢትዮጵያ ለባለሥልጣን መስሪያ ቤቱ የተለያዩ መጽሀፍቶችን በስጦታ አበረከተ፡፡

                የሲቪል ማህበረሰብ ድርጅቶች ባለስልጣን ተቋማዊ ለውጥን ከማጠናከር አንጻር እንዲሁም የሰራተኞችን የንባብ ባህል ለማጎልበት ወራዊ የንባብ ቀን በማዘጋጀት ለተከታታይ 5ዙር አካሂዷል፡፡
                ኮድ ኢትዮጵያም በአንደኛው ዙር የንባብ ቀን በገባው ቃል መሰረት ለሲቪል ማህበረሰብ ድርጅቶች ባለስልጣን ሶስት መቶ መጽሀፍትን ለተቋሙ አስረክቧል፡፡
                በርክክቡ ላይ የተገኙት የኢፌዲሪ የፍትህ ሚኒስቴር ሚኒስትር ዴኤታ አቶ ኤርሚያስ የማነ ብርሃን የሰው ልጅ ለመኖር ምግብ እንደሚያስፈልገው ሁሉ አዕምሮውን ለማጎልበት ንባብ ከፍተኛ ድርሻ ያለው በመሆኑ ተቋሙ የጀመረው ስራ አበረታች እና ለሌሎችም ምሳሌ የሚሆን ነው ብለዋል፡፡
                የባለስልጣኑ ም/ዋና ዳይሬክተር አቶ ፋሲካው ሞላ እንዳሉት ይህ የንባብ ቀን የተቋማዊ ለወጥ አንዱ አካል መሆኑን በመግለጽ በሰራተኞች ላይ የአንድነትን መንፈስን ለማዳበር ፣ እርስበዕርስ ለመተዋወቅና የቡድን መንፈስን ለማጠናከር በማሰብ የንባብ ቀን ለማዘጋጀት መቻሉን ገልፀዋል፡፡
                አክለውም በመጀመሪያ ዙር የተለያዩ የሲቪል ማህበረሰብ ድርጅቶች የተጋበዙ መሆኑን እና በፕሮግራሙ ላይ የተለያዩ መጽሀፍቶችን ለመስጠት ቃል የገቡ መሆናቸውን በመግለጽ ከዚ ውስጥም ኮድ ኢትዮጵያ በገባው ቃል መሰረት ሶስት መቶ የተለያዩ ይዘት ያላቸውን መጽሀፍት ለተቋማችን በማምጣቱ በተቋሙ ስም ለማመስገን እወዳለው ብለዋል፡፡
                ባለስልጣን መስሪያ ቤቱ የንባብ ባህልን በተቋሙ ለማዳበር እና ቀጣይነት እንዲኖረው ለማድረግ የተቋሙ ቤተመጻህፍት አገልግሎት እንዲጀምር ማድረጉ ይታወቃል፡፡


                  በፍትህ ሚኒስቴር የተቋም ግንባታና ሪፎርም ዘርፍ ሚኒስትር ዴኤታ ዶ/ር ኤርሚያስ የማነብርሀን በባለስልጣን መስሪያ ቤቱ ተገኝተው የእንኳን ደስ አላችሁ መልዕክት አስተላለፉ፡፡

                  በፍትህ ሚኒስቴር የተቋም ግንባታና ሪፎርም ዘርፍ ሚኒስትር ዴኤታ ዶ/ር ኤርሚያስ የማነብርሀን በባለስልጣን መስሪያ ቤቱ ተገኝተው የእንኳን ደስ አላችሁ መልዕክት አስተላለፉ፡፡

                  የሲቪል ማህበረሰብ ድርጅቶች ባለስልጣን በሀገር አቀፍ ደረጃ በኢትዮጵያ የጥራት ሽልማት ድርጅት ተሸላሚ መሆኑን ተከትሎ በፍትህ ሚኒስቴር የተቋም ግንባታና ሪፎርም ዘርፍ ሚኒስትር ዴኤታ ዶ/ር ኤርሚያስ የማነብርሀን የእንኳን ደስ ያላችሁ መልዕክት ያስተላለፉ ሲሆን የባለስልጣን መስሪያ ቤቱን የስራ እንቅስቃሴ ተዘዋውረው ተመልክተዋል፡፡
                  የሲቪል ማህበረሰብ ድርጅቶች ባለስልጣን ባለፉት አምስት አመታት በሰራው ከፍተኛ የሪፎርም ስራ ውጤታማ መሆን የቻለ ተቋም ሲሆን ይህንኑ ተከትሎ በኢትዮጵያ የጥራት ሽልማት ድርጅት የከፍተኛ አድናቆት ተሸላሚ መሆን ችሏል፡፡ ይህንኑ ተከትሎ በፍትህ ሚኒስቴር የተቋም ግንባታና ሪፎርም ዘርፍ ሚኒስትር ዴኤታ ዶ/ር ኤርሚያስ የማነብርሀን የባለስልጣን መስሪያ ቤቱን የስራ እንቅስቃሴ ተዘዋውረው የተመለከቱ ሲሆን ከባለስልጣን መስሪያ ቤቱ የስራ ኃላፊዎች ጋርም ተወያይተዋል፡፡
                  የባለስልጣን መስሪያ ቤቱ ምክትል ዋና ዳይሬክተር አቶ ፋሲካው ሞላ ባለስልጣን መስሪያ ቤቱ ላለፉት አምስት አመታት በርካታ የሪፎርም ስራዎችን ሲሰራ ቆይቶ አሁን ላይ በዘመናዊ የዲጂታል ስርዓት የተቋሙን የአገልግሎት አሰጣጥ የማላቅ ግብን ሰንቆ በሁለተኛው የሪፎርም ስራ ላይ እንደሚገኝ ገልጸዋል፡፡
                  የመጀመሪያው የሪፎርም ስራ ውጤታማ መሆኑን ተከትሎ ባለስልጣን መስሪያ ቤቱ በሀገር አቀፍ ደረጃ በዓለም ዓቀፍ መመዘኛዎች ተመዝኖ ተሸላሚ ተቋም መሆኑን ያነሱት ምክትል ዋና ዳይሬክተሩ ይህ ውጤት በተቋሙ አመራርና ሰራተኞች የጋራ ጥረት እንዲሁም በአጋር አካላት ድጋፍና ትብብር የመጣ መሆኑን አክለው ገልጸዋል፡፡
                  በፍትህ ሚኒስቴር የተቋም ግንባታና ሪፎርም ዘርፍ ሚኒስትር ዴኤታ ዶ/ር ኤርሚያስ የማነብርሀን መንግስት ከሰራባቸው የሪፎርም ስራዎች አንዱ የሲቪል ማህበረሰብ ድርጅቶች ዘርፍ መሆኑን አንስተው ዘርፉ በዲሞክራሲ በልማትና በሰላም ግንባታ ላይ ትልቅ ሚና እንዳለውም አንስተዋል፡፡ ሚንስትር ዴዔታው አክለውም ባለስልጣን መስሪያ ቤቱ ስኬታማ ለመሆኑ ይህ ትልቅ ማሳያ መሆኑን አንስተው ወደፊትም ለተሻለ ስራ የሚያነሳሳው መሆኑን ጠቁመዋል፡፡
                  ባለስልጣን መስሪያ ቤቱ በተለይም በበጎ ፈቃድ ላይ ትኩረት አድርጎ ሊሰራ እንደሚገባ ያነሱት ሚኒስትር ዴኤታው ዶ/ር ኤርሚያስ ከወረቀት ነጻ አገልግሎትን በሚመለከትም የተጀመሩ ስራዎች ተጠናክረው እንዲቀጥሉ ያሳሰቡ ሲሆን ፍትህ ሚንስቴርም እንደሁልጊዜው ድጋፉን አጠናክሮ እንደሚቀጥል ገልጸዋል፡፡


                    CSO-IFA Working group ተመሰረተ፡፡

                    CSO-IFA Working group ተመሰረተ፡፡

                    ዛሬ በአዲስ አበባ ኢሊሊ ኢንተርናሽናል ሆቴል በነበረው ስብሰባ የሲቪል ማህበረሰብ ድርጅቶች ኢትዮጵያ የብሪክስ አባል ሃገር ከመሆኗ ጋር ተያይዞ እና በዚህ ረገድ የሲቪል ማበረሰብ ድርጅቶች ሚናን በተመለከተ ውይይት ተደርጓል፡፡
                    በውይይቱ የመክፈቻ ንግግር ያደረጉት አምባሳደር ምስጋኑ ረታ እንደገለጹት የሲቪል ማህበረሰብ ድርጅቶች በልማትና ዲሞክራሲ ስርዓት ግንባታ የማይተካ ሚና እንዳላቸው በመግለጽ የኢትዮጵያ ጥቅም በሚያስከብሩ ጉዳዮችና በሃገሪቱ የገጽታ ግንባታ ላይም በሃላፊነት ሊሰሩ ይገባል ሲሉ መልዕክታቸውን አስተላልፈዋል፡፡
                    የኢፌዴሪ የሲቪል ማህበረሰብ ድርጅቶች ባለስልጣን ም/ዋና ዳይሬክተር አቶ ፋሲካው ሞላ በበኩላቸው ሲቪል ማህበረሰብ ድርጅቶች የአገርና ህዝብ ተጠቃሚነትን የሚያረጋግጥ ተግባር ለማከናወን የሚቋቋሙ ከመሆናቸው ጋር ተያይዞ በዓለም አቀፍ መድረክም የኢትዮጵያ አምባሳደር የመሆን ድርብ ሃላፊነት ያለባቸው ስለሆኑ የአገራችንን የውጭ ግንኙነትና ዲፕሎማሲ ድሎችን፣ እድሎችን እንዲሁም ተግዳሮቶችን በውል በመረዳት፣ ቀጠናዊ፣ አህጉር አቀፍና አለም አቀፍ አውዶችን በመገንዘብ እንዲሁም በመረጃና በእውቀት ላይ በመመስረት ኃላፊነታቸውን በአግባቡ መወጣት ይኖርባቸዋል ብለዋል፡፡
                    ከዚህ አኳያ የዛሬው መድረክ ዋነኛ አላማዎች በቅርቡ አገራችን በዓለም አቀፍ የመንግስታት ግንኙነት ከፍተኛ ተፅእኖ እየፈጠረ ያለው የሃያላን ስብስብ የሆነውን ብሪክስ ፕላስ አባል መሆን ከመቻሏ ጋር ተያይዞ ዝርዝር ጉዳዮችን በመነጋገር ግንዛቤን መፍጠር እንዲሁም በቀጣይም በቋሚነት የውጭ ግንኙነት ተቋማት ከሲቪል ማህበረሰብ ድርጅቶች ጋር በተለያዩ የዲፕሎማሲ ጉዳዮች ዙሪያ የሚወያዩበት ማዕቀፍ መዘርጋት ይሆናል ሲሉ ገልጸዋል፡፡
                    በዚህ አጋጣሚ አገራችን የብሪክስ ፕላስ አገራት አባል መሆን መቻሏ በታሪክ ፊት ትልቅ ቦታ የሚሰጠው ጉዳይ ነው እና በኢትዮጵያ የምትንቀሳቀሱ ሲቪል ማህበረሰብ ድርጅቶች በሙሉ እንኳን ደስ አላችሁ፤ እንኳን ደስ አለን ሲሉ መልዕክታቸውን አስተላልፈዋል፡፡
                    በመጨረሻም ባስተላለፉት መልዕክት መስሪያቤታችን ሲቪል ማህበረሰብ ድርጅቶች ውጤታማ ስራ በማከናዎን በአገር ግንባታ ላይ ጉልህ ሚና መጫዎት እንዲችሉ ከተለያዩ የፌዴራልና የክልል ተቋማት ጋር ስትራቴጅክ የሆነ የትብብርና ቅንጅት ማዕቀፍ ፈጥረው እንዲሰሩ ለማድረግ የተለያዩ መድረኮችን በመፍጠር እየሰራ ሲሆን ይሄው ተጠናክሮ ይቀጥላል ሲሉ መልዕክታቸውን አስተላልፈዋል፡፡