ጠንካራ፣ በሃላፊነት ስሜት የሚንቀሳቀስ፣ አስተውሎት ያለው፣ እምነት የሚጣልበት እና በህዝብ ተቀባይነት ያለው የሲቪል ማህበራት ዘርፍ ለመገንባት በጋራ መንቀሳቀስ ያስፈልጋል ። ዋና ዳይሬክተር አቶ ሳምሶን ቢራቱ

ጠንካራ፣ በሃላፊነት ስሜት የሚንቀሳቀስ፣ አስተውሎት ያለው፣ እምነት የሚጣልበት እና በህዝብ ተቀባይነት ያለው የሲቪል ማህበራት ዘርፍ ለመገንባት በጋራ መንቀሳቀስ ያስፈልጋል ።

ዋና ዳይሬክተር አቶ ሳምሶን ቢራቱ

ይህ የተባለው የሲቪል ማኀበረሰብ ድርጅቶች ዘርፍ የህግና የፖሊሲ ማዕቀፎች ዙሪያ ስልጠና በተሰጠበት ወቅት ነው፡፡ በስልጠናው የመክፈቻ ንግግር ያደረጉት የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ ባስተላለፉት መልዕክት ባለፉት የለውጥ ዓመታት መንግስት ባካሄደው ሪፎረም የሲቪክ ምህዳሩ ከመቼውም ጊዜ በላይ እንዲሰፋ መደረጉን ገልጸው የተጀመረው የሲቪል ማህበራት ሪፎርም የበለጠ እንዲጎለብት እና ሕብረተሰቡን በተጨባጭ እንዲጠቅም ቀጣይነቱን እና ውጤታማነቱን የሚያረጋግጡ ስራዎችን ለይቶ ማከናወን አስፈላጊ መሆኑን አብራርተዋል።

ከዚህ አኳያ በሰብዓዊ መብት መከበርና መስፋፋት ላይ ለመስራት የተቋቋሙ ድርጅቶች የሚጠበቅባቸውን ኃላፊነት ትርጉም ባለው መንገድ እንዲወጡ ማስቻል በትኩረት ሊሰራበት የሚገባ ጉዳይ ተደርጎ የተወሰደ መሆኑን አንስተዋል፡፡ በሲቪል ማህበረሰብ ድርጅቶች አዋጅ እንደተደነገገው የሲቪል ማህበራት በተሰማሩባቸው መስኮች የአድቮኬሲ ስራዎችን የማከናዎን እንዲሁም ከየትኛውም ህጋዊ ምንጭ ሃብት በማሰባሰብ በልማት፣ በዴሞክራሲ እና በሰብዓዊ መብት ጉዳዮች ላይ ያለገደብ መስራት የሚችሉበት አውድ የተፈጠረ መሆኑ አንስተው ከአገራዊ ለውጡ በፊት ከነበረበት በእጣት ከሚቆጠሩ ጥቂት ድርጅቶች በአሁኑ ጊዜ በሰብዓዊ መብትና በዴሞክራሲ ጉዳዮች ላይ ለመስራት የሚንቀሳቀሱ ድርጅቶች ቁጥር መጨመሩን ገልጸዋል።
የቁጥሩ መጨመር በአንድ በኩል የምህዳሩን መስፋት የሚያረጋግጥ ቢሆንም እነዚህ ድርጅቶች ህዝብንና አገርን የሚጠቅሙ ስራዎችን ማከናዎን ላይ በትኩረት ሊሰሩ የሚገባ መሆኑን መገንዘብ ይቻላል ያሉት ዋና ዳይሬክተሩ የሲቪል ማህበራት ዘርፍ ሪፎርም ሲካሄድ እምነት የተያዘበት ጉዳይ በተሰማራበት መስክ መስራትን ከመብት ባሻገር እንደ አንድ ትልቅ አገራዊ ሃላፊነት ወስዶ የሚንቀሳቀስ የሲቪል ማህበራት ዘርፍ እንዲገነባ ማስቻል መሆኑን ጠቅሰዋል።

በዚህ መንገድ ገንቢ የሆነ የትብብር መርህን (Constructive Engagement) በመከተል ችግሮችን በመሰረታዊነት መፍታት ላይ ትኩረት ያደረገ ተግባርን በሃላፊነት ስሜት መስራት አስፈላጊ መሆኑን ጠቅሰው እነዚህ ድርጅቶች የበለጠ ውጤታማ መሆን እንዲችሉ የአገርን ፍላጎት (demand driven) መነሻ ባደረገ መልኩ ፕሮጀክቶችን ቀርፆ መተግበር እና በትግበራ ሂደትም ህግ፣ መርህ እና የአገርና ህዝብ ተጠቃሚነት ማእከል ማድረግ ይኖርባቸዋል ሲሉ መልዕክታቸውን አስተላልፍዋል፡፡ በመጨረሻ መልዕክታቸውም ጠንካራ፣ በሃላፊነት ስሜት የሚንቀሳቀስ፣ አስተውሎት ያለው፣ እምነት የሚጣልበት እና በህዝብ ተቀባይነት ያለው የሲቪል ማህበራት ዘርፍ ለመገንባት በጋራ መንቀሳቀስ የሚያስፈልግ መሆኑን ገልጸው ለዚህ ደግሞ አቅምን መገንባትና በዴሞክራሲ መርሆዎች የሚመራ የሲቪል ማህበራትን መገንባት ያስፈልጋል ብለዋል።
ስልጠናው ትኩረት ያደረገው Human right based approach ፣የሲቪል ማህበረሰብ ድርጅቶችና የህግና ተርጓሚው የግንኙነት አግባብና ዙሪያ የሲማድ ራስን በራስ የማስተዳደር ሃላፊነትን ትኩረት ያደረገ ነው። ስልጠናውን ተቋማችን ከጀስቲስ ፎር ኦል እና የኢትዬጵያ ሰብዓዊ መብት ድርጅቶች ህብረት ጋር በጋራ በመሆን የተዘጋጀ ነው፡፡ የሲቪል ማህበራት ከየትኛውም ህጋዊ ምንጭ ሃብት በማሰባሰብ በማንኛውም ህጋዊ ዓላማ እንዲንቀሳቀሱ የተፈጠረላቸውን ነፃነት በኃላፊነት ስሜት መጠቀም ላይ ትኩረት ሊያደርጉበት የሚገባ መሆኑን ገልጸው በተለይም በሰብዓዊ መብቶች መከበር ላይ የሚሰሩ የሲቪል ማህበራት በዘርፉ ሃላፊነት ካለባቸው የመንግስት ተቋማት ጋር በመተባበርና በመቀናጀት በአገራችን የዴሞክራሲ ባህል እንዲገነባ እና ስልጡን ማህበረሰብ እንዲፈጠር እሩቅ አስበው መስራት ይኖርባቸዋል ሲሉ ተናግረዋል፡፡


በሎካላይዜሽን ዙርያ በሀገር ደረጃ ግንዛቤ ለመፍጠር የሚያስችሉ ስራዎች በትኩረት ሊሰሩ ይገባል ተባለ ፡፡

በሎካላይዜሽን ዙርያ በሀገር ደረጃ ግንዛቤ ለመፍጠር የሚያስችሉ ስራዎች በትኩረት ሊሰሩ ይገባል ተባለ ፡፡

ዴቬሎፕመንት ኤክስፐርታይዝ ሴንተር (Development Expertise Center) የሲቪል ማህበረሰብ ድርጅት በኢትዮጵያ በተለያዩ የሀገሪቱ ክፍሎች በህፃናትና ወጣቶች ላይ በስፋት እየሰራ ያለ ድርጅት ሲሆን ዎርክ ሾፕ ኦን ሎካላይዜሽን(Work Shop on Localization) በሚል ርዕሰ ላይ ለሲቪል ማህበረሰብ ድርጅቶች ባለስልጣን ከፍተኛ የስራ ሃላፊዎች ፣ የህዝብ ተወካዮች ምክር ቤት አባላት እንዲሁም ለባለስልጣን መስርያቤቱ የቦርድ አባላት ስልጠና ሰጥቷል ፡፡
የውየይቱን የመክፈቻ ንግግር ያደረጉት የሲቪል ማህበረሰብ ድርጅቶች ባለስልጣን ዋና ዳሰይሬክተር አቶ ሳምሶን ቢራቱ ባስተላለፉት መልዕክት ባለፉት የለውጥ ዓመታት መንግስት ባካሄደው ሪፎረም የሲቪክ ምህዳሩ ከመቼውም ጊዜ በላይ እንዲሰፋ ሁኗል በማለት ዜጎችም በነፃነት ተደራጅተው መብታችውን የሚያስጠብቁበት፣ ለሀገር አስተዋፅኦ የሚያደርጉበትና የህግና ተቋማዊ ሁኔታዎችን መፍጠር የተቻለበት ነው ብለዋል፡፡ የተጀመረው የሲቪል ማህበራት ሪፎርም የበለጠ እንዲጎለብት እና ፍሬ እንዲያፈራ ቀጣይነቱን እና ውጤታማነቱን የሚያረጋግጡ ስራዎች ለይቶ ማከናዎን አስፈላጊ ነው በማለት ከዚህ አኳያ ከተከበራችሁ የቋሚ ኮሚቴ አባላት ጋር አጀንዳ አድርገን የምንወያይበት የሎካላይዜሽን ጉዳይ አንዱ እና ወሳኝ ጉዳይ ነው ሲሉ ገልጸዋል።

ዋና ዳይሬክተሩ አክለውም በአገራችን ውስጥ የሚንቀሳቀሱ ዓለም አቀፍ ድርጅቶች በቀጥታ በሰብዓዊ ድጋፍም ሆነ በልማት ስራዎች ላይ ከሚሰሩ ይልቅ የሚያመጡትን ሃብት ለአገር በቀል ድርጅቶች በማስተላለፍ በማህበረሰቡ ውስጥ የሚገኙ የአገር በቀል ድርጅቶች ራሳቸው ስራውን እንዲሰሩ ቢያደርጉ የበለጠ ወጭ ቆጣቢ፣ ውጤታማ እና በዘላቂነት ችግርን የሚፈታ እንደሚያደርገው ይታመናል ብለዋል፡፡
በአገራችን ይህ የሎካላይዜሽን ጉዳይ አጀንዳ ተደርጎ ብዙም የተመከረበት ካለመሆኑ ጋር ተያይዞ የሚጠበቀውን ያህል ወደ መሬት እንዲወርድ ያልተደረገ በመሆኑ በሎካላይዜሽን ዙሪያ በሀገር ደረጃ ግንዛቤ መፍጠር የሚያስችሉ ስራዎችን ማከናዎን ያስፈልጋል ብለዋል ፡፡
በህዝብ ተወካዮች ምክር ቤት የህግና ፍትህ ቐሚ ኮሚቴ ምክትል ሰብሳቢ አቶ ኢሳ ቦሩ ባስተላለፉት መልዕክት የለውጡ መንግስታችን የመደመር እሳቤን በመከተል በሁለንተናዊ ብልፅግና ሀገራችንን እውን ማድረግ ነው ያሉ ሲሆን በዚህ ሪፎርም ውስጥም የሲቪል ሶሳዪቲውም ከፍተኛ ሚና አላቸው ብለዋል ፡፡
በቀጣይም የመንግስት አቅጣጫ በሀገር በቀል የሲቪል ማህበረሰብ ድርጅቶች ላይ ትኩረት በማድረግ እንደሚሰራ ተናግረዋል ፡፡ በመጨረሻም የሲቪል ማህበረሰብ ድርጅቶች ባለስልጣን ቦርድ አባልና የፌደራል የህግና ፍትህ ምርምር ኢኒስቲቲዩት ም/ዋና ዳይሬክተር አቶ ዘካሪያስ ኤርኮላ በማጠቃለያው ላይበሰጡት አስተያየት በዚህ ዎርክ ሾፕ የተወያየነው የሎካላይዜሽን ፅንስ ሃሳቦች ጠቃሚና ገንቢ ሃሳቦች ናቸው የግንዛቤ ማስጨበጫ ስራው በደንብ መስፋት እንዳለበት አክለው ማህበረሰቡ ፣የመንግስት አካላት እንዲሁም የፖሊሲ አውጪዎችም እንዲገነዘቡ ማድረግ መቻል ይኖርበታል ሲሉ መልዕክታቸውን አስተላልፍዋል።
ዴቬሎፕመንት ኤክስፐርታይዝ ሴንተር (Development Expertise Center) የሲቪል ማህበረሰብ ድርጅት በጅማ ከተማ በተለያዩ አካባቢዎች በወጣቶች ላይ እየሰራ ያለውን ስራ በዎርክ ሾፑ ላይ የተገኙት አባላት ጎብኝተዋል፡፡


RRS and ACSO Sign a Landmark Memorandum of Understanding to Enhance Ethiopia's Refugee Response.

RRS and ACSO Sign a Landmark Memorandum of Understanding to Enhance Ethiopia's Refugee Response.

This morning, @RRSEthiopia (RRS) and the Authority for Civil Society Organizations (ACSO) signed a landmark Memorandum of Understanding (MoU) to enhance monitoring and evaluation mechanisms for interventions carried out by organizations and projects within Ethiopia’s refugee response framework.
Signing the MoU were RRS Director General Teyiba Hassen and her counterpart at ACSO Samson Biratu. In her note, the DG said discharging mutual responsibilities would contribute to a more efficient, equitable and sustainable refugee response system in Ethiopia. The DG went on saying: “The MoU will be followed by the establishment of a joint technical committee tasked to oversee and coordinate shared initiatives tailored at improving the lives and well-being of refugees and the communities that graciously host them.” ACSA Director General Samson Biratu on his part underlined that the growing collaborative spirit between the two institutions would lay the foundation for future interventions.
He reckoned: “The bilateral partnership marks an important step in fostering greater accountability, strengthening program effectiveness and enhancing synergies between the two organizations.” The MoU underscores a shared commitment to advancing Ethiopia’s refugee response through enhanced accountability, collaboration and impact-driven initiatives that prioritize the resilience and reliance of refugees and their host communities.

Click the button

19ኛው የብሄር ብሄረሰቦችና ህዝቦች ቀን “ሀገራዊ መግባባት ለህብረ ብሄራዊ አንድነት” በሚል መሪ ቃል የፍትህ ሚንስቴር እና ተጠሪ ተቋማት በተለያየ ዝግጅት አክብረዋል፡፡

19ኛው የብሄር ብሄረሰቦችና ህዝቦች ቀን “ሀገራዊ መግባባት ለህብረ ብሄራዊ አንድነት” በሚል መሪ ቃል የፍትህ ሚንስቴር እና ተጠሪ ተቋማት በተለያየ ዝግጅት አክብረዋል፡፡

19ኛ የኢትዮጵያ ብሄሮች ብሄረሰቦችና ህዝቦች ቀን “ሀገራዊ መግባባት ለህብረ ብሄራዊ አንድነት” በሚል መሪ ቃል በፍትህ ሚንስቴር አዳራሽ የፍትህ ሚንስቴር ከፍተኛ የስራ ኃላፊዎችና የተጠሪ ተቋማት አመራሮች በተገኙበት በድምቀት ተከብሯል፡፡ በእለቱ የመክፈቻ ንግግር ያደረጉት በፍትህ ሚንስቴር የጠቅላይ አቃቤ ህግ ዘርፍ ሚንስትር ደዔታ አቶ ተስፋዬ ዳባ ሁለንተናዊ የብሄር ብሄረሰቦች እና ህዝቦች ፍላጎት ላይ የጋራ መግባባት በመፍጠር አንድነታችንን በማይነቃነቅ አለት ላይ መገንባት እንደሚገባ ጠቁመው ለአሁናዊ ሀገራዊ ችገሮች የመፍትሄ አካል ከመሆን ባለፈ መጻዒ እድሎችን ማመቻቸት እንደሚገባ ገልጸዋል፡፡
“ሀገራዊ መግባባት ለህብረ ብሄራዊ አንድነት በኢተዮጵያ ያለው ጠቀሜታ” በሚል ርዕስ በፍትህ ሚንስቴር የተቋም ግንባታ እና ሪፎርም ዘርፍ ሚንስትር ደዔታ ኤርሚያስ የማነብርሃን (ዶ/ር) ያቀረቡ ሲሆን ሰነዱን መነሻ በማድረግ ውይይት ተደርጓል፡፡ በበዓሉ ላይ የሲቪል ማህበረስብ ድርጅቶች በለስልጣን ከፍተኛ የስራ ኃላፊዎችና የማኔጅመንት አባላት ተሳታፊ ሆነዋል፡፡


    4ተኛውን የሲቪል ማህበረሰብ ድርጅቶች ሳምንት ዝግጅቶችን አስመልክቶ የሲቪል ማህበረሰብ ድርጅቶች ባለስልጣን ከኢትዮጵያ ሲቪል ማህበረሰብ ድርጅቶች ምክር ቤት ጋር የጋራ ጋዜጣዊ መግለጫ ሰጡ።

    4ተኛውን የሲቪል ማህበረሰብ ድርጅቶች ሳምንት ዝግጅቶችን አስመልክቶ የሲቪል ማህበረሰብ ድርጅቶች ባለስልጣን ከኢትዮጵያ ሲቪል ማህበረሰብ ድርጅቶች ምክር ቤት ጋር የጋራ ጋዜጣዊ መግለጫ ሰጡ።

    በመግለጫው የተቋሙ ም/ዋና ዳይሬክተር አቶ ፍሲካው ሞላ የኢፌዴሪ መንግስት ባለፉት የሪፎርም ዓመታት ካካሄዳቸውና ውጤት ካስመዘገቡ የሪፎርም እርምጃዎች መካከል በሲቪል ማህበረሰብ ድርጅቶች ዘርፍ ያካሄደው ዘርፈ ብዙ ሪፎርም መሆኑን ገልጸው በዚህም የሲቪል ማህበራት የሃገረ-መንግስት ግንባታ ቁልፍ ተዋናይ መሆናቸው ላይ ግልጽ የፖሊሲ አስተሳሰብ በመያዝ የህግ ማሻሻል እና የተቋማት ሪፎርም በጥልቀት የተካሄዱ ሲሆን ዘርፉን የበለጠ በማጠናከር የህዝብ ጥቅምን የሚያረጋግጥ ሥራዎችን እንዲያከናውን የክትትልና የድጋፍ ሥራዎችን ላለፉት ተከታታይ የሪፎርም ዓመታት ተከናውኗል ሲሉ ገልጸዋል።
    ይህንን ሪፎርም የበለጠ ለማጠናከር በየዓመቱ የሲቪል ማህበራት ሳምንት በተለያዩ ፕሮግራሞች እንደሚካሄድ ጠቅሰው በያዝነው ዓመትም ተቋማችን የሲቪል ማህበረሰብ ድርጅቶች ባለስልጣን ከኢትዮጵያ ሲቪል ማህበረሰብ ድርጅቶች ምክር ቤት ጋር በመተባበር አራተኛው የኢትዮጵያ የሲቪል ማህበረሰብ ድርጅቶች ሳምንት (4th CSO Week) ከህዳር 27-29/2017 ዓ. ም በግዮን ሆቴል እንደሚያካሂድ አብራርተዋል።
    ፕሮግራሙ ሲቪል ማህበራት በኢኮኖሚና ማህበራዊ አገልግሎቶች ረገድ በሃገራችን ውስጥ ያላቸውን አስተዋጽኦ ለማህበረሰቡ ለማስተዋወቅ እና መንግስት የግሉ ሴክተር ከሲቪል ማህበራት ጋር ያላቸውን ትብብር ለማጠናከር ዓላማ በማድረግ የተዘጋጀ ፕሮግራም መሆኑም ተገልጿል፡፡ የመክፈቻ ዝግጅት (Grand opening) ላይ ከፍተኛ የመንግስት ሃላፊዎች፣አምባሳደሮች፤የግል የልማት አጋሮች እና ሶስት መቶ በላይ የሚሆኑ የሲቪል ማህበረሰብ ድርጅቶች ዳይሬክተሮች በተገኙበት በደማቅ ሥነ-ሥርዓት እንደሚከናወን ተገልጿል።


    የሲቪል ማህበረሰብ ድርጅቶች ባለስልጣን ከኢትዮጵያ ዜና አገልግሎት ጋር የመግባቢያ ሰነድ ተፈራረመ፡፡

    የሲቪል ማህበረሰብ ድርጅቶች ባለስልጣን ከኢትዮጵያ ዜና አገልግሎት ጋር የመግባቢያ ሰነድ ተፈራረመ፡፡

    የሲቪል ማህበረሰብ ድርጅቶች ባለስልጣን ከኢትዮጵያ ዜና አገልግሎት ጋር በብራንድ ኮሙኒኬሽን፣ በህትመትና ኤሌክትሮኒክስ ፕሮዳክሽኖች፣ በሁነትና ተያያዥ ሥራዎች እንዲሁም በልዩ ልዩ የተግባቦት ሥራዎች ላይ በጋራ ለመሥራት የሚያስችል የመግባቢያ ሰነድ በኢትዮጵ ዜና አገልግሎት ዋና መስሪያ ቤት ተፈራርመዋል፡፡
    የስምምነት ሰነዱን የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ እና የኢትዮጵያ ዜና አገልግሎት ምክትል ስራ አስፈጻሚ ወ/ሮ ቤተልሄም አበባው የተፈራረሙ ሲሆን የስምምነት ሰነዱ ባለስልጣን መስሪያ ቤቱ የተቋቋመበትን ዓላማ ለማስፈጸም የሚያስችሉ የህዝብ ግንኙነት ስራዎችን ለመተግበርና ባለስልጣን መስሪያ ቤቱ የሚጠበቅበትን ሃላፊነት ለመወጣት እንዲሁም ተቋማዊ አሰራሩን ለማዘመን የሚያስችሉ የሚዲያና ኮሙኒኬሽን ስራዎችን በመስራት ለባለድርሻ አካላት ተደራሽ እንዲሆን የሚያስችል ዓላማን ያነገበ ነው፡፡ የባለስልጣን መስሪያ ቤቱ ምክትል ዋና ዳይሬክተር አቶ ፋሲካው ሞላ ባለስልጣን መስሪያ ቤቱ ዘርፉን በሚያሳድጉ የሪፎርም ስራዎች ላይ ላለፉት ስድስት ዓመታት ሲሰራ ቆይቶ በአሁን ጊዜ የአገልግሎት አሰጣጡን በማላቅ የዲጂታል ተቋም ለመገንባት ጥረት እያደረገ የሚገኝ መሆኑን አንስተው ስምምነቱ ይህን ጥረት የሚያግዝ ከመሆኑም ባሻገር ባለስልጣን መስሪያ ቤቱ የሚታወቅበትን ብራንድ ለመገንባት ከአንጋፋው የኢተዮጵያ ዜና አገልግሎት ጋር የተደረገው ስምምነት ትልቅ ጠቀሜታ ይኖረዋል ብለዋል፡፡
    ዘመናዊ ተቋም ለመገንባት በሚደረገው ጥረት ባለስልጣን መስሪያ ቤቱ ተደራሽ መሆን እንዲችል፤የተጀመሩ የሪፎርም ስራዎችን የበለጠ እንዲያሳካና ወጪ ቆጣቢ በሆነ መንገድ ስራዎችን ለመስራት እንዲሁም ሀገራዊ መግባባትን ለመፍጠርና የሀገርን ገጽታ ለመገንባት ከዜና አገልግሎቱ ጋር ተደረገው የመግባቢያ ሰነድ የጎላ አስተዋጽዖ እንደሚኖረው ምክትል ዋና ዳይሬክተሩ አክለው ገልጸዋል፡፡
    የኢትዮጵያ ዜና አገልግሎት ምክትል ስራ አስፈጻሚ ወ/ሮ ቤተልሄም አበባው በበኩላቸው ባለስስልጣን መስሪያ ቤቱ የተልዕኳችን አካል የሆነ ተቋም በመሆኑ ተቋሙ የሚሰጣቸው አገልግሎቶች ይህን መሰረት ያደረጉ መሆናቸውን ጠቁመው ተከታታይ የሆኑ ዘርፉን የሚመለከቱ የይዘት ስራዎችን በመስራት ለማህበረሰቡ ተደራሽ ይደረጋል ብለዋል፡፡ ከስምምነት ሰነዱ የፊርማ ስነስርዓት በተጨማሪም የባለስልጣን መስሪያ ቤቱ ከፍተኛ የስራ ኃላፊዎችና የማኔጅመንት አባላት የኢትዮጵያ ዜና አገልግሎትን የስራ እንቅስቃሴ ጎብኝተዋል፡፡


    የሲቪል ማህበረሰብ ድርጅቶች ባለስልጣን እና የፋይናንስ ደህንነት አገልግሎት በትብብር ለመስራት ተስማሙ፡፡

    የሲቪል ማህበረሰብ ድርጅቶች ባለስልጣን እና የፋይናንስ ደህንነት አገልግሎት በትብብር ለመስራት ተስማሙ፡፡

    ባለስልጣን መ/ቤቱ በአዋጅ ቁጥር 1113/2011 በተሰጠው ሃላፊነት መሰረት የሲቪል ማህበራት ህግን እና የተቋቋሙበትን ዓላማ አክብረው እንዲንቀሳቀሱ እንዲሁም የፋይናንስ እንቅስቃሴያቸው ህግን በተከተለ መልኩ ለህዝብ ጥቅም መዋሉን ለማረጋገጥ የቁጥጥርና የክትትል ስራዎችን እያከናዎነ የሚገኝ ሲሆን ይህንን ኃላፊነቱን በመወጣት ህግን ያልተከተሉ አካሄዶች እንዲታረሙ በማድረግ የሲቪል ማህበራት ዘርፍ የበለጠ ተኣማኒነትና ተቀባይነት ያለው ሆኖ በዘርፉ የተከናዎነው ሪፎርም ግቡን በተሟላ መልኩ እንዲመታና እንዲፀና ጥረት በማድረግ ላይ ይገኛል፡፡
    ባለስልጣን መ/ቤቱ በአዋጁ አንቀፅ 6(16) እንዲሁም የፋይናንስ ደህንነት አገልግሎት በአዋጅ 780/2005 እና በተቋቋመበት ደንብ እንደተመለከተው በወንጀል ድርጊት የተገኘ ገንዘብ ወይም ንብረትን ህጋዊ ማስመሰል እና ሽብርተኝነትን በገንዘብ መርዳትን ለመከላከል የሚያስችሉ ተግባራትን የማከናወን ስልጣንና ኃላፊነታቸው ለመወጣት በጋራና በትብብር ሲሰሩ የቆዩ ሲሆን የበለጠ ውጤታማ ትብብር ለማድረግ በማሰብ በዛሬው እለት የጋራ መግባቢያ ስምምነት ተፈራርመዋል፡፡ የጋራ ስምምነቱ ሁለቱ ተቋማት በህግ እና ዓለም አቀፍ መርሆዎችን መሰረት በማድረግ የሲቪል ማህበረሰብ ድርጅቶች የፋይናንስ እንቅስቃሴ ህግን የተከተለ እንዲሆንና የፋይናንስ ምንጫቸው ከህጋዊ ምንጭ አንዲሆን ለማድረግ በተለይም ሽብርተኝነትን በገንዘብ የመርዳት ወንጀሎችን መከላከል ላይ ግንዛቤ የማስጨበጥ፣ የእርስ በእርስ የቁጥጥር ስርዓት እንዲዘረጉ ማስቻል እንዲሁም ተገቢውን የቁጥጥርና የክትትል ስራዎችን ለማከናዎን የሚያስችላቸው እንደሆነ በውይይቱ ላይ በስራ ኃላፊዎቹ ተገልፆል፡፡
    አገራዊ ለውጡን ተከትሎ ሪፎርም የተደረገው የሲቪል ማህበረሰብ ድርጅቶች ዘርፍ የበለጠ ውጤታማነቱ እየተጠናከረ እንዲሄድ ከባለድርሻ አካላት ጋር የተጀመሩ የትብብር ስራዎች መጠናከር የሚኖርባቸው መሆኑ በፕሮግራሙ ላይ ተጠቅሷል፡፡ የተቋማቱ ዋና ዳይሬክተሮች፣ ምክትል ዋና ዳይሬክተሮችና ሌሎች የስራ ኃላፊዎች በመድረኩ ላይ ተሳትፈዋል፡፡ በወንጀል ድርጊት የተገኘ ገንዘብ ወይም ንብረትን ህጋዊ ማስመሰል እና ሽብርተኝነትን በገንዘብ መርዳት ወንጀሎችን የመከላከል አስፈላጊውን ተግባራት እንዲያከናውኑ አገራት በዓለም አቀፍና አህጉር አቀፍ ደረጃ በወጡ ስምምነቶች ኃላፊነት ያለባቸው መሆኑ ይታወቃል፡፡

    Click the button

    በሃላፊነት ስሜት የሚንቀሳቀስ የሲቪል ማኅበረሰብ ድርጅት መገንባት አስፈላጊ መሆኑ ተገለጸ፡፡

    በሃላፊነት ስሜት የሚንቀሳቀስ የሲቪል ማኅበረሰብ ድርጅት መገንባት አስፈላጊ መሆኑ ተገለጸ፡፡

    ይህ የተባለው በተቋሙ ዋና ዳይሬክተር አቶ ሳምሶን ቢራቱ የተመራ ልዑካን ቡድን ከኢትዮጵያ የሲቪል ማህበረሰብ ደርጅቶች ምክር ቤት ጋር ባደረጉት ውይይት ነው ፡፡
    በውይይቱ ወቅት የሲቪል ማህበረሰብ ድርጅቶች ገንቢ አስተያየትን መሰረት በማድረግ ህዝብን እና ሃገርን የሚጠቅም ጉዳይ ላይ መሳተፍ እንደሚገባቸው ተገልጿል፡፡
    የሲቪል ማህበረሰብ ድርጅቶች ምክር ቤት በበኩሉ በአዋጅ 1113/2011 እራስን በራስ የማስተዳደር ስልጣን እና ተግባርን በመጠቀም በዘርፉ የሚፈጠሩ ችግሮችን በንግግርና በውይይት የመፍታት ትልቅ ድርሻ እንዳለው ተመላክቷል፡፡
    ከሰሞኑ በታገዱ ሶስት የሲቪል ማህበረሰብ ድርጅቶች ዙሪያ እና በቀጣይ ስለሚከናወኑ ተግባራት ውይይት በማድረግ የጋራ መግባባት ላይ ተደርሷል፡፡


      የሲቪል ማህበረሰብ ድርጅቶች ባለስልጣን ከኩሶ ኢንተርናሽናል (CUSO international) ጋር በመተባበር በወራቤ ዩኒቨርሲቲ በበጎ ፈቃድና በVMIS ዙሪያ ስልጠና ሰጠ፡፡

      የሲቪል ማህበረሰብ ድርጅቶች ባለስልጣን ከኩሶ ኢንተርናሽናል (CUSO international) ጋር በመተባበር በወራቤ ዩኒቨርሲቲ በበጎ ፈቃድና በVMIS ዙሪያ ስልጠና ሰጠ፡፡

      የሲቪል ማህበረሰብ ድርጅቶች ባለስልጣን በአዋጅ ቁጥር 1113/2011 በተሰጠው ስልጣንና ተግባር በጎ ፈቃደኝነትና በጎ አድራጊነትን ባህል ለማድረግ የሚያስችሉ የግንዛቤ ማስጨበጫ ስልጠናዎችን ኩሶ ኢንተርናሽናል (CUSO international) ከተባለ የሲቪል ማህበረሰብ ድርጅት ጋር በመተባበር በተለያዩ ዩኒቨርሲቲዎች እየሰጠ ይገኛል፡፡
      ይኸው የግንዛቤ ማስጨበጫ ስልጠና በወራቤ ዩኒቨርሲቲ የዩኒቨርሲቲው ፕሬዝዳንት ተውፊቅ ጀማል (PhD) እና አቶ ጀማል ሬድዋን የዪኒቨርሲቲው የማህበረሰብ አገልግሎት ዳይሬክተርና ሌሎች የዩኒቨርሲቲው የስራ ሃላፊዎችና ተማሪዎች በተገኙበት ተሰጥቷል፡፡
      ስልጠናውን የሰጡት የሲቪል ማህበረሰብ ድርጅቶች ባለስልጣን የበጎ ፈቃድ ማጎልበትና ትብብር ስራ አስፈጻሚ አቶ አሉላ ሚሊዮን የሲቪል ማህበረሰብ ድርጅቶች ባለስልጣን በጎ ፈቃደኝነትን ባህል ለማድረግና በማህበረሰቡ ውስጥ ለማስረጽ የሚያስችሉ በርካታ ስራዎችን እየሰራ እንደሚገኝ ጠቁመው የበጎ ፈቃድ አገልግሎትን የሚመለከቱ የግንዛቤ ማስጨበጫ ስልጠናዎችን በተለያዩ ዩኒቨርሲቲዎች በመስጠት የዩኒቨርሲቲ ተማሪዎች ግንዛቤ እንዲኖራቸውና በተለያዩ የበጎ ፈቃድ አገልግሎቶች ላይ ተሳታፊ እንዲሆኑ እያደረገ እንደሚገኝ ጠቁመዋል፡፡
      ባለሰስልጣን መስሪያ ቤቱ የበጎ ፈቃድ መምሪያ በማዘጋጀትና ከሴቶችና ማህበራዊ ጉዳይ ሚኒስቴርና ከሚመለከታቸው ባለድርሻ አካላት ጋር በመቀናጀት የበጎ ፈቃድ አገልግሎት ተቋማዊ ቅርጽ እንዲኖረው የሚያስችል የፖሊሲ ማዕቀፍ እያዘጋጀ ሲሆን በተለይም VMISን በመጠቀም በጎ ፈቃደኞች ባሉበት ቦታ ሆነው የበጎ ፈቃድ አገልግሎት መስጠት የሚችሉበትን የአሰራር ስርዓት ዘርግቶ ወደተግባር የገባ መሆኑ ተጠቁሟል፡፡
      ባለስልጣን መስሪያ ቤቱ ከተለያዩ ዩኒቨርሲቲዎች ጋር በመተባበር የዩኒቨርሲቲ ተማሪዎች በተለያዩ የበጎ ፈቃድ ተግባራት ላይ VMISን በመጠቀም ተሳትፎ እንዲያደርጉ የሚያግዙ ስልጠናዎችን በተለያዩ ዩኒቨርሲቲዎች ውስጥ እየሰጠ የሚገኝ ሲሆን ሙያን መሰረት ያደረጉ የበጎ አድራጎት ስራዎች በዩኒቨርሲቲ ተማሪዎች ዘንድ ባህል እንዲሆኑ በማስቻል ማህበረሰቡ በተሻለ ሁኔታ ከበጎ አድራጎት ስራዎች ተጠቃሚ እንዲሆን የሚያስችሉ ስራዎችን በመስራት ላይ ይገኛል፡፡
      የሲቪል ማህበረሰብ ድርጅቶች ባለስልጣን የበጎ አድራጎት ዴስክ ኃላፊ የሆኑት ወ/ሮ ሽልማት መርሻ በማጠቃለያ ንግግራቸው እንደገለጹት የበጎ አድራጎት ስራ መሰረቱ ቤተሰብ እንደሆነና ከቤተሰብ የምናዳብረው ይህ መልካም ተግባር አድጎ ማህበረሰብንና ሀገርን የሚጠቅም እንደሚሆን ጠቁመዋል፡፡
      በወራቤ ዩኒቨርሲቲ የተሰጠው ስልጠና ትኩረቱን ያደረገው በበጎ ፈቃድ ጽንሰ ሃሳብና በVMIS የአጠቃቀም ስርዓት ላይ ሲሆን ስልጠናውን የሰጡት የሲቪል ማህበረሰብ ድጅቶች ባለስልጣን የበጎ ፈቃድ ማጎልበትና ትብብር መሪ ስራ አስፈጻሚ አቶ አሉላ ሚሊዮን እንዲሁም የበጎ ፈቃድ ማጎልበትና ትብብር ስራ አስፈጻሚ የበጎ ፈቃድ ማጎልበት ዴስክ ኃላፊ ወ/ሮ ሽልማት መርሻና የበጎ ፈቃድ ማጎልበት ከፍተኛ ባለሙያ አቶ ጥላሁን ኩሳ ናቸው፡፡

      Click the button

      የሴቶችና ህጻናት ጥቃትን መከላከል የሁሉም ህብረተሰብ ሀላፊነት ነው ተባለ፡፡

      የሲቪል ማህበረሰብ ድርጅቶች ባለስልጣን ከጀስቲሰ ፎር ኦል ፒ ኤፍ ኢትዬጵያ ጋር በመተባበር የሴቶችና ህጻናት መብት ጥበቃ እና ፆታን መሰረት ያደረጉ ጥቃቶችን በመከላከል ላይ ያተኮረ ስልጠና ከተለያዩ ተቋማት ለተወጣጡ ባለሙያዎች ሰጠ፡፡
      May be an image of 11 people, table and dais
      በስልጠናው ላይ የእንኳን ደህና መጣችሁ መልዕክት ያስተላለፉት የጀስቲስ ፎር ኦል ፒ ኤፍ ኢትዮጵያ ከፍተኛ የሰብዓዊ መብት አማካሪ ዶ/ር ዘሪሁን ይመር እንዳሉት ድርጅታቸው ለበርካታ ዓመታት በሴቶችና ህጻናት በሰላም ግንባታ በእርቅ ላይ እና በሰብዓዊ መብት የተለያዩ ስልጠናዎችን እየሰጠ እንደሚገኝ በመግለፅ በቀጣይም እቅዶችን በማዘጋጀት ስልጠናዎችን እንደሚሰጥ ገልፀዋል፡፡ በክብር እንግድነት የተገኙት የፌደራል የመጀመሪያ ፍርድ ቤት ም/ፕሬዝዳንት ወ/ሮ አሸነፈች አበበ እንዳሉት በሴቶች እና ህጻናት ላይ እንዲሁም ፆታን መሰረት ያደረጉ ጥቃቶች ረዥም ዓመታት የነበሩ ስር የሰደዱ በአገራችንም ሆነ በአለም አቀፍ ከእለት ወደ እለት እየጨመረ የመጣ አሳሳቢ ችግር መሆኑን በማንሳት ይህን ችግር ለመቅረፍ ለህብረተሰቡ ተከታታይ የግንዛቤ ማስጨበጫ ስራዎች መሰራት እንዳለባቸው ጠቅሰዋል፡፡
      ሴቶችና ህጻናት እንዲሁም ፆታን መሰረት ያደረጉ ጥቃቶችን ለመከላከልም ሆነ የመፍትሄ አካል ለመሆን ሁሉም የህብረተሰብ ክፍል ሀላፊነት እንዳለበት ም/ፕሬዝዳንቷ አሳስበዋል፡፡ የሲቪል ማህበረሰብ ድርጅቶች ባለስልጣን የፕሮጀክት አስተዳደር አጋርነት ቡድን መሪ አቶ እድሪስ የሱፍ እንደተናገሩት በሴቶችና ህጻናት ላይ የሚደርሱ ጥቃቶችን ለመከላከል ሁሉም ዜጋ ሀላፊነት እንዳለበት በመጠቆም በተለይ በሴቶችና ህጻናት ላይ መሰረት አድርገው የሚሰሩ ድርጅቶች ከወትሮ በበለጠ ጠንክረው መስራት እንዳለባቸው ገልፀዋል፡፡ አያይዘውም ባለስልጣን መስሪያ ቤቱ ሲቪል ማህበረሰብ ድርጅቶች እንዲጠናከሩ የተለያዩ ድጋፎችን እንደሚያደርግ በመጥቀስ ይህ ስልጠና እንዲዘጋጅ ድጋፍ ያደረገው ጀስቲስ ፎር ኦል ፒ ኤፍ ኢትዮጵያ በማመስገን በቀጣይ በጋራ ለመስራት መወያየታቸውን አንስተዋል፡፡