በሀላባ ዞን በኢትዮጵያ ወንጌላዊት ቤተክርስትያን መካነ ኢየሱስ የተገነባ የውሃ ፕሮጀክቶች ተመረቀ፡፡

በሀላባ ዞን በኢትዮጵያ ወንጌላዊት ቤተክርስትያን መካነ ኢየሱስ የተገነባ የውሃ ፕሮጀክቶች ተመረቀ፡፡
በሀላባ ዞን በ2ኛ መቃላ ሀ እና የሸቃጤ ወልድያ ቀበሌዎች ለማህበረሰቡ የሚያገለግል የንጽህ መጠጥ ውሃ በዋና ዳይሬክተር አቶ ሳምሶን ቢራቱ ተመርቋል፡፡ የዞኑ ም/ዋና አስተዳዳሪ ሀጂ ኑሪዬ እንደገለጹት በሀላባ አብዛኛው አከባቢዎች የንጽህ መጠጥ ውሃ ችግር መኖሩን ገልጸው ከዚህ አልፎ እናቶች ከሃያ ኪሎ ሜትር በላይ ተጉዘው እንደሚቀዱ ካልሆነም ከኩሬ ቀድተው ይጠቀሙ እደነበር አንስተዋል፡፡አሁን ላይ የኢትዮጵያ ወንጌላዊት ቤተክርስትያን መካነ ኢየሱስ በሁለቱ ቀበሌዎች ከሃያ ሺህ በላይ ማህበረሰባችንን ተጠቃሚ ያደረገ የውሃ ፕሮጀክት በመገንባቱ የዞኑ አስተዳደርና ማህበረሰቡ ምስጋና ያቀርባል ሲሉ ገልጸዋ፡፡ይህ የውሃ ፕሮጀክት ከማህበረሰቡ አልፎ ለትምህርት ቤቶችና ጤና ተቋማት አገልግሎት እንደሚሰጥ ተጠቅሷል፡፡ የኢትዮጵያ ወንጌላዊት ቤተክርስትያን መካነ ኢየሱስ ፕሮግራም ዳይሬክተር አቶ ቢቂላ አብያ በፕሮጀክት መጠናቀቅ አስተዋጽኦ ላደረጉ ሁሉ ምስጋናቸውን አቅርበው የተገነቡ የውሃ ፕሮጀክቶችን ማህበረሰቡ በጥንቃቄ መያዝና ቀጣይነቱን ማረጋገጥ ይገባቸዋል ብለዋል፡፡ አክለውም የአላባን የውሃ ችግር ለመቅረፍ በቀጣይ የፕሮጀክት እቅዶች ላይ በማካተት እንደሚሰሩ ለማህበረሰቡ ቃል ገብተዋል፡፡
በሀላባ ዞን በ2ኛ መቃላ ሀ እና የሸቃጤ ወልድያ ቀበሌዎች ለማህበረሰቡ የሚያገለግል የንጽህ መጠጥ ውሃ በዋና ዳይሬክተር አቶ ሳምሶን ቢራቱ ተመርቋል፡፡ የዞኑ ም/ዋና አስተዳዳሪ ሀጂ ኑሪዬ እንደገለጹት በሀላባ አብዛኛው አከባቢዎች የንጽህ መጠጥ ውሃ ችግር መኖሩን ገልጸው ከዚህ አልፎ እናቶች ከሃያ ኪሎ ሜትር በላይ ተጉዘው እንደሚቀዱ ካልሆነም ከኩሬ ቀድተው ይጠቀሙ እደነበር አንስተዋል፡፡
አሁን ላይ የኢትዮጵያ ወንጌላዊት ቤተክርስትያን መካነ ኢየሱስ በሁለቱ ቀበሌዎች ከሃያ ሺህ በላይ ማህበረሰባችንን ተጠቃሚ ያደረገ የውሃ ፕሮጀክት በመገንባቱ የዞኑ አስተዳደርና ማህበረሰቡ ምስጋና ያቀርባል ሲሉ ገልጸዋ፡፡
ይህ የውሃ ፕሮጀክት ከማህበረሰቡ አልፎ ለትምህርት ቤቶችና ጤና ተቋማት አገልግሎት እንደሚሰጥ ተጠቅሷል፡፡ የኢትዮጵያ ወንጌላዊት ቤተክርስትያን መካነ ኢየሱስ ፕሮግራም ዳይሬክተር አቶ ቢቂላ አብያ በፕሮጀክት መጠናቀቅ አስተዋጽኦ ላደረጉ ሁሉ ምስጋናቸውን አቅርበው የተገነቡ የውሃ ፕሮጀክቶችን ማህበረሰቡ በጥንቃቄ መያዝና ቀጣይነቱን ማረጋገጥ ይገባቸዋል ብለዋል፡፡ አክለውም የአላባን የውሃ ችግር ለመቅረፍ በቀጣይ የፕሮጀክት እቅዶች ላይ በማካተት እንደሚሰሩ ለማህበረሰቡ ቃል ገብተዋል፡፡
Change the color to match your brand or vision, add your logo, choose the perfect layout, modify menu settings, add animations, add shape dividers, increase engagement with call to action and more.
ባለስልጣን መስሪያቤቱ ከሁለት ሚሊዮን ብር በላይ የሚገመቱ ቁሳቁሶችን ድጋፍ አደረገ፡፡
ባለስልጣን መስሪያቤቱ ከሁለት ሚሊዮን ብር በላይ የሚገመቱ ቁሳቁሶችን ድጋፍ አደረገ፡፡
Change the color to match your brand or vision, add your logo, choose the perfect layout, modify menu settings, add animations, add shape dividers, increase engagement with call to action and more.
የሲቪል ማህበረሰብ ድርጅቶች ባለስልጣን ለአጋሮ አጠቃላይ ሆስፒታል ግምታቸው ከሁለት ሚሊዮን ብር በላይ የሚሆኑ ቁሳቁሶችን በቦታው በመገኘት አበረከተ፡፡ በርክክቡ ላይ የተገኙት የባለስልጣኑ ዋና ዳይሬክተር ተወካይ የጽ/ቤት ሀላፊ አቶ በፍቃዱ ወልደሰንበት እንደተናገሩት ባለስልጣኑ በአገራችን የሚንቀሳቀሱ የሲቪል ማህበረሰብ ድርጅቶችን የመመዝገብ የመደገፍ የመከታተል እና የመቆጣጠር ሀላፊነት በአዋጅ የተሰጠው ተቋም መሆኑን በመግለፅ በዋናነት የህብረተሰቡን የላቀ ተጠቃሚነትን ከማረጋገጥ አኳያ በርካታ ስራዎችን እየሰራ እንደሚገኝ ገልፀዋል፡፡
አያይዘውም ባለስልጣን መስሪያቤቱ ከተለያዩ ከተዘጉ ድርጅቶች ያገኛቸውን ንብረቶች ተመሳሳይ ዓላማ ላላቸው ድርጅቶች እንዲሁም ህብረተሰቡን ለሚያገለግሉ የመንግስት ተቋማት ንብረቶችን የማስተላለፍ ስራዎችን እንደሚሰራ በመግለፅ ለአጋሮ አጠቃላይ ሆስፒታል የተደረገው ድጋፍ እየሰጠ ካለው አገልግሎት አንጻር ያሉበትን የቁሳቁስ ችግሮች ለመቅረፍ እንደሆነ ገልፀዋል፡፡


የአጋሮ አጠቃላይ ሆስፒታል ሜዲካል ዳይሬክተር ዶ/ር ሪያድ እንዳሉት ባለስልጣን መስሪያ ቤቱ የሆስፒታሉን ችግሮች በመረዳት ከሁለት ሚሊዮን ብር በላይ የሚገመቱ የተለያዩ ቁሳቁሶችን ድጋፍ በማድረጉ ምስጋናቸውን አቅርበዋል፡፡
በንብረት ርክክቡ ወቅት በክብር እንግድነት የተገኙት የሰነዶች ማረጋገጥና ምዝገባ አገልግሎት ም/ዋና ዳይሬክተር አቶ ቶፊቅ ሻፊ እንዳሉት አጋሮ አጠቃላይ ሆስፒታል ያለውን ችግር በመቋቋም ለህብረተሰቡ እየሰጠ ያለውን አገልግሎት በማመስገን ህብረተሰቡ ከሆስፒታሉ አመራሮች ጋር በቅንጅት እየተሰሩ ያሉ ስራዎች ተስፋ ሰጪ መሆናቸውን ገልፀዋል፡፡
አያይዘውም የሲቪል ማህበረሰብ ድርጅቶች ባለስልጣን ለሆስፒታሉ ድጋፍ በማድረጉ ምስጋናቸውን አቅርበዋል፡፡ በመጨረሻም ህብረተሰቡ ከመንግስት ጎን በመቆም የተጀመሩ የልማት ስራዎች ላይ በንቃት በመሳተፍ አጋርነቱን ማሳየት እንዳለበት ተናግረዋል፡፡
በደቡብ ኢትዮጵያ ክልል ኮንሶ ዞን ጃርሶ ቀበሌ የማኅበረሰቡን ችግር የቀረፈ ፕሮጀክት፡፡

በደቡብ ኢትዮጵያ ክልል ኮንሶ ዞን ጃርሶ ቀበሌ የማኅበረሰቡን ችግር የቀረፈ ፕሮጀክት፡፡
በደቡብ ኢትዮጵያ ብ/ክልላዊ መንግስት ኮንሶ ዞን በኢትዮጵያ ወንጌላዊት ቤተክርስቲያን መካነ ኢየሱስ የተሰሩ ፕሮጀክቶች በዋና ዳይሬክተር አቶ ሳምሶን ቢራቱ በተመራ ልዑካን ቡድን ተጎብኝቷል፡፡ በኢትዮጵያ ወንጌላዊት ቤተክርስትያን መካነ ኢየሱስ በኮንሶ ዞን ጃርሶ ቀበሌ ያንዳ ፋሮ ሰገን ሰዋቴ የምግብ ዋስትና ፕሮጀክት በአከባቢው ያሉ አንድ ሺህ አባወራን በመስኖ እና አምስት መቶ አባወራ ከብት በማደለብ ተጠቃሚ ማድረጉን የፕሮጀክቱ ፕሮግራም ኦፍሰርና ኢንጅነር አቶ ግዛቸው ቶሪያቶ አስረድተዋል፡፡ የኢትዮጵያ ወንጌላዊት ቤተክርስትያን መካነ ኢየሱስ በአከባቢው በ1962 ዓ.ም በተከሰተ ድርቅ የእርዳታ ስራ መጀመሩን ገልጸው የእርዳታ እህል መስጠት ብቻውን ዘላቂ ለውጥ እደማያመጣ በማመን የፖሊሲ ለውጥ መደረጉን አብራርተዋል፡፡ በዚህም ለሰዎች እርዳታ በየጊዜው ከመስጠት ይልቅ አምርተው እራሳቸውን የሚችሉበትን ሁኔታ ማመቻቸት እንደሚቻል በማሰብ በአከባቢው የሚገኘውን ወንዝ ወደ መስኖ ስራ መቀየራቸውን አብራረተዋል፡፡
በዚህ ስራ ድርጅቱ ከ PADD ከሚያገኘው የገንዘብ ድጋፍ 5850 ሄክታር መሬት የማልማት ስራ የሰራ ሲሆን ማህበረሰቡ ይህንን ተከትሎ ካናሎችን እና የመስኖ ስራዎችን በእጥፍ የማስፋፋት ስራ መስራታቸውን ገልጸው ፐሮጀክቱ ማህበረሰቡ በኢኮኖሚ ተጠቃሚ ከማድረጉም ባሻገር ከባቢያዊ ሁኔታውን የቀየረ እና የአከባቢውን ነዋሪ የማህበራዊ መስተጋብርን በእጅጉ ያስተሳሰረ መሆኑን ተናግረዋል፡፡ በዚህ ፕሮጀክት እንደ አቶ ጸጋዬ ያሉ ነዋሪዎችን ደግሞ ከእለት የእርዳታ ፍላጎት ወደ ባለሃብትነት መቀየር መቻሉን አያይዘው ተናግረዋል፡፡
.
አቶ ጸጋዬ በኮንሶ ጃርሶ ነዋሪ ሲሆኑ በድርቁ ጊዜ በመካነ ኢየሱስ ቤተክርስቲያን እርዳታ ተጠቃሚ እና በኋላም በያንዳ ፋሮ ሰገን ሰዋቴ የምግብ ዋስትና ፕሮጀክት ስልጠና በመውሰድና በመስኖ ስራ ላይ በመሰማራት በወር በሙዝ ሽያጭ እስከ ሰላሳ ሺህ ብር ገቢ የሚያገኙ ባለሃብት መሆን መቻላቸውን ተናግረዋል፡፡ ከዚህ ቀደም በአከባቢው ባለ ውሃ እንዴት መጠቀም እንዳለብን ባለማወቅ ብዙ ፈተናዎች ደርሶብናል ያሉት ሌላው የአከባቢ ነዋሪ መካነ እየሱስ ከመጣ በኋላ በመስኖ የሰብል እና የሙዝ ምርት በመጀመር ተጠቃሚ መሆናቸውን ገልጸው ድርጅቱ የሰራው ስራ ነዋሪውን ከሞት ወደ ህይወት የቀየረ እና ከስደት ያዳነ ነው ሲሉ አስተያየታቸውን ሰጥተዋል፡፡
የኢትዮጵያ ወንጌላዊት ቤተክርስትያን መካነ ኢየሱስ በአከባቢው አስራ ሁለት ወተር ፖይንት መስራቱን እና ሶላር በመግጠም ፣በተለያየ ዘርፍ ስልጠና እና መነሻ ገንዘብ በመስጠት ማህበረሰቡ ከእርሻ በተጨማሪ ከብት በማደለብና የዶሮ እርባታ ላይ ተሰማርተው በኢኮኖሚ እንዲለወጡ ማድረጉንም አክለው አብራርተዋል፡፡ ዋና ዳይሬክተር አቶ ሳምሶን ቢራቱ በሰጡት አስተያየት ድርጅቱ በኢትዮጵያ ለረጅም አመታት ሲሰራ መቆየቱን ገልጸው በጉብኝቱም በመሬት የሚታይና በተግባር የማህበረሰቡን ህይወት የለወጠ ፕሮጀክት በመመልከታቸው መደሰታቸውን ገለጸዋል፡፡
አያይዘውም ድርጅቱ የማህበረሰቡን ዘላቂ ተጠቃሚነት እና ከእርዳታ ይልቅ ሰርቶ መለወጥ ላይ ትኩረት አድርጎ እየሰራ ያለውን ተግባር አጠናክሮ መቀጠል እንዳለበት በመግለጽ ተቋማቸውን በሚችለው ሁሉ ድጋፍ ለማድረግ ዝግጁ መሆኑን ተናግረዋል፡፡ ይህንን ፕሮጀክት በገንዘብ የደገፈው PADD ሲሆን በዋናነት በፓርትነር በኩል የፋይናንስ ድጋፍ በማድረግ ፕሮጀክቶችን ተግባራዊ እንደሚያደርግ ተገልጿል፡፡

በሴቶችና ህጻናትና ላይ የሚሰራ የሲቪል ማህበረሰብ ድርጅቶች ጥምረት ተመሰረተ፡፡
በሴቶችና ህጻናትና ላይ የሚሰራ የሲቪል ማህበረሰብ ድርጅቶች ጥምረት ተመሰረተ፡፡
በሲቪል ማህበረሰብ ድርጅቶች ባለስልጣን እና በጀስቲስ ፎር ኦል ፒኤፍ ኢ (JFA-PFE) የጋራ ትብብር በሴቶችና ህጻናት ላይ ትኩረት አድርገው የሚሰሩ ከአርባ በላይ የሲቪል ማህበረሰብ ድርጅቶች የተሳተፉበት ጥምረት ተመስርቷል፡፡
ጥምረቱ በሴቶችና ህጻናት ላይ የሚሰሩ የሲቪል ማህበረሰብ ድርጅቶችን እውቀት፣ ልምድና ሀብብን በማቀናጀት የድርጅቶችን አቅም ለማጎልበት እና በሴቶችና ህጻናት ላይ ለሚሰሩ የሲቪል የማህበረሰብ ድርጅቶች ዘላቂ የድጋፍ ስርዓቶችን ለመዘርጋት የሚያስችል ጥምረት እንደሆነ በምስረታ ጉባዔው ላይ ተጠቁሟል፡፡
በመድረኩ ላይ የተገኙት የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ መስፍን ሙሉነህ በተለይ በሴቶችና ህጻናት ላይ ትኩረት አድርገው የሚሰሩ የሲቪል ማህበረሰብ ድርጅቶች በጋራ መሰባሰባቸው ውጤታማ ስራዎችን ለመስራት አስተዋጽዖው የጎላ በመሆኑ ባለስልጣን መስሪያ ቤቱ ድጋፍ ሲያደርግ መቆየቱን ጠቁመው ድርጅቶቹ እየሰሩት ያለው ስራ የሚበረታታ እና በጎ አላማ ያለው መሆኑን በመጠቆም የመርሃ ግብሩን አዘጋጆችና ተሳታፊዎቹን አመስግነዋል፡፡
ጥምረቱ ሲመሰረት የስራ አመራር የቦርድ አባላት ምርጫ እና የድርጅቱን ስያሜ ጨምሮ የመመስረቻ ሰነዶች ቀርበው ውይይት የተደረገባቸውና እንዲጸድቁ የተደረገ ሲሆን የሲቪል ማህበረሰበ ድርጅቶች ባለስልጣን የስራ ኃላፊዎችና ባለሙያዎች የምስረታ ስነስርዓቱ ውጤታማ እንዲሆን ከጀስቲስ ፎር ኦል ፒኤፍኢ (JFA-PFE) ጋር በመተባበር ከፍተኛ ጥረት ሲያደርግ ቆይቷል፡፡
በእለቱ ጀስቲስ ፎር ኦል ፒ ኤፍ ኢ (JFA-PFE) በሴቶችና ህጻናት ላይ ትኩረት አድርገው ለሚሰሩ የሲቪል ማህበረሰብ ድርጅቶች በስርዓተ ጾታ ፖሊሲ፣ በሲቪል ማህበረሰብ ድርጅቶች ትስስር እና ትብብርን ማጠናከር ላይ ትኩረት ያደረገ አውደጥናት ያካሄደ ሲሆን የሲቪል ማህበረሰብ ድርጅቶች ጥምረት ለሰላም ከተመሰረተ ጊዜ አንስቶ ያለፈባቸውን ውጣ ውረዶች አዲስ ለተመሰረተው ጥምረት ልምዱን አካፍሏል፡፡
Click the button

አካል ጉዳተኞችን ያማከለ አገልግሎት መስጠት ባለስልጣን መስሪያ ቤቱ ትኩረት ሰጥቶ የሚሰራበት ጉዳይ መሆኑን ተጠቆመ፡፡
አካል ጉዳተኞችን ያማከለ አገልግሎት መስጠት ባለስልጣን መስሪያ ቤቱ ትኩረት ሰጥቶ የሚሰራበት ጉዳይ መሆኑን ተጠቆመ፡፡
የሲቪል ማህበረሰብ ድርጅቶች ባለስልጣን አካል ጉዳተኞችን ማዕከል ያደረጉ ስራዎችን ትኩረት ሰጥቶ እየሰራ እንደሚገኝ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ ተናገሩ፡፡ በባለስልጣን መስሪያ ቤቱ ዓለም ዓቀፍ የአካል ጉዳተኞች ቀን፣ ዓለም ዓቀፍ የጸረ ጾታዊ ጥቃት ቀን፣ ዓለም ዓቀፍ የህጻናት ቀንንና ዓለም አቀፉ የጸረ ኤድስ ቀን የተቋሙ ከፍተኛ የስራ ሃላፊዎችና ሰራተኞች በተገኙበት ተከብሯል፡፡
በዕለቱ ንግግር ያደረጉት የባለስልጣን መስሪያ ቤቱ ዋና ዳይሬክተር አቶ ሳምሶን ቢራቱ ዓለም አቀፍ ድንጋጌዎችን ኢትዮጵያ ፈርማ ስትቀበል ሁላችንም በተሟላ ሁኔታ ተግባራዊ እንድናደርገው መሆኑን ጠቁመው በተለይም አካል ጉዳተኞች ወደተቋሙ ለአገልግሎት ሲመጡ አስፈላጊውን ድጋፍና አገልግሎት መስጠት ተገቢ ነው ብለዋል፡፡
ተቋማችን ከሚወጣው ሃላፊነት በተጨማሪ የሲቪል ማህበረሰብ ድርጅቶች በዚህ ረገድ ትኩረት ሰጥተው ሊሰሩ ይገባል ሲሉ ዋና ዳይሬክተሩ አጽንኦት ሰጥተው ተናግረዋል፡፡
በበዓሉ ላይ ከሴቶችና ማህበራዊ ጉዳይ ሚንስቴር አካል ጉዳተኞችን የሚመለከቱ እና የጸረ ጾታዊ ጥቃት ቀንን የሚመለከቱ ሰነዶች ቀርበው ውይይት ተደርጎባቸዋል፡፡
Click the button

4ኛው የሲቪል ማኅበረሰብ ድርጅቶች ሳምንት ተጠናቀቀ፡፡

4ኛው የሲቪል ማኅበረሰብ ድርጅቶች ሳምንት ተጠናቀቀ፡፡
በየዓመቱ የሚካሄደው የሲቪል ማህበራት ሳምንት በተለያዩ ፕሮግራሞች በድምቀት ሲካሄድ ቆይቶ ተጠናቋል፡፡ የሲቪል ማህበረሰብ ድርጅቶች ባለስልጣን ከኢትዮጵያ ሲቪል ማህበረሰብ ድርጅቶች ምክር ቤት ጋር በመተባበር አራተኛው የኢትዮጵያ የሲቪል ማህበረሰብ ድርጅቶች ሳምንት (4th CSO Week) ከህዳር 27-29/2017 ዓ. ም በግዮን ሆቴል ሲያካሂድ ቆይቷል፡፡
ፕሮግራሙ ሲቪል ማህበራት በኢኮኖሚና ማህበራዊ አገልግሎቶች ረገድ በሃገራችን ውስጥ ያላቸውን አስተዋጽኦ ለማህበረሰቡ ለማስተዋወቅ እና መንግስት የግሉ ሴክተር ከሲቪል ማህበራት ጋር ያላቸውን ትብብር ለማጠናከር ዓላማ በማድረግ የተዘጋጀ ፕሮግራም ነው፡፡ በሶስት ቀናት ቆይታው ከፍተኛ የመንግስት የስራ ሃላፊዎች የተሳተፉበት የመክፈቻ ዝግጅት (Grand opening)፣በተለያዩ ርዕሰ ጉዳዬች ላይ የተደረጉ ፓናል ውይይቶች እና የሲቪል ማህበረሰብ ድርጅቶች ስራቸውን ያስተዋወቁበት የባዛርና ኤግዚቭሽን ተካሂዷል፡፡
በማጠቃለያ ስነስርዓቱ ላይ የኢፌዴሪ የመንግስት ኮሙኒኬሽን አገልግሎት ሚኒስቴር ዴኤታ አቶ ተስፋሁን ጎበዛይ ፣ የባለስልጣን መስሪያቤቱ ዋና ዳይሬክተር እና ከሲቪል ማህበረሰብ ድርጅቶች ምክር ቤት ም/ፕረዝዳነት መልዕክት በማስተላለፍና ለተሳታፊዎች ሰርተፍኬት በመሸለም ተጠናቋል፡፡ በባዛርና ኤግዚቭሽኑ ላይ ከሌሎች ዓመታት በተለየ ሁኔታ ያማረና በተለይም የጎብኚዎች ቁጥር በእጅጉ ጎልቶ የታየበት ነበር፡፡
በ4ኛው የሲቪል ማህበረሰብ ድርጅቶች ሳምንት የተለያዩ ርዕሰ ጉዳዬች የተዳሰሱበት በርካታ የፓናል ውይይት ተካሄደ፡፡
በ4ኛው የሲቪል ማህበረሰብ ድርጅቶች ሳምንት የተለያዩ ርዕሰ ጉዳዬች የተዳሰሱበት በርካታ የፓናል ውይይት ተካሄደ፡፡
ዛሬ በተመሳሳይ ሁኔታ ሁለት ፓናል ውይይቶች የተደረጉ ሲሆን ከዚህ መካከል ‹‹የሲቪል ማህበረሰብ ድርጅቶች ሚና በዲሞክራሲ ባህል ግንባታ›› የሚል ይገኝበታል፡፡
የፓናል ውይይት መነሻ ጹሑፍ ያቀረቡት አቶ መለሰ አለሙ በሚንስትር ማዕረግ የዲሞክራሲ ስርዓት ግንባት ማስተባባሪያ የዘርፍ ሃላፊ እና አቶ አህመድ ሁሴን የኢትዮጵያ የሲቪል ማህበረሰብ ድርጅቶች ምክር ቤት ም/ፕረዝዳንት ናቸው፡፡
በመነሻ ጽሑፉ መንግስት በሲቪል ማህበረሰብ ድርጅቶች ዘርፍ ያደረጋቸው ሪፎርሞች፣የሚከተላቸው አቅጣጫዎች፣በዘርፉ ያሉ ጠንካራ እና ደካማ ጎኖች እንዲሁም በዲሞክራሲ ባህል ግንባታ ረገድ የሲቪል ማህበረሰብ ድርጅቶች ሚና ምን መሆን እንደሚገባው ተገልጻል፡፡ በፓናል ውይይቱ ላይ በዲሞክራሲና በሰብዓዊ መብት ላይ የሚሰሩ የሲቪል ማህበረሰብ ድርጅቶች ተሳታፊ የሆኑ ሲሆን በዘርፉ ያሉ መልካም አጋጣሚዎችን እና ተግዳሮቶችን በማንሳት በቀጣይ ማህበረሰብን ማዕከል ያደረገ ስራ መስራት በሚገቡ ጉዳዬች ላይ መክረዋል፡፡
ውይይቱን የመሩት የኢፌዴሪ የሲቪል ማህበረሰብ ድርጅቶች ባለስልጣን ም/ዋና ዳይሬክተር አቶ ፋሲካው ሞላ በበኩላቸው በማህበረሰቡ ዘንድ የዲሞክራሲ ባህል እንዲዳብር ለማድረግ የውይይት እና የምክክር ባህል መጎልበት አለበት ብለዋል፡፡


ሙሉ የመክፈቻ ንግግር በክቡር አቶ ሳምሶን ቢራቱ፣ የሲቪል ማህበረሰብ ድርጅቶች ዋና ዳይሬክተር በ4ኛው የሲቪል ማህበረሰብ ድርጅቶች ሳምንት፤ ህዳር 27/2017 ግዮን ሆቴል አዲስ አበባ


ሙሉ የመክፈቻ ንግግር በክቡር አቶ ሳምሶን ቢራቱ፣ የሲቪል ማህበረሰብ ድርጅቶች ዋና ዳይሬክተርበ4ኛው የሲቪል ማህበረሰብ ድርጅቶች ሳምንት፤ህዳር 27/2017 ግዮን ሆቴል አዲስ አበባ
ሙሉ የመክፈቻ ንግግር በክቡር አቶ ሳምሶን ቢራቱ፣ የሲቪል ማህበረሰብ ድርጅቶች ዋና ዳይሬክተር
በ4ኛው የሲቪል ማህበረሰብ ድርጅቶች ሳምንት፤
ህዳር 27/2017 ግዮን ሆቴል አዲስ አበባ
ክቡራትና ክቡራን፣
በ2017 የሚካሄደው በዚህ 4ኛው የሲቪል ማህበረሰብ ድርጅቶች ሳምንት የመክፈቻ ፕሮግራም ላይ ጥሪያችንን አክብራችሁ ስለተገኛችሁ የተሰማኝን ልባዊ ደስታ እየገለፅኩ፤ ሁላችሁንም እንኳን ደህና መጣችሁ ለማለት እወዳለሁ፡፡ ይህ በየአመቱ የሚካሄደው የሲቪል ማህበረሰብ ድርጅቶች ሳምንት በሀገራችን የሚገኙ የሲቪል ማህበራት ስራቸውን የሚያስተዋውቁበት፣ በልዩ ልዩ ርእሶች ዙሪያ የውይይት መድረኮች የሚከናወኑበት፣ ከባለድርሻ አካላት ጋር እና እርስ በእርስ ትስስር የሚፈጠርበት እንዲሁም ሲቪል ማህበራት ለአዎንታዊ ለውጥ የሚነሳሱበት ታላቅ መድረክ ነው። በዘንድሮው 4ኛው የሲቪል ማህበረሰብ ድርጅቶች ሳምንት ለዘላቂ ሰላም እና አገራዊ እድገት ሲቪል ማህበራት ቃላቸውን በማደስ ለላቀ ስራ የሚነሳሱበት እና ተጨባጭ ለውጥ ለማስመዝገብ የሚተጉበትን ሁኔታ የሚፈጥር ከመሆኑ አኳያ አገራዊ ጠቀሜታ ያለው ነው፡፡
በአገራችም አዲሱን የሲቪል ማህበረሰብ ድርጅቶች አዋጅ መውጣትን ተከትሎ በተፈጠረው ሰፊ ሲቪክ ምህዳር ምክንያት በአሁኑ ወቅት ከ5200 በላይ ድርጅቶች ተመዝግበው በዘላቂ ልማት፣ በዴሞክራሲና ሰብአዊ መብት ጉዳዮች፣ ማህበራዊ ፍትህን በማስፈን፣ በዘላቂ ልማት፣ በትውልድ ግንባታ እና በመሳሳሉት ስራዎች ዙሪያ ባደረጉት እንቅስቀሴ ከፍተኛ ለውጦች የተመዘገቡ ቢሆንም ሲቪል ማህበራት ከሚጠበቅባቸው ሀላፊነት አንጻር አሁንም ብዙ ስራዎች እንደሚቀሩ የሚታወቅ ጉዳይ ነው። ስለሆነም የሲቪል ማህበራት በዚህ የሲቪል ማህበረሰብ ሳምንት ለአገር የሚያደርጉትን አስተዋፅኦ የበለጠ ለማጠናከር ቃላቸውን በማደስ ለከፍተኛ ሃላፊነት እንዲዘጋጁና እንዲረባረቡ ለማሳሰብ እወዳለሁ፡፡ የሲቪል ማህበረሰብ ድርጅቶች ባለስልጣን በአዋጅ የተሰጠውን የመደራጀት መብትን የማስከበር ተልእኮ ለመወጣት የምዝገባ ሂደትን ግልጽና ቀላል በማድረግ፣ ፈጣን እና ቀልጣፋ አገልግሎት በመስጠት እንዲሁም ምልልስን በመቀነስ በቴክኖሎጂ የተደገፈ አገልግሎትን በመስጠት ላይ ይገኛል። በሌላ በኩል ደግሞ የህብረተሰቡን የላቀ ተጠቃሚነት ከማረጋገጥ አንጻር ድርጅቶች ስራቸውን በህግ አግባብ እንዲያከናውኑ ለማድረግ የክትትልና ቁጥጥር እያከናወነ ይገኛል።
ለውጡ የፈጠረውን እድል ተጠቅመው ህግን አክብረው ለአገርና ለህዝብ የሚጠቅሙ ፕሮጀክቶችን ቀርጸው የሚንቀሳቀሱ ድርጅቶችን የመደገፍ እንዲሁም ህግን የሚጥሱና የተቋቋሙለትን አላማ የተቃረኑ ድርጅቶች ላይ የሚደረገው ክትትልና ቁጥጥርም ተጠናክሮ የሚቀጥል ይሆናል። መንግስት በሲቪል ማህበራት ዘርፍ ያከናዎነው ሪፎርም ዋነኛ ማጠንጠኛው የህዝብን የላቀ ተጠቃሚነት ማረጋገጥ ሲሆን ይህንኑ ለማረጋገጥ የሲቪል ማህበረሰብ ድርጅቶች በተቋቋሙበት ዓላማ እና በህግ መሰረት መስራታችውን ለመቆጣጠር የተጠናከረ የክትትልና ቁጥጥር ስራዎች እየተከናወነ ይገኛል፡፡ በቅርቡም በህጉ መሰረት መንቀሳቀሳቸውን በተመለከተ የፋይናንስና የስራ ክንውን ሪፖርት ለተቋማችን ያላቀረቡና ግልጽነትን ያልፈጠሩ 205 ድርጅቶች እንዲሁም በአዲሱ አዋጅ መሰረት ዳግም ያልተመዘገቡ 1514 ድርጅቶች በድምሩ 1719 ድርጅቶች ፍቃዳቸው ተሰርዞ ህጋዊ ሰውነት እንዲያጡ ተደርጓል፡፡ በተጨማሪም ህግን ተከትለው በተቋቋሙበት ዓላማ መሰረት ያልተንቀሳቀሱ ድርጅቶች የታገዱ ሲሆን የማጣራት ስራውን ሲጠናቀቅ የመጨረሻ ውሳኔ የሚሰጥበት ይሆናል፡፡ በቀጣይም ሲማዶች ህግን ተከትለው በተቋቋሙበት ዓላማ ብቻ እንዲቀንቀሳቀሱ ለማረጋገጥ የክትትልና ቁጥጥር ስራው ተጠናክሮ የሚቀጥል ይሆናል፡፡ የተጠናከረ የክትትልና ቁጥጥር ስራ ሲቪል ማህበራት የበለጠ ውጤታማ እንዲሆኑ እና በዘርፉ የተጀመረው ሪፎርም መሰረት እንዲይዝና እንዲፀና የሚያደርግ መሆኑ ግንዛቤ ሊያዝበት ያስፈልጋል፡፡ ስለሆነም ከባለስልጣን መ/ቤታችን ክትትልና ቁጥጥር በተጨማሪ ሴክተሩ የእርስ በእርስ ቁጥጥር ስርዓትን በተሟላ መልኩ ተግባራዊ ማድረግ ላይ ትኩረት አድርጎ እንዲሰራ እያሳሰብኩ ተቋማችን አስፈላጊውን ድጋፍ የሚያደርግ መሆኑን ለማረጋገጥ እወዳለሁ፡፡
ክቡራትና ክቡራን
በዚህ 4ኛው የሲቪል ማህበረሰብ ድርጅቶች ሳምንት ሀሳብን ቀስቃሽ ውይይቶች ላይ እንሳተፋለን፣ አዳዲስ ሀሳቦችን እንለዋወጣለን፣ አዲስ አጋርነት እንፈጥራለን፣ ተግዳሮቶችን እንመረምራለን፣ የጋራ አላማዎቻችንን ለማሳካት ያሉ እድሎችን እንለያለን እንዲሁም የሲቪል ማህበራትን እንቅስቃሴ በኢግዚቪሽን በመመልከት ግንዛቤያችንን እናሳድጋለን። ይህንን መድረክ ተጠቅመን የሁሉም ነገሮች መሠረት ለሆኑት ለዘላቂ ሰላም ግንባታ እና ለዘላቂ ልማት ያለንን ቁርጠኝነት በተግባር ለማሳየት ቃላችንን ዳግም ለማደስ እንጠቀምበት። የበለጸገች ሀገርን ለመገንባት እና በዜጎቻችን ህይወት ላይ ዘላቂ ለውጥ ለማምጣት ሁላችንም የበኩላችንን ሀላፊነት እንድንወጣ ጥሪዮን አስተላልፋለሁ። በዚሁ አጋጣሚ ዛሬን ጨምሮ ለሚቀጥሉት ሶስት ቀናት በተዘጋጁት ልዩ ልዩ አውደ ጥናቶችና የምክክር መድረኮች ላይ ሁላችሁም በንቃት እንድትሳተፉ እንዲሁም ባለድሻ አካላት፣ ሲቪል ማህበራትና መላው ህብረተሰብ አውደ ርዕዮችን እንዲጉበኝ የከበረ ጥሪየን አስተላልፋለሁ።
በመጨረሻም ይህንን ዝግጅት ከተቋማችን ጋር በጋራ በመተባበር ላዘጋጀው ለሲቪል ማህበረሰብ ድርጅቶች ምክር ቤት፣ ለተቋማችን አዘጋጅ ኮሚቴ አባላት፣ ለዝግጅቱ አጋር አካላት፣ በፓናል ውይይት እና በኢግዚቪሽን ዝግጅት በቀጥታ ለሚሳተፉ ሲቪል ማህበራት፣ ለፕሮግራሙ ተሳታፊዎች እንዲሁም ይህ ፕሮግራም እንዲሳካ አስተዋጽኦ ላደረጉ አካላት በሙሉ በራሴና በኢፌዲሪ የሲቪል ማህበረሰብ ድርጅቶች ባለስልጣን ስም ልባዊ ምስጋናዬን እያቀረብኩ 4ኛው የሲቪል ማህበረሰብ ድርጅቶች ሳምንት ፍሬያማና የተሳካ እንዲሆን እመኛለሁ፤
አመሰግናለሁ!!!


አራተኛው የኢትዮጵያ የሲቪል ማህበረሰብ ድርጅቶች ሳምንት (4th CSO Week) በታላቅ የመክፈቻ ዝግጅት ተካሂዷል፡፡
አራተኛው የኢትዮጵያ የሲቪል ማህበረሰብ ድርጅቶች ሳምንት (4th CSO Week) በታላቅ የመክፈቻ ዝግጅት ተካሂዷል፡፡
በመክፈቻ ፕሮግራሙ ላይ የህዝብ ተወካዬች ምክርቤት አባላት፣ሚኒስትሮች፣ኮሚሽነሮች፣አንባሳደሮች እና ጥሪ የተደረገላቸው የሲቪል ማህበረሰብ ድርጅት ሃላፊዎች ታዳሚ ሆነዋል፡፡
የመክፈቻ ንግግር ያደረጉት የትራንስፖርት እና ሎጂስቲክስ ሚኒስቴር ሚኒስትር ዶ/ር ዓለሙ ስሜ እንዳሉት ባለፉት ዓመታት ለሲቪል ማህበራት መጎልበት መንግስት ባደረገው ድጋፍ ዜጎች በነፃነት ተደራጅተው ከመቼውም ጊዜ በተለየ መልኩ በንቃት መንቀሳቀስ የሚችሉበት ምቹ አውድ መፍጠር በመቻሉ በርካታ ሲቪል ማህበራት ተመዝግበው የሚንቀሳቀሱበትን ሁኔታ በመፍጠር የሲቪክ ምህዳሩ እንዲሰፋ ተደርጓል ሲሉ ገልጸዋል፡፡
የሲቪል ማህበረሰብ ድርጅቶች በታሪክ ፊት የተፈጠረላቸውን ምቹ ሁኔታዎች በኃላፊነት ስሜት እና በገንቢ ተሳትፎ መንፈስ በአግባቡ በመጠቀም የህዝብንና የአገርን የላቀ ተጠቃሚነት ማረጋገጥ የሚገባቸው መሆኑን ገልጸው ሲቪል ማህበራት በእንቅስቃሴያቸው ሁሉ የህዝብና የአገርን ተጠቃሚነት ማረጋገጥን ማዕከል በማድረግ በተቋቋሙበት ዓላማ መሰረት ህግን አክብሮ መስራት መመሪያቸው ማድረግ የሚገባቸው ይሆናል ሲሉ ተናግረዋል፡፡
የሲቪል ማህበራት ባለፉት የለውጥ አመታት በልማት፣ በዴሞክራሲ፣ በሰላም ግንባታ፣ በሰብዓዊ ድጋፍ በመሳሳሉት ጉዳዮች ላይ ያደረጉት አስተዋፅኦ እያደገ የሄደ መሆኑን መረዳት የሚቻል ቢሆንም ለበለጠ ስኬትና ውጤት መትጋት ይጠበቃል ሲሉ መልዕክታቸውን አስተላልፈዋል፡፡
ሲቪል ማህበራት ህብረ-ብሄራዊ አንድነትን፣ አብሮነትን፣ ልዩነቶችን በውይይት የመፍታት ባህልን፣ ሀገራዊ መግባባትን የመሳሰሉ ወሳኝ አገራዊ ጉዳዮች ላይ ትርጉም ባለው መልኩ በመስራት ሰብዓዊ ልዕልና የተረጋገጠባት፣ኢኮኖሚያዊ ሉዓላዊነትን ያረጋገጠች እና ታላቅ የአፍሪካ ሃይል የሆነች በአለም አቀፍ ደረጃ ተፅእኖ መፍጠር የምትችል ኢትዮጵያን የመገንባት ሂደት ላይ ኃላፊነት በመውሰድ ድርሻቸውን ሊወጡ ይገባልም ብለዋል፡፡
በመጨረሻ ንግግራቸውም ሲቪል ማህበራት በህጉ እንደተደነገገው ከመንግስት የልማት እቅዶች ጋር የተጣጣሙ ስራዎችን በፌዴራልና በክልል ከሚገኙ የመንግስት አካላት ጋር በትብብር ለመስራት በጋራ ማቀድ፣ መፈፀም፣ መወያየት እና መገምገም የሚችሉበትን አውድ የበለጠ እያጠናከሩ መሄድን የሚጠበቅባቸው መሆኑን ገልጸው ለዚህም መንግስት አስፈላጊውን ድጋፍ የሚያደርግ መሆኑን እያረጋገጥኩ ሲቪል ማህበራትም ከዚህ ቀደም የነበረውን አካሄዳችሁን እንደገና በመመርመር እና ቃላችሁን በማደስ ለኢትዮጵያውያን የጋራ ህልም ለሆነው ታላቅ ሃገራዊ ሃላፊነት እንድትረባረቡ ጥሪዮን አቀርባለሁ ሲሉ መልዕክታቸውን አስተላልፈዋ፡፡
የኢትዮጵያ የሲቪል ማኅበረሰብ ድርጅቶች ምክር ቤት ም/ፕረዝዳንት እንዲሁም የጽ/ቤቱ ዋና ዳይሬክተር በመድረኩ መልዕክታቸውን አስተላልፈዋል፡፡ አራተኛው የኢትዮጵያ የሲቪል ማህበረሰብ ድርጅቶች ሳምንት ከ27-29/2017 ዓ.ም በጊዎን ሆቴል እየታየ ይቆያል፡፡
እንኳን ለዓለም አቀፍ የበጎ ፍቃደኞች ቀን አደረሳችሁ!!
እንኳን ለዓለም አቀፍ የበጎ ፍቃደኞች ቀን አደረሳችሁ!!
የዓለም በጎ ፈቃደኝነት ሪፖርቶች እንደሚያመለክቱት በመላው ዓለም ባሉ አብዛኛው ህብረተሰብ ውስጥ በጎ ፈቃደኞች ለኢኮኖሚ እና ማህበራዊ ልማት ከፍተኛ አስተዋፅዖ ያደርጋሉ፡፡ በሚሊዮን የሚቆጠሩ ሰዎች በፈቃደኝነት በልዩ ልዩ ተግባራት በመሳተፍ የሚሊኒየሙን የልማት ግቦች (MDGs) ለማሟላት የበኩላቸውን አስተዋጽኦ ከማበርከታቸውም ባሻገር ለወገኖቻቸው በእውቀታቸውና በጉልበታቸው እያገለገሉ የመንፈስ እርካታን በሰፊው እየሸመቱ ይገኛሉ፡፡
እንደ ዊኪፔዲያ ና ኢንሳይክሎፔዲያ መረጃ መሰረት በጎ ፈቃደኝነት ማለት በግለሰብ ወይም በቡድን ግለሰብን፤ቡድንን ወይም ድርጅትን ለማጎልበት ያለምንም ዓይነት የገንዘብ ድጎማ አገልግሎቶችን የምንሰጥበት ሒደት ነው:: በጎ ፈቃደኝነት ለበጎ ፈቃደኛው እና ወይም ለማህበረሰቡ በርካታ ጥቅሞች ሊኖሩት ይችላል:: በጎ ፈቃደኛነት የክህሎትን ልህቀት ከማጎልበቱም ባሻገር ብዙውን ጊዜ በጎነትን ለማራመድ ወይም የሰዎችን የሰብአዊ ሕይወት ለማሻሻል ይጥራል ፡፡ ብዙ በጎ ፈቃደኞች በሰለጠኑበት ወይም በተካኑት ሙያ እንደ ህክምና, ትምህርት, ወይም ድንገተኛ እዳታን የመሳሰሉ ዘርፎች የሚያገለግሉ ሲሆን ሌሎች ደግሞ በተፈጥሮ አደጋ ምክንያት እንደ አስፈላጊነቱ ግልጋሎት ይሰጣሉ፡፡
ተቋማችንም በአዋጅ 113/2011 ከተሰጡት ተግባራት መካከል በኅብረተሰቡ ዘንድ የበጎ አድራጎት እና በጎ ፈቃደኝነት ባሕል እንዲዳብር ማድረግ ሲሆን ይህንን በተመለከተ የበጎ ፈቃደኝነት ስራ ባህል እንዲሆን፣ በዩኒቨርስቲዎች፣በሲቪል ማህበረሰብ ድርጅቶች፣በማህበረሰቡ እና በተቋም ደረጃ የተለያዩ የግንዛቤ ማስጨበጫ ስራዎች፣የበጎ ፈቃደኝነት ማበረታቻና ስራ አመራር መምሪያ (Voluntarism promotion and management guidance note) ማዘጋጀት፤በጎ ፍቃድ አገልግሎ የሚሰጡ አካላትና በጎ ፍቃደኛን የሚፈልጉ ተቋማትን ማገናኘት የሚችል ሲስተም ተግባራዊ የማድረግ ስራ ከተከናወኑ ተግባራት መካከል የሚጠቀሱ ናቸው፡፡













