ባለስልጣኑ ለተለያዩ ሙያ ማህበራት “የሙያ ማህበራት ድጋፍና አስተዳደር መመሪያ ቁጥር 849” ላይ ስልጠና ሰጠ፡፡



በጦርነቱ ለተፈናቀሉ ዜጎች ድጋፍ ላደረጉ የሲቪል ማህበረሰብ ድርጅቶች የእውቅናና የምስጋና ፕሮግራም በካፒታል ሆቴል እየተካሄደ ይገኛል፡፡







በቤኒሻንጉል ጉሙዝ ክልል በጸደቁ አራት መመሪያዎች ላይ ስልጠና ተሰጠ፡፡
ባለስልጣን መስሪያ ቤቱ ከሲቪል ማህበረሰብ ድርጅቶች ፎረም ጋር በመተባበር በቤኒሻንጉል ጉሙዝ ክልል አሶሳ ለሚገኙ የመንግስት አካላትና በክልሉ ለሚንቀሳቀሱ የሲቪል ማህበረሰብ ድርጅቶች በጸደቁ አራት መመሪያዎች ላይ ስልጠና ሰጠ፡፡ ስልጠናው የተሰጠው የሲቪል ማኅበረሰብ ድርጅቶች የአስተዳደር ወጪ አፈፃፀም መመሪያ ቁጥር 847/2014፣ የሲቪል ማህበረሰብ ፈንድ አስተዳደር መመሪያ ቁጥር 848/2014፣ የሙያ ማህበራት ድጋፍ እና አስተዳደር መመሪያ ቁጥር 849/2014 እና የሂሣብ አጣሪዎች፣ የድርጅት ንብረት ግዢ፣ ሽያጭና አወጋገድ ቁጥር 850/2014 በሚሉት መመሪያዎች ላይ ሲሆን የሥልጠናው ተሳታፊዎች በክልሉ የሚንቀሳቀሱ የሲቪል ማህበረሰብ ድርጅቶችና የክልሉ ባለድርሻ የመንግስት አካላት ናቸው፡፡ በሲቪል ማህበረሰብ ድርጅቶች ባለስልጣን የሲቪል ማህበረሰብ ድረጅቶች ንብረት አስተዳደር ዳይሬክቶሬት ዳይሬክተር አቶ ኃይለማሪያም አየለ የስልጠናውን ዓላማ ባስተዋወቁበት ወቅት እንደተናገሩት ባለስልጣን መስሪያ ቤቱ አዋጅ ቁጥር 1113/2011ን ለማስፈጸም የሚያስችሉ 4 መመሪያዎች ጸድቀው ካለፈው ህዳር ወር ጀምሮ ወደስራ መግባታቸውን አንስተው መመሪያዎቹ በሚገባ ተግባር ላይ እንዲውሉ ሁሉም የሲቪል ማህበረሰብ ድርጅቶችና የመንግስት አካላት ተመሳሳይ መረዳት ሊኖር የሚገባ በመሆኑ ይህ ስልጠና ተዘጋጅቷል ብለዋል፡፡



ባለስልጣን መስሪያ ቤቱ 18 መመሪያዎችን ማዘጋጀቱን ያነሱት አቶ ኃይለማሪያም ከነዚህ 18 መመሪያዎች ውስጥ አራቱ በተግባር ላይ ሲገኙ፣ 6ቱ በቅርቡ ጸድቀው ወደተግባር የሚገቡ ሲሆን ቀሪዎቹ 08 መመሪያዎች ላይ ደግሞ በቅርቡ ግብዓት ለመሰብሰብ በሂደት ላይ መሆኑን አንስተዋል፡፡ ይህ ስልጠና በሁሉም ክልሎች በቅደም ተከተል የሚከናወን እንደሆነ አንስተው በቤኒሻንጉል ጉሙዝ ክልል የሚሰጠው ይህ ስልጠና የመጀመሪያው እንደሆነ አንስተዋል፡፡ በቤኒሻንጉል ጉሙዝ ክልላዊ መንግስት ገንዘብና ኢኮኖሚ ልማት ቢሮ የልማት አጋር ዳይሬክቶሬት ዳይሬክተር የሆኑት አቶ ረሺድ ሙስጠፋ የቢሮውን መልዕክት ባስተላለፉበት ወቅት የሲቪል ማህበረተሰብ ድርጅቶች ባለስልጣን በአራቱ የጸደቁ መመሪያዎች ላይ በሁሉም ክልሎች ሰልጠና ለመስጠት ባስቀመጠው አቅጣጫ መሰረት በክልሉ በመጀመሩ ትልቅ ደስታ እንደተሰማቸው ገልጸዋል፡፡ ይህ ስልጠና በክልሉ የገንዘብና ኢኮኖሚ ልማት ቢሮና በፌደራል የሲቪል ማህበረሰብ ድርጅቶች ባለስልጣን እንዲሁም በሲቪል ሶሳይቲ ፎረም ጥረት ብቻ ውጤት የሚያመጣ ባለመሆኑ እዚህ የተገኛችሁ መንግስታዊና መንግስታዊ ያልሆናችሁ ድርጅቶች ሁሉ ለአፈጻጸሙ ጥረትና ተሳትፎ ማድረጋችሁ አስፈላጊ ነው ብለዋል፡፡ ለስልጠናው ዓላማ መሳካትም ሆነ ስራ ላይ እንዲውል ተገቢው ክትትል እንደሚደረግ አንስተው ለባለስልጣን መስሪያቤቱ እና ለሲቪል ማህበረሰብ ድርጅቶች ፎረም ምስጋናቸውን አቅርበዋል፡፡

በስልጠናው ላይ ተሳታፊ የነበሩ የሲቪል ማህበረሰብ ድርጅቶች ተወካዮች በሰጡት አስተያየት ባለስልጣን መስሪያ ቤቱ በክልሉ ይህን ዓይነት መድረክ ማዘጋጀት መቻሉ የሚያስደስት መሆኑን አንስተው በተለይ ቀደም ሲል ከነበረው ስም ተላቆ ወደእኛ መቅረብ በመቻሉ እጅግ ከፍተኛ ደስታ ተሰምቶናል ብለዋል፡፡ በመመሪዎቹ ላይ ከተሳታፊዎች በርካታ ጥያቄዎች ተነስተው በአሰልጣኞቹ ምላሽ ተሰጥቶባቸዋል፡፡ ቀደም ሲል በሁሉም ክልሎች እየተዘዋወሩ ስልጠናውን ለሚሰጡ ባለሙያዎችና የስራ ኃላፊዎች የአሰልጣኞች ስልጠና የተሰጠ ሲሆን በጸደቁ አራት መመሪያዎች ላይ የሚሰጠው ይህ ስልጠና በሁሉም ክልሎች እንደሚሰጥ ተጠቁሟል፡፡ በቤኒሻንጉል ጉሙዝ ክልል አሶሳ ከተማ የተጀመረው ይህ ስልጠና በሲቪል ማኅበረሰብ ድርጅቶች ባለስልጣን፣ በቤኒሻንጉል ጉሙዝ ክልላዊ መንግስት የፋይናንስና ኢኮኖሚ ልማት ቢሮ እንድሁም በሲቪል ማህበረሰብ ድርጅቶች ፎረም አማካኝነት የተዘጋጀ ነው፡፡
ባለስልጣኑ የጀመራቸውን የለውጥ ስራዎች ለማስቀጠል አጋር ድርጅቶች ድጋፍ እንዲያደርጉ ተጠየቀ ፡፡




የሲቪል ማኅበረሰብ ድርጅቶች ባለስልጣን ለተቋሙ ሰራተኞች ለሁለተኛ ዙር በስነ ምግባር መርሆችና አገልግሎት አሰጣጥ ላይ ስልጠና እየሰጠ ይገኛል፡፡



የህግ ፍትህና ዲሞክራሲ ቋሚ ኮሚቴ አባላት የተቋሙን የስራ እንቅስቃሴ በአካል በመገኘት ተመልክተዋል፡፡



በአለም ባንክ ድጋፍ በባለስልጣን መስሪያ ቤቱ ለሚተገበረው የማህበራዊ ተጠያቂነት ፕሮግራም (social accountability program) ፕሮጀክት የትውውቅ መርኃ ግብር ተካሄደ፡፡
ከአለም ባንክና ከገንዘብ ሚንስቴር ጋር ለረጅም ጊዜ ስንነጋገር ቆይተናል ያሉት ዋና ዳይሬክተሩ ባለስልጣን መስሪያ ቤቱ በስሩ በርካታ የሲቪል ማህበረሰብ ድርጅቶችን የሚመራ እንደመሆኑ ከኛ ጋር ለመስራት መምጣታችሁ እጅግ ደስተኞች ነን እናንተም ትክክለኛው ቦታ መምጣታችሁን ላረጋግጥላችሁ እወዳለሁ ብለዋል፡፡ ባለስልጣን መስሪያ ቤቱ ለፕሮጀክቱ አዲስ ይሁን እንጂ ማህበራዊ ተጠያቂነትን በተቋሙ ለማረጋገጥ ስራዎችን ሲሰራ መቆየቱን ጠቁመው ለዚህም ማሳያ ሰባት አባላት ያሉት መማክርት ጉባዔ በተቋሙ መቋቋሙንና ወደተግባር መግባቱን ማሳያ አድርገው አንስተዋል፡፡





ህብረተሰቡ ኦቲዝምን በተመለከተ ያለውን ግንዛቤ እንዲያዳብር እና ኦቲዝም ላለባቸው ልጆች ትኩረት በመስጠት ሀገር ተረካቢ ዜጋ እንዲሆኑ የድርሻውን እንዲያበረክት የተቋሙ ዋና ዳይሬክተር አቶ ጂማ ዲልቦ መልዕክታቸውን አስተላልፈዋል፡፡



ባለስልጣን መስሪያ ቤቱ በበጀት ዓመቱ አዲስ ለተቀጠሩ ሰራተኞች በመንግስት ሰራተኞች አዋጅ ቁጥር 1064/2010 እና በስነ ምግባርና አገልግሎት አሰጣጥ ላይ ስልጠና እየሰጠ ይገኛል፡፡
ለሶስት ቀናት በሚቆየው በዚህ ስልጠና በስነ ምግባርና አገልጋይነት፣ በሙስና ጽንሰ ሀሳቦችና ዓይነቶች እንዲሁም በሙስና መከላከል መንገዶች ላይ የሚያተኩሩ ርዕሰ ጉዳዮች ላይ በመጀመሪያው ክፍል የሚሰጥ ሲሆን በመንግስት ሰራተኞች አዋጅ ቁጥር 1064/2010 እንዲሁም የሰው ኃብት እቅድና ስምሪት፣ የስራ አፈጻጸምና የደረጃ እድገት፣ የስራ ሰዓትና ፈቃድ እንዲሁም የዲሲፒሊን ርምጃዎችን ጨምሮ መብትና ግዴታዎችን የተመለከቱ ርዕሰ ጉዳዮች ላይ በቀጣዮቹ ቀናት ስልጠናው የሚሰጥ ይሆናል፡፡
በስልጠናው መክፈቻ ላይ የባለስልጣን መስሪያ ቤቱ የሰው ኃብት ልማትና አስተዳደር ዳይሬክቶሬት ዳይሬክተር አቶ ደጀኔ ጌታቸው እንዳሉት ይህ ስልጠና መሰረታዊ በመሆኑ በስራ ሂወታችሁ ብቻ ሳይሆን በየትኛውም ተቋም ጠቃሚ ነው ብለዋል፡፡ አያይዘውም የተቋሙ ሰራኞች ብቁና ውጤታማ እንዲሆኑ በቀጣይም የተለያዩ የአቅም ግንባታ ስልጠናዎች ከመስጠት ረገድ ትኩረት ተሰጥቶት ይሰራል ሲሉ ገልጸዋል፡፡



የባለስልጣን መስሪያ ቤቱ የስነ ምግባር መከታተያ ዳይሬክቶሬት ዳይሬክተር ወ/ሮ ትዕግስት አቡዬ በበኩላቸው ባለስልጣን መስሪያ ቤቱ በአዋጅ የተሰጠውን ስልጣንና ተግባር ለማስፈጸም በሚያደርገው ሂደት ውስጥ የተቋሙ ሰራተኞችና አመራሮች ከሙስና በጸዳና ስነምግባርን በተላበሰ መልኩ ሊሰሩ ይገባል ሲሉ ገልጸዋል፡፡ ስልጠናው ዛሬን ጨምሮ ለቀጣዮቹ ሶስት ቀናት የሚቀጥል ሲሆን ከስልጠናው በኋላ በስራ አካባቢያቸው መብትና ግዴታቸውን አውቀው መልካም ስነምግባርን ተላብሰው ለተቋሙ ውጤታማነት ቀደም ሲል ያደርጉ ከነበረው በተሻለ መልኩ እንደሚያበረክቱ ይጠበቃል፡፡



4ተኛው የሲቪል ማህበረሰብ ድርጅቶች ባለስልጣን እና የፌደራልና ክልል ባለድርሻ የመንግስት ተቋማት የጋራ ጉባኤ በባህርዳር ከተማ እየተካሄደ ይገኛል፡፡










