Feya integrated development organization በጅማ ከተማ HIV ቫይረስ በደማቸው ውስጥ ላለ የማህበረሰብ ክፍሎች ለምግብነት የሚውሉ ቁሳቁስ ድጋፍ አደረገ፡፡

Feya integrated development organization በጅማ ከተማ HIV ቫይረስ በደማቸው ውስጥ ላለ የማህበረሰብ ክፍሎች ለምግብነት የሚውሉ ቁሳቁስ ድጋፍ አደረገ፡፡

ቤተሰብ ላይ ያተኮረ ኤችአይቪ ኤድስ መከላከል እንክብካቤና ህክምና አገልግሎት ፕሮጀክት/ Family focused HIV prevention care and treatment activities/ ስር ለሚገኙ 15 ሺህ ህጻናት እና 2414 ቤተሰቦች ድጋፍና እንክብካቤ እየተደረገላቸው እንደሚገኝ የኦሮሚያ ፕሮጀክት አስተባባሪ አቶ ፍጽም ደሳለኝ ገልጸዋል፡፡

በ2017 በጀት ዓመት 729 ለሚሆኑ ማህበረሰብ ክፍሎች ተደራሽ የሆኑ ሲሆን በትላንትናው ዕለትም በጅማ ከተማ ለሚኖሩ 424 ተማሪዎች ዩኒፎርም እና የትምህርት ቁሳቁስ ድጋፍ፣ ለ200 ሴት ተማሪዎች የንጽህና መጠበቂያ እና ለ 258 ቤተሰቦች ለምግብነት እና ለገቢ ማስገኛነት የሚውሉ የቁሳቁስ ድጋፍ አድርጓል፡፡

Click the button

የድርጅቱ መስራችና ዋና ዳይሬክተር ዶ/ር አንበሱ ቶላ በንግራቸው እንደገለጹት የዛሬ ሃያ አንድ ዓመት በትንሽ አገልግሎት የተጀመረው የሰብዓዊነት ስራ አሁን ላይ ተቋም ሆኖ በብዙ የሃገሪቱ ክፍሎች ላይ ተደራሽ እየሆኑ መምጣታቸውን ገልጸዋል፡፡

በክብር እንግድነት የተገኙት ዶ/ር ነገሪ ሌንጮ፣ የተቋማችን ዋና ዳይሬክተር አቶ ሳምሶን ቢራቱ፣ም/ዋና ዳይሬክተሮች አቶ ፋሲካው ሞላ እና አቶ መስፍን ሙሉነህ ፣ የድርጅቱ መስራች ዶ/ር አንበሱ እና ሌሎች የክብር እንግዶች በጋራ በመሆን ስጦታውን አበርክተዋል፡፡Feya integrated development organization በልማት እና አስቸኳይ ጊዜ እርዳታ ላይ የሚሰራ ሃገር በቀል ድርጅት ነው፡፡

Click the button

የኢፌደሪ የሲቪል ማኅበረሰብ ድርጅቶች ባለስልጣን አመራርና ሰራተኞች 18ኛውን የብሔራዊ ሰንደቅ ዓላማ ቀን “ሰንደቅ ዓላማችን ለኢትዮጵያ ታላቅ የከፍታ ዘመን ብስራት፤ ለብሔራዊ አንድነታችን፣ ለሉዓላዊነታችንና ለሕዳሴያችን!!!” በሚል መሪ ቃል አከበሩ፡፡

የበዓሉ ዋና ዓላማ ስለ ሰንደቅ ዓላማ ምንነት፣ ክብርና ትርጓሜ በተገቢው መንገድ ዜጎች አንዲረዱ በማድረግ ለሀገራችን ሉዓላዊነት፤ለነጻነት እና ለሰንደቃችን ክብር የተደረገውንና እየተደረገ ያለውን ተጋድሎ ተገቢውን እውቅና በመስጠት የጋራ ሀገራዊ መግባባት እና ሕብረብሔራዊ ወንድማማችነትንና እህትማማችነት በማጠናከር ብሔራዊ አንድነትን ማፅናት መሆኑን የባለስልጣን መስሪያቤቱ ዋና ዳይሬክተር አቶ ሳምሶን ቢራቱ ባስተላለፉት መልዕክት ገልጸዋል፡፡

ይህንን ቀን ስናከብር ታላቁ የኢትዮጵያ ሕዳሴ ግድብ ምርቃት፣ በሶማሌ ክልል 111 ሚሊዮን ሊትር ማምረት የሚችለውን የኦጋዴን ፈሳሽ የተፈጥሮ ጋዝ ፕሮጀክት የመጀመሪያ ዙር ምርቃትና ከሁሉ በላይ የመንግስት ሰራተኞች ደሞዝ በተጨመረበት ወቅት መሆኑ ልዩ ያደርገዋል ብለዋል፡፡

ቃል በተግባር መርሁ የሆነው መንግስታችን የመንግስትን አገልግሎትና አስተዳደር ሪፎርም በላቀ ደረጃ ለማስፈጸም ለመንግስት ሰራተኞች እና አመራሮች የደሞዝ አስኬል ማሻሻያ ያደረገ ሲሆን በዛሬዉ እለትም የባንዲራ ቀንን ስናከብር ማህበረሰቡን ከተከፈለን በላይ ለማገልገል ቃል በመግባት እና የሃገራችንን የከፍታ ጉዞ በማሳብ ሊሆን ይገባል ሲሉ መልዕክታቸውን አስተላልፈዋል፡፡

መንግስት ሰራተኛው ላይ ያደረገውን ከፍተኛ ለውጥ በመረዳት፤የሀገራችንን ሁለንተናዊ ብልጽግና ለማረጋገጥ የመንግስትን ህግና ደንብ በማክበር፤ የተሰጠንን የመንግስት ስራ በቁርጠኝነት በመፈጸም የኢትዮጵያን ከፍታ ለማረጋገጥ መስራት ይጠበቅባችኋል ሲሉም ተናግረዋል፡፡

በመርሃ ግብሩ የኢትዮጵያ ብሔራዊ ህዝብ መዝሙር መዘመር እና በጋራ ቃለ መሃላ የመፈጸም ስራ ተሰርቷል፡፡


ካሊድ ፋውንዴሽን ከኢፌዲሪ ሲቪል ማኅበረሰብ ድርጅቶች ባለስልጣን ጋር በመተባበር ለሶስት ሆስፒታሎች የህክምና ቁሳቁስ ድጋፍ አደረገ፡፡

በደቡብ ፈረንሳይ ሰላም ኢትዮጵያ መረዳጃ ማህበር ከወንድም ካሊድ ፋውንዴሽን ጋር በመተባበር በኢፌደሪ ሲቪል ማህበረሰብ ድርጅቶች ባለስልጣን ትብብር ለጎንደር ዩኒቨርስቲ ጠቅላላ ሆስፒታል፣ ለወልዲያ አጠቃይ ስፔሻላይዝድ ሆስፒታል እና ለኮንቦልቻ ጠቅላላ ሆስፒታል 30 ሚሊየን ብር የሚገመት የህክምና ቁሳቁስ ድጋፍ ተደረገ፡፡

በርክክብ ስነ ስርዓቱ ላይ የኢፌዲሪ ጤና ሚኒስቴር ሚኒስትር ዶ/ር መቅደስ ዳባ ፣የባለስልጣን መስሪያቤቱ ም/ዋና ዳይሬክተሮች አቶ ፋሲካው ሞላ እና አቶ መስፍን ሙሉነህ፣የፋውንዴሽኑ ም/የቦርድ ሰብሳቢ አርቲስት ሰራዊት ፍቅሬ ፣የሶስቱ ሆስፒታሎች ተወካይ እና ሌሎች የሚመለከታቸው አካላት ተሳታፊ ሆነዋል፡፡

ክብርት ሚኒስትሯ ባደረጉት ንግግር የበጎ ፍቃድ ስራ አስኪለመድ ግዜ ይወስዳል ነገር ግን ከተጀመረ በኋላ ባህል መሆን እንደሚችል ካሊድ ማሳያ ነው ብለዋል፡፡
በኮቪድ ወቅት በራሳቸው ፍቃድ በራቸውን ከፍተው ማዕድ ያጋሩበትና ለሰው የደረሱበት ተግባር ዘር ሆኖ እዚህ ደርሷል በማለት አሁንም ግለሰብ፣ቤተሰብ እና ማህበረሰብ የሚገነባበት ቤት በመሆኑ ተጠናክሮ ሊቀጥል ይገባል ሲሉ ተናግረዋል፡፡

የኢፌዲሪ የሲቪል ማህበረሰብ ድርጅቶች ባለስልጣን ም/ዋና ዳይሬክተር አቶ ፋሲካው ሞላ ባስተላለፉት መልዕክት  በፋውንዴሽኑ በርካታ ከጎዳና ላይ የሚኖሩ ወጣቶችና ሴቶችን ስልጠና በመስጠትና እራሳቸውን እንዲችሉ ማድረጉን እና በሃገራዊ ጉዳዬች ላይ የችግኝ ተከላ፣ የህዳሴ ግድብ ግንባታ፣የአቅመ ደካማ ቤቶች ግንባታ ስራ ላይ እየተሳተፉ መሆኑን ተመልክተናል ብለዋል፡:

አምራች ዜጋ እንዲፈጠር ህጻናት በመጠለያ እንዲያድጉ የተደረገውን ስራ ባለስልጣን መስሪያ ቤቱ ትልቅ ክብር አለው ያሉት ም/ዋና ዳይሬክተሩ ወንድም ካሊድ ፋውንዴሽንን የመሰሉ የበጎ አድራጎት ድርጅቶችን የመመዝገብ ብቻ ሳይሆን ድጋፍ የማድረግም ሃላፊነት ባለስልጣን መስሪያቤቱ ስላለበት ለሌሎችም ሞዴል እንዲሆን እንሰራለን ብለዋል፡፡

ፋውንዴሽኑ ከዚህ ቀደም በአጭር ጊዜ ጥሪ ሰብዓዊ ድጋፍ ላይ መሳተፋን ገልጸው የዛሬው ድጋፍም ከዚህ ቀደም በገቡት ቃል መሰረት የፈጸሙት መሆኑን በመግለጽ ለዚህ ሁሉ ድጋፍ መነሻ የሆኑትን በደቡብ ፈረንሳይ ሰላም ኢትዮጵያ መረዳጃ ማህበርን አመስግነዋል ፡፡

ወንድም ካሊድ በሰጠው ማብራሪያ አሁን ላይ በፋውንዴሽኑ 120 እናቶች ከነልጆቻቸው እና ከ400 በላይ ወጣቶች መኖራቸውን ገልጸው የዛሬው ድጋፋ ከዛሬ ሁለት ዓመት በፊት በሰሜኑ የሃገራችን ክፍል በተፈጠረው ችግር ምክንያት ድጋፍ ለማድረግ የተሰራ ስራ መሆኑን አብራርተዋል፡፡

ፋውንዴሽናቸው ከተለያዩ መንግስታዊና መንግስታዊ ካልሆኑ ድርጅቶች ጋር በቅንጅት የሚሰራ ሲሆን በልዩ ሁኔታ የኢትዮጵያ አየር መንገድን እና ET ፋውንዴሽንን አመስግነዋል፡፡ በመጨረሻም ድርጅቱን የመጎብኘት እና ማዕድ የማጋራት ስራ ተሰርቷል፡፡


የሲቪል ማህበረሰብ ድርጅቶች አዋጅ ቁጥር 1113/2011 ረቂቅ ማሻሻያ ላይ ውይይት ተደረገ፡፡

የሲቪል ማህበረሰብ ድርጅቶች አዋጅ ቁጥር 1113/2011 ረቂቅ ማሻሻያ ላይ ውይይት ተደረገ፡፡

የሲቪል ማህበረሰብ ድርጅቶች ባለስልጣን ከባለድርሻ የሲቪል ማህበረሰብ ድርጅቶች ጋር በሲቪል ማህበረሰብ ድርጅቶች አዋጅ ቁጥር 1113/2011 ማሻሻያ ረቂቅ አዋጅ ላይ በባለስልጣን መስሪያ ቤቱ የስብሰባ አዳራሽ ለግማሽ ቀን የቆየ ውይይት አካሂዷል፡፡

በውይይቱ ላይ የባለስልጣን መስሪያ ቤቱ ከፍተኛ የስራ ኃላፊዎች፣ የሲቪል ማህበረሰብ ድርጅቶች ምክር ቤት ተወካዮችና የተለያዩ የሲቪል ማህበረሰብ ድርጅቶች ተወካዮች ተሳታፊ ሆነዋል፡፡

ውይይቱ የተደረገው ለሁለተኛ ጊዜ ሲሆን ቀደም ሲል በነበረው ውይይት ተሰጥተው የነበሩ ሃሳብና አስተያየቶችን በማከል ተጨማሪ ግብዓት ለማሰባሰብ የተደረገ የውይይት መድረክ ነው፡፡
የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ የውይይት መድረኩን በንግግር ያስጀመሩ ሲሆን ረቂቅ ማሻሻያውን በሚመለከት ሰነድ ቀርቦ ሰፊ ውይይት ተደርጎበታል፡፡ ለውይይቶቹ ምላሽና ማብራሪያ በባለስልጣን መስሪያ ቤቱ ምክትል ዋና ዳይሬክተር አቶ ፋሲካው ሞላ እንዲሁም አቶ አዲስ ጌትነት በፍትህ ሚኒስቴር የህግ ማርቀቅ ዳይሬክቶሬት ጀነራል ተሰጥቷል፡፡

Click the button

የበጎ ፍቃድ የሞባይል አፕልኬሽን ተዘጋጅቶ ከባለድርሻ አካላት ጋር ውይይት ተደረገበት ፡፡


የሲቪል ማህበረሰብ ድርጅቶች ባለስልጣን አመራሮችና ሰራተኞች ለ14ኛ ጊዜ የደም ልገሳ መርኃ ግብር አካሄዱ፡፡


ባለስልጣን መስሪያቤቱ ለዩኒቨርስቲ ተማሪዎች የበጎ ፈቃደኝነት ባህልና እሴትን የተላበሱ እንዲሆኑ ለማድረግ የግንዛቤ ማስጨበጫ ስጠናዎች መሰጠት አስፈላጊ መሆኑ ተገለፀ፡፡

ባለስልጣን መስሪያቤቱ ለዩኒቨርስቲ ተማሪዎች የበጎ ፈቃደኝነት ባህልና እሴትን የተላበሱ እንዲሆኑ ለማድረግ የግንዛቤ ማስጨበጫ ስጠናዎች መሰጠት አስፈላጊ መሆኑ ተገለፀ፡፡

በጎ ፈቃድ አብሮነትና ሀገራዊ አንድነት እንዲጎለብት፣ማኅበራዊ መስተጋብር እንዲጠናከር፣ ሰላምና ሀገራዊ መግባባት እንዲፈጠር፣ የልማት ዓላማ ግቡን እንዲመታ፣ የበጎ ፈቃድ ተግባር ለሀገር ካለው ጥቅም አንፃር ባህል እንዲሆን፣ በጎ ፈቃደኞች ለሀገር እና ለወገን ያላቸውን ፍቅር በተግባር እንዲገልጹ ለማስቻል ዋንኛ መሳሪያ ነው፡፡
ሲቪል ማህበረሰብ ድርጅቶች ባለስልጣን በአዋጅ 1113/2011 ከተሰጡት ስልጣንና ተግባር መካከል አንዱ የበጎ ፈቃደኝነትን ባህልና እንቅስቃሴ ማበረታታት፣ የበጎ ፈቃደኝነትን በተመለከተ የስርጸት ስራ መስራት አንዱ ሲሆን የተሰጠውን ሀላፊነት በአግባቡ ለመወጣት እና በጎ ፈቃደኝነት በማህበረሰቡ ውስጥ ባህል ለማድረግ ለዩኒቨርስቲ ተማሪዎች በመስጠት ላይ ይገኛል፡፡
የተሰጠውን ሀላፊነት ከግብ ለማድረስ ባለስልጣን መስሪያ ቤቱ ከCrossroads international ጋር በመተባበር በጅማ ዩኒቨርስቲ ከተለያዩ የትምህርት ክፍሎች ለተወጣጡ በበጎ ፈቃድ ላይ ለሚሳተፉ ተማሪዎች እና ለዩኒቨርሲቲው ማህበረሰብ በበጎ ፈቃደኝነትና በጎ አድራጊነት ባህል ዙሪያ እንዲሁም የበጎ ፈቃድ ክበባትን ማጠናከር ላይ ያተኮረ ስልጠና ተሰጥቷል፡፡
በስልጠናው ላይ የሲቪል ማህበረሰብ ድርጅቶች ባለስልጣን ም/ዋና ዳይሬክተሮች አቶ ፋሲካው ሞላ እና አቶ መስፍን ሙልነህ እንዲሁም የጅማ ዩኒቨርስቲ ፕሬዝዳንት ዶ/ር ጀማል አባፊጣ እንዲሁም የተማሪዎች አገልግሎት ሀላፊ ዶ/ር ተስፋዬ አጋ እና ተማሪዎች ተሳታፊ ሆነዋል፡፡

የጅማ ዩኒቨርስቲ ፕሬዝዳንት ዶ/ር ጀማል አባፊጣ እንደተናገሩት በበጎ ፈቃደኝነት ላይ ተማሪዎች መሳተፍቸው ጠቀሜታዎች እንዳሉት በማውሳት በዋናነት ዜጎችን ለማነፅ፣ ለህብረተሰብ በጋራ ለመተሳሰብ ፣ለህብረብሄራዊ አንድነት ጭምር ከፍተኛ አስተዋጽኦ አለው ሲሉ ገልፀዋል፡፡
አያይዘውም የጅማ ዩኒቨርስቲ በማህበረሰብ አቀፍ የትምህርት ፍልስፍና እንደሚታወቀው ሁሉ ተማሪዎች በተለያዩ ፕሮግራሞች ውስጥ በመሳተፍ ከማህበረሰቡ ጋር በመስራት ከራሳቸውን እውቀት ጋር በማስተሳሰር ችግሮችን በመፍታት ላይ እንደሚገኙ አንስተዋል፡፡
ተማሪዎች ያላቸውን እውቀትና አቅም በማስተባበር አቅመ ደካሞችንና ችግረኞችን ቀና ማድረግ ስራ ለመስራት በበጎ ፈቃደኝት ዙሪያ ስልጠናዎችን በመውሰድ አቅማቸውን መገንባት እንዳለባቸው ገልፀዋል፡:
የሲቪል ማህበረሰብ ድርጅቶች ባለስልጣን በዚህ ወቅት ለጂማ ዩኒቨርስቲ ተማሪዎች በበጎ ፈቃደኝነት ላይ ስልጠናዎችን ለመስጠትና ለዩኒቨርስቲው ጋር በጋራ ለመስራት ላሳየው ቁርጠኝነት ምስጋናቸውን አቅርበዋል፡፡
በስጠናውደ ላይ የተገኙት የሲቪል ማህበረሰብ ድርጅኝቶች ባለስልጣን ም/ዋና ዳይሬክተር አቶ ፋሲካው ሞላ እንዳሉት ባለስልጣን መስሪያቤቱ ለዩኒቨርሲቲ ተማሪዎች በበጎ ፈቃደኝነት ዙሪያ እየሰጠ ያለው ስልጠና ተማሪዎች የበጎ ፈቃደኝነት ባህልና እሴትን የተላበሱ እንዲሆኑ ለማድረግ መሆኑን አንስተው ወጣቶችም በታማኝነት አገርን ማገልገል እንዳለባቸው ገልፀዋል፡፡
አክለውም ማንኛውም ዜጋ በጎ ፈቃደኝነትን እሴትና ስነ-ምግባር በመላበስ የዕለት ተዕለት ህይወታቸው አካል ማድረግ እንዳለባቸው ተናግረዋል፡፡
በመጨረሻም ይህ ስልጠና የተሳካ እንዲሆን ድጋፍ ላደረጉ አካላት ለCrossroads international እና ለጅማ ዩኒቨርርቲ ምስጋናቸውን አቅርበዋል፡፡
ስልጠናውን የሰጡት ከሲቪል ማህበረሰብ ድርጅቶች ባለስልጣን የበጎ ፈቃድ ማጎልበትና ትብብር መሪ ስራ አስፈጻሚ አቶ አሉላ ሚሊዮን፣ በበጎ ፈቃድ ዙሪያ እና (vmis) ፕላት ፎርም ላይ ለተማሪዎች ስልጠናውን ሰጥተዋል፡፡


የሲቪል ማህበረሰብ ድርጅቶች ባለስልጣን ከማሪ ስቶፕስ ኢንተርናሸናል (MSI-Ethiopia) ጋር በዲጂታላይዜሽን ዘርፍ ላይ በጋራ ለመስራት የሚያስችል የስምምነት ሰነድ ተፈራረሙ፡፡

የሲቪል ማህበረሰብ ድርጅቶች ባለስልጣን ከማሪ ስቶፕስ ኢንተርናሸናል (MSI-Ethiopia) ጋር በዲጂታላይዜሽን ዘርፍ ላይ በጋራ ለመስራት የሚያስችል የስምምነት ሰነድ ተፈራረሙ፡፡

የሲቪል ማህበረሰብ ድርጅቶች ባለሰስልጣን ከማሪ ስቶፕስ ኢንተርናሽናል (MSI-Ethiopia) ጋር የባለስልጣን መስሪያ ቤቱን የዲጂታል ስርዓት ለማዘመን የሚያስችል የመግባቢያ ስምምነት ሰነድ ተፈራርመዋል፡፡ የስምምነት ሰነዱ ባለስልጣን መስሪያ ቤቱ የተቋሙን መዝገብ ቤት ወደ ዲጂታል ስርዓት ለመቀየር የሚያሰችለው ነው፡፡
የስምምነት ሰነዱን የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ እንዲሁም ከማሪ ስቶፕስ የኢትዮጵያ (MSI-Ethiopia) ተወካይ ዶ/ር አበበ ሽብሩ ተፈራርዋል፡፡
በፊርማ ስነስርዓቱ ላይ ከባለስልጣን መስሪያ ቤቱ ጋር በጋራ የሚሰሩ ስራዎችን በሚመለከት ውይይት የተደረገ ሲሆን የማሪ ስቶፕስ ኢንተርናሽናል (MSI-Ethiopia) የኢትዮጵያ ተወካይ ዶ/ር አበበ ሽብሩ የባለስልጣን መስሪያ ቤቱን መዝገብ ቤት አሁናዊ ሁኔታ ምልከታ አድርገዋል፡፡

Click the button

የሲቪል ማኅበረሰብ ድርጅቶችና የባለድርሻ አካላት የትብብርና ቅንጅት መድረክ የፌደራልና የክልል አመራሮች ፎረም ተካሄደ፡፡

ከዚህ ቀደም በፌደራል ደረጃ የሲቪል ማህበረሰብ ድርጅቶችና የፌደራል ባለድርሻ አካላት የትብብርና የቅንጅት መድረክ ተመስርቶ ወደ ስራ መገባቱ ይታወቃል፡፡ የዛሬው መድረክም በተመሳሳይ ሁኔታ በሁሉም ክልሎች፣የዞን አሰተዳደሮች፣ወረዳዎች እና የከተማ መስተዳድሮች ላይ ትብብርና ቅንጅት ለመፍጠር የሚያስችል አስቻይ ሁኔታ ለመፍጠር ታልሞ የተዘጋጀ መድረክ ነው፡፡
በመድረኩ የሁሉም ክልሎች እና ከተማ መስተዳድር የሚመለከታቸው የስራ ሃላፊዎች እና የሲቪል ማህበረሰብ ድርጅት ጥምረቶች በመድረኩ ተሳታፊ ሆነዋል፡፡ በመድረኩ የመክፈቻ ንግግር ያደረጉት የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ እደገለጹት የኢትዮጵያ መንግስት ባለፉት የለውጥ ዓመታት የሲቪል ማህበረሰብ ድርጅቶች ዘርፍን በማጠናከር በሲቪል ማህበራት እንቅስቃሴ የህዝብ ተጠቃሚነት ለማረጋገጥ የሚያስችል የፖሊሲ፣ የህግና የተቋማዊ ሪፎርም እርምጃዎች በስፋት የወሰደ መሆኑን በመግለጽ የሲቪል ማህበረሰብ ድርጅቶች ባለስልጣንም ሰፊ የሪፎርም ተግባራት በማከናወን በዘርፉም ቀላል የማይባሉ ውጤቶችን ማስመዝገብ መቻሉን ገልጸዋል፡፡

የሲቪል ማኅበረሰብ ድርጅቶችና የባለድርሻ አካላት የትብብርና ቅንጅት መድረክ የፌደራልና የክልል አመራሮች ፎረም ተካሄደ፡፡

በዚህ ዘርፍ እየተካሄደ ያለውን ሪፎርም የበለጠ ለማጠናከር ከፌዴራል ጀምሮ እስከ ክልል ድረስ በሲቪል ማህበረሰብ ድርጅቶች እና ባለድርሻ አካላት መካከል በትብብርና በቅንጅት መስራት የሚቻልበት አውድ እንዲፈጠር በከፍተኛ የመንግስት እርከን የሚመሩ አደረጃጀቶችን ለመፍጠር ጥረት እየተደረገ መሆኑን በማንሳት በዚህም መሰረት በፌደራል ደረጃ በምክትል ጠቅላይ ሚኒስትር የሚመራ የትብብርና ቅንጅት መድረክ ተደራጅቶ ከሚመለከታቸው አካላት ጋር ውይይት ተደርጎበት ወደ ስራ መገባቱን አንስተዋል፡፡
የዛሬው መድረክ ዋና ዓላማም ይህንን የትብብርና ቅንጅት መድረክ በክልሎች ደረጃ በሚዋቀሩበት ሁኔታ ዙሪያ በቂ ግንዛቤ በመያዝ በቀጣይም ለሚከናዎኑ ስራዎች የጋራ መግባባትን እና ተነሳሽነትን መፍጠር መሆኑን ተናግረዋል፡፡
ክቡር አቶ መለሰ ዓለሙ በዴሞክራሲ ስርዓት ግንባታ ማዕከል የዴሞክራሲ ባህል ግንባታ ዘርፍ ሚኒስትር በማጠቃለያ ንግግራቸው እንደገለጹት በሁሉም ክልሎችና ከተማ መስተዳድሮች መተማመን በመፍጠር እና የጋራ ግንዛቤ በመያዝ የማህበረሰቡን የላቀ ተጠቃሚነት ለማረጋገጥ መስራት በሂደቱ የሲቪል ማህበረሰብ ድርጅቶችን ባለቤት እያደረጉ መሄድና የቅንጅት መድረኩ ተደራሽነት ላይ ትኩረት ተደርጎ መሰራት እንደሚገባው ገልጸዋል፡፡
መንግስት ጠንካራና በመርህ ላይ የተመሰረተ የሲቪል ማህበረሰብ ድርጅቶች እዲፈጠር ይፈልጋል ያሉት ሚኒስትሩ በተግባርም የህግ ሪፎርም በማድረግ አረጋግጧል ብለዋል፡፡ በመድረኩ የሲቪል ማህበረሰብ ድርጅቶችና የባለድርሻ አካላት የትብብርና ቅንጅት ማዕቀፍ እና የክልል መድረኮች አደረጃጀት እና ጋይድላይን ቀርቦ ሰፊ ውይይት ተደርጎበታል፡፡


በሁለትዮሽ ስምምነት የሚሰሩ አህጉራዊና ክፍለ አህጉራዊ የሲቪል ማህበረሰብ ድርጅቶች ወደ ባለስልጣኑ ቀርበው ምዝገባ ካላከናወኑ እርምጃ እንደሚወስድ ተጠቆመ።

በሁለትዮሽ ስምምነት የሚሰሩ አህጉራዊና ክፍለ አህጉራዊ የሲቪል ማህበረሰብ ድርጅቶች ወደ ባለስልጣኑ ቀርበው ምዝገባ ካላከናወኑ እርምጃ እንደሚወስድ ተጠቆመ።

ይህ የተባለው የሲቪል ማህበረሰብ ድርጅቶች ባለስልጣን ክፍለ አህጉራዊ፣ አህጉራዊ ወይም ዓለምአቀፋዊ ዓላማን ለመተግበር የሚቋቋሙ ድርጅቶችን ለመመዝገብና ለማስተዳደር የሚያስችል ረቂቅ መመሪያ ላይ ከሲቪል ማህበረሰብ ድርጅቶች ጋር ውይይት በተደረገበት ወቅት ነው።
የሲቪል ማህበረሰብ ድርጅቶች ባለስልጣን ክፍለ አህጉራዊ፣ አህጉራዊ ወይም ዓለምአቀፋዊ ዓላማን ለመተግበር የሚቋቋሙ ድርጅቶችን ለመመዝገብና ለማስተዳደር የሚያስችል ረቂቅ መመሪያ አዘጋጅቶ ከሚመለከታቸው የሲቪል ማህበረሰብ ድርጅቶች ጋር ውይይት አድርጓል።
የውይይት መድረኩን በንግግር ያስጀመሩት የባለስልጣኑ ምክትል ዋና ዳይሬክተር አቶ ፋሲካው ሞላ አህጉራዊና ክፍለአህጉራዊ ዓላማን ለማስፈፀም ተቋቁመው በሁለትዮሽ ስምምነት ሲንቀሳቀሱ የነበሩ የሲቪል ማህበረሰብ ድርጅቶች በባለስጣኑ መመዝገብ ያለባቸው መሆኑን ጠቁመው ይህንም ተግባራዊ ለማድረግ የሚያስችል የተለየ አሰራር መዘርጋቱን ጠቁመዋል።
በሁለትዮሽ ስምምነት ሲንቀሳቀሱ የነበሩ የሲቪል ማህበረሰብ ድርጅቶች ወደባለስልጣኑ ቀርበው የማይመዘገቡ ከሆነ ህግን እንደተላለፉ ተቆጥሮ ህግን ለማስከበር ከሚመለከታቸው ባለድርሻ አካላት ጋር በቅንጅት እንደሚሰራ የጠቆሙ ሲሆን ባለስልጣን መስሪያ ቤቱ ህግን አክብረው ለሚመዘገቡ ድርጅቶች አስፈላጊውን ድጋፍ እንደሚያደርግ በመግለጽ በባለስልጣኑ ቀርበው ያልተመዘገቡ አህጉራዊና ክፍለ አህጉራዊ የሲቪል ማህበረሰብ ድርጅቶች እንዲመዘገቡ ጥሪ አስተላልፈዋል።