14ኛው የሲቪል ማህበረሰብ ድርጅቶች ባለሥልጣን እና የክልልና የፌደራል ባለድርሻ አካላት የጋራ ጉባኤ "የመንግስትና የሲቪል ማህበረሰብ ድርጅቶች ትብብርና ቅንጅት ለኢትዮጵያ ከፍታ" በሚል መሪ ቃል ተካሄደ።

የሲቪል ማህበረሰብ ድርጅቶች ባለስልጣን እና ባለድርሻ የመንግስት አካላት ጉባዔ ለ14ኛ ጊዜ በደቡብ ኢትዮጵያ ወላይታ ሶዶ ከተማ በድምቀት ተካሄደ። በጉባዔው ላይ የፍትህ ሚኒስቴር ሚኒስትር ዴኤታ ክቡር አቶ በላይሁን ይርጋን ጨምሮ የደቡብ ኢትዮጵያ የመንግስት ተጠሪና የብልጽግና ቅርንጫፍ ፅ/ቤት ኃላፊ ክቡር አቶ ገ/መስቀል ጫላ እንዲሁም የባለስልጣን መስሪያ ቤቱ ከፍተኛ የስራ ኃላፊዎችና የየክልል ፍይናንስ እና ፍትህ ቢሮ ኃላዎች ተሳታፊ ሆነዋል።
በጉባዔው ላይ መልዕክት ያስተላለፉት የፍትህ ሚንስቴር ሚኒስትር ደዔታ ክቡር አቶ በላይሁን ይርጋ እንዳሉት በሁለንተናዊ መልኩ የኢትዮጵያን ከፍታ በማረጋገጥ አገራችን አፍሪካዊት የብልፅግና ተምሳሌት የመሆን ውጥኗን እውን ለማድረግ ከሲቪል ማህበረሰብ ድርጅቶች ጋር በከፍተኛ ደረጃ በትብብርና በአጋርነት ስራዎችን በጋራ አቅዶ መተግበር የሚያስፈልግ መሆኑን ጠቁመው መንግስትና የሲቪል ማህበረሰብ ድርጅቶች በሀገራዊ የፖሊሲ ቀረፃ፣ በልማት ስራዎች እና በሰላም ግንባታ ሂደት ላይ እጅና ጓንት ሆኖ መንቀሳቀስ ያስፈልጋቸዋል ብለዋል። አክለውም ከዚህ ቀደም የተጀመረውን ትብብርና ቅንጅት ወደ ላቀ ደረጃ ለማሸጋገር የሚገጥሙ ተግዳሮቶች በግልፅ መነጋገርና መፍታት ይኖርብናል ያሉት ሚንስትር ደዔታው ከሲቪል ማህበረሰብ ድርጅቶች የሚጠበቁ በርካታ ኃላፊነቶች ያሉ መሆኑን ጠቁመው የኢትዮጵያ ከፍታ የሚረጋገጠው ሁሉም በየዘርፉ ተጠያቂነትና ግልፀኝነት የሰፈነበት አሰራር ሲከተል መሆኑን ጠቁመዋል። የሲቪል ማህበረሰብ ድርጅቶች ከማንም በላይ ለህዝብና ለህግ ተገዢ በመሆን ለዜጎች አርዓያ መሆን ይጠበቅባቸዋል ያሉት ክቡር ሚኒስትር ዴኤታው በተለይም በፍትህና በሰብዓዊ መብት ዙሪያ የሚያደርጉት እንቅስቃሴ በጥናትና ምርምር ላይ የተመሰረተ፣ በማስረጃ የተረጋገጠ፣ ገንቢና ለሀገራዊ አንድነት የሚበጅ ሊሆን እንደሚገባ ተናግረዋል።

በደቡብ ኢትዮጵያ ክልል የመንግስት ተጠሪና የብልፅግና ፅ/ቤት ኃላፊ የሆኑት ክቡር አቶ ገብረመስቀል ጫላ በበኩላቸው በሲቪል ማህበረሰብ ድርጅቶችና በባለድርሻ አካላት በየደረጃው የሚታዩ የቅንጅትና የትብብር ችግሮችን በመቅረፍና መተማመንን በመፍጠር የሲቪል ማህበረሰብ ድርጅቶች የመንግስት አጋር እንዲሆኑ የሚያስችል ተቋማዊ ጥንካሬና ግንኙነት መፍጠር ያስፈልጋል ብለዋል።
የጋራ ጉባዔው የህብረተሰቡን የላቀ ተጠቃሚነት ከማረጋገጥና ከመንግስትና ከሲቪል ማህበረሰብ ድርጅቶች ጋር ያለውን ቅንጅታዊ አሰራር በላቀ ደረጃ እንደሚያሸጋግር ያላቸውን ፅኑ እምነት ገልጸዋል። የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ በበኩላቸው የሲቪል ማህበረሰብ ድርጅቶች መጪው አገራዊ ምርጫ ዴሞክራሲያዊና ሰላማዊ ሆኖ እንዲካሄድ የበኩላቸውን አዎንታዊ ሚና መጫዎት እንደሚኖርባቸው ጠቁመው በየደረጃው ያሉ የመንግስት ተቋማት ለዚህ ስራ ምቹ ሁኔታዎችን መፍጠር፣ ተገቢውን ክትትልና ድጋፍ ማድረግ አለባቸው ብለዋል።

አክለውም በ14ኛው ጉባኤ ባለስልጣን መ/ቤቱ መጪውን ምርጫ በተመለከተ ያዘጋጀውን እቅድ አቅርቦ ውይይት እንደሚደረግ ጠቁመው የጋራ ግንዛቤ በመፍጠር ተግባራዊ የሚሆን መሆኑን ጠቁመዋል።
በጉባዔው ላይ የሁሉም ክልሎችና የሁለቱ ከተማ መስተዳደር የሲቪል ማህበረሰብ ድርጅቶች ዴስክ ኃላፊዎች በስድስቱ ወራት ያከናወኗቸውን ተግባራት እና ያጋጠሟቸውን ተግዳሮቶች ከነመፍትሄ ሃሳቦች ጋር ሪፓርት ያቀረቡ ሲሆን ከምርጫ ጋር በያያዘ ባለስልጣን መስሪያ ቤቱ የያዘውን እቅድ በሚመለከት ገለፃ ተደርጓል።
በተጨማሪም የሲቪል ማህበረሰብ ድርጅቶች ምክር ቤት ዳይሬክተር አቶ ተረፈ ዴጌቲ በሲቪል ማህበረሰብ ድርጅቶች ራስን በራስ አስተዳደር በሚመለከት ማብራሪያ ያቀረቡ ሲሆን የኢትዮጵያ ፖሊሲ ጥናት ኢንስቲትዩት ከሶሻል ኢንተርፕራይዞች ጋር በተያያዘ የቅድመ ጥናት ሰነድ ቀርቦ ውይይት ተደርጎበታል። በመድረኩ ለቀረቡ ጥያቄዎችና አስተያየቶች በሞክትል ዋና ዳይሬክተር አቶ ፋሲካው ሞላ እና በፍትህ ሚንስቴር ሚንስትር ደዔታ ክቡር አቶ በላይሁን ይርጋ እንዲሁም በሰነዶች ምዝገባና ማረጋገጫ አገልግሎት ዳይሬክተር አቶ ሀሚድ ከኒሶ ምላሽና ማብራሪያ ተሰጥቷል።
በፕሮግራሙ ማጠቃለያ ላይ የፍትህ ሚኒስቴር ሚንስትር ደዔታ ክቡር አቶ በላይሁን ይርጋ ከዘርፉ ጋር በተያያዘ ያሉ ክፍተቶችን በማረም መረጃ የማጥራት ስራ ሊሰራ እንደሚገባ አቅጣጫ አስቀምጠዋል። በተጨማሪም የተጀመሩ የቅንጅትና የትብብር ስራዎችን ማጠናከር እና ማስቀጠል ላይ ይበልጥ እንደሚሰራ ተጠቁሟል። ፕሮግራሙን በፍይናንስ ድጋፍ ያደረጉት WHH እና people in need ናቸው።


የሲቪል ማህበረሰብ ድርጅቶች ባለስልጣን እና የክልል ሲቪል ማህበረሰብ ድርጅቶች ዴስክ ኃላፊዎች የጋራ የውይይት መድረክ በወላይታ ሶዶ ተካሄደ።

የሲቪል ማህበረሰብ ድርጅቶች ባለስልጣን እና የክልል ሲቪል ማህበረሰብ ድርጅቶች ዴስክ ኃላፊዎች የጋራ የውይይት መድረክ በወላይታ ሶዶ ተካሄደ።

የሲቪል ማህበረሰብ ድርጅቶች ባለስልጣን በየ6 ወሩ የሚያካሂደው የሲቪል ማህበረሰብ ድርጅቶች ባለስልጣን እና በክልል ገንዘብ እና ኢኮኖሚ ትብብር ቢሮ የሲቪል ማህበረሰብ ድርጅቶች ዘርፍ አስተባባሪዎች እንዲሁም በክልልሎች የሚገኙ የፍትህ ቢሮ የሲቪል ማህበረሰብ ድርጅቶች ምዝገባ ተወካዮች የሚሳተፉበት የጋራ መድረክ በደቡብ ኢትዮጵያ ወላይታ ሶዶ ከተማ እየተካሄደ ይገኛል።
የጋራ መድረኩን በደቡብ ኢትዮጵያ ብሄራዊ ክልል የገንዘብና ኢኮኖሚ ቢሮ የሲቪል ማህበረሰብ ድርጅቶች ዘርፍ ዳይሬክተር የሆኑት አቶ ማሞ ሞሊሶ የእንኳን ደህና መጣችሁ መልዕክት አስተላልፈዋል።

መድረኩ ባለስልጣን መስሪያ ቤቱ ከፌደራልና ከክልል የባለድርሻ አካላት ጋር ከሚያደርገው የጋራ ጉባዔ አስቀድሞ የሚካሄድ ሲሆን ክልሎች ከሲቪል ማህበረሰብ ድርጅቶች ጋር በተያያዘ ያከናወኗቸውን ተግባራት በሚመለከት ሪፖርት የሚያቀርቡበትና በአጋጠሙ ችግሮች ላይ በመወያየት የጋራ መፍትሄ ለማስቀመጥ የሚያግዝ ነው።
ባለስልጣን መስሪያ ቤቱ ከክልሎች ጋር በቅርበት በመስራት የሲቪል ማህበረሰብ ድርጅቶች የማህበረሰቡን የላቀ ተጠቃሚነት ለማረጋገጥ ያከናወኗቸውን ተግባራት በመቀመር ዘርፉ የበለጠ ውጤታማ እንዲሆን አስቻይ ሁኔታ በመፍጠር እየሰራ ይገኛል።


ባለስልጣኑ በኅብረተሰቡ ዘንድ የበጎ አድራጎት እና በጎ ፈቃደኝነት ባሕል እንዲዳብር ለማድረግ የሚያስችሉ ተግባራትን እያከናወነ ይገኛል፡፡

ባለስልጣኑ በኅብረተሰቡ ዘንድ የበጎ አድራጎት እና በጎ ፈቃደኝነት ባሕል እንዲዳብር ለማድረግ የሚያስችሉ ተግባራትን እያከናወነ ይገኛል፡፡

የሲቪል ማህበረሰብ ድርጅቶች ባለስልጣን በአዋጅ ቁጥር 1113/2011 ከተቋቋመበት ዓላማዎች መካከል በኅብረተሰቡ ዘንድ የበጎ አድራጎት እና በጎ ፈቃደኝነት ባሕል እንዲዳብር ማድረግ አንዱ ነው፡፡ ይህንኑ ዓላማ ከግብ ለማድረስ ከተለያዩ አጋር ተቋማትና ዩኒቨርሲቲዎች ጋር በትብብር እና በቅንጅት እየሰራ ይገኛል፡፡

ባለስልጣኑ CrossRoad International ከተባለ ድርጅት ባገኘው የገንዘብ ድጋፍ በአዳማ ሳይንስና ቴክኖሎጂ ዩኒቨርሲቲ ለሚገኙ ተማሪዎች በበጎ ፈቃድ እና በጎ አድራጎት ዙሪያ የግንዛቤ ማስጨበጫ ስልጠና ሰጥቷል፡፡

በስልጠናው ላይ የዩኒቨርሲቲውን ፕሬዝዳንት ዶ/ር ሰለሞን ጥሩነህን ጨምሮ የባለስልጣን መስሪያ ቤቱ የበጎ ፈቃድና ትብብር መሪ ስራ አስፈጻሚ እንዲሁም የዩኒቨርሲቲው ተማሪዎች ተሳታፊ ሆነዋል፡፡

ሥልጠናው የዩኒቨርሲቲ ተማሪዎች በበጎ ፈቃድና በጎ አድራጎት ተግባራት ላይ ተሳታፊ እንዲሆኑ ምቹ ሁኔታን የሚፈጥር መሆኑን የባለስልጣኑ የበጎ ፍቃድ ማጎልበትና ትብብር መሪ ስራ አስፈጻሚ አቶ ደጀኔ ጌታቸው የገለጹ ሲሆን ባለስልጣን መስሪያ ቤቱ ለበጎ ፈቃደኞችና በጎ ፈቃድ ፈላጊዎች ያበለጸጋቸውን Volunteerism management information system ድህረ ገጽ እና ቅን ልብ-We volunteer የሞባይል መተግበሪያን በሚመለከት ማብራሪያና የአጠቃቀም ዘዴውን በሚመለከት ማብራሪያ ሰጥተዋል፡፡

Click the button

የሲቪል ማህበረሰብ ድርጅቶች ባለስልጣን ም/ዋና ዳይሬከተር አቶ ፋሲካው ሞላ የአምስተኛውን የሲቪል ማህበረሰብ ድርጅቶች ቀን አዘጋጅ ኮሚቴ በቢሮአቸው አግኝተው አነጋግረዋል፡፡

የሲቪል ማህበረሰብ ድርጅቶች ባለስልጣን ም/ዋና ዳይሬከተር አቶ ፋሲካው ሞላ የአምስተኛውን የሲቪል ማህበረሰብ ድርጅቶች ቀን አዘጋጅ ኮሚቴ በቢሮአቸው አግኝተው አነጋግረዋል፡፡

ፕሮግራሙ ከዚህ በፊት ከነበረው በላቀ ሁኔታ እንዲከበር እና በሂደቱ መከናወን ስለሚገባቸው ጉዳዬች አቅጣጫ አስቀምጠዋል፡፡
የኢፌዲሪ ሲቪል ማኀበረሰብ ድርጅቶች ባለስልጣን እና የኢትዮጵያ ሲቪል ማህበረሰብ ድርጅቶች ምክር ቤት ፕሮግራሙን በጋራ የሚያዘጋጁት ሲሆን አምስተኛውን አመታዊ የሲቪል ማህበረሰብ ድርጅቶች ሳምንት ለመሳተፍ ምዝገባ ተጀምሯል፡፡

በዝግጅቱ በርካታ የሲቪል ማህበረሰብ ድርጅቶች ያከናወኗቸውን ተግባራት በኤግዝቢሽን አማካኝነት ለህዝብ ይፋ ከማድረግ አልፎ፣ የልማት አጋሮች፣ የግሉ ዘርፍ፣ የመንግስት ተቋማት እንዲሁም ሌሎች ባለድርሻ አካላቶችን በተለያዩ የውይይት መድረኮች ይሳተፋሉ፡፡

የሲቪል ማህበረሰብ ድርጅቶች ሳምንት ዋነኛ አላማ በዘርፉ ያሉ ድርጅቶች በማህበረሰቡ ውስጥ በሚደረጉ ማናቸውም እንቅስቃሴ ያላቸውን ሚና ለህዝብ እና ለባለድርሻ አካላት እንዲያስተዋውቁ ዕድሉን መፍጠር እና የሲቪል ማህበረሰብ ድርጅቶች ከመንግስት፣ ከግሉ ዘርፍ እና ከሌሎች የልማት አጋሮች ጋር ተቀራርበው በትስስር የሚሰሩበትን መድረክ ማመቻቸት ነው።

ለመመዝገብ: https://forms.gle/9X9dRH8FkRMj5hAF9

CSO Weak 2025/26

የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ population service International Ethiopia (PSI Ethiopia) በጅማና አከባቢው በጤና ላይ ያከናወናቸውን ተግባራት ተመልክተዋል፡፡

የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ population service International Ethiopia (PSI Ethiopia) በጅማና አከባቢው በጤና ላይ ያከናወናቸውን ተግባራት ተመልክተዋል፡፡

PSI Ethiopia በጂማ ዞን ጎማ ወረዳ እና ቡኖ በደሌ ዞን ቆታ ወረዳ ያከናወናቸውን ተግባራት የባለስልጣኑ ዋና ዳይሬክተር እና ሌሎች የማኔጅመንት አባላት ተመልክተዋል፡፡
በጅማ ዞን ጎማ ወረዳ በአራት ጤና ጣቢያዎች ላይ ማኅጸን በር ጫፍ ካንሰር መከላከያ ክትባት በተመለከተ በትምህርት ቤቶች ላይ በዘመቻ መልክ ከሚሰጠው በተጨማሪ ክትባቱን በሁሉም አከባቢዎች ተደራሽ ለማድረግ የሚያስችል የአማራጭ ሃሳብ ለማቅረብ ጥናት በማድረግ ላይ መሆናቸው ተመላክቷል፡፡

ድርጅቱ በትምህርት ቤት እና ከትምህርትቤት ውጪ እድሜጣቸው ከ9-14 ዓመት ለሆናቸው ህጻናት ማንኛውም ጤና ጣቢያ በመሄድ ክትባቱን እንዲወስድ ለማስቻል በአከባቢው ተጽዕኖ ፈጣሪ ከሆኑ የማህበረሰብ ክፍሎች ጋር በመሆን ይሰራል፡፡

እነዚህ ተጽዕኖ ፈጣሪ የአገር ሽማግሌዎች፣የእምነት አባቶች፣መምህራን፣ጤና ባለሙያዎች እና ሌሎች የባለድርሻ አካላት ላይ ግንዛቤ በመፍጠር በእነሱ አማካይነት እድሚያቸው ለክትባት የደረሱ ልጃገረድ ሴቶች ክትባቱን እንዲወስዱ የማድረግ ስራ እየተሰራ መሆኑ ተገልጿል፡፡

ፒኤስ አይ ኢትዮጵያ population service International Ethiopia (PSI Ethiopia) በኢትዮጵያ ስራ ከጀመረ 22 ዓመታትን ያስቆጠረ ሲሆን በተለያዩ የሃገሪቱ ክፍሎች በስነ ተዋልዶ ጤና፣ በማህበረሰብ ጤና አጠባበቅ እንዲሁም ተላላፊ ባልሆኑ በሽታዎች ላይ ትኩረት በማድረግ ይሰራል፡፡

ዋና ዳይሬክተር አቶ ሳምሶን ቢራቱ ድርጅቱ በጤና ዘርፍ ከመንግስት ፖሊሲ ጋር የሚናበብ እና ማህበረሰብ ተጠቃሚ የሚያደርግ ተግባር ማከናወኑን አድንቀው በተለይም ማኅጸን በር ጫፍ ካንሰር ለመከላከል እና ክትባቱን ተጠቃሚ እንዲሆኑ ለማህበረሰቡ የተፈጠረው ግንዛቤን አበረታች ነው ብለዋል፡: ቡድኑ በመጨረሻም በበሻሻ በመንግስት የተከናወኑ የልማት ስራዎችን ጎብኝቷል፡፡


የሲቪል ማህበረሰብ ድርጅቶች ባለስልጣን ከMSI Ethiopia ጋር በመተባበር የዓለም ጸረ ጾታዊ ጥቃት ቀንን በማስመልከት የግንዛቤ ማስጨበጫ ውይይት አካሄደ።

የሲቪል ማህበረሰብ ድርጅቶች ባለስልጣን ከMSI Ethiopia ጋር በመተባበር የዓለም ጸረ ጾታዊ ጥቃት ቀንን በማስመልከት የግንዛቤ ማስጨበጫ ውይይት አካሄደ።

በዓለም ለ34ኛ በኢትዮጵያ ደግሞ ለ20ኛ ጊዜ የሚከበረውን የፀረ ጾታዊ ጥቃት ቀንን በማስመልከት “ጥቃትን የማይታገስ ማኅበረሰብ ለትውልድ ግንባታ” በሚል መሪ ቃል ለተቋሙ ሴት ሰራተኞች የግንዛቤ ማስጨበጫ ስልጠና የተሰጠ ሲሆን ስልጠናው በባለስልጣን መስሪያ ቤቱ እና በMSI ኢትዮጵያ የጋራ ትብብር የተዘጋጀ ነው።

ዕለቱን በማስመልከት የባለስልጣን መስሪያ ቤቱ ምክትል ዋና ዳይሬክተር አቶ መስፍን ሙሉነህ ባስተላለፉት መልዕክት “ጥቃትን የማይታገስ ማህበረሰብ ለትውልድ ግንባታ” በሚል መሪ ቃል በሀገር አቀፍ ደረጃ እየተከበረ መሆኑን ጠቁመው 16ቱን የፀረ ፆታዊ ጥቃት የዘመቻ ቀናት በምናስብበት ወቅት ፆታን መሠረት ያደረጉ ጥቃቶችን ለማስቆም የመንግስትን፣ የተቋማትን ፤የማኅበረሰብን እና የግለሰቦች የተቀናጀ ትብብርና አጋርነት ማጠናከር ከምንጊዜውም በላይ አስፈላጊ መሆኑን ገልጸዋል።

አክለውም የሲቪል ማህበረሰብ ድርጅቶች ግንዛቤ በማስጨበጥ ለተጎጂዎች የሕግ፣ የማኅበራዊና የስነ-ልቦናዊ ድጋፍ እንዲሁም ሌሎች አገልግሎቶችን በመስጠት፣ ጥቃትን በማውገዝና ተግባራዊ እንቅስቃሴ በማድረግ ከመንግሥት ጎን በትብብር ሊቆሙ ይገባል ብለዋል፡፡

በባለስልጣን መስሪያ ቤቱ የሴቶችና ማህበራዊ ጉዳዮች አካቶ ትግበራ ስራ አስፈፃሚ ወ/ሮ ትዕግስት አቡዬ በበኩላቸው ጾታዊ ጥቃት ከጊዜ ወደጊዜ እየጨመረና መልኩን እየቀየረ እንዲሁም በዘመን አመጣሹ የዲጂታል ቴክኖሎጂ እየታገዘ በከፍተኛ ሁኔታ መጨመሩን አንስተው በተለያየ መልኩ በሴት እህቶቻችን ላይ የሚደርሰውን ፆታዊ ጥቃት የባለስልጣን መስሪያ ቤቱ አመራርና ሰራተኞች በፅኑ የሚያወግዙት መሆኑን ጠቁመዋል።

አክለውም ፆታዊ ጥቃት ለሃገራችን ልማትና እድገት ጎታች እንዲሁም ለማህበራዊ እና ኢኮኖሚያዊ ችግር መባባስ መንስዔ መሆኑን ጠቁመው በሁሉም ተሳትፎና ርብርብ ጥቃቶችን ለማስቆምና ተጠያቂነትን ለማስፈን ቃል የምንገባበት ነው ብለዋል።

የግንዛቤ ማስጨበጫ ስልጠናውን በMSI ኢትዮጵያ ፕሮግራም ኦፊሰር የሆኑት ወ/ሮ አበራሽ ወዳጆ የሰጡ ሲሆን የጋራ ውይይትም ተደርጎበታል።


የሲቪል ማህበረሰብ ድርጅቶች ባለስልጣን ከፖሊሲ ጥናት ኢንስቲትዩት ጋር የኢትዮጵያ ሶሻል ኢንተርፕራይዝ ፖሊሲ ጥናት ለማድረግ የሚያስችል የመግባቢያ ሰነድ ተፈራረመ።

የሲቪል ማህበረሰብ ድርጅቶች ባለስልጣን ከፖሊሲ ጥናት ኢንስቲትዩት ጋር የኢትዮጵያ ሶሻል ኢንተርፕራይዝ ፖሊሲ ጥናት ለማድረግ የሚያስችል የመግባቢያ ሰነድ ተፈራረመ።

ባለስልጣን መስሪያ ቤቱ ከፓሊሲ ጥናት ኢንስቲትዩት ጋር በሶሻል ኢንተርፕራይዝ ላይ ትኩረት ያደረገ የፓሊሲ ጥናት ለማድረግ የሚያስችል ስምምነት የተፈራረመ ሲሆን ከፓሊሲ ጥናት ኢንስቲትዩቱ ጋር በጋራ በመሆን የሚዘጋጀው የሶሻል ኢንተርፕራይዝ ጥናት ለመንግስት የፖሊሲ ግብዓት የሚውል ይሆናል።

የኢትዮጵያ ሶሻል ኢንተርፕራይዝ ጥናቱ በሀገር አቀፍ ደረጃ ያለውን የፖሊሲ ክፍተት ለመሙላት እገዛ የሚያደርግ ሲሆን ተጨማሪ የፓሊሲ ጥናቶችን ለማድረግ እንደመነሻ እንደሚሆን ተጠቁሟል።

የመግባቢያ ሰነዱን የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ እና የፖሊሲ ጥናት ኢንስቲትዩት ዋና ዳይሬክተር አቶ ፍቃዱ ፀጋዬ የተፈራረሙ ሲሆን የመግባቢያ ሰነዱ ባለስልጣን መስሪያ ቤቱ ከፖሊሲ ጥናት ኢንስቲትዩት ጋር በምርምር፣ በፖሊሲ ጥናት ትንተና፣ በፖሊሲ ውይይት፣ በአቅም ግንባታ፣ በእውቀት ማጋራት እና በተቋማዊ ትብብር ላይ በጋራ ለመስራት ምቹ ሁኔታ የሚፈጥር ነው።

የመግባቢያ ሰነዱ ለጠንካራ የሲቪል ማህበረሰብ ዘርፍ እድገት፣ የተሻለ የፖሊሲ ግብዓት ለማግኘት እና ለጠንካራ የመንግስት እና የሲቪል ማህበረሰብ ድርጅቶች ቅንጅት አስተዋፅዖ የሚያደርግ ሲሆን ባለስልጣን መስሪያ ቤቱ እና ኢንስቲትዩቱ በሌሎች ጉዳዮችም ላይ በትብብርና በቅንጅት ለመስራት ከመግባባት ላይ ደርሰዋል።


የፍትሕ ሚኒስቴር እና ተጠሪ ተቋማት 22ኛውን የፀረ- ሙስና ቀን አከበሩ

Tagline

የፍትሕ ሚኒስቴር እና ተጠሪ ተቋማት 22ኛውን የፀረ- ሙስና ቀን አከበሩ::

የፍትሕ ሚኒስቴር እና ተጠሪ ተቋማት ”ትውልድን በሥነ- ምግባር ፤ ተቋምን በአሰራር ”በሚል መሪ ቃል 22ኛውን የፀረ- ሙስና ቀን የተቋማቱ ከፍተኛና መካከለኛ አመራሮች እንዲሁም ሰራተኞች በተገኙበት በፓናል ውይይት ተከብሯል፡፡

ይህንን ቀን “ትውልድን በሥነ -ምግባር ፤ ተቋምን በአሰራር” በሚል መሪ ቃል ስናከብር ትውልድን በሥነ -ምግባር ሲባል እያዳንዳችን በተሰጠን ኃላፊነት ስነ-ምግባራዊ አገልግሎት እየሰጠን መሆናችንን ለማስታወስ ሲሆን፤ ተቋምን በአሰራር ስንል ደግሞ ሙስናን የመዋጋት ስራዎቻችን ፍሬ እንዲኖራቸው የተቋሞቻችንን አሰራር መፈተሸ ስንችል እንደሆነ ማሳያ መሆኑ ተገልጿል ፡፡

በመድረኩ የሲቪል ማህበረሰብ ድርጅቶች ባለስልጣንን ጨምሮ የፍትሕ ሚኒስቴር እና ተጠሪ ጠቋማት ከፍተኛ አመራሮች የሀብት ምዝገባ ርክክብ ያካሄዱ ሲሆን ከዚህ በተጨማሪ በፌደራል ስነ-ምግባርና ፀረ-ሙስና ኮሚሽን የተዘጋጀ የንቅናቄ ሰነድ ቀርቦ ውይይት ተደርጎበታል፡፡

በውይይቱም የፀረ ሙስና ቀን ሲከበር በዓመት አንዴ ከሚደረግ መርሃ-ግብር ባለፈ በቤታችን ሙስናን የሚፀየፍና በስነ-ምግባር የታነፀ ትውልድ ማፍራት ላይ እንዲሁም በየተቋሞቻችን ግልፅ የሆኑ ስርዓቶችን መዘርጋት እና ተጠያቂነትን በማረጋገጥ በኩል ኃላፊነትን መወጣት እንደሚገባም ተጠቁሟል፡፡


የበጎ ፈቃድ አገልግሎትን የሚያሳልጥ እና በጎ ፍቃደኞችን እውቅና የሚሰጥ የሞባይል መተግበሪያ ይፋ ሆነ፡፡

የበጎ ፈቃድ አገልግሎትን የሚያሳልጥ እና በጎ ፍቃደኞችን እውቅና የሚሰጥ የሞባይል መተግበሪያ ይፋ ሆነ፡፡

የሲቪል ማህበረሰብ ድርጅቶች ባለስልጣን ከKorea International Volunteers organization ጋር በመተባበር በጎ ፈቃደኞችን የሚመዘግብና የሚያገናኝ እንዲሁም መረጃዎችን የሚያደራጅና የሚተነትን በአይነቱ ልዩ የሆነ “ቅን ልቦች(We Volunteer) የተሰኘ የተንቀሳቃሽ ስልክ መተግበሪያ ( Mobile Application) የመንግስት ከፍተኛ የስራ ኃላፊዎች፣ የሲቪል ማህበረሰብ ድርጅቶች እና ጥሪ የተደረገላቸው በጎ ፈቃደኞች በተገኙበት ይፋ አድርጓል፡፡

የሞባይል መተግበሪያውን በይፋ የመረቁት የኢ.ፌ.ዲ.ሪ ሴቶችና ማህበራዊ ጉዳይ ሚንስቴር ሚንስትር ዶ/ር ኤርጎጌ ተስፋዬ “ቅን ልቦች( We Volunteer) የሞባይል መተግበሪያ የበጎ ፈቃድ አገልገሎትን በማቀላጠፍና በጎ ፈቃደኞችን በማስተሳሰር ትልቅ ጠቀሜታ እንደሚኖረው አንስተው የበጎ ፈቃድ አገልግሎትን በተደራጀ መንገድ በመምራት ረገድ ትልቅ ሚና ይኖረዋል ብለዋል፡፡

የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ ከ3 ዓመት በፊት volunteerism management Information System /VMIS/ ለምቶ ወደ ስራ የገባ መሆኑን አንስተው አሁን ደግሞ “ቅን-ልብ” ወይም “We Volunteer” የሞባይል መተግበሪያን ከኮሪያ ኢንተርናሽናል ቮለንቲር ኦርጋናይዜሽን (KVO) ጋር በመተባበር በማልማት ወደ ስራ የገባ መሆኑን ጠቁመው ጥረቱ የዲጂታል ኢኮኖሚ የመገንባት የመንግስት አቅጣጫ አካል ተደርጎ የሚወሰድ እና በአገራዊ የበጎ ፈቃደኝነት ባህል ማሳደግ ጥረት ውስጥ አንድ እርምጃ ወደፊት የሚወስድ መሆኑን ጠቁመዋል፡፡

የሲቪል ማህበረሰብ ድርጅቶች ባለስልጣን በአዋጅ ቁጥር 1113/2011 በተሰጠው ተግባርና ኃላፊነት መሰረት በጎ ፈቃደኝነትንና የበጎ ፈቃድ አገልግሎትን በማህበረሰቡ ውስጥ የማስረጽና ባህል የማድረግ እንዲሁም የማህበረሰቡን የላቀ ተጠቃሚነት የማረጋገጥ ኃላፊነት ለመወጣት በርካታ ስራዎችን ሲሰራ መቆየቱንም እክለው ገልጸዋል።

የሞባይል መተግበሪያውን በሚመለከት ማብራሪያ የሰጡት የKorea International Volunteers Organization-KVO) የኢትዮጵያ ተወካይ አቶ ሚኪያስ ግርማ በበኩላቸው የሞባይል መተግበሪያው ዘርፈ ብዙ ጠቀሜታ ያለው መሆኑን ጠቁመው ተበታትኖ ይሰጥ የነበረውን የበጎ ፈቃድ አገልግሎት ወደአንድ ማዕከል በመሰብሰብ፣ በጎ ፈቃደኞች የሚሰጡትን አገልግሎት በመለካትና ለበጎ ፈቃደኞች ዕውቅና በመስጠት ጠቀሜታ ይኖረዋል ብለዋል፡፡

የባለስልጣኑ ም/ዋና ዳይሬክተር አቶ ፍሲካው ሞላ በማጠቃለያ ንግግራቸው እንደገለጹት ዘንድሮ ለ40ኛ ጊዜ የሚከበረውን ዓለም አቀፉን የበጎ ፈቃደኞች ቀን ምክንያት በማድረግ የሞባይል መተግበሪያው ይፍ መደረጉን አንስተው በየትኛውም የዓለም ክፍል የሚገኙ ኢትዮጵያውያንና ትውልደ ኢትዮጵያውያን እንዲሁም በየትኛውም የዓለም ክፍል የሚገኙ ዜጎች በቀላሉ የበጎ ፈቃድ አገልግሎት ላይ እንዲሳተፉና እውቅና እንዲያገኙ ምቹ ሁኔታ መፍጠሩን አብራርተዋል፡፡

በመጨረሻም መተግበሪያው ወደ ስራ ሲገባ የመንግስት ባለድርሻ አካላት፣ የሲቪል ማህበረሰብ ድርጅቶች እና በጎ ፈቃደኞች መተግበሪያውን ማስተዋወቅና መጠቀም እንደሚጠበቅባቸው ጠቁመው በሂደቱ ተሳትፎ ለነበራቸውና ትብብር ላደረጉ የKorea International Volunteers Organization-KVO ኃላፊዎች እንዲሁም ለባለስልጣኑ ባለሙያዎች ሁሉ ምስጋናቸውን አቅርበዋል፡፡


20ኛው የብሄር ብሄረሰቦች እና ህዝቦች ቀን "ዴሞክራሲያዊ መግባባት፤ ለኅብረ ብሔራዊ አንድነት" በሚል መሪ ቃል በባለስልጣን መስሪያ ቤቱ ተከበረ።

20ኛው የብሄር ብሄረሰቦች እና ህዝቦች ቀን "ዴሞክራሲያዊ መግባባት፤ ለኅብረ ብሔራዊ አንድነት" በሚል መሪ ቃል በባለስልጣን መስሪያ ቤቱ ተከበረ።

የሲቪል ማህበረሰብ ድርጅቶች ባለስልጣን አመራሮችና ሰራተኞች 20ኛውን የብሄር ብሄረሰቦች እና ህዝቦች ቀንን “ዴሞክራሲያዊ መግባባት ለኅብረ ብሔራዊ አንድነት” በሚል መሪ ቃል በልዩ ልዩ ሁነቶች አክብረዋል።

በበዓሉ ላይ የባለስልጣን መስሪያ ቤቱ ከፍተኛ ኃላፊዎች የተገኙ ሲሆን “ዴሞክራሲ እና የፌዴራል ሥርዐት በኢትዮጵያ፣ ተስፋዎቹ እና ተግዳሮቶቹ” በሚል ርዕስ ሰነድ ቀርቦ ውይይት ተደርጎበታል።

በዓሉን በሚመለከት የእንኳን አደረሳችሁ መልዕክት ያስተላለፉት የባለስልጣን መስሪያ ቤቱ ዋና ዳይሬክተር አቶ ሳምሶን ቢራቱ አገራዊ በሆኑ መሠረታዊ ጉዳዮች ላይ አገራዊ መግባባትን መፍጠርና የፌዴራላዊ ዴሞክራሲያዊ ሥርዐት ግንባታ ሂደቱ የሚጠናከርበት ተግባር ማከናወን፣ ከምንም በላይ የተሰጠንን የሲቪል ማህበረሰብ ድርጅቶች የመምራት ሃላፊነትን በአግባቡ በመወጣትና እንደመንግስት ሰራተኛ ለህግና ደንቦች ተገዢ መሆን እንደሚገባ ጠቁመዋል።

አክለውም ፌዴራላዊም ሆነ ዴሞክራሲያዊ ሥርዐት የሚገነባው በጉዳዮቹ ዙሪያ ሳይንሳዊ እና ተቀራራቢ የሆነ አረዳድ ሲኖርና እና ለሥርዐቶቹ መገንባት ተፈላጊ የሆኑ አስተሳሰቦችን መላበስ ሲቻል መሆኑን ጠቁመው ከዚህ ረገድ ሁሉም ሰራተኛ የድርሻውን መወጣት ይኖርበታል ሲሉ ተናግረዋል።