የሲቪል ማህበረሰብ ድርጅቶች ባለስልጣን ከኮሪያ በጎ ፈቃደኞች ድርጅት (Korean Volunteers Organizatuon- KVO) ጋር በመተባበር ለበጎ ፍቃደኞች አገልግሎት የሚሰጥ የተንቀሳቃሽ ስልክ መተግበሪያ ( Mobile App) ተዘጋጀ።

የሲቪል ማህበረሰብ ድርጅቶች ባለስልጣን ከኮሪያ በጎ ፈቃደኞች ድርጅት (Korean Volunteers Organization- KVO) ጋር በመተባበር ለበጎ ፍቃደኞች አገልግሎት የሚሰጥ የተንቀሳቃሽ ስልክ መተግበሪያ ( Mobile App) ተዘጋጀ።

የሲቪል ማህበረሰብ ድርጅቶች ባለስልጣን በአዋጅ ቁጥር 1113/2011 ከተሰጠው ተግባርና ኃላፊነት በጎ ፈቃደኝነትንና በጎ አድራጊነት በማህበረሰቡ ዘንድ ባህል እንዲሆንና እንዲዳብር ማድረግ አንዱ ነው።

ይህንን ተግባርና ኃላፊነት ለመወጣት ከኮሪያ በጎ ፈቃደኞች ድርጅት (Korean volunteers organization-KVO) ጋር በመተባበር ለበጎ ፍቃደኞች አገልግሎት የሚውል የተንቀሳቃሽ ስልክ መተግበሪያ (Mobile phone App) በማበልፀግ ወደተግባር ለመግባት በእንቅስቃሴ ላይ ይገኛል።

ይህንኑ አስመልክቶ የባለስልጣን መስሪያ ቤቱ ከፍተኛ የስራ ኃላፊዎች እና የድርጅቱ ተወካዮች በተገኙበት የግማሽ ቀን የትውውቅና የውይይት መድረክ ተካሂዷል።

በመድረኩ ላይ የሲቪል ማህበረሰብ ድርጅቶች ባለስልጣን ምክትል ዋና ዳይሬክተሮች አቶ ፋሲካው ሞላ እና አቶ መስፍን ሙሉነህ እንዲሁም የኮሪያ በጎፈቃደኞች ድርጅት Korean volunteers organization KVO የኢትዮጵያ ተወካይ አቶ ሚኪያስ ግርማ የተገኙ ሲሆን በመድረኩ መተግበሪያውን በሚመለከት፣ የመተግበሪያውን አገልግሎት፣ መለያ ሎጎ እና የዳሰሳ ጥናት ቀርቦ ውይይት ተደርጎበታል።

የባለስልጣን መስሪያ ቤቱ ምክትል ዋና ዳይሬክተር አቶ ፋሲካው ሞላ መድረኩን ባስጀመሩበት ወቅት እንዳሉት ባለስልጣን መስሪያ ቤቱ እንደአውሮፓውያኑ አቆጣጠር December 5 በሚከበረው የዓለም ዓቀፉ የበጎ ፈቃደኞች ቀን ላይ መተግበሪያውን ለማስተዋወቅ እቅድ የተያዘ መሆኑን በመግለጽ ባለስልጣን መስሪያ ቤቱ እያደረገ ያለው የዲጂታይዜሽን ሪፎርም አካል መሆኑንም አክለው ጠቁመዋል።

የኮሪያ በጎ ፈቃደኞች ድርጅት Korean Volunteers Organization-KVO የኢትዮጵያ ዳይሬክተር አቶ ሚኪያስ ግርማ ባስተላለፉት የእንኳን ደህና መጣችሁ ንግግር ላይ ድርጅታቸው መተግበሪያውን ሰርቶ ማስረከብ ብቻ ሳይሆን በትብብርና በቅንጅት በመስራት ውጤታማ እንዲሆን ጥረት እንደሚያደርጉ በመግለጽ መተግበሪያው በጎ ፈቃደኞችን ከመመዝገብና ከማገናኘት ባለፈ የተደራጀ መረጃ በመቀመር የበጎ ፈቃደኞችን አስተዋጽኦ ይበልጥ ያጎለብታል ብለዋል።
መተግበሪያው December 5/2025 በይፋ ተመርቆ ስራ ይጀምራል።


ሁንዴ ኦሮሞ የሀገር በቀል የሲቪል ማኅበረሰብ ድርጅት በውኃ እና ሳኒቴሽን ስራ ከ13 ሺህ በላይ የማህበረሰብ ክፍሎችን ተጠቃሚ ማድረጉ ተገለጸ፡፡

ሁንዴ ኦሮሞ የሀገር በቀል የሲቪል ማኅበረሰብ ድርጅት በውኃ እና ሳኒቴሽን ስራ ከ13 ሺህ በላይ የማህበረሰብ ክፍሎችን ተጠቃሚ ማድረጉ ተገለጸ፡፡

የባለስልጣኑ ዋና ዳይሬክተር አቶ ሳምሶን ቢራቱ እና ሌሎች የስራ ሃላፊዎች ሁንዴ ኦሮሞ በጂማ ዞን ያከናወናቸውን ተግባራት በአካል ተመልክተዋል፡፡

ሁንዴ ኦሮሞ የሀገር በቀል የሲቪል ማህበረሰብ ድርጅት ሲሆን በጂማ ዞን ሰቃ ጨቆርሳ በሶስት ወረዳዎች እና በ10 ቀበሌዎች ላይ በውኃ እና ሳኒቴሽን ከ13 ሺህ በላይ የማህበረሰብ ክፍሎችን ተጠቃሚ ያደረገ የተቀናጀ ፕሮጀክት ለባለስልጣኑ የስራ ሃላፊዎች አስመልክቷል፡፡

በዚህ ፕሮጀክት ውሃውን ለማህበረሰቡ በአግባቡ ተደራሽ ለማድረግ እና ለሴቶች የስራ እድል ለመፍጠር አስር ኪዎስኮችን በመስራት ጥቅም ላይ እንዲውል ማድረግ ችለዋል፡፡
ሁንዴ ኦሮሞ ከዚህ በተጨማሪ ድርጅቱ በግብርና እና በትምህርት ቤት ላይ ያከናወናቸውን ተግባራት አስጎብኝቷል፡፡

312 አርሶ አደሮችን አባል ያደረገው የጥቁሬ ገቢሳ የቡና ማቀነባበሪያ ላይ ድርጅቱ ለአርሶ አደሮች ከማሳ ጀምሮ የሙያ ድጋፍ የሚያደርግ ሲሆን ለማህበሩ የቡና መፈልፈያ ማሽን እና ሌሎች አስፈላጊ የሚባሉ ግብዓቶች በሟሟላት በኢኮኖሚ እዲጎለብቱ እና ምርትና ምርታማነት ከጥራት ጋር እንዲያድግ እየሰራ ይገኛል፡፡

በትምህት ቤቶች ላይ ልጃገረድ ሴቶች ንጽህናቸውን የሚጠብቁበት የተሟላ የንጽህና መጠበቂያ ስፍራ እስከ አስፈላጊ ግብዓት በማዘጋጀት ለሌሎች ትምህርት ቤቶች እንደመነሻ ተሞክሮ ተወስዶ እየተሰራበት መሆኑን ለመገንዘብ ተችሏል፡፡

ሁንዴ ኦሮሞ በኦሮሚያ ክልል ብቻ በ16 ዞኖችና በ60 ወረዳዎች ላይ በግብርና፣በውሃና ንጽህና አጠባበቅ እና በትምርት ላይ ትኩረት አድርጎ የሚሰራ የሃገር በቀል የሲቪል ማህበረሰብ ድርጅት ነው፡፡


በሴቶችና ህፃናት መብቶች ላይ ትኩረት ያደረገ የአቅም ግንባታ መድረክ ተካሄደ።

በሴቶችና ህፃናት መብቶች ላይ ትኩረት ያደረገ የአቅም ግንባታ መድረክ ተካሄደ።

የሲቪል ማህበረሰብ ድርጅቶች ባለስልጣን ከጀስቲስ ፎር ኦል (JFA-PFE) ጋር በመተባበር በሴቶችና ህፃናት ላይ ትኩረት አድርገው ለሚሰሩ ህብረቶች በሴቶችና ህፃናት መብቶች እና በሎካላይዜሽን ላይ ትኩረት ያደረገ የአቅም ግንባታ መድረክ በJFA-PFE የስልጠና ማዕከል ተካሄደ።

በመድረኩ ላይ የሲቪል ማህበረሰብ ድርጅቶች ባለስልጣን ከፍተኛ የስራ ኃላፊዎችን ጨምሮ JFA-PFE ኃላፊዎችና የየህብረቶቹ ተወካዮች ተገኝተዋል።

መድረኩን በንግግር ያስጀመሩት የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ መስፍን ሙሉነህ የሲቪል ማህበረሰብ ድርጅቶች ባለስልጣን በአዋጅ የተሰጠውን ኃላፊነት ለመወጣት ዘርፈ ብዙ ተግባራትን እያከናወነ ይገኛል ብለዋል።

እነዚህን ተልዕኮዎች በተሳካ ሁኔታ ለመወጣት ከልዩ ልዩ ድርጅቶች ጋር ስትራቴጃዊ አጋርነቶችን በመፍጠር በጋራ ጉዳዮች ዙሪያ እየሰራ እንደሚገኝ የጠቆሙት ምክትል ዋና ዳይሬክተሩ ከ ጀስቲስ ፎር ኦል (JFA-PFE) ጋር በተለይም በሰብአዊ መብት፣ በሰላም ግንባታ፣ በወጣቶች፣ በሴቶችና ህጻናት ዙሪያ ትኩረት አድርገው የሚንቀሳቀሱ የአገር በቀል ድርጅቶችን አቅም የሚያጎለብቱ ልዩ ልዩ ስልጠናዎችን በማዘጋጀት እና በትብብር የሚሰሩበትን ሁኔታ የሚያጠናክሩ ተግባራትን ሲያከናውን መቆየቱን አንስተዋል።

መድረኩ የአገር በቀል ድርጅቶች አመራሮችን አቅም ለመገንባት ትልቅ ሚና እንደሚኖረው አንስተው ለሁለት ቀናት በሚካሄደው የስልጠና ፕሮግራምም ድርጅቶች ዘላቂ የሆነ የገቢ ምንጭ ያላቸውና ከተረጅነት የተላቀቁ እንዲሆኑ ለማስቻል የሚያግዙ ሃሳቦችን ለመለዋወጥ፣ የሴቶችና ህጻናት መብቶችን በተመለከተ ያሉ ህጎችን እንዲሁም የፕሮጀክት አዘገጃጀት ዙሪያ በቂ ግንዛቤ የሚያገኙበት እንደሚሆን ጠቁመዋል፡፡

በመድረኩ ላይ የሲቪል ማህበረሰብ ድርጅቶች ባለስልጣን አቶ ፋሲካው ሞላ ሎካላይዜሽንን (Localization) በሚመለከት ገለጻ ያደረጉ ሴሆን በፈንድ አስተዳደር እና በሴቶችና በህጻናት ጥቃት ላይ ትኩረት ያደረጉ ሰነዶች ቀርበው ውይይት ተደርጎባቸዋል


MEDECINS SANS FRONTIERES BELGIUM (MSF BELGIUM) በደቡብ ምዕራብ ኢትዮጵያ ያከናወናቸውን ተግባራት በባለስልጣኑ ዋና ዳይሬክተር አቶ ሳምሶን ቢራቱ የተመራ ልዑካን ቡድን ተመልክቷል፡፡

MEDECINS SANS FRONTIERES BELGIUM (MSF BELGIUM) በደቡብ ምዕራብ ኢትዮጵያ ያከናወናቸውን ተግባራት በባለስልጣኑ ዋና ዳይሬክተር አቶ ሳምሶን ቢራቱ የተመራ ልዑካን ቡድን ተመልክቷል፡፡

MEDECINS SANS FRONTIERES BELGIUM (MSF BELGIUM) በደቡብ ምዕራብ ኢትዮጵያ ቤንች ሸኮ ዞን ያከናወናቸውን ተግባራት በባለስልጣኑ ዋና ዳይሬክተር አቶ ሳምሶን ቢራቱ የተመራ ልዑካን ቡድን ተመልክቷል፡፡

MSF እንደ አውሮፓ አቆጣጠር በ1971 የተመሰረተ ሲሆን በኢትዮጵያ በ1985 በሃገሪቱ በተከሰተው ድርቅ ምክንያት ስራ መጀመሩን የድርጅቱ የሃገር ተወካይ ረዳት አቶ ፈረዝጊ አሰፋ አብራርተዋል፡፡

ድርጅቱ በሰው ሰራሽና በተፈጥሮ አደጋ ለሚከሰቱ አደጋዎች በጤና ዘርፍ ላይ ምላሽ ለመስጠት የተቋቋመ የውጭ የሲቪል ማህበረሰብ ድርጅት መሆኑን አክለው በመግለጽ አሁን ላይ በሃገራችን ኮረም ፕሮጀት፣አፋር ፕሮጀክት እና Mobile Ethiopia Emergency team (MEET) የተባሉ ፕሮጀክቶችን ተግባራዊ በማድረግ ላይ እንደሚገኙ ገልጸዋል፡፡

Mobile Ethiopia Emergency team ፕሮጀክት በፈረንጆች አቆጣጠር 2025 ከጤና ሚኒስቴር ጋር በመፈራረም ስራ የጀመረ ሲሆን ሰው ሰራሽና የተፈጥሮ አደጋ በደረሰባቸው የተለያዩ የሃገሪቱ ሰባት አከባቢዎች ላይ ምላሽ የመስጠት ስራ መስራታቸውን እና ከሰባቱ ምላሾች መካከል በልዑካን ቡድኑ የተጎበኘው የደቡብ ምዕራብ ኢትዮጵያ ቤንች ሸኮ ዞን የወባ ህክምና ተጠቃሽ መሆኑን ተወካዩ አብራርተዋል፡፡

ድርጅቱ በዞኑ ከሚዛን አማን ሆስፒታል እና ከአስራ ሁለት ጤና ተቋማት ጋር የተንቀሳቃሽ ህክምና አገልግሎት መሰጠቱን ገልጸው  በዚህም ከአስራ ሶስት ሺህ በላይ ሰዎችን ምርመራ በማድረግ 8597 በወባ ወረርሽኝ የተያዙ ሰዎችን የህክምና አገለግሎት እንዲያገኙ  መደረጉን አከለው አብራርተዋል፡፡

የሚዛን ቴፒ ዩኒቨርስቲ ህክምና ጤና ሳይንስ ኮሌጅ ማስተባበሪያ ሆስፒታል ዋና ዳይሬክተር ዶ/ር እርቅይሁን ጳውሎስ እንዳብራሩት በአከባቢው ከድርጅቱ ጋር በጋራ ከመስራታቸው በፊት በርካታ ችግሮች ይገጥማቸው እንደነበር ገልጸው MSF BELGIUM ጋር በቅንጅት በመስራታቸው በሆስፒታሉ ላይ ያለው ጫና መቀነሱን፣ያጋጥሙ የነበሩ የመድሃኒት እጥረት መሻሻሉን እና በሞባይል ክሊኒክ አገልግሎት ማህበረሰቡ በያለበት አገልግሎት ማግኘት መቻሉን አብራርተዋል፡፡

አያይዘውም ድርጅቱ በፕሮጀክቱ ሲገለገልበት የነበረውን የህክምና ቁሳቁስ ለሆስፒታሉ አገልግሎት እንዲውል መስጠቱን እና የእውቀት ሽግግር መደረጉን አብራርተው ለሚመለከታቸው መንግስታዊ ተቋማት እና ለድርጅቱ ምስጋናቸውን አቅርበዋል፡፡

የኢፌዲሪ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ በማጠቃለያ ንግግራቸው እንደገለጹት ባለስልጣን መስሪያ ቤቱ በአዋጅ 1113/2011 የተሰጠውን ተግባርና ሃላፊነት ለመወጣት የተቋቋመ መንግስታዊ ተቋመ መሆኑን ገልጸው ከዚህ መካከል የሲቪል ማህበረሰብ ድርጅቶችን የመመዝገብ፣የመከታተልና የመቆጣጠር ስልጣን የተሰጠው በመሆኑ በዚሁ መሰረት ድርጅቱን ለመመልከት መገኘታቸውን አብራርተዋል፡፡

ድርጅቶች ሲቋቋሙ ማህበረሰብን ለማገልገል መሆኑን ገልጸው ባለስልጣን መስሪያቤቱም MSF BELGIUM ባስቀመጠው ዓላማ መሰረት መስራቱን ለማረጋገጥ ባደረግነው ጉብኝት ከሆስፒታሉ አመራርና ሰራተኞች ባገኘነው ምስክርነት በወባ ወረርሽኝ ህክምና ላይ የሰራው ስራ አበረታች መሆኑን ለመገንዘብ ችለናል ብለዋል፡፡

ሁላችንም ለአንድ ሃገር እንደመስራታችን በትብብርና በቅንጅት እንዲሁም የማህበረሰብ ተጠቃሚነት ላይ ትኩረት ያደረገ ተግባር መፈጸም ይገባናል ሲሉ መልዕክት አስተላልፈዋል፡፡


የሲቪል ማህበረሰብ ድርጅቶች ባለስልጣን ፒፕል ኢን ኒድ (People In Need) ከተባለ የሲቪል ማህበረሰብ ድርጅት ጋር በትብብር ለመስራት የሚያስችል ሰነድ ተፈራረመ፡፡

የሲቪል ማህበረሰብ ድርጅቶች ባለስልጣን ፒፕል ኢን ኒድ (People In Need) ከተባለ የሲቪል ማህበረሰብ ድርጅት ጋር በትብብር ለመስራት የሚያስችል ሰነድ ተፈራረመ፡፡

የሥምምነት ሰነዱን የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ እና የፒፕል ኢን ኒድ (People In Need) የኢትዮጵያ ዳይሬክተር Bharat Man Shrestha የፈረሙ ሲሆን በፊርማ ስነስርዓቱ ላይ የባለስልጣን መስሪያ ቤቱን ከፍተኛ የስራ ኃላፊዎችን ጨምሮ የድርጅቱ ተወካዮች ተገኝተዋል፡፡

ለስልጣን መስሪያ ቤቱ ከድርጅቱ ጋር በጋራ ለመስራት የተስማሙባቸው ዋና ዋና ጉዳዮች ሀገር በቀል የሲቪል ማህበረሰብ ድርጅቶችን ማጠናከር፣ በሎካላይዜሽን፣ በጥናትና ምርምር እና በአቅም ግንባታ ስራዎች ላይ ትኩረት ያደረጉ ሲሆን ይህንን የሚያስተባበር የጋራ ጥምር ተወካይ እንደሚሰየም ተጠቁሟል፡፡

የባለስልጣን መስሪያ ቤቱ በተለያዩ ጉዳዮች ላይ በትብብርና በቅንጅት ለመስራት የሚያስችል ውይይት ከፒፕል ኢን ኒድ (People In Need) ተካዮች ጋር ያደረገ ሲሆን የድርጅቱ ተወካይ Bharat Man Shrestha ከባለስልጣን መስሪያ ቤቱ ጋር በትብብር ለመስራት ዝግጁ መሆናቸውንም ጠቁመዋል፡፡

ፒፕል ኢን ኒድ (People in Need) በሲቪል ማህበረሰብ ድርጅቶች ባለስልጣን ተመዝግበው ከሚንቀሳቀሱ የውጭ የሲቪል ማህበረሰብ ድርጅቶች አንዱ ሲሆን በሰብዓዊ ድጋፍና በልማት ትብብሮች ላይ በኢትዮጵያ በተለያዩ ክልሎች እየሰራ ይገኛል፡፡


የሲቪል ማህበረሰብ ድርጅቶች ባለስልጣን ከኢትዮጵያ የፖሊሲ ጥናት ኢንስቲትዩት ጋር በመተባበር "The Emergence of Social Enterprise in Ethiopia: Opportunities, Challenges and Policy Options" በሚል ርእስ የተዘጋጀ የጥናት መነሻ ሃሳብ (Concept Note) ቀርቦ ከባለድርሻ አካላት ጋር ውይይት ተደርጎበታል።

የሲቪል ማህበረሰብ ድርጅቶች ባለስልጣን ከኢትዮጵያ የፖሊሲ ጥናት ኢንስቲትዩት ጋር በመተባበር "The Emergence of Social Enterprise in Ethiopia: Opportunities, Challenges and Policy Options" በሚል ርእስ የተዘጋጀ የጥናት መነሻ ሃሳብ (Concept Note) ቀርቦ ከባለድርሻ አካላት ጋር ውይይት ተደርጎበታል።

ጥናቱ የቀረበው የሲቪል ማህበረሰብ ድርጅቶች ባለስልጣን ከ Welthungerhilfe (WHH) ጋር በመተባበር ባዘጋጀው የመማማሪያ እና የልምድ ልውውጥ መድረክ ነው።

የጥናቱ ዋና አላማ የሲቪል ማህበረሰብ ሴክተር እያጋጠመው የሚገኘውን የፈንድ እጥረት ለመቅረፍና ዘላቂ የገቢ ምንጭ አማራጮችን ለማመላከት እንዲሁም ከተረጅነት የተላቀቀ ዘርፍ እንዲሆን ያለመ ሲሆን በኢትዮጵያ የሶሻል ኢንተርፕራይዞችን የሚመራ የህግ ማእቀፍ የሌለ በመሆኑ ምክንያት አማራጩን ለመጠቀም ተግዳሮት የፈጠረ መሆኑ በተደጋጋሚ ሲገለጽ በመቆየቱ እና ባለስልጣን መስሪያቤቱም የጀመረውን ሴክተሩን የማጠናከርና የመደገፍ ተግባር መሆኑን በመድረኩ ላይ የመክፈቻ ንግግር ያደረጉት የባለስልጣኑ ምክትል ዋና ዳይሬክተር አቶ ፋሲካው ሞላ ገልጸው።

በጥናቱ ዝርዝር ሪፖርትን ጨምሮ የ’ፖሊሲ ሪኮመንዴሽንና ‘ፖሊሲ ብሪፍ’ እንደሚዘጋጅ ይጠበቃል ብለዋል።

የመድረኩ ተሳታፊዎች በበኩላቸው ባለስልጣን መ/ቤቱ ይህንን ጥናት ለማካሄድ የወሰደውን ተነሳሽነት አድንቀው ሴክተሩ እያጋጠመው ያለውን የፋይናንስ እጥረት በዘላቂነት ለመቅረፍ እንደሚያግዝ ገልጸው እንደ Corporate Social Responsibility (CSR) ጨምሮ ሌሎች አማራጮች ላይም ትኩረት እንዲደረግ ጠይቀዋል። በውይይቱ ማጠቃለያ ላይ አቶ ፋሲካው ሞላ እንደገለጹት CSR ን ጨምሮ ሌሎች ሴክተሩን የሚጠቅሙ ጥናቶችን ለማካሄድ ባለስልጣን መ/ቤቱ ቁርጠኛ መሆኑን ገልጸው  ነገር ግን ይህንን ለማድረግ የበጀት እጥረት ስላለ ይህንን ጉዳይ ለመደገፍ ፈቃደኛ አካላት ድጋፍ እንዲያደርጉ ጥሪ አቅርበዋል።

በመድረኩ ላይ በ EU CSF+ ፕሮጀክት የተገኙ ምርጥ ተሞክሮዎች እና ልምዶች ቀርበው ውይይት ተካሂዶባቸዋል። ከዚህም በተጨማሪ በፕሮግራሙ ለታቀፉ 28 የሲቪል ማህበረሰብ ድርጅቶች ጋር የፈንድ ድጋፍ የፊርማ ስነ-ስርአት ተከናውኗል።


የሲቪል ማህበረሰብ ድርጅቶች ባለስልጣን ከሜሪስቶፕስ ኢንተርናሽናል ኢትዮጵያ ጋር በመተባበር ለተቋሙ ሰራተኞች የአቅም ግንባታ ስልጠና ሰጠ፡፡

የሲቪል ማህበረሰብ ድርጅቶች ባለስልጣን ከሜሪስቶፕስ ኢንተርናሽናል ኢትዮጵያ ጋር በመተባበር ለተቋሙ ሰራተኞች የአቅም ግንባታ ስልጠና ሰጠ፡፡

የሲቪል ማህበረሰብ ድርጅቶች ባለስልጣን ከወረቀት የጸዳ አሰራርን ለመዘርጋት በዲጂታላይዜሽን ላይ ትኩረት አድርጎ እየሰራ ይገኛል፡፡ ከማሪ ስቶፕስ ኢንተርናሽናል ኢትዮጵያ ጋር በመተባበርም የመዝገብ አስተዳደር ስርዓት (Document management system) ለመዘርጋት የሚያስችል አስፈላጊ ግብዓቶችንና ቅድመ ዝግጅቶችን አሟልቶ በቀጣዩ አንድ ወር ውስጥ ለማጠናቀቅ እየተሰራ ይገኛል፡፡

የዚሁ አካል የሆነውና የተቋሙን የሚመለከታቸውን የስራ ክፍሎችና ባለሙያዎችን ተደራሽ ያደረገ የአቅም ግንባታና የግብዓት ማሰባሰቢያ ስልጠና ለተከታታይ አምስት ቀናት ተሰጥቷል፡፡

ስልጠናውን በሚመለከት ማብራሪያ የጠየቅናቸው የሲቪል ማህበረሰብ ድርጅቶች ባለስልጣን የኢንፎርሜሽንና ቴክኖሎጂ ስራ አስፈጻሚ አቶ ጌትየ ዝግአለ እንደገለጹልን ስልጠናው ትኩረት ያደረገው በባለስልጣኑና በሜሪስቶፕስ ኢንተርናሽናል ኢትየጵያ ትብብር እየለማ የሚገኘው የመዝገብ አስተዳደር ስርዓት (Document management system) ምንነትና አጠቃቀም ስርዓት ላይ መሆኑን ጠቁመው የስራ ክፍሎች ሲስተሙን ሲጠቀሙ በምን መልኩ መጠቀም እንዲሚችሉ የሚጠቁም ተግባር ተኮር ስልጠና መሆኑን ጠቁመዋል፡፡

Click the button
Tagline

የሲቪል ማህበረሰብ ድርጅቶች ባለስልጣን ለሲስተሙ አስፈላጊ የሆኑ መሰረተ ልማቶችን እና ግብዓቶችን ከአጋር አካላት ጋር በመተባበር እንዲሟሉ ያደረገ ሲሆን በወረቀት የሚገኙ ሰነዶችን መደ ዲጂታል ስርዓት የመቀየሩን ሂደት ለማጠናቀቅ በመስራት ላይ እንደሚገኝም ጠቁመዋል፡፡

የዲጂታል ስርዓቱ ሙሉ በሙሉ ተሰርቶ ሲጠናቀቅ በባለስልጣኑ የሚገኙ መዝገቦች ሙሉ በሙሉ ዲጂታይዝድ የሚሆኑ ሲሆን ይህም በባለስልጣኑ የመዝገብ ቤት ውስጥ የሚገኙ መዝገቦችን ብልሽት የሚቀርፍ እንዲሁም የባለስልጣን መስሪያ ቤቱን የአሰራር ስርዓት የሚያዘምን መሆኑንም አክለው ገልጸዋል፡፡

Click the button

ሎካላይዜሽንን አጀንዳ ያደረጉ የሲቪል ማኅበረሰብ ድርጅቶች ህብረት (Consortium) መሰረቱ፡፡

ሎካላይዜሽንን አጀንዳ ያደረጉ የሲቪል ማኅበረሰብ ድርጅቶች ህብረት (Consortium) መሰረቱ፡፡

ሎካላይዜሽንን አጀንዳ ያደረጉ ሃያ የሃገር በቀል የሲቪል ማኅበረሰብ ድርጅቶች ህብረት (Consortium) መሰረቱ፡: በምስረታው ላይ የመክፈቻ ንግግር ያደረጉት የኢትዮጵያ አደጋ ስጋት ሥራ አመራር ኮሚሽን ኮሚሽነር አምባሳደር ዶ/ር ሽፈራው ተ/ማርያም Consortium of Humanitarian Actors for National Growth and Empowerment (CHANGE ) መመስረቱ አስፈላጊ መሆኑን ገልጸው ከአደጋ ምላሽ ሥራ ይልቅ የአደጋ ክስተቶች ላይ በማተኮር አይበገሬነትን እና የሰብኣዊ ድጋፍ ሉዓላዊነት ላይ ውጤታማ ሥራ ለመስራት ሁሉም የሚመለከታቸው መንግስታዊና መንግስታዊ ያልሆኑ ድርጅቶች በመተባበር በቅንጂትና በቁርጠኝነት ሊሰሩ ይገባል ሲሉ መልዕክት አስተላልፈዋል፡፡

አክለውም ሎካላይዜሽንን ስናስብ ወደ ውስጥ መመልከት ፣ከተረጂነት መላቀቅ ቀድሞ ተዘጋጅቶ ለችግሮች ምላሽ መስጠት ላይ ትኩረት ማድረግ መሆኑን የገለጹት ኮሚሽነሩ በዚህ ዙሪያ ከሲቨል ማህበረሰብ ድርጅቶች ባለስልጣን ጋር በቅንጅት በመስራት ላይ መሆናቸውን ተናግረዋል፡፡

የኢፌደሪ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ ባስተላለፉት መልዕክት እንደገለጹት ባለስልጣን መስሪያቤቱ የምዝገባ ስርዓቱን በማዘመን፣የክትትልና ድጋፍ በማጠናከርና የቅንጅታዊ የአሰራር ስርዓትን ከመገንባ አንጻር በርካታ ተግባራትን ማከናወኑን ተናግረዋል፡:

የኢፌዲሪ የሲቪል ማኅበረሰብ ድርጅቶች ባለስልጣን የሲቪል ማህበረሰብ ድርጅቶች በተመዘገቡበት ዓላማ መሰረት ማህበረሰቡን ተጠቃሚ እንዲያደርጉ ምቹ ሁኔታዎችን ይፈጥራል ያሉት ዋና ዳይሬክተሩ የሎካላይዜሽን አጀንዳ በሲቪል ማህበረሰብ ዘርፍ ውሰጥ ካሉ ስትራቴጅክ ጉዳዮች መካከል አንዱ በመሆኑ የሎካላይዜሽን የስራ ቡድን (Localization Task Force) ከመመስረት ጀምሮ ይህም መድረክ እንዲሳካ ባለስልጣን መስሪያቤቱ የሙያና የቴክኒክ ድጋፍ አድርጓል ብለዋል፡፡

Consortium of Humanitarian Actors for National Growth and Empowerment (CHANGE) መመስረቱም የሃገር በቀል እና የውጭ የሲቪል ማህበረሰብ ድርጅቶች ድጋፍ ለሚሹ የማህበረሰብ ክፍሎች መርህ ላይ የተመሰረተ ድጋፍ እንዲያደርጉ አድል የሚሰጥ በመሆኑ ባለስልጣን መስሪያቤቱ አስፈላጊውን ድጋፍ ሁሉ ያደርጋል ሲሉ ተናግረዋል፡፡

በሰው ሰራሽና በተፈጥሮ አደጋ ለሚገጥሙ ችግሮች ወቅታዊ እና የተቀናጀ የሰብዓዊ ድጋፍ ማድረግ አስፈላጊ መሆኑን የገለጹት ዋና ዳይሬክተሩ ለሰብዓዊ ድጋፍ ሁሉም የሚመለከተው ባለድርሻ አካላት በቅንጅና በትብብር መስራት ይኖርበታል ሲሉ መልዕክት አስተላልፈዋል፡፡

ዶ/ር አንበሱ ቶላ የCHANGE Consortium የቦርድ ሰብሳቢ በመድረኩ ለተሳተፉ እና ፕሮግራሙ እንዲሳካ ትብብር ላደረጉ አካላት በሙሉ ምስጋናቸውን አቅርበው ሃገር በቀል ድርጅቶች በጋራ በመሆን የመሰረትነው ድርጅት ለችግሮች ምላሽ ለመስጠት ብቻ ሳይሆን የረጅም ጊዜ የልማት እቅድ በመቅረጽ በሀገር ውስጥ ቅድሚያ በሚሰጣቸውን ጉዳዮች ላይ ትርጉም ባለው መልኩ አስተዋፅዖ ለማበርከት ነው ብለዋል፡፡

CHANGE Consortium በብሔራዊ ደረጃ የሰብአዊ እርዳታ ተዋናዮች መካከል ቅንጅታዊ የአሰራር ስርዓት መፍጠር፣ የአቅም ግንባታ ስልጠናዎች መስጠት፣ፍትሃዊና ተደራሽ የሰብዓዊ ድጋፍ እንዲኖር ማስቻል ፣ሁሉም ፕሮግራሞች ለሴቶች፣ ህጻናት እና አካል ጉዳተኞች ተደራሽ ያደረጉ መሆናቸውን ማረጋገጥ እና ሌሎች ዓላማዎችን ተፈጻሚ ለማድረግ የተቋቋመ ሃገር በቀል ድርጅት ነው፡፡


የሲቪል ማህበረሰብ ድርጅቶች ባለስልጣን ከፍተኛ የሥራ ሃላፊዎች እና የህዝብ ተወካዮች ምክርቤት አባል የኢስላሚክ ሪሊፍ ኢትዮጵያን ስራዎች ጎበኙ፡፡

የሲቪል ማህበረሰብ ድርጅቶች ባለስልጣን ከፍተኛ የሥራ ሃላፊዎች እና የህዝብ ተወካዮች ምክርቤት አባል የኢስላሚክ ሪሊፍ ኢትዮጵያን ስራዎች ጎበኙ፡፡

ጎዴ፣ ኢትዮጵያ (ጥቅምት 12፣ 2018) የሲቪል ማህበረሰብ ድርጅቶች ባለስልጣን አመራሮች፣ የሥራ ኃላፊዎች ና የህዝብ ተወካዮች ምክርቤት አባል በሶማሌ ክልል አፍዴር ዞን የሚገኘውን የ3.6 ሚሊዮን ፓውንድ (ከ ግማሽ ቢሊዮን ብር በላይ) የፈጀውን የውሀ ልማት ፕሮጀክቶች ጎብኝተዋል።

ከጥቅምት 9 እስከ 12 ድረስ የተደረገው ጉብኝት የሲቪል ማህበራት ባለስልጣን ዋና ዳይሬክተር አቶ ሳምሶን ቢራቱ፣ ምክትል ዋና ዳይሬክተር አቶ መስፍን ሙሉነህ፣ እንዲሁም የኢፌዴሪ የህዝብ ተወካዮች ምክርቤት አባል የተከበሩ አቶ ዘካሪያስ ኤርኮላ ጨምሮ ሌሎችም የጉብኝቱ ተሳታፊዎች በተመለከቱት የውሀ ልማት ስራዎች መደነቃቸውን ተናግረዋል።
ኢስላሚክ ሪሊፍን በመወከል የድርጅቱ የኢትዮጵያ ዋና ተጠሪ አቶ አህመድ አባጆቢር፣ የፕግራሞች ኃላፊ የሆኑት አቶ ከርድ ሙሰማን ጨምሮ ሌሎችም የድርጅቱ አመራሮች ተገኝተዋል።

በየብስ ከ1500 ኪሎ ሜትር በላይ ርቀት ላይ በሚገኘው የሀርጌሌ ወረዳ የተሰራውን የልማት ስራ የጎበኙት የባለስልጣን መስሪያ ቤቱ ሀላፊዎች እና የቦርድ አባላት ከአካባቢው ህዝብና የዞኑ አስተዳደር ጋር ውይይት አድርገዋል።

በውይይቱም የልማት ስራዎቹን አስፈላጊነትና ለማህበረሰቡ የሰጠውን ጥቅም እማኝ መሆናቸውን ገልፀዋል።

Click the button

ከተጎበኙት የስራ ዓይነቶች መካከል የዘመነ የመሬት ላይ የውሀ ማቆሪያ ግድብ (ሀፊር ዳም)፣ በፀሐይ ሀይል የዘመነ የውሀ ፓምፕ፣ የውሀ ቦኖዎች፣ የውሀ ማጣሪያ እና መሰል ስራዎች ይገኙበታል።

ይህ የውሀ ስራ ከዚህ በፊት በአካባቢው በነበረው ድርቅ እና የውሀ እጦት ምክንያት ከአካባቢው ይሰደዱ የነበሩ ከ19 ሺህ በላይ ነዋሪዎችን የታደገ መሆኑ ተነግሯል።

ዋና መስሪያ ቤቱን በእንግሊዝ ሀገር በርሚንግሀም ከተማ ያደረገው ኢስላሚክ ሪሊፍ በኢትዮጵያ የተለያዩ ክልሎች(በሶማሊ፣ ኦሮሚያ ፣ አፋር እና አዲስ አበባ) ላይ በውሃ ልማት ስራዎች፣ በጤና እና ሥነ-ምግብ፣ በትምህት ብሎም ቀጣይነት ባለው፣ የወላጅ አልባ ህፃናት ድጋፍ ፣የኑሮ መሰረትና የምግብ ዋስትና እና መሰል ድጋፎች ላይ ተሰማርቶ ላለፉት 20 ዓመታት ሲሰራ የቆየ ግብረ ሰናይ ድርጅት ነው።

Click the button

በተቋሙ ዋና ዳይሬክተር አቶ ሳምሶን ቢራቱ የተመራ ልዑካን ቡድን MSI ኢትዮጵያ በጅማና አከባቢው ያከናወናቸውን ስራዎችን ጎብኝተዋል፡፡

በተቋሙ ዋና ዳይሬክተር አቶ ሳምሶን ቢራቱ የተመራ ልዑካን ቡድን MSI ኢትዮጵያ በጅማና አከባቢው ያከናወናቸውን ስራዎችን ጎብኝተዋል፡፡

በጉብኝቱ የባለስልጣን መስሪያቤቱ ከፍተኛ የስራ ሃላፊዎችን ጨምሮ የተከበሩ ዶ/ር ነገሪ ሌንጮ በህዝብ ተወካዬች ምክርቤት የሰው ሃብት ልማት፣ስራ ስምሪት እና ቴክኖሎጂ ጉዳዬች ቋሚ ኮሚቴ ሰብሳቢ፣አምባሳደር ፍጹም አረጋ የኢትዮጵያ ዲያስፖራ አገልግሎት ዋና ዳይሬክተር እና ሌሎች የክብር እንግዶች ተሳታፊ ሆነዋል፡፡

MSI ኢትዮጵያ ከሱማሌ፣ጋንቤላና ቤኒሻጉል ውጭ በሁሉም ክልሎች በጤና ዘርፍ ትኩረት አድርጎ የሚሰራ የውጭ የሲቪል ማህበረሰብ ድርጅት ሲሆን በእናቶች የስነተዋልዶና ምክር እና አገልግሎት ላይ ትኩረት በማድረግ በሃገራችን በተለያዩ ሶስት መቶ ጤና ተቋማት ላይ እንደሚሰራ የድርጅቱ ዋና ዳይሬክተር ዶ/ር አበበ ሽብሩ ገልጸዋል፡፡

በጅማ ዞን ማና ወረዳ ኬንተሪ ቀበሌ ኬንተሪ ጤና ኬላ እና የቡ ጤና ጣቢያ ላይ MSI ኢትዮጵያ በተንቀሳቃሽ የጤና ቡድን አማካይነት የተደራሽነት ችግር ያለባቸው አከባቢዎች ላይ በመሄድ የቤተሰብ እቅድን ጨምሮ ሌሎች የስነ ተዋልዶ ጤና አገልግሎቶችን፣የስርዓተ ምግብ ልየታ እና ወደ ጤና ተቋማት ሪፈር የማድረግ ስራ፣የእናቶች ጤና እና የግንዛቤ ማስጨበጫ ስራዎች ይሰራል፡፡ ከዚህ ጋር በተያያዘ የመንግስት ጤና ስርዓት ግንባታ ላይ በስልጠናና በክትትል የባለሙያዎችን አቅም በማጎልበት፣ መሰረታዊ የቁሳቁስ ድጋፍ በሟሟላት፣ የእውቀት ሽግግር በማድረግ አገልግሎቱ ቀጣይነት እንዲኖረው ማስቻል እና የልምድ ልውውጥን ጨምሮ የመማሪያ ፎረም ማዘጋጀት ስራዎችን መስራቱን በጉብኝት ወቅት ለመረዳት ተችሏል፡፡

Click the button

ዶ/ር ነገሪ ሌንጮ በሰጡት አስተያየት MSI ኢትዮጵያ ተደራሽ ያልሆኑ አከባቢዎች ላይ በመሄድ ማኅበረሰቡን ለማገልገል እና የእናቶችን ህይወት ለመታደግ የሰራውን ስራ አመስግነው ድርጅቱ ትልቅ አቅም ያለው በመሆኑ ከዚህ ዘርፍ ውጭ ለመስራት ማሰብ ይኖርባችኃል ሲሉ ገልጸዋል፡:

አቶ ፋሲካው ሞላ የባለስልጣን መስሪያቤቱ ም/ዋና ዳይሬክተር በሰጡት አስተያየት ባለስልጣን መስሪያቤቱ አንዱ ተግባሩ ክትትልና ድጋፍ ማድረግ ሲሆን አሁን MSI ኢትዮጵያ የሰራቸውን ስራዎች መመልከት መቻሉ የሱ አካል መሆኑን ገልጸዋል፡፡

የሎካላይዜሽን ጉዳይ ትልቁ የባለስልጣን መስሪያቤቱ አጀንዳ መሆኑ በመግለጽ ድርጅቱ ከዚህ አንጻር መንግስት በፈቀደው የገቢ ማስገኛ (IGA) በመጠቀም ከጥገኝነት በመላቀቅ እራስን ለመቻል የተሰራው ስራ አበረታች ነው ብለዋል፡፡

MSI ኢትዮጵያ ቢዝነስ ሞዴሉ በጣም ጥሩ እና ለሌሎችም ምሳሌ ነው ያሉት ም/ዋና ዳይሬክተሩ የሶሻል ኢንተርፕራይዝን በተመለከተ ከባለስልጣኑ እና ከሌሎች ከሚመለከታቸው አካላት ጋር በመሆን ጥናት ቢሰራ ጥሩ ነው በማለት አስተያየት ሰጥተዋል፡፡

በዚህ ሂደት ልዩ ትኩረት የሚሹ የማህረሰብ ክፍሎች ሴቶችና ህጻናት ላይ ትኩረት አድርጎ የሚሰራው ስራ መበረታታት እንደሚገባው ገልጸው ድርጅቱ ሞዴል ፣ ለሌሎች ምሳሌ እና ማህበረሰቡን የሚጠቅም ተቋም እንዲሆን ከዚህ የበለጠ መስራት ይጠይቃል ብለዋል፡፡

ዋና ዳይሬክተር አቶ ሳምሶን ቢራቱ በማጠቃለያ ንግግራቸው እደገለጹት በነበረው ቆይታ እና ጉብኝት ምስጋናቸውን አቅርበው ሁሉም የሲቪል ማህበረሰብ ድርጅቶች ስራቸውን ሲሰሩ ሀገርን እና ማህበረሰቡን ታሳቢ አድርገው መሆን ይጠበቅበታ ሲሉ መልዕክት አስተላልፈዋል፡፡

የዚህ መድረክም ዓላማ የተለያዩ መንግስታዊ ተቋማት እና የሚመለከታቸው ባለድርሻ አካላት ተሳታፊ እንዲሆኑ በማድረግ ገንቢ ሃሳብ ለማግኘትና ቅንጅታዊ አሰራርን የበለጠ ለማጎልበት መሆኑን አክለው ገልጸዋል፡፡

ለሲቪል ማኅበረሰብ ድርጅቶች ባለስልጣንም ከክትትልና ከቁጥጥር ባሻገር ድጋፋዊ እገዛ ስላደረገ የሰርትፍኬት ሽልማት MSI ኢትዮጵያ ተበርክቶለታል፡፡ ከጉብኝቱ በተጨማሪ ድርጅቱ ያከናወናቸው ዋና ዋና ተግባራት እና ሎካላይዜሽንን በተመለከተ ሰነድ ቀርቦ ውይይት ተደርጎበታል፡፡

Click the button