በተቋሙ አዘጋጅነት በሁሉም ክልሎች በማህበራዊ ተጠያቂነት ዙሪያ የሚሰጠው ስልጠና ተጀመረ፡፡

በማህበራዊ ተጠያቂነት ዙሪያ በአማራ ብሔራዊ ክልል ደብረታቦር ከተማ ለሲቪል ማህበረሰብ ድርጅቶች እና ባለድርሻ አካላት ስልጠና እየተሰጠ ይገኛል፡፡ የስልጠናው ዓላማ ማህበራዊ ተጠያቂነትን የሲቪል ማህበረሰብ ድርጅቶች በዘላቂነት በፕሮግራማቸው አካተው እንዲሰሩት ለማድረግ እና ጠያቂ እና ሃላፊነቱን የሚወጣ ማህበረሰብ ለመፍጠር ነው፡፡ በመርሃ ግብሩ የመክፈቻ ንግግር ያደረጉት የክልሉ የሲማድ ዘርፍ ተወካይ አቶ ሙሉጌታ መኩሪያ ስልጠናውን ላዘጋጀው የሲቪል ማህበረሰብ ድርጅቶች ባለስልጣን ምስጋናቸውን አቅርበው ከስልጠናው በኋላ በማህበራዊ ተጠያቂነት ዙሪያ የሲቪል ማህበረሰብ ድርጅቶች እና የመንግስት አካላት ግንዛቤ በመያዝ ተግባራዊ ለማድረግ እንሰራለን ብለዋል፡፡በስልጠናው የማህበራዊ ተጠያቂነት ጽንሰ ሃሳብ፣በኢትዬጵያ አመጣጡን እና አተገባበር ዙሪያ እና በርካታ ርዕሰ ጉዳዬች ተነስተው ውይይት እየተደረገበት ሲሆን በቀጣይ በሁሉም ክልሎች ይሰጣል፡፡


የመገናኛ ብዙኃን ኃላፊዎችና ባለሙያዎች የሲቪል ማህበረሰብ ድርጅቶችን የስራ እንቅስቃሴ ጎበኙ

የሲቪል ማህበረሰብ ድርጅቶች ባለስልጣን ያዘጋጀው የሚድያ ተቋማት ኃላፊዎችና ባለሙያዎች የተሳተፉበት  የመስክ ጉብኝት ተካሂዷል፡፡ የባለስልጣን መስሪያ ቤቱን ተግባርና ሃላፊነት ለሚዲያ ተቋማት ግንዛቤ ማስያዝ፣የሲቪል ማህበረሰብ ድርጅቶችን እንቅስቃሴ በአካል ማሳየት እና የሚዲያ ሽፋን እንዲያገኙ ብሎም ማህበረሰቡ ስለድርጅቶቹ ግንዛቤ እንዲይዝና  በዚህ ሂደት የማህበረሰቡን የላቀ ተጠቃሚነት ማረጋገጥን ዓላማ አድርጎ የተዘጋጀው ይህ የመስክ ምልከታ በተመረጡ አምስት የሲቪል ማህበረሰብ ድርጅቶች ፕሮጀክቶች ላይ የተደረገ ነው፡፡ ከተለያዩ የመገናኛ ብዙኃን የተሳባሰቡት ሃላፊዎቹ በትምህርት፣ በተፈጥሮ ሀብትና አካባቢ ጥበቃ፣ በህጻናት እንክብካቤና ድጋፍ እንዲሁም በውኃና ውኃ አቅርቦት ላይ የሚሰሩ ድርጅቶችን ፕሮጀክቶች ፕሮጀክቶቹ  በሚከናወኑበት አካባቢ በመገኘት ተመልክተዋል፡፡ በሞጆ ከተማ በትምህርትና ስልጠና እንዲሁም በህጻናት እንክብካቤና ድጋፍ ላይ የሚሰራው ራፊቅ ፋውንዴሽንና በተፈጥሮ ኃብት ጥበቃና በአካባቢ ጥበቃ ላይ የሚሰራውን  ሴዳ (SEDA) የተባሉ ድርጅቶችን ፕሮጀክቶችን በማየት የጀመረው የመስክ ምልከታ በዝዋይ የክርስቲያን ኤድ ድርጅትን የውኃ ፕሮጀክቶችን እንዲሁም በወንዶ ገነት የሚገኘውን የመና ህጻናትና የቤተሰብ መርጃ እና የህብረተሰብ ልማት ድርጅትን የተመለከተ ሲሆን የካቶሊካዊት ቤተክርስቲያን የልማት ድርጅት በምዕራብ አርሲ ሻሸመኔ፣ በምስራቅ ሸዋ መቂና የመቂ ዙሪያ የሚገኙ ማህበረሰብ አቀፍ የልማት ስራዎችን ያካተተ ነው፡፡

የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ የሲቪል ማህበረሰብ ድርጅቶች ዘርፍ ባለፉት ሶስት ዓመታት ከፍተኛ የሪፎርም ስራ የተሰራበት ዘርፍ መሆኑን ለጉብኝት ተሳታፊዎች ገልጸው የሚድያ ተቋማት ለዘርፉ ልዩ ትኩረት በመስጠት ለሀገር እያበረከተ ያለውን በጎ አስተዋጽዖ ለህዝብ እንዲያደርስና ድርጅቶችም የሚሰሩትን ስራ የሚድያ ሽፋን እንዲያገኙ ትልቅ አስተዋጽዖ አለው ሲሉ ተናግረዋል፡፡ በተቋሙ ከ4000 በላይ የሲቪል ማህበረሰብ ድርጅቶች ተመዝገበው እንደሚገኙ የገለጹት ዋና ዳይሬክተሩ ከ2011 ጀምሮ ከ2000 በላይ አዲስ የሲቪል ማህበረሰብ ድርጅቶች መመዝገባቸውን አንስተው ባለስልጣኑ ድርጅቶችን ከመመዝገብ ባለፈ በትክክል መሬት ላይ ምን እየሰሩ ነው የሚለውን ሚዲያዎችና ማኅበረሰቡ ማወቅ ይኖርበታል ብለዋል፡፡ የሲቪል ማህበረሰብ ድርጅቶች በተለያዩ ዘርፎች ተሰማርተው የህብረተሰቡን የላቀ ተጠቃሚነት ለማረጋገጥ እየሰሩ መሆኑን ለማሳየት የመስክ ጉብኝቱ በተቻለ መጠን አካታች እንዲሆን ጥረት አድርገናል ያሉት የሲቪል ማህበረሰብ ድርጅቶች ባለስልጣን የኮሚዩኒኬሽንና ቴክኖሎጂ ዳይሬክተር ወ/ሮ ትዕግስት በቀጣይም በተለያየ አካባቢዎች በመዘዋወር የሲቪል ማህበረሰብ ድርጅቶችን የስራ እንቅስቃሴ ለሚዲያዎችና ለህዝብ የማስተዋወቅ ስራዎችን አጠንክረን እንቀጥላለን ሲሉ ተናግረዋል፡፡

የጉብኝቱ ተሳታፊዎች በበኩላቸው ባለስልጣን መስሪያ ቤቱ የሲቪል ማህበረሰብ ድርጅቶችን እንቅስቃሴ  እንዲመለከቱ በማድረጉ መደሰታቸውን ገልጸው ከሚድያ ተቋማት ጋር ያለውን ግንኙነት በማጠንከር ዘርፉን በሚገባ ማስተዋወቅና እንደዚህ ዓይነት የመስክ ምልከታዎችንም በማድረግ በሁሉም አካባቢ የሚሰሩ ድርጅቶችን ሚዲያዎች እንዲያውቋቸውና እንዲያግዟቸው ብታደርጉ የሚል አስተያየት ሰጥተዋል፡፡ ባለስልጣኑ በሚሰራቸው የኮሚዩኒኬሽን ስራዎች ሁሉ አብሮ ለመስራትና የዘርፉን አበርክቶ ለህዝብ ለማድረስ የበኩላቸውን እንደሚወጡ የገለጹት የጉብኝቱ ተሳታፊዎች የዘርፉን አበርክቶ ለማህበረሰቡ ለማስተዋወቅ ከባለስልጣን መስሪያ ቤቱ ጋር በጋራ እንደሚሰሩ ተናግረዋል፡፡ ከጉብኝት መርኃ ግብሩ በተጨማሪ በተሳታፊዎች የተለያዩ ችግኞችን የመትከል መርኃ ግብር ተካሂዷል፡፡ ልዩ ልዩ የትምህርት፣ የህጻናት ድጋፍና እንክብካቤ፣ የውኃና የውኃ መሰረተ ልማት፣ ተፈጥሮ ኃብትና የአካባቢ ጥበቃ ላይ የተሰሩ ፕሮጀክቶች የታዩበት የመስክ ምልከታው ለሶስት ቀናት የተካሄደ ሲሆን በቀጣዩ በጀት ዓመት ተጠናክሮ የሚቀጥል እንደሚሆን ተጠቁሟል፡፡


የሲቪል ማህበረሰብ ድርጅቶች ባለስልጣን ከፍተኛ አመራርና ባለሙያዎች በቤኒሻንጉል ጉሙዝ ክልል አሶሳ ከተማና በተለያዩ የክልሉ ወረዳዎች የሚገኘውን The Pharos Foundation የመስክ ምልከታ ተደረገ፡፡

The Pharo Foundation የተባለው የውጭ ድርጅት እ.ኤ.አ በ2016 በሲቪል ማህበረሰብ ድርጅቶች ባለስልጣን ተመዝግቦ እየተንቀሳቀሰ ያለ ድርጅት ነው፡፡ በክልሉ እየተተገበረ ያለውን የተለያዩ ፕሮጀክቶችን በመስክ የተመለከተ ሲሆን በዕለቱም ማስመረቅ ችሎዋል፡፡ ድርጅቱ በአሶሳ ከተማ Pharo Diagnostic የተሰኘውን የላብራቶሪ ማዕከል አስመርቋል፡፡ በምረቃ ስነስርዓቱ ላይ የሲቪል ማህበረሰብ ድርጅቶች ባለስልጣን ም/ዋና ዳይሬክተር አቶ ፋሲካው ሞላን ጨምሮ የክልሉ ከፍተኛ ባለስልጣናትና አመራሮች ተገኝተዋል፡፡ ም/ዋና ዳይሬክተር አቶ ፋሲካው ሞላ በምረቃ ስነስርዓት ላይ ባስተላለፉት መልዕክ The Pharo Foundation የተሰኘው ድርጅት በአሶሳ ከተማ እና በክልሉ ወረዳዎች እያከናወናቸው የሚገኙትን በርካታ ፕሮጀክቶች መመልከት የቻልን ሲሆን በጤናው፣በግብርናው፣በትምህርት በንፁህ ውሃ አቅርቦት ላይ እየሰራ ያለው ስራ የሚያበረታታ መሆኑን ተገንዝበናል ብለዋል ፡፡

ይህ ዛሬ የሚመረቀው Pharo Diagnostic center የላብራቶሪ ማዕከል ቀደም ሲል በክልሉ በጤናው ዘርፍ ከፍተኛ ችግር የነበረበትን ማህበረሰብ ተጠቃሚ የሚያደርግ መሆኑን ተናግረዋል ፡፡ The Pharo Foundation በልማቱ ከሚያደርጋቸው አስተዋፅኦ ባሻገርም በሃገራችን በተከሰተው የተለያዩ ችግሮች ባደረግነው ሃገራዊ ጥሪ ድጋፍ ማድረጉን በማስታወስ የክልሉ መንግስትም ለሀገር በርካታ ስራዎችን ለሚሰሩ የሲቪል ማህበረሰብ ድርጅቶች ድጋፍ ሊያደርግ ይገባል በማለት ባለስልጣን መስርያቤቱም ለነዚህ ድርጅቶች ከፍተኛ ድጋፍ ማድረጉን ይቀጥላል ሲሉ መልዕክታቸውን አስተላልፈዋል፡፡ድርጅቱ በክልላችን እንዲሁም በተለያዩ ወረዳዎች በጤናው፣በግብርናው ፣በትምህርት፣በንፁህ የመጠጥ ውሃ እና በመሳሰሉት በርካታ ስራዎችን እየሰራና የማህበረሰቡን ተጠቃሚነት እያረጋገጠ ያለ ድርጅት መሆኑን ከክልሉ ተወካዬች መረዳት ተችሏል፡፡ አያይዘውም ከዚህ ቀደም በክልሉ በጤናው ዘርፍ በርካታ ችግሮች ይስተዋሉ ነበረ ይህንን ችግር በክልሉ የማይገኙ የመመርመርያ ማሽኖችን ጨምሮ የጤና ዘርፍን ከፍ ሊያደርግ የሚችል የላብራቶሪ ማዕከል ማቋቋም ችሏል ብለዋል፡፡

.


የሰብዓዊ መብት ጥሰቶችን ለማረም ኢንተር ሚኒስትሪያ ታስክ ፎረስ (inter-ministerial task force) የወሰዳቸውን ርምጃዎች አስመልክቶ ውይይት እየተደረገ ይገኛል፡፡

የሲቪል ማህበረሰብ ድርጅቶች ባለስልጣን ከፍትህ ሚኒስቴር ጋር በመተባበር በመንግስት የተቋቋመው ኢንተር ሚኒስትሪያል ታስክ ፎርስ (inter-ministerial task force) እየወሰዳቸው ስላላቸው ርምጃዎች ከሲቪል ማህበረሰብ ድርጅቶች ጋር እየተወያየ ይገኛል፡፡ የውይይቱ ዓላማ በሰሜኑ የሀገሪቱ ክፍል በነበረው ጦርነት ተፈጸሙ የተባሉ የሰብዓዊ መብት ጥሰቶችን ለማረም መንግስተ የወሰዳቸውን ርምጃዎች ለሲቪል ማህበረሰብ ድርጅቶች ለማሳወቅ ነው፡፡ በውይይቱ መክፈቻ ላይ የተገኙት የባለስልጣን መስሪያ ቤቱ ዋና ዳይሬክተር አቶ ጂማ ዲልቦ መንግስት ከሰብዓዊ መብት ጋር የተያያዙ ጥብቅ ርምጃዎችን ወስዷል ያሉ ሲሆን እነዚህ እርምጃዎች ምን ያህል አጥጋቢ ናቸው በተለይ ከሰብዓዊ መብት ጥሰት ጋር በተያያዘ ለወሰዳጀው አዎንታዊ ርምጃዎች የሲቪል ማህበረሰብ ድርጅቶች ምን አይነት እይታ አላቸው የሚለውን ለማወቅና የሲቪል ማህበረሰብ ድርጅቶች ዘርፍ በጉዳዩ ላይ ሀሳቡን መግለጽ እንዲችል ተከታታይ መድረኮች እየተዘጋጁ መሆኑን ጠቁመዋል፡፡

የሲቪል ማህበረሰብ ድርጅቶች በርካታ ኃላፊነቶች አሉበት ያሉት ዋና ዳይሬክተሩ በተለይም ማህበረሰቡን በቀጥታም ሆነ በተዘዋዋሪ ከሚደርስበት ጥቃት መከላከልና መጠበቅ እንዲሁም ጥፋት አድራሾችን ለህግ በማቅረብ ሂደት ውስጥ ትልቅ ኃላፊነት አለባቸው ብለዋል፡፡ የሲቪል ማህበረሰብ ድርጅቶች በሰሜኑ ጦርነት ወቅት በርካታ ድጋፎችን ማድረጋቸውን አንስተው ነገር ግን የሲቪል ማህበረሰብ ድርጅቶች ችግር ከመከሰቱ በፊት የነበራቸው እንቅስቃሴ ደካማ እንደነበር አውስተዋል፡: አያይዘውም አቅም ያለው የሲቪል ማህበረሰብ ድርጅቶች እየተፈጠሩ መሆኑን ጠቁመው የሲቪል ማህበረሰብ ድርጅቶች ድምጽ በሁሉም ዘርፍ መሰማት አለበት ያሉ ሲሆን ባለስልጣን መስሪያ ቤቱ ለዚህ መሳካት ድጋፍ እንደሚያደርግ ተናግረዋል፡፡ የኢንተር ሚኒስትሪያል ታስክ ፎርስ (inter ministrial task force) ኃላፊ ዶ/ር ታደሰ በበኩላቸው የሲቪል ማህበረሰብ ድርጅቶች እንደማንነኛውም የሚመለከተው አካል መንግስት የሚወስዳቸውን ርምጃዎች የማወቅ፣ የመረዳትና የራሱን አበርክቶ የማድረግ ኃላፊነት እንዳለበት በመረዳት መድረኩ እንደተዘጋጀ ጠቁመዋል፡፡

የውይይት መድረኩን የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ እና  የኢንተር ሚኒስትሪያል ታስክ ፎርስ ኃላፊው ዶ/ር ታደሰ መርተውታል፡፡


በበጎ ፈቃድ ይዘት፣ በማህበራዊ በጎነትና በማህበራዊ ተጠያቂነት ዙሪያ ለተቋሙ ሰራተኞች ስልጠና እየተሰጠ ይገኛል፡፡

ባለስልጣን መስሪያ ቤቱ በአዋጅ ቁጥር 1113/2011 በተሰጠው ተግባርና ኃላፊነት የበጎ ፈቃድና በጎ አድራጊነትን ባህል በህብረተሰቡ ዘንድ ባህል ለማድረግ እየሰራ ይገኛል፡፡ በዚህ መነሻነት በባስልጣን መስሪያ ቤቱ ለሚገኙ ሰራተኞች በሁለት ዙር የሚሰጠውን ስልጠና ዛሬ ጀምሯል፡፡ ስልጠናው ትኩረቱን ያደረገው በበጎ ፈቃድ ይዘት፣ በማህበራዊ በጎነትና በማህበራዊ ተጠያቂነት ላይ ትኩረቱን ያደረገ ሲሆን በሁለት ዙር ለሁለት ቀናት የሚሰጥ ይሆናል፡፡ በመርሃ ግብሩ ላይ የተገኙት የሲቪል ማህበረሰብ ድርጅቶች ባለስልጣን የዋና ዳይሬክተር አማካሪ አቶ ተስፋዬ ሺፈራው እንዳሉት ባለስልጣን መስሪያ ቤቱ በአዋጅ ከተሰጠው ስልጣንና ተግባር አንዱ የበጎ ፈቃድ ባህልን በማኅበረሰቡ ውስጥ ማዳበርና ማጎልበት ነው ፡፡ ባለስልጣን መስሪያ ቤቱ በቀጣይ ተልዕኮውን በአግባቡ እንዲወጣ የተቋሙ ሰራተኞች በቂ ግንዛቤና መረዳት ሊኖራቸው ይገባል ያሉ ሲሆን በባለስልጣን መስሪያ ቤቱ የበጎ ፈቃድና ፈንድ አስተዳደር ዳይሬክቶሬት በኩል የተቋሙ ሰራተኞች በበርካታ የበጎ ፈቃድ ተግባራት ላይ እንዲሳተፉ እየተደረገ እንደሚገኝ ገልጸዋል፡፡

አያይዘውም በአረንጓዴ አሻራ በርካታ ችግኞች መተከላቸው፣ የአቅመ ደካሞችን ቤት ማደስ መቻሉን እንዲሁም የዘማች ቤተሰቦችን ሰብል በመሰብሰብ በርካታ ስራዎችን በመስራት ማህበረሰቡ የበጎ ፈቃድ ተግባራትን ከመደበኛ ስራው በተጨማሪ እንዲለማመድ ለማድረግ ጥረት ተደርጓል በማለት ይህም በቀጣይ ተጠናክሮ ይቀጥላል ብለዋል፡፡ በመጪው ክረምትም ትልቅ ንቅናቄ በመፍጠር በርካታ ችግኞችን ለመትከል ከፍተኛ ዝግጅት እየተደረገ እንደሚገኝ አንስተው እንደሀገር ወደ 20 ቢሊዮን ችግኝ ለመትከል እቅድ እንደተያዘ አንስተዋል፡፡ የበጎ ፈቃድ ፖሊሲ ተዘጋጅቶ ወደተግባር እንዲገባ ትኩረት ተሰጥቶ እየተሰራ እንደሚገኝ ጠቁመዋል፡፡


አዋጅ ቁጥር 1113/2011 መሰረት አድርገው በቀረቡ ሰባት ረቂቅ መመሪያዎች ላይ ከተለያዩ የሲቪል ማህበረሰብ ድርጅቶች ህብረቶች ጋር ውይይት እየተደረገ ይገኛል፡፡

የሲቪል ማህበረሰብ ድርጅቶች ባለስልጣን በሰባት ረቂቅ መመሪያዎች ላይ ከተለያዩ የሲቪል ማህበረሰብ ድርጅቶች ህብረቶች ጋር የመጀመሪያ ዙር ግብዓት የማሰባሰቢያ ውይይት እያካሄደ ይገኛል፡፡ በውይይት መክፈቻ መርሃ ግብር ላይ የተገኙት የባለስልጣን መስሪያ ቤቱ ምክትል ዋና ዳይሬክተር አቶ ፋሲካው ሞላ እንዳሉት የሲቪል ማህበረሰብ ድርጅቶች በሀገራችን የልማትና የዴሞክራሲ ስርዓት ግንባታ ከፍተኛ አስተዋጽዖ ማድረግ ይችሉ ዘንድ የህግና ተቋማዊ የሪፎርም ስራዎች ባለፉት ሶስት ዓመታት ሲሰሩ እንደነበረ አንስተው ቀደም ሲል ተጥሎ የነበረውን የህግ ገደብ በአዲሱ አዋጅ ቁጥር 1113/2011 ሙሉ በሙሉ እንዲነሳና ይህን ለማስፈጸም ስልጣን የተሰጠው ተቋሙም ይህንን ተፈጻሚ ለማድረግ በርካታ ስራዎች ሲሰራ መቆየቱን አንስተዋል፡፡ ይህን ምቹ ሁኔታ በመጠቀም የሲቪል ማህበረሰብ ድርጅቶች በሰላም፣ በዲሞክራሲ ስርዓት ግንባታ፣ በልማትና በግጭት አፈታት ጉዳዮች ላይ በንቃት እየተሳተፉ መሆኑን አይተናል ያሉት ምክትል ዋና ዳይሬክተሩ ህግ ማውጣት በራሱ መልካም ቢሆንም ብቻውን ግን ግብ አይሆንም፡፡ የወጣውን ህግ በአግባቡ ተግበራዊ ማድረግ ካልቻልን ህጉ የሚፈልገውን አላማና ግብ ማሳካት አይችልም ብለዋል፡፡

አቶ ፋሲካው በንግግራቸው አዲሱ ህግ በተሟላ መልኩ ተግባራዊ መሆን እንዲችል በርካታ ህጉን የማስተዋወቅ ስራዎች ከሲቪል ማህበረሰብ ድርጅቶች ጋር በመሆን በስፋት ተሰርቷል ያሉ ሲሆን ዘርፉ በህግና ሰርዓት ይመራ ዘንድ፤ የሲቪል ማህበረሰብ ድርጅቶችም በየትኛውም የሀገሪቱ ክፍል ተንቀሳቅሰው በመስራት የህብረተሰቡን ችግር መፍታት ይችሉ ዘንድ ለክልሎች ዘርፉን ለመምራት የሚያስችላቸውን ሞዴል አዋጅ አዘጋጅቶ ተልኮላቸዋል ሲሉ ገልጸዋል፡፡ አያይዘውም አዋጁን ሙሉ በሙሉ ወደተግባር ለመለወጥ ወደ18 የሚደርሱ መመሪያዎችን አዘጋጅቷል ያሉ ሲሆን በነዚህ መመሪያዎች ላይ የሲቪል ማህበረሰብ ድርጅቶች አስተያየት እንዲሰጡባቸው ጥረት ተደርጓል ሲሉ መልዕክታቸውን አስተላልፈዋለ፡፡ አንዲሁም ዛሬ በመድረኩ የቀረቡት ሰባቱ ረቂቅ መመሪያዎች በጣም መሰረታዊ እንደሆኑ በማንሳት ከሲቪል ማህበረሰብ ድርጅቶች የዕለት ከዕለት እንቅስቃሴ ጋር በእጅጉ የተያያዙ መሆናቸውን ጠቁመዋል፡፡


የሲቪል ማኀበረሰብ ድርጅቶች ባለስልጣን MSI Ethiopia reproductive choices ጋር በመተባበር ከዚህ ቀደም ስልጠናውን ላልወሰዱ ሰራተኞች በስነ-ተዋልዶ ጤናና ቤተሰብ ዕቅድ ዙርያ ስልጠና ተሰጠ፡፡

በስልጠናው የመክፈቻ ንግግር ያደረጉት የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ እንደተናገሩት በተለያዩ ግዚያት የምናገኛቸው ስልጠናዎችን ለሃገራችንም ሆነ ለተቋማችን ዘርፈ ብዙ ጠቀሜታ እንዳላቸው ተናግረዋል፡፡ ሀገራችን ለዘመናት በድህነት ውስጥ የኖረች ነች ያሉት ዋና ዳይሬክተሩ ዕቅዶቻችንን በተገቢው በማስፈፀም ኢትዮጵያን አፍሪካዊት የብልፅግና ተምሳሌት ለማድረግ በቁርጠኝነት መስራት ይጠበቅብናል ሲሉ ተናግረዋል፡፡ ይህንን ለማስፈጸም ከሚያስፈልጉ ጉዳዮች መካከል ጤና መሰረታዊ መሆኑን አንስተው ጤና የሌለው ማህበረሰብ ስለሀገር ልማት ስለብልፅግና ድህነት ስለመቅረፍ ማሰብ አይችልም ብለዋል፡፡ ዋና ዳይሬክተሩ አክለውም በስራችን ውጤታማ መሆን የምንችለው ጤና ስንሆን ነው በማለት የዛሬውም ስልጠና ስለጤናቸው ግንዛቤ ያላቸው እና ውጤታማ ሰራተኞችን ለመፍጠር ነው ሲሉ መልዕክታቸውን አስተላልፈዋል፡፡በመጨረሻም ይህንን ስልጠና ከተቋማችን ጋር በመተባበር በስነ ተዋልዶ ጤናና ቤተሰብ ዕቅድ ዙርያ ግንዛቤ እንዲኖረን ያደረጉንን MSI Ethiopia reproductive choices በተቋሙ ስም አመስግናለው ብለዋል፡፡


በእውቀት ላይ የተመሰረተ የሃብት አስተዳደር እና ውሳኔ ሰጪነት ያስፈልጋል፡፡ የተቋሙ ምክትል ዋና ዳይሬክተር አቶ ፋሲካው ሞላ ከተናገሩት የተወሰደ ነው፡፡

ይህ የተባለው ለመስሪያ ቤቱ የማኔጅመንት አባላት እና ለሚመለከታቸው የስራ ክፍሎች በፋይናንስ፣ኦዲትና ንብረት አስተዳደር ዙሪያ ስልጠና እየተሰጠ ባለበት ወቅት ነው፡፡ የፌደራል መንግስት የሂሳብ አሰራር ስርዓት፣የኢትዬጵያ መንግስት የሂሳብ ስርዓቶችን፣ሂሳብ ሪፖርት አዘገጃጀት፣የግዢና ክፍያ ስርዓት፣ የፋይናንስ ኃላፊነት እና አተገባበር ዙሪያ ከገንዘብ ሚኒስቴር በመጡ ባለሙያዎች ስልጠና እየተሰጠ ይገኛል፡፡ በስልጠናው ላይ የመክፈቻ ንግግር ያደረጉት አቶ ፋሲካው ሞላ እንደገለጹ ተቋሙ የሲቪል ማህረሰብ ድርጅቶችን በመከታተልና በመቆጣጠር ብሎም የበጎ አድራጊነትና በጎ ፍቃደኝነት ባህልን ከማጎልበት አንጻር ከፍተኛ ተግባራት እያከናወነ መሆኑን አንስተው በዚሁ ልክ የውስጥ አገልግሎቶችን በማዘመን እና የአሰራር ስርዓት በመዘርጋት ማሻሻያዎች ማድረግ ያስፈልጋል ብለዋል፡፡

የስልጠናው ዓላማ የባለበጀት መስሪያቤት እንደመሆናችን መጠን በእውቀት ላይ የተመሰረተ የሃብት አስተዳደር እና ውሳኔ ሰጪ እንድንሆን ብሎም ያለንን ውስን የፋይናንስ እና የንብረት ሃብት በአግባቡ በማቀድ መፈጸም እንዲያስችለን ነው ሲሉ ተናግረዋል፡: በመጨረሻም ም/ዋና ዳይሬክተሩ ባስተላለፉት መልዕክት በዚህ ስልጠና ላይ የተሳተፍነው በቀጥታ በሃብት ላይ የምንወስን እና የምንመራ ሃላፊዎች እንደመሆናችን መጠን ከስልጠናው በኋላ ለውስጥ አገልግሎቶች ትኩረት በመስጠት፣ ከፋይናንስ አንጻር የተፈጠሩ የፋይናንስ አስተዳድር ውስንነቶችን በመፍታት፣እንደመንግስት ያለንንን ውስን ሃብት በእቅድ ላይ ተመስርቶ በመተግበር እና ለፈጻሚዎች በቂ ግንዛቤ እንዲይዙ በማድረግ መስራት ይጠበቃል ሲሉ መልዕክታቸውን አስተላልፈዋል፡፡


የሲቪል ማህበረሰብ ድርጅቶች ባለስልጣን የእናቶች ቀንን አስቦ ዋለ፡፡

በባለስልጣን መስሪያ ቤቱ የእናቶች ቀንን በተለያዩ ዝግጅቶች አስቦ ውሏል፡፡ በመርኃ ግብሩ የመክፈቻ ንግግር ያደረጉት የባለስልጣን መስሪያ ቤቱ ዋና ዳይሬክተር አቶ ጂማ ዲልቦ የእናቶች ቀንን ስናስብ በእናቶቻችን ላይ እየደረሰ ያለውን መከራ እያሰብን መሆን ይኖርበታል ያሉ ሲሆን በዘፈቀደ ከማክበር ይልቅ የእናቶቻችንን ውለታ እያሰብን እርሱን ለመመለስ መትጋት ይኖርብናል ብለዋል፡፡ ባለስልጣን መስሪያ ቤቱ የሴቶችን ተሳትፎ ከፍ ለማድረግ፤ በሴቶች ላይ የሚሰሩ የሲቪል ማህበረሰብ ድርጅቶች እንዲጠናከሩና አቅም እንዲያገኙ በርካታ ጥረቶችን እያደረገ ይገኛል ያሉት ዋና ዳይሬክተሩ የሴቶችን አቅም በማጎልበት ወደ አመራርነት እንዲመጡ ለማድረግ በርካታ ስራዎች እየተሰሩ እንደሆነ ጠቁመዋል፡፡ ሴቶችን ዝቅ የሚያደርጉ እሳቤዎችን ማስወገድ፣ ማንኛውንም ነገር ማድረግ እችላለሁ የሚል መንፈስን ማጎልበት ተገቢነው ሲሉ አክለው ገልጸዋል፡፡ የባለስልጣን መስሪያ ቤቱ ምክትል ዋና ዳይሬክተር አቶ ፋሲካው ሞላ በበኩላቸው ባለስልጣን መስሪያ ቤቱ በተቋሙ የሚሰሩ እናቶች ምቹ ሁኔታዎች ተፈጥሮላቸው ወጤታማ ስራ እንዲሰሩ ሁሌም ተቋሙ በትጋት እንደሚሰራ ገልጸው የእናቶችን ተጠቃሚነት ለማረጋገጥ ተቋሙም ሆነ የሲቪል ማህበረሰብ ድርጅቶች እንዲሁም የሚመለከታቸው ሁሉ በትጋት ሊሰሩ እንደሚገባ አንስተዋል፡፡

የሲቪል ማህበረሰብ ድርጅቶች በዚህ አጋጣሚ የእናቶችን ቀን ስናከብር የእናቶች መብቶቻቸው፣ ጥቅሞቻቸው ተከብረው፣ ምቹ ሁኔታ ተፈጥሮላቸው በሀገራቸው እንዲኖሩ የሚያስፈልገውን ድጋፍ ማድረግ እንደሚገባቸው ለማሳሰብ እወዳለሁ ያሉ ሲሆን ለእናቶች እንደግለሰብ፣ እንደተቋም፣ እንደሲቪል ማህበረሰብ ድርጅት የእናቶችን ማህበራዊ፣ ኢኮኖሚያዊና ፖለቲካዊ ችግሮች ለመፍታት ጥረት ልናደርግ ይገባል ብለዋል፡፡ ምክትል ዋና ዳይሬክተሩ ለፕሮግራሙ መሳካት አስተዋጽዖ ላደረጉ ለማሪ ስቶፕስ ኢንተርናሽናል፣ ሴንተር ፎር አዶለሰንስ ገርልስ ኸልዝ እንዲሁም ለኢትዮጵያ ቤተሰብ መምሪያ ማህበር ምስጋናቸውን አቅርበው ባለስልጣን መስሪያ ቤቱ ካሁን ቀደም በርካታ ስራዎችን በጋራ ሲሰራ እንደቆየና ወደፊትም እንደሚቀጥል አውስተዋል፡፡


ዋን ቻይልድ ኢንተርናሽናል (one child international) የተባለ ድርጅት የመሪዎች ጉባዔ በኢትዮጵያ አካሄደ ፡፡

ዋን ቻይልድ ኢንተርናሽናል (one child international) የውጭ የሲቪል ማህበረሰብ ድርጅት ሲሆን በተለያዩ ሃገራት የሚሰራ እና በኢትዮጵያም እ.ኤ.አ በ2014 ተመዝግቦ በተለያዩ ክልሎች ከ5000 በላይ ህፃናትን እየረዳ ያለ ድርጅት ነው፡፡ በመድረኩም የሲቪል ማኅበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ በንግግራቸው እንደገለጹት ይህ የመሪዎች ጉባዔ አፍሪካን እና መካከለኛውን ምስራቅ አንድ ላይ ያገናኘ፣ አጋርነትን ለማጠናከርና በሁለንተናዊ የልማት ፕሮጀክቶቻችን የተሻለ አገልግሎት ለመስጠት ያለመ ነው ብዬ ተስፋ አደርጋለሁ ሲሉ ተናግረዋል፡፡ የፕሮግራሙ ዓላማ ጠቅላላ ጉባኤውን ማካሄድና በጋራ ከሚሰሩ ዓለም አቀፍ ድርጅቶች ጋር የተጠናከር ግንኙነት እንዲኖረው እንዲሁም የልምድ ልውውጥ ለማድረግ የተዘጋጀ መሆኑ ተገልጿል፡፡