የሲቪል ማህበረሰብ ድርጅቶች ኤጀንሲ በ2013 በጀት ዓመት እቅድ አፈጻጸምና በ2014 በጀት ዓመት እቅድ ዙሪያ ከባለድርሻ አካላት ጋር ምክክር አደረገ፡፡

በውይይት መድረኩ የመክፈቻ ንግግር  ያደረጉት የኤጀንሲው ዋና ዳይሬክተር አቶ ጂማ ዲልቦ እንደገለጹት አሁን ሀገራችን  ኢትዮጵያ እጅግ  ፈታኝ በሆነ  ወቅት ላይ እንደምትገኝ ገልጸው በተለይም ፅንፈኛው የህወሓት ጁንታ ቡድን በሀገር መከላከያ ሰራዊት ላይ  የፈፀመው  ጭካኔ ሳያንሰው ከውጭ ወራሪ ኃይሎች ጋር በማበር ኢትዮጵያን የመበታተንና የማፍረስ አጀንዳ ዓላማዬ ብሎ በመያዝና በሀገርቱ ላይ ጦርነት በማወጅ፣የሀሰት ፕሮፓጋንዳና ውዥንብር በማሰራጨት በሀገራችን የተጀመረው ለውጥ እንዲጨናገፍና የሀገራችን የብልፅግና ጉዞ እንዳይሳካ ለማድረግ እንዲሁም የኢትዮጵያ አንድነትና ወንድማማችነት ላይ ችግር ሲፈጥር መቆየቱን ገልጸዋል፡፡

ዋና ዳይሬክተሩም አክለውም ኢትዮጵያን በብሔር፣ በጎሣና  በሃይማኖት በመከፋፈል ኢትዮጵያ ከክብሯ ዝቅ ብላ እንድትታይ ከማድረጉም በላይ በሀገሪቱ የዜጎች ሰብአዊና ዴሞክራሲያዊ መብት  እንዳይከበር፤ ዜጎች በሠላም ወጥተው እንዳይገቡ፣ ከመኖሪያ አካባቢያቸው እንዲፈናቀሉ፣ንፁሃን ዜጎች በግፍ እንዲገደሉ በማድረግ  ሀገርን የማፍረስ አጀንዳ ከውስጥና ከውጪ ጠላቶቻችን ጋር በመቀናጀትና ተላላኪ በመሆን  በሀገራችን ላይ የሞት ሽረት ጦርነት የከፈተ ቢሆንም  ሀገር ወዳድ እና የቁርጥ ቀን ልጆቿ ከዳር እስከዳር በአንድነት በመነሳት  ይህንን ከሃድ ቡድን ለአንዴና ለመጨረሻ ጊዜ  ለማስወገድ በአንድነት ተነስተው በግንባር በመፋለም ላይ እንደሚገኙ ገልጸው ሁላችንም ይህንን በሀገራችን  ላይ የተከፈተብን ወረራ ለመመከት በገንዘብ፣ በቁሳቁስ፣ በሞራል እና አልፎም በአካል በግንባር ድረስ በመሄድ ከጀግናው መከላከያችን ጎን መሆናችንን በተግባር ማረጋገጥ ይጠበቅብናል በማት መልዕክታቸውን አስተላልፈዋል

በመጨረሻም በበጀት ዓመቱ በተቋሙ በርካታ ስራዎች እንደተከናወኑ አብራርተው 2014 በጀት ዓመት  ከባለፈው ዓመት በተሻለ  የአገልግሎት አሰጣጣችንን ወደ E-SERVICE  በመቀየር ተደራሽና ጥራት ያለው አገልግሎት ለመስጠት እንዲሁም 781 አዳዲስ አገር በቀል እና የውጭ ድርጅቶችን ለመመዝገብ እና ሌሎች እቅዶች የተያዙ ሲሆን የህብረተሰቡን ሁለንተናዊ ተጠቃሚነት የማያረጋግጥ የሲቪል ማኅበረሰብ ዘርፍ ለመፍጠር እና የሲቪክ ባህሉ የጎለበተ፣የነቃና የተደራጀ ማኅበረሰብ የመፍጠር ሪዕያችንን ለማሳካት ተቋማችን ከመቼውም በላይ በከፍተኛ ትጋት ይሰራል ብለዋ፡፡

የ2013 እቅድ አፈጻጸም እና የ2014 እቅድን የኤጀንሲው እቅድ፣በጀትና ለውጥ ዳይሬክቶሬት ዳይሬክተር ወ/ሮ ቃልኪዳን መንግስቴ አቅርበው ሰፊ ውይይት ተደርጎበታል፡፡ ከዚህም በተጨማሪ በኤጀንሲው አዲስ የተገነባው ድረገጽን የማስተዋወቅ ስራ ተሰርቷል፡፡


‹‹ኢትዬጵያን መቀየር የምንችለው እኛ ልጆቿ ነን›› ሲስተር ዘቢዳር

በሃዋሳ የሚገኘው የሜሪ ጆይ የልማት ማህበር ተጎበኘ፡፡

የኤጀንሲው ከፍተኛ ሃላፊዎች፣ቡድን መሪዎችና ከባለሙያዎች የተውጣጣ ልዑካን ቡድን ድጅቱን ጎብኝቷል፡፡

ሜሪ ጆይ ከተመሰረተ 20 ዓመታትን ያስቆጠረ በተጠቃሚዎች ህይወት ላይ የዘለቄታ መሻሻልን የሚያመጣ ቀጣይነት ያለው ድርጅት መሆን የሚል ራዕይ ያለው የሲቪል ማህበረሰብ ድርጅት ሲሆን በማዕከሉ ለአረጋዊያን እና ለህጻናት አገልግሎት ይሰጣል፡፡

ድርጅቱ በ118 ወረዳዎች ላይ አገልግሎት የሚሰጥ ሲሆን በማዕከሉ ለአረጋዊያ የማሳጅ፣የምግብ፣የጤናና የሞያ ስልጠና እና አገልሎት ይሰጣል እንዲሁም ለህጻናት የሙዚቃ ክህሎት ማዳበሪያ ትምህርት፣ሰርከስ እና የላይብረሪ አገልሎት የሚሰጥ መሆኑን ተመልክተናል፡፡

የድርጅቱ መስራች እና ስራ አስኪያጅ ሲስተር ዘቢዳር ዘውዴ ለጎብኚዎች ገለጻ ባደረጉበት ወቅት እንዳብራሩት ድርጅቱ ከተመሰረተበት ግዜ አንስቶ በጤና፣በሳኒቴሽን እና በትምህር ላይ በርካታ ስራዎችን የሰራ መሆኑን ገልጸው  ኢትዬጵያን መቀየር የምንችለው እኛ ልጆቿ ነን ብለዋል፡፡

ሲስተር ዘቢዳር አክለውም የሃዋሳው አረጋዊያን ማቆያ ኢትዬጵያውያን ለኢትዬጵያውያን በሚል በመንግስት፣በግል ባለሃብቱ እና በማህበረሰብ  ጥረት በውስጥ ሃብት  ገቢ በማሰባሰብ የተሰራ ማዕከል መሆኑን አብራርተው ሃብትን ፍለጋ ወደ ውጭ ከማማተር ይልቅ አጠገባችን ያለውን ግብዓት በአግባቡ በማየት መጠቀም አስፈላጊ ነው ብለዋል፡፡

.

የኤጀንሲው ዋና ዳይሬክተር አቶ ጂማ ዲልቦ ከጉብኝቱ በኋላ እንደገለጹት ይህንን የመሰለ ስራ እንድንመለከት እድል ስለሰጣችሁን ከልብ እናመሰግናለን በማለት አንድ ሰው ስንት ሰው ነው? በማለት ጥያቄ አቅርበዋል፡፡

ይህን ያልኩት ይላሉ ዋና ዳይሬክተሩ የዚህ አይነት የከበረ ስራ የሚሰራ ከፊትም ከኋላም አሻግሮ የሚመለከት እና ለሃገር ትልቅ ስራ የሚሰራ ሰው ከአንድ በላይ ነው አንቺ የዛ ምሳሌ ነሽ በማለት ሲስተር ዘቢዳርን አሞግሰዋል፡፡

በጎ ፍቃደኞች ሃብት፣ገንዘብ ወይም ጤናም ባይኖራቸው ልብ ስላላቸው ብዙ ስራዎችን ይሰራሉ ዛሬ በዚህ ድርጅት የተመለከትነው እሱን ነው ብለዋል፡፡

ከዚህ ቀደም በባዛርና ኤግዚቪሽን ዓላማ ብለን ያስቀመጥነው የመንግስት፣የግሉዘርፍ እና የማበረሰቡን የተቀናጀ ፕሮጀክት በዚህ ቦታ መመልከት በመቻሌ ደስተኛ ነኝ በማለት በሜሪ ጆይ ማዕከል የተመለከትነው የአርቲስቶች የግል ባለሃብቱ እና የመንግስት ቅንጅት ተጠናክሮ መቀጠል አለበት ብለዋል፡፡

ዋና ዳይሬክተሩ አክለውም ኤጀንሲው በሚችለው ሁሉ ድርጅቱን ለመደገፍ ጥረት ያደርጋል በማለት  የግሉ ዘርፍ ማህበራዊ ሃላፊነታቸውን በአግባቡ እንዲወጡ ድርጅቶችም ወደ ውጭ ከመመልከት ይልቅ የውስጥ አቅምን መጠቀም ይገባል ሲሉ መልዕክታቸውን አስተላልፈዋል፡፡

በመጨረሻም በአረጋዊያኑ  ማዕክል ችግኝ በመትከል ፕሮግራሙ ተጠናቋል፡፡


‹‹በጎ ፍቃድ ማለት ለሌሎች ሲባል እራስን አሳልፎ መስጠት ነው››

በበጎ ፍቃድ አገልግሎት ዙሪያ ለኤጀንሲው ማኔጅመንት አባላት እና ለተወሰኑ ቡድን መሪዎች ስልጠና እየተሰጠ ይገኛል፡፡

በስልጠናው ላይ መልዕክት ያስተላለፉት የኤጀንሲው ዋና ዳይሬክተር አቶ ጂማ ዲልቦ እንደተናገሩት ተቋሙ በ1113/2011 ከተሰጠው ስልጣን መካከል በኅብረተሰቡ ዘንድ የበጎ አድራጎትና በጎ ፍቃደኝነት ባሕል እንዲዳብር ማድረግ ሲሆን የዛሬው ስልጠናም በዚህ ልክ በመረዳት ስራዎችን ማከናወን እንዲቻል መሆኑን አብራርተዋል፡፡

‹‹በጎ ፍቃድ ማለት ለሌሎች ሲባል እራስን አሳልፎ መስጠት ነው›› የሚሉት ዋና ዳይሬክተሩ መልካም የሚያደርግ ሰው ክፋት የማድረግ እድሉ ያነሰ ነው በመሆኑም በማህበረሰቡ ዘንድ የበጎ ፍቃድ ስራ እንዲጎለብት ከማድረግ አንጻር ተግባሩን እንድንመራ በመደረጉ እድለኛ ያደርገናል  ብለዋል፡፡

ይህንን ተግባር ውጤታማ ለማድረግ የህግ ማዕቀፍ አንዲኖረው ማስቻል እና ተቋማዊ ማድረግ በመሰረታዊነት ትኩረት አድርገን የምንሰራባቸው ተግባራት ናቸው በማለት ስራዎችን ስንሰራ ሃገራችንን እያሰብን እንዲሁም ሃላፊነቱ እንዳለበት ሰው ትኩረት ሰጥተን መስራት አለብን ሲሉ ለሰልጣኞቹ መልዕክታቸውን አስተላልፈዋል፡፡

በመጨረሻም ይህ ስልጠና የተሳካ እንዲሆን እና የሁል ግዜ ተባባሪያችን ለሆኑት CSSP2 ምስጋናዬን አቀርባለሁ ብለዋል፡፡

ስልጠናውን የሰጡልን በኤጀንሲው የበጎ ፍቃድ ከፍተኛ አማካሪ አቶ እስቲበል ምትኩ ሲሆኑ በገለጻቸው በጎ ፍቃድ ማለት የሰዓት፣የገንዘብ ወይም የሌሎች ጉዳይ ሳይሆን ልብን የመስጠት ጉዳይ መሆኑን አብራተው ሃገራችን በርካታ የበጎ አድራጎት ባህል ልምምዶች ያላት ቢሆንም አገልግሎቱን የሚሰጡ ባለሙያ እና ተቋማት ቁጥር ያለመታወቅ እንዲሁም በኢኮኖሚው እና በማህበራዊ ዘርፉ ያደረገው አስተዋጽኦ መረጃ ያለመኖሩ በዘርፉ የሚታዩ ችግሮች በመሆናቸው ሊሰራበት ይገባል ብለዋል፡፡

በጎ ፍቃድ በዘልማድ የሚመራ ሳይሆን ዓለማቀፍ ደረጃ /standard/ ያለው በመሆኑ በዛ መሰረት መመራት ይገባዋል በማለት የበጎ ፍቃድ አገልግሎት ስንሰራ ብዙሃነትን እና የሃገሪቱን ህግ ማክበር፣የማህበረሰቡን ጥቅም ማስቀደም፣ቀጣይነት ያለው አገልግሎት ማረጋገጥ፣ግልጽነትና ተጠያቂነት ማስፈን እና ባለቤትነትን ማዳበር የሚሉ የበጎ ፍቃድ ፕሮግራም መርሆችን ማወቅና ተግባራዊ ማድረግ ይገባል ሲሉ ገልጸዋል፡፡

የበጎ ፍቃድ ምንነት በጎ ፍቃደኛ ማን ነው፣በጎ ፍቃድ አግልግሎት በኢትዮጵያ፣የበጎ ፍቃድ ፕሮግራም፣የበጎ ፍቃድ አይነቶችና ትኩረት የሚሹ ጉዳዬች እንዲሁም መሰል ርዕሰ ጉዳዬች ላይ ማብራርያ ሰጥተዋል፡፡

ከላይ ከተገለጸው ርዕስ በተጨማሪ የስነ ምግባር መመሪያ እና የቡድን ግንባታ /team building/  ሰነድ ቀርቦ ውይይት ይደረግበታል፡፡


የክረምት ዲጂታል ቮለንተሪዝም /Digital Voluntarism/ ማስጀመሪያ መርሃ ግብር ተካሄደ፡፡

ኢንስፓየር ኢትዬጵያ ዩዝ አሶስኤሽን ከኤጀንሲው ጋር በመተባበር ያዘጋጀው ፕሮግራም ሲሆን በፕሮግራሙ የተለያዩ ታዋቂ ግለሰቦች ወጣቶች እና የመንግስት ሃላፊዎች ታድመዋል፡፡
ፕሮግራሙ ላይ መልዕክት ያስተላለፉት የኤጀንሲው ዋና ዳይሬክተር አቶ ጂማ ዲልቦ እንደተናገሩት ኤጀንሲው በ1113/2011 እንደ አዲስ ከተዋቀረ በኋላ በዓላማው ከተገለጹት መካከል በኅብረተሰቡ ዘንድ የበጎ አድራጎትና በጎ ፍቃደኝነት ባሕል እንዲዳብር ማድረግ የሚል ሲሆን ተግባሩ የህግ ማዕቀፍ እንዲኖረው እና ተቋማዊ እንዲሆን ኤጀንሲው እየሰራ ነው ብለዋል፡፡
ለበጎ አድራጎት ተግባር ወጣቱ ከፍተኛ ሚና አለው ያሉት ዋና ዳይሬክተሩ ልክ እንደ ኢንስፓየር ኢትዬጵያ ዩዝ አሶስኤሽን ወጣቶች ላይ የሚሰሩ የሲቪል ማህበረሰብ ድርጅቶች እና ከትምህርት ቤቶች ጋር በቅንጅት ለመስራት በዝግጅት ላይ መሆናቸውን አብራርተዋል፡፡
በመጨረሻም ሃገር የሚገነባውም የሚወድቀውም በሃሳብ በመሆኑ ኤጀንሲውም ለዚህ መልካም ሃሳብና ስራ አስፈላጊውን ሁሉ ድጋፍ ያደርጋል በማለት መልዕክታቸውን አስተላልፈዋል፡፡

የዲጂታል ቮለንተሪዝም መስራች አባል ጋዜጠኛ ሰለሞን ሃ/እየሱስ በመክፈቻ ንግግሩ እንደገለጸው የዚህ ፕሮግራም ዋና ዓላማ ማህበራዊ ሚዲያን ለበጎ ተጽህኖ ለመጠቀም እና ከተደናገሩ ግራ ዘመም አስተሳሰቦች ወጥተን ሃገራችንን የሚያሻግሩ ጉዳዬች ላይ ለመወያየት ነው ሲል ተናግሯል፡፡
ጋዜጠኛው አክሎም በዚህ በየነ መረብ ውስጥ አሉታዊ አስተሳሰቦች ምንም ቦታ የላቸውም ያለ ሲሆን 70 ፐርሰንት ወጣት ባለበት ሃገር ውስጥ ሃገራችን በአሉታዊ አስተሳሰብ ስትጠፋ ቆመን አንመለከትም በማለት ገልጿል፡፡
መሰረታዊ የወጣቱ በማህበራዊ ሚዲያ መደናገር ስለሃገሩ ያለመረዳት በመሆኑ በጥናት ላይ የተመሰረተ ስልጠና መስጠት፣ስለግል ስብእና የሚማሩበት፣ሴቶችን የማብቃትና የማማከር አገልግሎት የሚሰጥበት፣ከተለያዩ መጽሐፍት ጋር የማስተዋወቅ ስራ እንዲሁም የሰላም ውይይት በበይነ መረቡ ከሚሰጡ አገልግሎቶች መካከል መሆኑን ጋዜጠኛው አስረድቷል፡፡
በመጨረሻም የዚህ ስብስብ በዓለም ላይ ተደማጭ የሆነ እና ኢትዬጵያ ከፍ የሚያደርግ እንደሚሆን አልጠራጠርም ብሏል፡፡
ሌላው በመድረኩ ማብራሪያ የሰጡት አቶ ልዩነህ የበይነ መረቡ እና ኢንስፓየር ኢትዬጵያ ዩዝ አሶስኤሽን መስራች እንደገለጹ የዚህ የክረምት ዲጂታል ቮለንተሪዝም በቀን ለ16 ሰዓት አገልግሎት እንደሚሰጥ ገልጸዋል፡፡
በሃገራን እና በተለያዩ ዓለማት የሚገኙ ኢትዬጵያዊያን የዚህ በይነ መረብ አባል እየሆኑ እንደሆነ ከማብራርያው ተገልጿል፡፡


የኢፌዲሪ የሲቪል ማኅበረሰብ ድርጅቶች ኤጀንሲ የ2013 በጀት ዓመት እቅድ አፈጻጸም ከኤጀንሲው አጠቃላይ ሰራተኛ ጋር ተገመገመ፡፡

ዋና ዳይሬክተር  ክቡር አቶ ጂማ ዲልቦ የመክፈቻ ንግግር ባደረጉበት ወቅት እንደገለጹት በበጀት ዓመቱ በሃገራችን በርካታ ፈተናና ድሎችን ያስመዘገብንበት ዓመት መሆኑን ገልጸው በተለይ በሰሜን የሃገራችን ክፍል የተፈጠረው ችግር፣የኮቪድ ወረርሽኝ እና ከህዳሴ ግድብ ጋር ተያይዞ ከውጭ የነበረው ጫና ከነበሩ ፈተናዎች መካከል የሚጠቀስ መሆኑን አብራርተው 6ተኛው ሃገራዊ ምርጫ እና የሁለተኛ ዙር የህዳሴ ግድብ ሙሌት በሰላም መጠናቀቁ ለሃገራችን ድል ነው ብለዋል፡፡

ከኤጀንሲያችን አንጻርም በበጀት ዓመቱ በርካታ ተግባራት የተከናወኑ መሆኑን ገልጸው እነዚህም 689 አዳዲስ ድርጅቶች መመዝገቡ፣የሲቪል ማኅበረሰብ ድርጅቶች ቀን መከበሩ፣የሲቪል ማኅበረሰብ ድርጅቶች ካውንስል መመስረቱ፣የክልል እና ከፌደራል ባለድርሻ አካላት ጋር ቅንጅታዊ አሰራርን ለማጠናከር የጋራ ጉባኤ መመስረቱ እና ቦርዱም  ስራ መጀመሩ ከነበሩ ጥሩ አፈጻጸሞች ውስጥ የሚጠቀሱ መሆኑን አብራርተዋል፡፡

ዋና ዳይሬክተሩ አክለውም በኤጀንሲው የተመዘገቡ ውጤቶች በሙሉ ሰራተኞች በራስ ተነሳሽነት እና ጥረት ስራዎችን መስራታቸው እንዲሁም በሰራተኞችና በአመራሮች ቅንጅታዊ አሰራር የመጣ ውጤት ነው ብለዋል ፡፡

የዛሬው መድረክ ዋና ዓላማም በዓመቱ ያከናወናቸውን ስራዎችና ድሎችን በማክበር የበለጠ ለመስራትና ክፍተቶችም ካሉ አሻሽሎ ለበለጠ ስራ ለመዘጋጀት ነው ያሉ ሲሆን  በሃገራችን ከተመረጡ አራት ዘርፎች መካከል የኛ ዘርፉ አንዱ በመሆኑ ከዚህ የበለጠ አጠናክሮ በመስራት ለሃገር እድትና ልማት የሚጠበቅበትን አስተዋጽኦ እንዲያበረክት ማድረግ ይገባናል ሲሉ መልዕክታቸውን አስተላልፈዋል ፡፡

በመጨረሻም በተቋሙ የተመዘገቡ ውጤቶች በሰራተኞች ጥረት በመሆኑ ምስጋናዬን አቀርባለሁ ብለዋል፡፡


ኤጀንሲው በክልሎች የሲቪል ማህበረሰብ ድርጅቶች ሞዴል ረቂቅ ህግ ላይ ከባለድርሻ አካላት ጋር ውይይት አደረገ፡፡

በውይይት መድረኩ የመክፈቻ ንግግር ያደረጉት የኤጀንሲው ዋና ዳይሬክተር አቶ ጂማ ዲልቦ እንደገለጹት አዋጅ 1113/2011 ከወጣ በኋላ በተለያየ አግባብ አዋጁ እንዲተዋወቅ የማድረግ ስራዎች መስራታቸውን ገልጸው በዋናነት በመላው ሃገሪቱ ያሉ ባለድርሻ አካላት አዋጁን በአግባቡ አውቀው የየራሳቸውን አስተዋጽኦ እንዲያበረክቱ ለማድረግ መሆኑን ገልጸዋል፡፡

ከዚህ ጋር የተያያዘው ጉዳይ የክልል ባለድርሻ  አካላት ጋር ቅንጅታዊ አሰራር ለመፍጠር መሰራቱ እና በዚህ በጀት ዓመት ሁለት የውይይት መድረክ በማድረግ የጋራ ጉባኤ መመስረቱን ገልጸው በዚህ የውይይት መድረክ ክልሎች የጋራ የሆነ የህግ ማዕቀፍ በኤጀንሲው በኩል ተዘጋጅቶ እንዲቀርብ በጠየቁት መሰረት ረቂቅ የህግ ማዕቀፉ ተዘጋጅቶ ለውይይት መቅረቡን አብራርተዋል፡፡

መንግስት የሲቪል ማኅበረሰብ ድርጅቶች በሁለንተናዊ ጉዳዬች ላይ ጉልህ አስተዋጽኦ እንዳላቸው በማመን እና የመደራጀት መብትን ሙሉ ለሙሉ ተግባራዊ ለማድረግ ህግ ማሻሻሉን  አስታውሰው በሁሉም ክልልሎች ተቀራራቢ የሆነ ህግ በማዘጋጀት ድርጅቶቹ በምቹ ህግ እና አሰራር እንዲተዳደሩ በማድረግ የማህበረሰቡን የላቀ ተጠቃሚነት ማረጋገጥ አስፈላጊ ነው ሲሉ መልዕክታቸውን አስተላልፈዋል፡፡

የዚህ የህግ ማዕቀፍ አስፈላጊነት በፌዴራልና በክልሎች የመደራጀት መብትን በተሟላና ወጥ በሆነ ሁኔታ እንዲተገበር ለማስቻል (1113/2011)፣በኤጀንሲውና በሚመለከተው የክልል አስፈጻሚ አካል መካከል ያለውን ግንኙት ማሻሻልና ዘርፉን ለማሳደግ፣ በኤጀንሲው የተመዘገቡ ድርጅቶች ፕሮጀክት አስተዳደር በሁሉም ክልሎች ወጥ እንዲሆን ማድረግና አለመግባባቶች ሲፈጠሩ በህግ ማዕቀፉ እንዲፈቱ ለማስቻል መሆኑን አቶ ዬናስ ምስጋናው የሲቪል ማህበረሰብ ድርጅቶች የህግ ባለሙ ገልጸዋል፡፡

በማብራሪያው የረቂቅ ዝግጅቱ መነሻ የህግ መሰረቶች ተብለው የተጠቀሱት የኢፌዲሪ ህገ መንግስት ፣የክልሎች ህገ መንግስት፣አለም አቀፍ ስምምነቶች ፣አዋጅ ቁጥር 1113/2011፣ አዋጅ ቁጥር 621/2001 ፣በዘርፉ በስራ ላይ ያልተወሰኑ ክልሎች አዋጆች፣በዘርፉ በክልሎች የተዘጋጁ ረቂቅ አዋጆች፣የአስፈጻሚ አካላት ማቋቋሚያ አዋጆች፣የሰነዶች ማረጋገጫ፣ የንግድ ህግና ሌሎችም ተጠቅሰዋል፡፡

በውይይት መድረኩ የክልልሎች ገንዘብና ኢኮኖሚ እንዲሁም ጠቅላይ አቃቤ ህግ  ሃላፊዎች ተሳታፊ ሆነዋል፡፡