ሶስተኛ ዙር የሚዲያ ሃላፊዎች የመስክ ምልከታ የሐረር ካቶሊክ ሰርቪስ እና የDRA ስራዎችን በመመልከት ተጠናቋል፡፡

ሶስተኛ ዙር የሚዲያ ሃላፊዎች የመስክ ምልከታ የሐረር ካቶሊክ ሰርቪስ እና የDRA ስራዎችን በመመልከት ተጠናቋል፡፡

ከተለያዩ የመገናኛ ብዙኃን የተውጣጡ ሃላፊዎችና ባለሙያዎች የተሳተፉበት የመስክ ጉብኝት በድሬዳዋ፣ ሀረር እና ጅግጅጋ ለተከታታይ አምስት ቀናት ሲካሄድ ቆይቶ በስኬት ተጠናቋል፡፡ በጉብኝቱ በተለያዩ ዘርፎች ላይ የተሰማሩ ሀገር በቀልና የውጪ ድርጅቶች ስራዎቻቸውን ለሚዲያ አካላት ያስጎበኙ ሲሆን በተለይም በስደተኞችና ህጻናት ላይ፣ በኢኮኖሚ አቅም ግንባታ እና የስራ እድል ፈጠራ፣ ቁጠባ፣በውኃና በአካባቢ ጥበቃ፣ በትምህርትና መሰረተ ልማት እንዲሁም በጎዳና ህጻናት ጤናና ትምህርት ላይ የሚሰሩ የተለያዩ ፕሮጀክቶች በጉብኝቱ ተዳሰዋል፡፡
የጉብኝቱ ማጠቃለያ በጅግጅጋ ከተማ ሲካሄድ የክልሉ ፋይናንስ ቢሮ ምክትል ቢሮ ሀላፊ አቶ ሙሁዲን እንዲሁም የኢትዮጵያ መገናኛ ብዙኃን ባለስልጣን ምክትል ዋና ዳይሬክተር አቶ ዮናታን ተስፋዬ ተገኝተዋል፡፡ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ እንደገለጹት በዚህ የመገናኛ ብዙኃን ባለሙያዎች የመስክ ምልከታ ከሌላው ጊዜ በተለየ የተለያዩ የመንግስት ኃላፊዎችን አሳትፈን ስኬታማ ጉብኝት አድርገናል ያሉ ሲሆን በተለይም የሲቪል ማህበረሰብ ድርጅቶች ከሪፖርት ባለፈ በማህበረሰቡ ውስጥ የሚያከናውኗቸውን ተግባራት እንዲመለከቱና ተገንዝበው ለማህበረሰቡ ግንዛቤ እንዲፈጥሩ ጠይቀዋል፡፡ ከእኛ የተሻለ የዚህችን ሀገር ችግር ሊፈታ የሚችል የለም ያሉት ዋና ዳይሬክተሩ በትብብር መስራት እንዲሁም ማህበረሰቡን ታች ድረስ ወርዶ ማገልገል ትልቅ ስኬት መሆኑን አንስተዋል፡፡ ለዚህም የታዩት ፕሮጀክቶች ትልቅ ማሳያ እንደሚሆኑ አንስተው ሚዲያውም ቀረብ ብሎ ለህዝብ ማስተዋወቅ ይጠበቅበታል ሲሉ ተናግረዋል፡፡
አያይዘውም የሲቪል ማህበረሰብ ድርጅቶች ባለስልጣን ዘርፉ በተሻለ ቁመና ላይ እንዲገኝ በርካታ ጥረቶችን እያደረገ እንደሚገኝ አንስተው ዘርፉ ለሀገር ልማትና እድገት ከዚህ በተሻለ ውጤታማ ስራ እንዲሰራ ሚዲያው ሊያግዝ ይገባል ብለዋል፡፡ የሲቪል ማህበረሰብ ድርጅቶች ምክር ቤት ዋና ዳይሬክተር አቶ ሄኖክ መለሰ በበኩላቸው በሲቪል ማህበረሰብ ድርጅቶች እና በመንግስት መካከል ሰፊ መጠራጠሮች እንደነበሩ አንስተው አሁን ግን ከምንግዜውም በላይ ተቀራርበን እየሰራን ነው ሲሉ ገልጸዋል፡፡ በሲቪል ማህበረሰብ ድርጅቶች ባለስልጣንና በሲቪል ማህበረሰብ ድርጅቶች ምክር ቤት መካከል ጠንካራ ግንኙነት በመኖሩ በርካታ ስራዎች እየተሰሩ መሆኑን አንስተው የሚዲያ ተቋማትም ከምክር ቤቱ እና ከባለስልጣን መስሪያ ቤቱ ጋር በጋራ በመስራት የሲቪል ማህበረሰብ ዘርፉን የሚመለከቱ መርኃ ግብሮችን በመቅረጽ በሚኖራቸው ፕሮግራም ላይ ቢያካትቷቸው የሚል መልዕክት አስተላልፈዋል፡፡ የሶማሌ ብሄራዊ ክልላዊ መንግስት የፋይናንስ ቢሮ ምክትል ቢሮ ሃላፊ አቶ ሙሁዲን ባስተላለፉት መልዕክት የመገናኛ ብዙኃን ትክክለኛ መረጃ ለህብረተሰቡ ማድረስ እንደሚጠበቅባቸው አንስተው በተለይ ማህበረሰቡ በርካታ ስራዎች እንዲሰሩለት ይፈልጋል፤ ይህንንም ባለንበት ቦታ ሁሉ በኃቀኝነትና ህብረተሰቡን ሊጠቅም በሚችል መንገድ ልንሰራ ይገባል ብለዋል፡፡
የመገናኛ ብዙኃን ኃላፊዎችና ባለሙያዎች በተመለከቱት የሲቪል ማህበረሰብ ድርጅቶች እንቅስቃሴ መደሰታቸውን ገልጸው ከፕሮጀክት ዘላቂነት እና አሳታፊነት፣ ከአሰራር ስርዓት፣ ከፕሮጀክት አተገባበር፣ ከመገናኛ ብዙኃን ጋር ስላለ ግንኙነት፣ መረጃን ለህዝብ ከማድረስ፣ ስለሲቪል ማህበረሰብ ድርጅቶች የክትትል ስርዓት ጋር በተያያዘ እንዲሁም ግንዛቤን ከመፍጠር ጋር የተያያዙ በርካታ ጥያቄዎችን አንስተው በሃላፊዎቹ ምላሽ ተሰጥቶባቸዋል፡፡


3ኛ ቀኑን የያዘው የሚዲያ አካላት የመስክ ጉብኝት እንደቀጠለ ነው፡፡

በሲቪል ማህበረሰብ ድርጅቶች ባለስልጣን እና በሲቪል ማህበረሰብ ድርጅቶች ምክር ቤት የጋራ ትብብር እየተካሄደ የሚገኘው የሚዲያ አካላት የመስክ ጉብኝት 3ኛ ቀኑን ይዟል፡፡
የሚዲያ ቡድኑ በ3ኛ ቀን የመስክ ምልከታው አዎንታዊ ምላሽ ለልማት (PAD) የተባለ ሀገር በቀል የሲቪል ማህበረሰብ ድርጅት በታዳሽ ሃይል ላይ ወጣቶችን አሰልጥኖና አደራጅቶ እየሰራ የሚገኘውን ስራ እንዲሁም ዎርልድ ቪዥን (world vision) የተባለ የውጭ የሲቪል ማህበረሰብ ድርጅት በትምህርት፣ በአካባቢ ጥበቃ እንዲሁም በቁጠባ ማህበረሰቡ ተጠቃሚ እንዲሆን ያከናወናቸውን ተግባራት ተመልክቷል፡፡ ጉብኝቱ የተካሄደው በምስራቅ ሀረርጌ ዞን መልካ ጀልዱ ቀበሌ እንዲሁም በአወዳይ ከተማ እና በሀረሪ ክልል ሃኪም ጋራ ላይ በዎርልድ ቪዥን ኢትዮጵያ እየተሰሩ የሚገኙ ስራዎች የታዩ ሲሆን በእነዚህ ቦታዎች በተለይም በጃርሶ አካባቢ ፕሮግራም 72.523 እና በቡርቃ ኢኒሼቲቭ ፕሮጀክት 54.984 የማህበረሰብ ክፍሎችን እንዲሁም አዎንታዊ ምላሽ ለልማት (PAD) በተባለው ሀገር በቀል የሲቪል ማህበረሰብ ድርጅት በአወዳይ ከተማ ደረቅ ቆሻሻን መልሶ ጥቅም ላይ የማዋል ስራ ላይ ለተሰማሩ በሁለት ማህበራት ለተደራጁ 60 ከስደት ተመላሽ የማህበረሰብ ክፍሎች ቋሚ የስራ እድል በመፍጠር በቀጥታ ተጠቃሚ እንዲሆኑ ማድረግ የቻሉ ፕሮጀክቶች ናቸው፡፡ በጉብኝቱ ላይ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ በድርጅቶቹ ስራዎች መደሰታቸውን ገልጸው መንግስት፣ የግሉ ዘርፍ እና የሲቪል ማህበረሰብ ድርጅቶች ዘርፍ በቅንጅት ሲሰሩ ለሀገር ልማትም ሆነ ለህብረተሰቡ የላቀ ተጠቃሚነት ትልቅ አስተዋጽዖ እንዳለው የቡርቃ ኢኒሼቲቭ ፕሮጀክት ትልቅ ማሳያ እንደሚሆን ገልጸዋል፡፡ የሲቪል ማህበረሰብ ድርጅቶች ምክር ቤት ዋና ዳይሬክተር አቶ ሄኖክ መለሰ በበኩላቸው በመልካ ጅልዱ ትምህርት ቤት እንዲሁም በሀኪም ጋራ የተሰሩ ማህበረሰቡን ተጠቃሚ ያደረጉ ፕሮጀክቶች ማህበረሰቡን ያሳተፉ መሆናቸው እና ውጤታማ እንደሆኑ መመልከታቸውን ጠቅሰው የፕሮጀክቶቹ ዘላቂነት ለማስቀጠል ድርጅቶቹ የሄዱበት የአሳታፊነት መንገድ እጅግ የሚበረታታ መሆኑን ጠቅሰዋል፡፡


ሶስተኛ ዙር የሚዲያ ምልከታ በድሬደዋ፣ሐረር እና ጂግጂጋ ብሔራዊ ክልላዊ መንግስት እየተካሄደ ይገኛል፡፡

ሶስተኛ ዙር የሚዲያ ምልከታ በድሬደዋ፣ሐረር እና ጂግጂጋ ብሔራዊ ክልላዊ መንግስት እየተካሄደ ይገኛል፡፡

በሲቪል ማህበረሰብ ድርጅቶች ባለስልጣንና በሲቪል ማህበረሰብ ድርጅቶች ምክር ቤት የጋራ አዘጋጅነት የሚዲያ አካላት የመስክ ምልከታ በመካሄድ ላይ ይገኛል፡፡ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ ለሚዲያ ተቋማት ሃላፊዎች የእንኳን ደህና መጣችሁ ንግግር ባደረጉበት ወቅት እንደገለጹት ማህበረሰቡ ውስጥ ስለ የሲቪል ማህበረሰብ ድርጅቶች የተለያዩ እሳቤዎች መኖራቸውን ገልጸው ጥሩውን ከመጥፎው የመለየትና ህብረተሰቡ ስለዚህ ዘርፍ ትክክለኛ ግንዛቤ እንዲኖረው በማድረግ ሂደት ውስጥ ሚዲያ ከፍተኛ ሚና እንዳለው ተናግረዋል፡፡
አክለውም ከለውጡ በኋላ እንደ የሲቪል ማህበረሰብ ድርጅቶች ሁሉ ለሚዲያ ዘርፉም መንግስት ልዩ ትኩረት በመስጠት የህግና የአሰራር ማሻሻያዎች ማድረጉን አንስተው ከዚህ የተነሳ በዴሞክራሲ ሥርዓት ግንባታ፣ በመልካም አስተዳደር፣ በሰብአዊ መብት አያያዝ፣ ሙስናንና ብልሹ አሰራሮችን ከመዋጋት አኳያ ሚዲያና የሲቪል ማህበረሰብ ድርጅቶች የበኩላቸውን አስተዋኦ በማበርከት ላይ ይገኛሉ ከዚህ የበለጠም እንዲያበረክቱ ይጠበቃል ሲሉ ገልጸዋል፡፡ የሀሳብ ብዝሃነት እንዲዳብር፤ ፖለቲካዊና አገራዊ ችግሮች በሠላማዊ መንገድ እንዲፈቱ፤ በውይይትና በምክንያታዊነት የሚያምን ትውልድ እንዲፈጠር በተለይ ሚዲያ አይተኬ ሚና እንዳለው በመግለጽ ማህበረሰባችን በመረጃ እጦት ወይም በተዛባ መረጃ ምክንያት ለችግር እንዳይጋለጥ የበኩላችሁን አስተዋጽኦ እንድትወጡ በዚሁ አጋጣሚ አደራ ለማለት እወዳለሁ ሲሉ ዋና ዳይሬክተር አቶ ጂማ ዲልቦ መልዕክታቸውን አስተላልፈዋል፡፡ የመስክ ምልከታው በድሬደዋ አስተዳደር የሚንቀሳቀሱትን አዎንታዊ ምላሽ ለልማት (PAD) እና ቸሻየር ኢትዮጵያ የተባሉ ሁለት ሀገር በቀል ድርጅቶችን እንዲሁም በሶማሌ ብሄራዊ ክልል ሽንሌ ወረዳ ኢንተርናሽናል ሬስኪዩ ኮሚቴ (IRC) የተባለ የውጪ ድርጅት እያደረገ የሚገኘውን የስራ እንቅስቃሴ በመመለልከት ተጀምሯል፡፡ ከመስክ ምልከታው አስቀድሞ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ በባለስልጣን መስሪያ ቤቱ ባለፉት 4 አመታት የተሰሩ የለውጥ ስራዎችን እንዲሁም በዘርፉ የታዩ መሻሻሎችን በሚመለከት ገለጻ አድርገዋል፡፡ የሲቪል ማህበረሰብ ድርጅቶች ምክርቤት ዋና ዳየሬክተር አቶ ሄኖክ መለሰ በበኩላቸው የሲቪል ማህበረሰብ ድርጅቶች ምክር ቤትን በሚመለከት ለተሳታፊዎች ገለጻ ያደረጉ ሲሆን ከመገናኛ ብዙኃን ባለሙያዎች ለተነሱላቸው ጥያቄዎችና አስተያየቶች በጋራ ምላሽ ሰጥተዋል፡፡
ምልከታ የተደረገባቸው ድርጅቶች በስደተኞች፣በእናቶች፣ ህጻናት ፣ውሃ፣ በስራ እድልና አቅም ግንባታ እንዲሁም በአካል ጉዳተኞች ላይ የሚሰሩ ድርጅቶች ናቸው፡፡ ቡድኑ በቀጣይ ሶስት ቀናት በሀረሪ ብሄራዊ ክልል እንዲሁም በሶማሌ ብሄራዊ ክልሎች የሚንቀሳቀሱ የሲቪል ማህበረሰብ ድርጅቶችን የስራ እንቅስቃሴ የሚመለከቱ ይሆናል፡፡ ለሦስተኛ ጊዜ የተዘጋጀው የሚዲያ ምልከታ የሲቪል ማህበረሰብ ድርጅቶችን ስራ በማስተዋወቅ የዘርፉን ሚና ለማጎልበትና የሁለቱን ተቋማት ተግባርና ሃላፊነት ለሚዲያ አካላት ማስተዋወቅ ነው፡


7ተኛው የሲቪል ማኅበረሰብ ድርጅቶች ባለስልጣን እና የክልል እና የፌደራል ባለድርሻ አካላት ጉባኤ የክልሉ ርዕሰ መስተዳድር ዶ/ር ነጋሽ ዋጌሾ በተገኙበት በድምቀት ተካሂዷል፡፡

7ተኛው የሲቪል ማኅበረሰብ ድርጅቶች ባለስልጣን እና የክልል እና የፌደራል ባለድርሻ አካላት ጉባኤ የክልሉ ርዕሰ መስተዳድር ዶ/ር ነጋሽ ዋጌሾ በተገኙበት በድምቀት ተካሂዷል፡፡

በመድረኩ ርዕሰ መስተዳድሩን ጨምሮ የክልሉ ቢሮ ሃላፊዎች የሁሉም ክልል የፋይናንስ አና ፍትህ ቢሮ ሃላፊዎችና የኢትዮጵያ የሲቪል ማህበረሰብ ድርጅቶች ምክር ቤት ፕረዝዳንት ተገኝተዋል፡፡ የደቡብ ምዕራብ ኢትዮጵያ ሕዝቦች ክልላዊ መንግስት ርዕሰ መስተዳድር ዶ/ር ነጋሽ ዋጌሾ በንግግራቸው እንደገለጹት ይህ የጋራ ጉባኤ በክልላችን ለማድረግ ስለመጣችሁ ምስጋናችን የላቀ ነው በማለት አገራዊ ለውጡን ተከትሎ የሪፎርም ስራዎች ከተሰራባቸው የህግ ማዕቀፍ ውስጥ የሲቪል ማህበረሰብ ድርጅቶች ዘርፍ አንዱ ነው ሲሉ አንስተዋል፡፡ አያይዘውም ለውጡን ተከትሎ በአገራችን የሚገኙ የሲቪል ማኅበረሰብ ድርጅቶች እያደረጉት ያለው እንቅቃሴ የተሻለ መሆኑን ገልፀው የክልል መንግስታትና የፌደራል መንግስት ለሲቪል ማኅበረሰብ ድርጅቶች ተገቢውን ድጋፍ ማድረግ አለባቸው ብለዋል፡፡ የደቡብ ምዕራብ ኢትዮጵያ ሕዝቦች ክልላዊ መንግስት በክልሉ የሚሰሩ ድርጅቶች በአግባቡ በመያዝ እንዲሁም አዳዲስ ድርጅቶችንም ለመቀበል ዝግጁ መሆኑን ርዕሰ መስተዳድሩ አክለው ገልፀዋል፡፡ የኢፌዲሪ የፍትህ ሚኒስቴር ሚንስትር ዴኤታ አቶ ዓለም ዓንተ አግደው በንግግራቸው እንደገለጹት የኢትዮጵያን ሁለንተናዊ ብልጽግና ለማረጋገጥ፣የአገራዊ ምክክር ኮሚሽኑን ሥራ እና የሽግግር ፍትህን አላማ ለማሳካት እንዲሁም መንግስት የጀመረዉን የመልካም አስተዳደር ችግሮች እና ሙስናን የመታገል ዘመቻ የተሳካና ዉጤታማ ለማድረግ የሁሉንም አካላት የጋራ ርብርብ የሚጠይቅ ሲሆን በተለይም ለትርፍ ያልተቋቋሙትና ለፖለቲካ ያለወገኑት የስቪል ማህበረሰብ ድርጅቶች ሚና ከፍተኛ ነዉ ብለዋል፡፡

ከምንገኝበት ወሳኝ የአገር ግንባታ ምዕራፍ አንጻር በዋና ዋና አገራዊ ጉዳዮች ላይ በተለይም የህግ የበላይነትን በማረገጋገጥ፣ሰላምን በማስፈን፣ግጭቶችን በዘላቂነት በመፍታት እና ዲሞክራሲያዊ ስርዓት በመገንባት ሂደት የሲማዶች ከእስከአሁኑ በበለጠና ትርጉም ባለዉ መልኩ አወንታዊ ሚናችሁን መጫዎት ይኖርባቸዋል ሲሉ ገልጸዋል፡፡ የስቪል ማኅበረሰብ ድርጅቶች የተቋቋሙለትን ዓላማ እንዲያሳኩ በመደገፍ፣በመከታተልና በመቆጣጠር ኃላፊነት ያለባችሁ አካላት ባለስልጣን መ/ቤቱን ጨምሮ ፤ የፌዴራል፣የክልልና ከተማ አስተዳደሮች በተለይም የፍትሕና የፋይናንስ ቢሮዎች አገራችን ከዘርፉ የበለጠ መጠቀም እንድትችል ቅንጅታዊ አሰራርን በማጎልበት መንቀሳቀስ ይኖርባችኋል በማለት በቋሚነት የሚካሄደውን የጋራ ጉባኤ አመስግነዋል፡፡ አቶ ጂማ ዲልቦ የኢፌዴሪ የሲቪል ማህበረሰብ ድርጅቶች ባለስልጣን ዋና ዳይሬክተር ባስተላለፉት መልዕክት ኢትዮጵያን ወደ ብልጽግና ጎዳና ለመውሰድ ባለፉት አምስት አመታት በርካታ የሪፎርም ስራዎች መከናወናቸውን እና እየተካሄደ ያለው የሪፎርም ንቅናቄ የዘመናት የኢትዮጵያውያን መሻት እና የታሪካችን አካል መሆኑን አንስተዋል፡፡ የተገኙ አገራዊ ስኬቶችን አስጠብቆ የማስቀጠልም ሆነ ፈተናዎችን ተቋቁሞ ለማለፍ ሁሉም አገር ወዳድ ዜጋ ሚናው የማይተካ ነው ያሉት ዋና ዳይሬክተሩ በዚህ ሂደት የሲማዶች ሚና የላቀ አስተዋጽኦ እንዳላቸው በመታመኑ መንግስት ሲማዶችን ከሦስቱ የኢኮኖሚ ተዋናዮች መካከል አንደ አንዱ በመውሰድ ምቹ የእንቅስቃሴ ምህዳር እንዲፈጠርላቸው የህግና የአሰራር ማሻሻያዎችን ማድረጉን ገልጸዋል፡፡

7ተኛውን የሲቪል ማኅበረሰብ ድርጅቶች ባለሥልጣን፣የክልል እና የፌደራል ባለድርሻ አካላት ጉባኤ ልዩ ከሚያደርጋቸው ጉዳዮች መካከል አንዱ እንደ ተቋም የመጀመሪያውን የሪፎርም ምዕራፍ በማጠናቀቅ 2ኛውን ተቋማዊ ሪፎርም በጀመርንበት ማግስት የሚካሄድ መሆኑ ነው፤ 2ኛው ተቋማዊ የሪፎርም አቅጣጫችን በመጀመሪያው የሪፎርም ምዕራፍ ያገኘናቸውን ውጤቶች ከማጽናትና ከማላቅ ባሻገር የአገልግሎት አሰጣጣችንን ማዘመንና ዲጂታል ትራንስፎርሜሽን በዘርፉ እንዲተገበር ማስቻል፤ በምናከውናቸው ቀጣይ ስራዎች ስፔሻላይዜሽን ላይ ትኩረት በማድረግ የሲማድን አስተዋፅኦ እንዲልቅ ማድረግ፤ ዘርፉ ያለውን እምቅ አቅም አሟጦ ለአገር ልማትና ዴሞክራሲ እንዲያውል የትብብርና የአጋርነት መንፈስን አጠናክሮ ማስቀጠል፤ የተጀመረውን የሪፎርም ስራ በሁሉም ሴክተሮችና ተቋሞች አጠናክሮ ማስቀጠል፤ በየሴክተሩ የጋራ የምክክር ፎረሞችን በማደራጀት ልምድ መለዋወጥ፣ አፈፃፀሞችን መገምገም፣ ችግሮችን መለየት፣ መፍትሄዎችን መተለም፣ ቅንጅታዊ አሰራርን ማጠናከር ከብዙ ጥቂቶቹ ናቸው ሲሉ መልዕክታቸውን አስተላልፈዋል፡፡


የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ የጌርጌሴኖን የአእምሮ ህሙማን መርጃ ማህበርን ጎበኙ፡፡

የሲቪል ማህበረሰብ ድርጅቶች ባለስልጣን ምክትል ዋና ዳይሬክተርን ጨምሮ ከባለስልጣን መስሪያ ቤቱ ልዩ ልዩ የስራ ክፍሎች የተውጣጡ ሰራተኞችና ባለሙያዎች የጌርጌሴኖን የአእምሮ ህሙማን መርጃ ማህበርን ጎብኝተዋል፡፡ በጉብኝቱ ላይ የተቋሙ ሰራተኞች በበጎ ፈቃድ ወደ ማህበሩ ቀርበው የሚቻላቸውን ሁሉ ለማድረግም ቃል ገብተዋል፡፡ በጉብኝቱ ላይ የተገኙት የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ በማዕከሉ ያዩት ነገር ከጠበቁት በላይ መሆኑን አንስተው በማህበሩ እየተሰራ ያለው ስራ መልካም ልብ ያለው፣ ለሀገር የሚቆረቆሩ እና ማህበረሰባቸውን የሚወዱ፣ ደግና ቅን የሆኑ የሚሰሩት መልካም ስራ እንደሆነ አንስተዋል፡፡
ጥቂት ድጋፍ ቢደረግላቸው ሀገራቸውን እና ማህበረሰባቸውን ሊቀይሩ የሚችሉ በርካታ ዜጎች በየቦታው ወድቀው የሚገኙ መሆናቸውን ያነሱት ምክትል ዋና ዳይሬክተሩ ጌርጌሴኖን ከወደቁበት አንስቶ ባደረገው ድጋፍ ጤናቸው ተመልሶ በስራ ላይ መገኘታቸውን ማየት ችለናል ብለዋል፡፡ ድርጅቱ ውጤታማ እንዲሆን በጎ ፈቃደኞችን ማሳተፍ፣ ከሲቪል ማህበረሰብ ድርጅቶችና ሌሎች ተቋማት ጋር በቅንጅትና በትብብር መስራት እንዲሁም ራስን ማስተዋወቅ የበለጠ ውጤት ለማምጣት በእጅጉ እንደሚረዳ ያነሱት ምክትል ዋና ዳይሬክተሩ ባለስልጣን መስሪያ ቤቱ አቅም በፈቀደ መጠን ሁሉ የሚችለውን ድጋፍ ለማድረግ ዝግጁ መሆኑን አንስተዋል፡፡

የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ የጌርጌሴኖን የአእምሮ ህሙማን መርጃ ማህበርን ጎበኙ፡፡

በሲቪል ማህበረሰብ ድርጅቶች ባለስልጣን የበጎ ፈቃድ ማጎልበትና ትብብር መሪ ስራ አስፈጻሚ አስተባባሪነት የተሰባሰቡ የተለያዩ አልባሳትን ለማህበሩ ድጋፍ የተደረገ ሲሆን የባለስልጣን መስሪያ ቤቱ ሰራተኞችም በበጎ ፈቃድ ማህበሩን ለማገዝ ቃል ገብተዋል፡: የጌርጌሴኖን የአእምሮ ህሙማን መርጃ ማህበር መስራችና ስራ አስኪያጅ ሊቀ ህሩያን መለሰ አየለ የባለስልጣን መስሪያ ቤቱ ኃላፊዎችና ሰራተኞች መጥተው ስለጎበኟቸው ምስጋናቸውን አቅርበው ወደፊት ባላቸው ጥቂት ቦታና የሰው ኃይል በርካታ ስራዎችን ለመስራት እቅድ መያዛቸውን ገልጸዋል፡፡ ጌርጌሴኖን የአእምሮ ህሙማን መርጃ ማዕከል ከ18 ዓመት በፊት የተቋቋመ የሲቪል ማህበረሰብ ድርጅት ሲሆን በጎዳና ላይ የወደቁ የአእምሮ ህሙማንን በማንሳት ወደቀደመ ጤንነታቸው እንዲመለሱ እያደረገ የሚገኝ ድርጅት ነው፡፡ በማዕከሉ 567 የአእምሮ ህሙማን የሚገኙ ሲሆን ከ20 በላይ የሚሆኑት ድነው በድርጅቱ ውስጥ በማገልገል ላይ ይገኛሉ፡፡


ተቋሙ ከሳሳካዋ አፍሪካ አሶስኤሽን / SASAKAWA AFRICA ASSOCIATION /ጋር የመግባቢያ ስምምነት ሰነድ ተፈራረመ፡፡

``ተቋሙ ከሳሳካዋ አፍሪካ አሶስኤሽን / SASAKAWA AFRICA ASSOCIATION /ጋር የመግባቢያ ስምምነት ሰነድ ተፈራረመ፡፡``

ዋና ዳይሬክተር አቶ ጂማ ዲልቦ በመርሃ ግብሩ ላይ ባደረጉት ንግግር ድርጅቱ ካለው ጥሩ ስም እና ካከናወናቸው ተግባራት አንጻር የስምምነት ሰነዱን መፈራረማቸው ደስታ እንደፈጠረላቸው በመግለጽ በተለይም ከመንግስት አካላት ጋር ያላቸው ቅንጅት፣የሃብት አጠቃቀምና አሳታፊነት ድርጅቱ አርዓያ ያደርገዋል ብለዋል፡፡ ከዚህ ቀደም ድርጅቱ በግብርና ዘርፍ ቴክኖሎጂን ከማስተዋወቅ አንጻር ያከናወናቸውን ተግባራትን አጠናክሮ እንዲቀጥል በመግለጽ ሌሎች ድርጅቶችም ምርትና ምርታማነትን የሚያሳድጉ ጉዳዬች ላይ እንዲሰማሩ ጥሪያቸውን አቅርበዋል፡፡
የድርጅቱ ካንትሪ ዳይሬክተር ዶ/ር ፈንታሁን መንግስቱ በበኩላቸው ድርጅቱ ግብርና ላይ ትኩረት አድርጎ የሚሰራ እና መሰረቱ ጃፓን ሃገር መሆኑን ገልጸዋል፡፡ አያይዘውም በኢትጵያ 1986 ዓ.ም ጀምሮ ስራ የጀመረው ድርጅቱ ከግብርና ሚኒስቴር ጋር በየ5 ዓመቱ የስምምነት ሰነድ በመፈራረም ፤በየእርከኑ የሚገኙ የግብርና ኢንስፔክሽን ባለሙያዎችን በመጠቀም፤ ዘመናዊ የግብርና መሳሪያዎችን በማቅረብ፤ በተለያየ መንገድ ለገበሬዎች ድጋፍ የማድረግ ሰራ እንደሚሰራ በመግለጽ የዛሬው ስምምነትም በግብርና ዘርፍ የበለጠ ለመስራት እና ለመደገፍና ምቹ የስራ ሁኔታ ለመፍጠር መሆኑን አንስተዋል፡፡


የሲቪል ማህበረሰብ ድርጅቶች ባለስልጣን ከ voluntary service overseas (VSO) ጋር በመተባበር የበጎ ፈቃደኝነት ባህልን በማህበረሰቡ ውስጥ ለማሳደግ የመንግስት አካላት እና የሲቪል ማህበረሰብ ድርጅቶች ስለሚኖራቸው ሚና እንዲሁም በሀገር አቀፍ ፕሮግራሞች ያሉ የበጎ ፈቃደኝነት ተመክሮዎች ላይ ውይይት በማድረግ ላይ ይገኛል፡፡

የሲቪል ማህበረሰብ ድርጅቶች ባለስልጣን ከ voluntary service overseas (VSO) ጋር በመተባበር የበጎ ፈቃደኝነት ባህልን በማህበረሰቡ ውስጥ ለማሳደግ የመንግስት አካላት እና የሲቪል ማህበረሰብ ድርጅቶች ስለሚኖራቸው ሚና እንዲሁም በሀገር አቀፍ ፕሮግራሞች ያሉ የበጎ ፈቃደኝነት ተመክሮዎች ላይ ውይይት በማድረግ ላይ ይገኛል፡፡

የሲቪል ማህበረሰብ ድርጅቶች ባለስልጣን የበጎ ፈቃደኝነትና በጎ አድራጊነት ባህልን በማህበረሰቡ ውስጥ የማሳደግ ኃላፊነት በሲቪል ማህበረሰብ ድርጅቶች አዋጅ ቁጥር 1113/2011 ተሰጥቶታል፡፡ ይህንኑ ኃላፊነት ለመወጣት በርካታ ስራዎችን እየሰራ የሚገኝ ሲሆን በዛሬው ዕለት ከሚመለከታቸው የመንግስት ተቋማት እና ከሲቪል ማህበረሰብ ድርጅቶች ተወካዮች ጋር በጎ ፈቃደኝነትን በማህበረሰቡ ውስጥ ባህል ለማድረግ የሲቪል ማህበረሰብ ድርጅቶች እንዲሁም የመንግስት ባለድርሻ አካላት ስለሚኖራቸው ሚና እንዲሁም በሀገር አቀፍ ፕሮግራሞች ያሉ ምርጥ ተመክሮዎችን በሚመለከት ውይይት አድርጓል፡፡
በዚሁ የውይይት መድረክ ላይ የተገኙት የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ የበጎ ፈቃድ ጽንሰ ኃሳብ ከሰብዓዊ አመለካከት በመነሳት ለማህበረሰብ እድገት፣ ልማት፣ ብልጽግና በራስ ተነሳሽነት፣ እውቀት፣ ገንዘብ እና መሰል ነገሮች መስራት፤ በምላሹ ደግሞ እውቀት፣ ልምድና ክህሎትን ማዳበር እንደሆነ አንስተው በሀገራችን ዜጎች ማህበራዊ ችግሮቻቸውን ለመፍታት በተለያየ መንገድ የበጎ ፈቃድ ጽንሰ ሀሳብን ሲተገብሩት እንደቆዩ አንስተዋል፡፡ የሲቪል ማህበረሰብ ድርጅቶች ባለስልጣን ይህን የበጎ ፈቃደኝነትና በጎ አድራጊነት ባህልን ለማሳደግ በአስር አመት ስትራተጂክ እቅድ ውስጥ ቅድሚያ ከተሰጣቸው ጉዳዮች አንዱ የበጎ ፈቃደኝነት ባህልን ማሳደግ እንዱ እንደሆነ አንስተው ይህንኑ ቅድሚያ ሰጥቶ ለመምራት የበጎ ፈቃድ ማጎልበትና ትብብር መሪ ስራ አስፈጻሚ በሚል የስራ ክፍል አቋቁሞ በርካታ ስራዎችን በመስራት ላይ እንደሚገኝ ጠቁመዋል፡፡
የመድረኩ ዓላማ የበጎ ፈቃደኝነት ባህልን በማህበረሰቡ ውስጥ ባህል ለማድረግ የመንግስትና የሲቪል ማህበረሰብ ድርጅቶች ሚና ምን መሆን እንደሚገባው ማመላከት ነው ያሉት ዋና ዳይሬክተሩ ከውጪ ድጋፍ በመላቀቅ በውስጥ አቅም ችግሮቻችንን ለመቅረፍ እንዲሁም ቀደም ሲል እንደሰራናቸው ያሉ ትልልቅ ፕሮጀክቶችን ለመስራት መንግስት፣ የሲቪል ማህበረሰብ ድርጅቶችና የግሉ ዘርፍ በቅንጅት መስራት ይጠበቅብናል ብለዋል፡፡ አያይዘውም በሀገር አቀፍ ደረጃ ወጥ የሆነ የበጎ ፈቃደኝነት ፖሊሲ አለመኖር እንዲሁም እሱን የሚያስተባብርና የሚመራ የመንግስት ተቋም አለመኖሩ በዋናነት እንደ ችግር የሚነሳ መሆኑን አንስተው ባለስልጣን መስሪያ ቤቱ ይህንን ለመቅረፍ ጥረቶችን እያደረገ እንደሚገኝም ጠቁመዋል፡፡
የበጎ ፈቃኝነት ስራን እዚህም እዚያም በተበጣጠሰ ሁኔታ እየተሰራ ይገኛል ያሉት ዋና ዳይሬክተሩ የበጎ ፈቃድ ፖሊሲው ከወጣ በኋላ ተቋማዊ ቅርጽ ይዞ ተግባራዊ እንደሚሆንም አንስተዋል፡፡
Voluntary service overseas (VSO) ግሎባል ዩዝ ኢንጌጅመንት ማኔጀር ወ/ሮ ሶስና ይርጋ በበኩላቸው የበጎ ፈቃደኝነት ጽንሰ ሀሳብን በማህበረሰቡ ውስጥ የማስረጽ ኃላፊነት የአንድ ተቋም ኃላፊነት ብቻ አለመሆኑን አንስተው voluntary service overseas VSO በዋናነት የበጎ ፈቃደኝነትን ጽንሰ ሀሳብን ማስተዋወቅ እና እድገትና ልማትን በመደገፍ ለውጥ ማምጣትን አላማ አድርጎ እየሰራ እንደሚገኝ አንስተዋል፡፡


ከህዝብ ተወካዬች ምክር ቤት ከህግና ፍትህ ጉዳዬች ቋሚ ኮሚቴ አባላት ጋር ውይይት ተደረገ፡፡

ከህዝብ ተወካዬች ምክር ቤት ከህግና ፍትህ ጉዳዬች ቋሚ ኮሚቴ አባላት ጋር ውይይት ተደረገ፡፡

ውይይቱ በባለፉት አራት ዓመታት በዘርፉ የተካሄዱ የህግ እና ተቋማዊ ሪፎርም ዙሪያ ሲሆን በመድረኩ የቋሚ ኮሚቴው ሰብሳቢ የተከበሩ ወ/ሮ እጸገነት መንግስቱን ጨምሮ ሁሉም የቋሚ ኮሚቴው አባላት ተገኝተዋል፡፡ በመድረኩ የመክፈቻ ንግግር ያደረጉት የባለስልጣን መስሪያቤቱ ዋና ዳይሬክተር አቶ ጂማ ዲልቦ እንዳሉት በሀገራችን ኢትዮጵያ በወርሀ መጋቢት 2010 ዓ.ም የተደረገው ሀገራዊ ለውጥ ከዳሰሳቸው ዘርፎች መካከል አንዱ የሲቪል ማህበረሰብ ድርጅቶች አዋጅ 1113/2011 መሆኑን ገልጸዋል፡፡
የሲቪል ማህበረሰብ ድርጅቶች ለሀገራችን ሁለንተናዊ እድገትና ልማት፤ ለዴሞክራሲያዊ ሥርዓት ግንባታ፤ በአጠቃላይ ለሀገረ መንግስት ግንባታና ለጀመርነው የብልጽግና ጉዞ አዎንታዊ ሚና እንደሚጫወቱ በመታመኑ ከመንግስትና ከግሉ ሴክተር ጎን ለጎን እንደ አንድ የልማት ተዋናይ ተወስደዋል ብለዋል፡፡
ድርጅቶቹ ለሀገር ልማት የሚያበረክቱትን አስተዋጽኦ የበለጠ ለማጠናከር ይረዳ ዘንድ አዲስ ሕግ አውጥቶ ሥራ ላይ ከማዋል ጎን ለጎን የሲቪል ማኅበረሰብ ድርጅቶች ባለሥልጣን ተከታታይ የሪፎርም ተግባራት በማከናወን ባለፉት ሦስት ዓመታት አመርቂ ውጤቶችን ማስመዝገቡን ጠቅሰዋል፡፡
የመድረኩ ዓላማም በዚህ ዘርፍ ውስጥ የተደረጉ የህግና የአሰራር ሪፎሞችን ለመቃኘትና ባለሥልጣኑ ባለፉት አራት የሪፎም ዓመታት ያከናወናቸውን ተግባራት ለተከበረው የህግና የፍትህ ቋሚ ኮሚቴ በማስተዋወቅ የሥራ መመሪያ ለመቀበል መሆኑን አብራርተዋል፡፡ የህዝብ ተወካዬች ምክርቤት የህግና ፍትህ ጉዳዬች ቋሚ ኮሚቴ ሰብሳቢ የተከበሩ ወ/ሮ እጸገነት መንግስቱ በንግግራቸው እንደገለጹት ሃገራችን በባለፉት አራት ዓመታት በርካታ ሪፎርም አከናውናለች ሪፎርም ከተደረገባቸው ተቋማት መካከል ደግሞ የሲቪል ማህበረሰብ ድርጅቶች ባለስልጣን አንዱ ነው፤ ተቋምን መገንት ደግሞ ሃገርን መገንባት በመሆኑ መልካም ጅምሮች መመልከት ተችሏል ብለዋል፡፡ ቋሚ ኮሚቴውም ተቋሙ ያከናወናቸው ተግባራት ፣ያጋጠሙ ችግሮችና ቋሚ ኮሚቴው ማገዝ ስለሚገባቸው ጉዳዬች ውይይት በማድረግ እና የጋራ መግባባት ላይ በመድረስ የክትትልና ቁጥጥር ስራውን ይሰራል ሲሉ ተናግረዋል ፡፡


በሳቢን ባካዮና ካንዚ የሚመራው የቡርኪናፋሶ ሉዑካን ቡድን ከሲቪል ማህበረሰብ ድርጅቶች ባለስልጣን ጋር የልምምድ ልውውጥ አካሄደ::

በሳቢን ባካዮና ካንዚ የሚመራው የቡርኪናፋሶ ሉዑካን ቡድን ከሲቪል ማህበረሰብ ድርጅቶች ባለስልጣን ጋር የልምምድ ልውውጥ አካሄደ::

በኢ.ፌ.ዴ.ሪ ውጭ ጉዳይ ሚኒስትር እና በኢትዮጵያ የሚገኘው የቡርኪናፋሶ ኢምባሲ አስተባባሪነት ከቡርኪናፋሶ የመጣው ሉዑካን ቡድን ከኢ.ፌ.ዴ.ሪ የሲቪል ማህበረሰብ ድርጅቶች ባለስልጣን ጋር በሲቪል ማህበረሰብ ድርጅቶች እና በዘርፉ ላይ የተደረገውን ለውጥ (reform) አስመልክቶ የልምምድ ልውውጥ አድርገዋል፡፡ በልምድ ልውውጡ ላይ የተገኙት የባለስልጣን መስሪያ ቤቱ ም/ዋና ዳይሬክተር አቶ ፋሲካው ሞላ ለልዑካን ቡድኑ እንኳን ደህና መጣችሁ በማለት በዘርፉ ላይ የታየውን ለውጥ በማስመልከት ገለጻ አድርገዋል፡፡ በገለጻቸውም እንዳሉት በአገራችን የመጣውን ለውጥ ተከትሎ የተሻሻለው የሲቪል ማህበረሰብ ድርጅቶች አዋጅ 1113/2011 ከፀደቀ በኋላ በርካታ ለውጦች መምጣታቸውን በማንሳት ለአብነት ያህል አገልግሎቶች በኦንላይ መሰጠታቸውን፣ የሲቪል ማህበረሰብ ም/ቤት መቋቋሙ፣ የሲቪል ማህበረሰብ ድርጅቶች ፈንድ አስተዳደር መቋቋሙ፣ ለዘርፉ ሰፊ ምዕርዳር መፈጠሩን እና ሌሎችም በርካታ ስራዎችን ለልዑካን ቡድኑ ገልፀዋል፡፡ ም/ዋና ዳይሬክተሩ አክለውም አፍሪካውያን ተመሳሳይ ባህል ስላላቸው የእርስ በእርስ የልምምድ ልውውጥ ማድረጋቸው ችግሮቻቸውን በራሳቸው አቅም ለመፍታት እንደሚያግዝ በመግለጽ ተጠናክሮ መቀጠል እንዳለበት አንስተዋል፡፡
በመጨረሻም የልምድ ልውውጥ ለማድረግ ወደኢትዮጵያ በመምጣታቸው ያላቸውን ምስጋና አቅርበዋል፡፡ የልዑካን ቡድኑ ሰብሳቢ አምባሳደር ሳቢን ባካዮና ካንዚ እንዳሉት የተደረገላቸው አቀባበልና የተደረገላቸውን ገለጻ በማመስገን በቀጣይ ከባለስልጣን መስሪያ ቤቱ ጋር ተቀራርበው እንደሚሰሩ አንስተዋል፡፡


የስርዓተ ጾታ እና ማህበራዊ አካታችነት ስትራቴጂ የትውውቅና የስልጠና መርኃ ግብር ተካሄደ፡፡

የስርዓተ ጾታ እና ማህበራዊ አካታችነት ስትራቴጂ የትውውቅና የስልጠና መርኃ ግብር ተካሄደ፡፡

የሲቪል ማህበረሰብ ድርጅቶች ባለስልጣን ከCSSP2 ጋር በመተባበር ለባለስልጣን መስሪያ ቤቱ የስራ ኃላፊዎች ከፍተኛ ባለሙያዎች በስርዓተ ጾታ እና ማህበራዊ አካታችነት ስትራቴጂ እቅድ ዙሪያ የትውውቅ እና የስልጠና መርኃ ግብር አካሂዷል፡፡ በስልጠናው ላይ የባለስልጣን መስሪያ ቤቱን ዋና ዳይሬክተር አቶ ጂማ ዲልቦን ጨምሮ የተቋሙ የስራ ሃላፊዎች ተሳታፊ ሆነዋል፡፡ ስልጠናው ሴቶችን፣ አካል ጉዳተኞችንና ልዩ ድጋፍ የሚሹ የማህበረሰብ ክፍሎች በእለት ከእለት የስራ እንቅስቃሴ ውስጥ አካቶ መተግበር ስለሚቻልባቸው መንገዶች ሰፊ ገለጻ ተደርጓል፡፡ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ጂማ ዲልቦ በንግግራቸው የሚሰጡ ስልጠናዎችን በትክክል መጠቀም ከቻልን ብዙ ነገር መለወጥ የምንችል በመሆኑ የሚገኙ የስልጠና ዕድሎችን በአግባቡ መጠቀም ተገቢ ነው ብለዋል፡፡ አክለውም የሲቪል ማህበረሰብ ድርጅቶች ባለስልጣን ሞዴል ተቋም እንዲሆን የምንፈልግ በመሆኑ ዕውቀትን ከስነምግባር ጋር የያዘ ባለሙያ መፍጠር አስፈላጊ በመሆኑ እንዲህ አይነት ስልጠናዎች እንደሚዘጋጁ ገልጸዋል፡፡
ሴቶች በማህበራዊ እና ፖለቲካዊ ጉዳዬች ላይ ያላቸው ተሳትፎ በቂ ባለመሆኑ ዛሬም የሴቶች ጉዳይ አጀንዳ ሆኖ እንወያያለን ያሉት ዋና ዳይሬክተሩ ሴቶች እኩል ተጠቃሚ መሆን እስኪችሉ ሁላችንም ጥረት ማድረግ ይገባናል ብለዋል፡፡
በመጨረሻም ይህንን ሰነድ የባለሰስልጣን መስሪያ ቤቱ የስራ መሪዎች አውቀውት በቀጣይ ወደሲቪል ማህበረሰብ ድርጅቶች የማውረድ ስራ ይሰራል ብለዋል፡፡ መርኃግብሩን ላዘጋጀው CSSP2ም ምስጋናቸውን አቅርበዋል፡፡