11ኛው የሲቪል ማህበረሰብ ድርጅቶች ባለስልጣን እና የፌዴራልና የክልል የመንግስት ባለድርሻ አካላት መድረክ በመካሄድ ላይ ይገኛል፡:

11ኛው የሲቪል ማህበረሰብ ድርጅቶች ባለስልጣን እና የፌዴራልና የክልል የመንግስት ባለድርሻ አካላት መድረክ ተካሂዷል፡: በጉባኤው ላይ የአዲሰ አበባ ከተማ አሰተዳደር ምክትል ከንቲባና የኢንዱስትሪ ልማት ቢሮ ሃላፊ አቶ ጃንጥራር አባይን ጨምሮ የፌደራል ከፍተኛ የስራ ሃላፊዎች፣ የክልል ፋይናንስና ፍትህ ቢሮ ተወካዮችና ሃላፊዎች እና ጥሪ የተደረገላቸው ተሳታፊዎች በተገኙበት ተካሂዷል፡፡

May be an image of 1 person, table and dais

 የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ በበኩላቸዉ ጉባኤዉ የድርጅቶቹን አፈጻጸም ለመገምገም፣ ክፍተቶችን በመለየት የጋራ የመፍትሄ አቅጣጫ ለማስቀመጥ እና መልካም ተሞክሮዎችን ለመለዋወጥ እንደሚያግዝ ተናግረዋል። ባለስልጣን መስሪያ ቤቱ የሲቪል ማህበረሰብ ድርጅቶች ዘርፍ እንዲጎለብት በማድረግ የህዝብና የአገር ተጠቃሚነት ለማረጋገጥ የሚያደርገውን የክትትልና ድጋፍ ስራ የበለጠ የሚያስቀጥል መሆኑን የገለጹት ዋና ዳይሬክተሩ የሲቪል ማህበረሰብ ድርጅቶች የህብረተሰቡን የላቀ ተጠቃሚነት በተሻለ ሁኔታ እንዲያረጋግጡ ለማድረግ የፌደራልና የክልል ተቋማት ትብብርና ቅንጅት አስፈላጊ እንደሆነ ገልጸዋል፡፡በጉባኤዉ ላይ የመክፈቻ ንግግር ያደረጉት የአዲስ አበባ ከተማ ምክትል ከንቲባ አቶ ጃንጥራር አባይ የሲቪል ማህበረሰብ ድርጅቶች ለአገር ግንባታ ከፍተኛ አስተዋጾ እንዳላቸዉ ተናግረዋል። በአዲስ አበባ ሰፊ የመሠረተ ልማት ስራዎች እየተሰሩ መሆኑን የጠቆሙት ምክትል ከንቲባዉ በዘርፉ በሚከናወኑ ስራዎች በግሉ ዘርፍ ከሚደረገዉ እንቅስቃሴ ከሚገኘዉ ገቢ ባሻገር የልማት አጋሮችን በማስተባበር በርካታ ስራዎች እንደሚከወኑ ጠቁመዋል። ከተማ አስተዳደሩ የሚሰራው ስራ ሰፊ በመሆኑም የሁሉንም ርብርብ የሚጠይቅ መሆኑንም ጠቁመዋል። የልማት አጋሮች በሚከናወኑ የልማት ስራዎች ላይ ሰፊ ሚና እንዳላቸዉ የተናገሩት አቶ ጃንጥራር፤ በከተማ አስተዳደሩ ዉስጥ የሚንቀሳቀሱ የሲቪል ማህበረሰብ ድርጅቶች የሚሠጣቸዉን አቅጣጫ መሠረት በማድረግ አብዛኛዎቹ ጥሩ እንቅስቃሴ እያደረጉ እንደሆነም ጠቁመዋል።

ኤጌሬፍ የበጎ አድራጎት ድርጅት በደቡብ ኢትዮጵያ ክልል ጎፋ ዞን ገዜ ጎፋ ወረዳ ኬንቾ ሻቻ ጎዝዲ ቀበሌ በደረሰው የመሬት መንሸራተት አደጋ ለተጎዱ ወገኖች የ1 ሚሊየን ብር ድጋፍ አደረገ፡፡

ኤጌሬፍ የበጎ አድራጎት ድርጅት በደቡብ ኢትዮጵያ ክልል ጎፋ ዞን ገዜ ጎፋ ወረዳ ኬንቾ ሻቻ ጎዝዲ ቀበሌ በደረሰው የመሬት መንሸራተት አደጋ ለተጎዱ ወገኖች የ1 ሚሊየን ብር ድጋፍ አደረገ፡፡ በሲቪል ማህበረሰብ ድርጅቶች ባለስልጣን ስር ተመዝግቦ በመንቀሳቀስ ላይ የሚገኘው ኤጌሬፍ የበጎ አድራጎት ድርጅት በደቡብ ኢትዮጵያ ክልል ጎፋ ዞን ገዜ ጎፋ ወረዳ ኬንቾ ሻቻ ጎዝዲ ቀበሌ በደረሰው የመሬት መንሸራተት አደጋ ለተጎዱ ወገኖች የሚውል የ1 ሚሊየን ብር ድጋፍ ለሲቪል ማህበረሰብ ድርጅቶች ባለስልጣን አስረክቧል።

May be an image of 3 people, dais, newsroom and text
ድጋፉን የተቀበሉት የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ ድጋፉ እርስ በርስ የመደጋገፍ፣ የመተጋገዝና የመረዳዳት ባህላችንን አጉልቶ የሚሳይ መሆኑን ጠቁመው በባለስልጣን መስሪያ ቤቱ የተመዘገቡ የሲቪል ማህበረሰብ ድርጅቶች የሚሰሯቸውን ሰው ተኮር ስራዎች ስንመለከት ከዚህ በላይ በርካታ ስራዎችን መስራት እንደምንችል የሚያመላክቱ ናቸው ብለዋል፡፡ አክለውም የሲቪል ማህበረሰብ ድርጅቶች ባለስልጣን ሀገር በቀል ድርጅቶችን በልዩ ሁኔታ በመደገፍ ውጤታማ ስራ መስራት እንዲችሉ በትኩረት እየሰራ እንደሚገኝ ገልጸው ሀገር በቀል ድርጅቶች ተጠናክረው በጋራ ትልቅ ስራ መስራት እንደሚችሉ ጠቁመዋል፡፡
የህዝብ ተወካዮች ምክር ቤት አባልና የኤጌሬፍ የበጎ አድራጎት ድርጅት መስራችና ምክትል የቦርድ ሰብሳቢ ኡስታዝ ካሚል ሸምሱ በበኩላቸው ድርጅታቸው ኤጌሬፍ የበጎ አድራጎት ድርጅት በተለያዩ የኢትዮጵያ ክፍሎች የተለያዩ ሰው ሰራሽና የተፈጥሮ አደጋዎች ሲያጋጥሙ በርካታ የሰብዓዊ ድጋፎችን በማድረግ የሚታወቅ ድርጅት መሆኑን ጠቅሰው በጎፋ ዞን ገዜ ጎፋ ወረዳ ኬንቾ ሻቻ ጎዝዲ ቀበሌ በደረሰው የመሬት መንሸራተት ጉዳት ለደረሰባቸው ዜጎች ሁልግዜ እንደሚያደርገው ወገናዊነቱን ለማሳየትና ከጎናቸው መሆኑን ለመጠቆም በባለስልጣን መስሪየ ቤቱ በኩል ድጋፍ ማድረጉን ገልጸዋል፡፡ የሲቪል ማህበረሰብ ድርጅቶች ባለስልጣን በጎፋ ዞን የደረሰውን የመሬት መንሸራተት ተከትሎ ጉዳት ለደረሰባቸው የማህበረሰብ ክፍሎች የሲቪል ማህበረሰብ ድርጅቶችን በማስተባበር ድጋፍ እያደረገ የሚገኝ ሲሆን ቀደም ሲል ሰዎች ለሰዎች ከተባለ የሲቪል ማህበረሰብ ድርጅት ጋር በመተባበር ከ10 ሚሊዮን ብር በላይ የሚያወጣ የእለት ደራሽ ድጋፎችን ቦታው ላይ በመገኘት አስረክቧል፡፡

የኢፌደሪ የፍትህ ሚኒስቴር ሚኒስትር ዴኤታ ዶ/ር ኤርሚያስ የማነብርሃን እና በም/ዋና ዳይሬክተር አቶ ፋሲካው ሞላ የተመራ ልዑካን ቡድን ድርጅቶችን ጎበኙ፡፡

 

 

May be an image of 8 people, tree and grass

የሲቪል ማህበረሰብ ድርጅቶች የስራ እንቅስቃሴአቸውንና ለህብረተሰቡ እየሰጡ ያለውን አገልግሎት በጂንካ እና በወላይታ ሶዶ በመገኘት ጉብኝት አድርገዋል፡፡ ጉብኝት የተደረገላቸው ድርጅቶች ወርልድ ቪዥን÷ ኤም ኤስ ኤፍ ቤልጄም÷ ዩሪያአዲስ እንዲሁም ጠረጴዛ ልማት ማህበር ናቸው፡፡ የሲቪል ማህበረሰብ ድርጅቶች የህብረተሰብን የላቀ ተጠቃሚነትን ለማረጋገጥ እየሰሩ ያለው ስራ አበረታች መሆኑን የኢፌደሪ የፍትህ ሚኒስቴር ሚኒስትር ዴኤታ ዶ/ር ኤርሚያስ የማነብርሃን በጉብኝቱ ወቅት ገልፀዋል፡፡ የሲቪል ማህበረሰብ ድርጅቶች ባለስልጣን ም/ዋና ዳይሬክተር አቶ ፍሲካው ሞላ በበኩላቸው የጠረጴዛ ልማት ማህበር እያከናወነ ያለው ስራ ከአረንጓዴ አሻራ መርሀ ግብር አንፃር አበረታች መሆኑን አንስተዋል፡፡
የአረንጓዴ አሻራ መርሀግብር አረንጓዴ ኢኮኖሚ ከመገንባት አንፃር ጉልህ ሚና እንዳለው በመግለፅ የኢትዮጵያ ህዝብ ተጠቃሚ ለማድረግ የሲቪል ማህበረሰብ ድርጅቶች ርብርብ ማድረግ እንዳለባቸው ገልፀዋል፡፡ የሲቪል ማህበረሰብ ድርጅቶች በአረንጓዴ አሻራ መርሀግብር ላይ በንቃት መሳተፍ አለባቸው ብለዋል፡፡ የድርጅቶቹ ሀላፊዎች እንዳሉት በተደረገው ጉብኝት መደሰታቸውን በመግለፅ ይበልጥ በስራቸው ላይ ተነሳሺነትን እንደሚፈጥርላቸው ተናግረዋል፡፡

በጎፋ ዞን ገዜ ጎፋ ወረዳ በድንገተኛ አደጋ ለተጎዱ የህብረተሰብ ክፍሎች ከ 10 ሚሊየን ብር በላይ የሚገመት የእለት ደራሽ ድጋፍ ተደረገ።

በጎፋ ዞን ገዜ ጎፋ ወረዳ በድንገተኛ አደጋ ለተጎዱ የህብረተሰብ ክፍሎች ከ 10 ሚሊየን ብር በላይ የሚገመት የእለት ደራሽ ድጋፍ ተደረገ። በፍትህ ሚኒስቴርና የሲቪል ማህበረሰብ ድርጅቶች ባለሥልጣን አስተባባሪነት የሰዎች ለሰዎች ድርጅት (Menschen fűr Menschen) ከ 10 ሚሊየን ብር በላይ የሚገመት የቁሳቁስ ድጋፍ ተደርጓል። የኢፌደሪ የፍትህ ሚኒስቴር ሚኒስትር ዴኤታ ዶ/ር ኤርሚያስ የማነብርሃን በአከባቢው በደረሰው ድንገተኛ የተፈጥሮ አደጋ ህይወታቸውን ባጡ ወገኖች የተሰማቸውን ጥልቅ ሀዘን በመግለፅ በአከባቢው የተጎዱ የማህበረሰብ ክፍሎችን በዘላቂነት ለመደገፍ ከሲቪል ማህበረሰቦች ጋር በትብብር እንደሚሠሩ ተናግረዋል።

May be an image of 8 people and text

የሰዎች ለሰዎች ድርጅት ሀገር አቀፍ ተጠሪ አቶ ይልማ ታዬ በበኩላቸው በደረሰው ሰበዓዊ ጉዳት ድርጅታቸው ማዘኑን ገልጸው ድርጅታቸው ከ 10 ሚሊየን ብር በላይ የሚገመት የእለት ደራሽ ድጋፍ ማድረጉን ተናግረዋል። አልባሳት ፣ የበቆሎ ዱቄት ፣ የምግብ ዘይት ፣ የህፃናት አልሚ ምግቦች ፣ አተር እና የንጽህና መጠበቂያ ቁሶቁሶችን ለዞኑ ዋና አስተዳዳሪ ኢንጂነር ዳግማዊ አየለ አስረክበዋል።
የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ በበኩላቸው የሲቪል ማህበረሰብ ድርጅቶች ባለስልጣን ለተጎጂዎች የሚሆን 300 ሺህ ብር በዞኑ በተከፈተ አካውንት እንዳስተላለፈ ገልጸዋል። የክልሉ ፍትህ ቢሮ ፣ የሰዎች ለሰዎች ድርጅት እና የሲቪል ማህበረሰብ ድርጅቶች ባለስልጣን ተፈራርመዋል። በሰዎች ለሰዎች ድርጅት የተደረገው ድጋፍ ጉዳት የደረሰባቸው ወገኖች ለባሰ ሰበዓዊ ቀውስ እንዳይዳረጉ የአንድ ወር ቀለብ መሆኑ ተገልጿል። ድጋፉን የተረከቡት ጎፋ ዞን ዋና አስተዳዳሪ ኢንጂነር ዳግማዊ አየለ የፍትህ ሚኒስቴርና የሲቪል ማህበረሰብ ድርጅቶች ባለስልጣን ድጋፉን በማሰተባበራቸው አመስግነዋል። አክለውም የሰዎች ለሰዎች ድርጅት ላደረገው ሰበዓዊ ድጋፍ በዞኑ ህዝብ ስም አመስግነዋል።

የፍትህ ሚኒስቴርና ተጠሪ ተቋማት በጋምቤላ ክልል የክረምት በጎ ፍቃድ መርሃ ግብር አካሄዱ።

አቶ ተንኳይ ጆክ የክልሉ ም/ርዕሰ መስተዳድር እና የከተማ ልማት እና ኮንስትራክሽን ቢሮ ሃላፊ ከለውጡ በኃላ በክልሉ በርካታ የሪፎርም ስራዎች መሰራታቸውን ገልጸው በተለይም ሰው ተኮር የሆኑ የበጎ ፍቃድ አገልግሎት ስራዎች ማህበረሰቡን ተጠቃሚ እያደረጉ መሆኑን ገልጸዋል፡፡
May be an image of 5 people, grass and tree
አየበጎ ፍቃድ ስራዎች አንድነትን የሚፈጥሩ በመሆኑ ልዩ ያደርገዋል ያሉት ም/ርዕሰ መስተዳድሩ ፍትህ ሚኒስቴርና ተጠሪ ተቋማት በክልሉ በበጎ ፍቃድ ስራ ላይ በመሰማራታቸው ምስጋናቸውን አቅርበዋል፡የፍትህ ሚኒስቴር ሚኒስትር ዴኤታ አቶ በላይሁን ይርጋ በንግግራቸው እንደገለጹት ከመደበኛ ስራ በተጨማሪ በማህበራዊ ሃላፊነት ዙሪያ በባለፉት ዓመታት ጀምሮ የፍትህ ሚኒስቴርና ተጠሪ ተቋማትን በማስተባበር በርካታ የበጎ ፍቃድ ስራዎችን መስራታቸውን አስታውሰዋል፡፡  ያይዘውም በዘንድሮ በጀት ዓመት በጋምቤላ ክልል በአምስት የበጎ ፍቃድ ዘርፎች ማለትም ለችግረኟ ቤተሰብ የትምህርት ቁሳቁስ ድጋፍ፣የአረንገዴ አሻራ መርኃ ግብር፣ የአቅመ ደካማ ሰዎችን ቤት እድሳት፣ለወጣቶች በሰላምና ጸጥታ ዙሪያ ስልጠና መስጠትና የከተማ ጽዳት መርሃ ግብሮች ተካተዋል፡፡ በዚህም መሰረት ለ625 ችግረኛ ህጻናት የትምህርት ቁሳቁስ ድጋፍ፣ከአስር ሺህ በላይ አስራ አንድ አይነት ዝርያ ያላቸው ለማህበረሰቡ ኢኮኖሚዯዊ ጠቀሜታ የሚሰጡ ችግኞችን መትከል፣ ለአምስት አቅመ ደካማ ሰዎች የቤት እድሳት ስራ እና የከተማ ጽዳት ስራ የተሰራ ሲሆን በቀጣይም ፍትህ ሚኒስቴርና ተጠሪ ተቋማት ችግኞችን መንከባከብ ላይ ትኩረት አድርገው እንደሚሰሩ ተናግረዋል፡፡ በሂደቱ World Vision Ethiopia፣Action Against Hunger, Goal Ethiopia- house reinnervation, Mary Stops International Ethiopia, Amref health Africa- house reinnervation እና Ethiopia CSO Council የገንዘብና የቁሳቁስ ድጋፍ አድርገዋል።

የኢ.ፌ.ዴ.ሪ ፍትህ ሚኒስቴር እና የሲቪል ማህበረሰብ ድርጅቶች ባለስልጣን አመራሮችና ሰራተኞች የደም ልገሳ አካሄድ።

 

May be an image of 1 person, hospital and text

በኢ.ፌ.ዴ.ሪ የፍትህ ሚኒስቴርና የሲቪል ማህበረሰብ ድርጅቶች ባለስልጣን አመራሮችና ሰራተኞች ከደምና ህብረ ህዋስ ባንክ አገልግሎት በመጡ ባለሙያዎች አማካኝነት በሚኒስቴሩ ዋናው መስሪያ ቤት ቅጥር ግቢ ውስጥ በበጎ ፍቃድ የደም ልገሳ አድርገዋል፡፡
“ደም ይለግሱ ህይወትን ያድኑ” በሚል መሪ ቃል የበጎ ፍቃድ የደም ልገሳ ፕሮግራም የተካሄደው በየአመቱ በሀገር አቀፍ ደረጃ በሚዘጋጀው የክረምት የበጎ ፍቃድ አገልግሎት የፍትህ ሚኒስቴር እንዲሁም ተጠሪ ተቋማት አመራር እና ሰራተኞችን በማሳተፍ የመንግስት የልማት ኢኒሼቲቮችን ለማሳካት ተቋማቱ የበኩላቸውን ድርሻ ለመወጣት ያለመ ነው፡፡
በጤና ሚኒስቴር የደም ልገሳና ህዋስ ባንክ አገልግሎት የትምህርትና ቅስቀሳ ባለሙያ ሲስተር አሰጋሽ ጎሳ በቦታው ተገኝተው እንዳሉት ደም መለገስ ከራስ አልፎ ለሌሎች ሰዎች መኖር ማለት እንደሆነ ጠቅሰው፤ ከመቀበል መስጠት እንደሚሻል አውስተዋል፡፡
ደም መለገስ በየሆስፒታሉ የኩላሊት እጥበት የሚደረግላቸው ፣ ከባድ የቀዶ ጥገና የሚሰራላቸው ፣ የካንሰር ተማሚዎች ፣ የጨረር ህክምና የሚደረግላቸው ፣ ከባድ የመኪና አደጋ የደረሰባቸው ግለሰቦች እና በወሊድ ምክንያት ደም የሚፈሳቸው እናቶች በደም ማጣት ምክንያት ለድንገተኛ ሞት እንዳይዳረጉ እንደሚያደርግ ጠቁመዋል፡፡
ደም ስንለግስ ደም የሚያስፈልገው ሰው ከእኔ ቤተሰብ አንዱ ቢሆንስ ፣እኛም ራሳችን ምን ሊገጥመን እንደሚችል ስለማናውቅ ጤነኛ በሆንበት ወቅት ደም መለገስ ከራሳችን አልፈን ለሌላ ሰው መኖር በበጎ ፍቃደኝነት የሚከናወን ሰብዓዊ አገልግሎት መሆኑን ተናግረዋል፡፡
ሲስተር አሰጋሽ በገለፃቸው ጤነኛ የሆነ ሰው ፣ 45 ኪሎ ግራም ክብደት የሞላው እና ዕድሜው ከ18 እስከ 65 አመት የሆነው ሰው በየሶስት ወሩ አንድ ጊዜ እንዲሁም በአመት አራት ጊዜ ደም መለገስ የሚችል መሆኑን አውስተዋል፡፡
በመጨረሻም “በሚተካ ደም የማይተካውን ክቡር የሆነውን የሰው ልጅ ህይወት እንታደግ”ሲሉ ሲስተር አሰጋሽ መልእክታቸውን አስተላልፈዋል፡፡

4ኛ ዙር የሰራተኞች ስልጠና ተሰጠ፡፡

 

May be an image of 10 people, table and dais

ስልጠናው ተቋማዊ ለውጥ፣ውጤታማ ተግባቦት እና የስጋት አስተዳደር ላይ ትኩረት ያደረገ ነው፡፡ በስልጠናው ላይ የመክፍቻ ንግግር ያደረጉት የተቋሙ ም/ዋና ዳይሬክተር አቶ ፋሲካው ሞላ እንዳሉት በባለፉት የሪፎርም አመታት ተቋማችን ቴክኖሎጂን የሚጠቀም እና የአሰራር ስርዓት የዘረጋ ተቋም ወደ መሆን ተሸጋግሯል በማለት ለውጥ የማያቋርጥ በመሆኑ እስካሁን ያስመዘገብናቸው ውጤቶችን በመያዝ ወደ ሌላ የተሻለ አፈጻጸም ሊያሳድግ ወደሚችል፣ በስነ-ምግባር የታነጸ ተቋም ለመገንባት እንሰራለን ብለዋል ፡፡ አያይዘውም በተቋሙ ዳግም ሪፎርም ከተጀመረ ሁለት ዓመት የሞላው መሆኑን በማንሳት በዚህ ሂደት የውስጥ አሰራርን ዘመናዊ ማድረግ እና የውስጥ እርካታን ማረጋገጥ ላይ ትኩረት አድርጎ እየሰራ ነው ሲሉ ተናግረዋል ፡፡ ባለስልጣን መስሪያቤቱ ለውጡን ለማሳካት ከተለያዩ አጋር አካላት ጋር እየሰራ መሆኑን ገልጸው ከነዚህም መካከል የAFD ፕሮጀክት በስልጠናና በውስጥ የዳሰሳ ጥናት ላይ ትኩረት አድርጎ እያገዘ መሆኑን ገልጸዋል ፡፡ ለሰራተኞች ተከታታይ ስልጠና መስጠት እና ወደ ውጤት መቀየር ሲቻል የተሻለ ተቋምና ሀገር መገንባት እንችላለን አጠቃላይ ውጤቱም ጠንካራ እና የበለጸገች ሀገር የመገንባት ሚና ያለው ነው ሲሉ መልዕክታቸውን አስተላልፈዋል ፡፡ ስልጠናው በአራት ዙር ለሁሉም የተቋሙ ሰራተኞች ተሰጥቷል፡፡

የፍትህ ሚኒስቴርና ተጠሪ ተቋማት ከሲቪል ማህበረሰብ ድርጅቶች ጋር በመሆን የዘንድሮውን የአረንጓዴ አሻራ መርሃ ግብር በአዳማ ከተማ አካሄዱ፡፡

በመርሃ ግብሩ የፍትህ ሚኒስቴር ሚኒስትሩ ዶ/ር ጌዲዬን ጢሞቲዎስ ፣መለሰ ዓለሙ የዲሞክራሲ ባህል ግንባታ ዘርፍ ሚኒስትር ፣የኢፌዴሪ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ ፣ የአዳማ ከንቲባ አቶ ሃይሉ ጀልጌ ፣የተለያዩ ተቋማት ሃላፊዎች፣የሲቪል ማህበረሰብ ድርጅቶችና እና የአከባቢው ማህበረሰብ ተሳታፊ ሆነዋል፡፡ የዘንድሮው የአረንጓዴ አሻራ መርሃ ግብር በሃገር አቀፍ ደረጃ ‹‹የምትተክል ሃገር የሚያጸና ትውልድ ›› በሚል መሪ ቃል የአረንጓዴ አሻራ መርሃ ግብር እየተካሄደ ይገኛል፡፡ በዚሁ መሰረት በኢፌዴሪ የሲቪል ማህበረሰብ ድርጅቶች ባለስልጣን አስተባባሪነት የፍትህ ዘርፍ ከሲቪል ማበረሰብ ድርጅቶች ጋር በጋራ በመሆን በአዳማ ከተማ ለምግብነት የሚውሉ ከሁለት ሺህ በላይ ችግኞችን ተክለዋል፡፡

May be an image of 1 person

በመርሃ ግብሩ ላይ የእንኳን ደህና መጣችሁ ንግግር ያደረጉት የአዳማ ከተማ ከንቲባ አቶ ሃይሉ ጀልጌ እንደተናገሩት እንደሃገር ህዝቡን ተጠቃሚ ካደረጉ ሃሳቦች መካከል አረንጓዴ አሻራ መርሃ ግብር አንዱ መሆኑን ገልጸው በአዳማ ከተማ መስተዳድርም የአረንጓዴ አሻራ መርሃ ግብር ከጀመረ በኋላ በርካታ ቦታዎች ወደ አረንጓዴነት መለወጣቸውን እና ማህበረሰቡንም ተጠቃሚ እያደረጉ መምጣቱን ገልጸዋል፡፡ ዶ/ር ጌዲዬን ጢሞቲዎስ የፍትህ ሚኒስቴር ሚኒስትር ባስተላለፉት መልዕክት እንደገለጹት የዚህ መርሃ ግብር ዓላማው ለሃገርና ለትውልድ የሚጠቅም ፋይዳ ያለው ስራ ለመስራት ነው፡፡ የአከባቢ ጥበቃ ስራ የሚሰራው ችግኝ በመትከልና በመንከባከብ ነው ይህ ደግሞ ከመንግስት አልፎ ቋሚ እና ባህል የሆነ የማህበረሰብ ጉዳይ አድርገን ልንወስድ ይገባል ከዚህ አንጻር የሲቪል ማህበረሰብ ድርጅቶች ሚና ከፍተኛ በመሆኑ በትኩረት መስራት ይጠይቃል ብለዋል፡፡ ከመንግስት፣ከማህበረሰቡ እና ከሲቪል ማህበረሰቡ ድርጅቶች ጋር የአረንጓዴ አሻራችንን ማስቀመጣችን ልዩ ትርጉም ይሰጠዋል ያሉት ሚኒስትሩ የሲቪል ማህበረሰብ ድርጅቶች ከዚህ አንጻር ሃላፊነታቸውን እንደሚወጡ እምነቴ ነው ብለዋል፡፡ የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ የከተማው አስተዳድር እና ማህበረሰቡ በደማቅ ሁኔታ አቀባበል ስላደረገላቸው ምስጋናቸውን አቅርበው እንደዚህ አይነት መርሃ ግብር ከዚህ ቀደምም እንደዘርፍ መከናወኑን አንስተው እንደሃገር የተጀመረውን የአረንጓዴ አሻራ መርሃ ግብር አጠናክረን እንቀጥላለን ሲሉ መልዕክታቸውን አስተላልፈዋል፡፡ በመጨረሻም ከተማ መስተዳድሩ የሰራቸውን የልማት ስራዎች ተሳታፊዎቹ ጎብኝተዋ፡፡

በሰዎች ለሰዎች ድርጅት ስር የሚተዳደርው የሐረር አግሮ-ቴክኒክና ቴክኖሎጂ ኮሌጅ ተማሪዎችን አስመረቀ::

 

May be an image of 5 people, dais and text

በሰዎች ለሰዎች ድርጅት ስር የሚተዳደርው የሐረር አግሮ-ቴክኒክና ቴክኖሎጂ ኮሌጅ በቴክኖሎጂ የትምህርት መስኮች ያሰለጠናችውን 104 ተማሪዎች ትናንት አስመረቋል። የኢፌዴሪ ሲቪል ማህበረሰብ ድርጅቶች ባለስልጣን ም/ዋና ዳይሬክተር አቶ ፋሲካው ሞላ የሰዎች ለሰዎች ድርጅት አገር አቀፍ ተጠሪ አቶ ይልማ ታዬ እና ሌሎች ተጋባዥ እንገዶች በተገኙበት በደማቅ ስነ-ስርዓት አስመርቌል። በምረቃ ስነ-ስርአቱ ላይ ንግግር ያደረጉት የኢፌዴሪ ሲቪል ማህበረሰብ ድርጅቶች ባለስልጣን ም/ዋና ዳይሬክተር አቶ ፋሲካው ሞላ ሰዎች ለሰዎች ድርጅት ከትምህርት ተደራሽነት በተጨማሪ በርካታ አገር አቅፍ የልማት ስራዎችን በማከናወን ላይ የሚገኝ መሆኑን ገልጸዋል። በዚህም የአገራችን ህዝብ ሁለንተናዊ የልማት አጋር እንደሆነ ተናግረዋል። የሰዎች ለሰዎች ድርጅት አገር አቀፍ ተጠሪ አቶ ይልማ ታዬ በበኩላቸው ድርጅቱ በኢትዮጵያ በርካታ የልማት ተግባራትን በማከናወን ላይ እንደሚገኝ ገልጸው በተለይም የትምህርት ተደራሽነትና ጥራትን ለማሳድግ ሰፊ ስራዎችን በመስራት ይገኛል ብለዋል። በዚህም የጀርመን ሕዝብና መንግስት ድጋፍ ከፍተኛ መሆኑን ተናግረዋል። ከተመሰረተ ከ30 አመታት በላይ ያሰቆጠረው የሐረር አግሮ-ቴክኒክና ቴክኖሎጂ ኮሌጅ እስካሁን ከ3800 በላይ የበቁ ባለሞያዎችን በዲፕሎማና ዲግሪ አስመርቌል። በዚህ በጀት ዓመት ተመራቂዎቹ የሰለጠኑት በማኑፋክቸሪንግ፣ አውቶሞቲቭ፣ ኤሌክትሪካል እና ኤሌክትሮኒክስ ቴክኖሎጂ ነው።

በኢ.ፌ.ዴ.ሪ ፍትሕ ሚኒስቴር የተቋም ግንባታና ሪፎርም ዘርፍ ሚኒስትር ዴኤታ ክቡር ዶ/ር ኤርሚያስ የማነብርሀን የተመራ ልዑካን ቡድን የተቋሙን የ2016 በጀት ዓመት እቅድ አፈጻጸም ገመገሙ፡፡

በፍትህ ሚኒስቴር ስር ያሉ ተቋማትን የ2016 በጀት የእቅድ አፈጻጸማቸውን በመገምገም የሚሰጡትን አገልግሎቶች በይበልጥ ለመረዳት እና ተቋማት ከሚኒስቴር መስሪያቤቱም ሆነ ከሌሎች ተቋማት የሚያስፈልጋቸውን ድጋፍ ለማድረግ ፕሮግራሙ መዘጋጀቱን ሚኒስትር ዴኤታው ገልጸዋል፡: አያይዘውም ሚኒስትር መስሪያቤቱ በስሩ ተጠሪ ለሆኑ ተቋማት አስፈላጊ ክትትልና ድጋፍ ለማድረግ ሚኒስቴር ዴኤታዎቹ ተቋማቱን ተከፋፍለው እየደገፉ መሆኑን አንስተው በዚህ ተቋም የተጀመረው የድጋፍ ስራም ተጠናክሮ ይቀጥላል ብለዋል፡፡ የባለስልጣን መስሪያቤቱ ዋና ዳይሬክተር አቶ ሳምሶን ቢራቱ ለእንግዶቹ የእንኳን ደህና መጣችሁ ንግግር ካደረጉ በኋላ ለተቋሙ የተሻለ አፈጻጸም ሚኒስትር መስሪያቤቱ ለድጋፍ በመምጣቱ ምስጋናቸውን አቅርበዋል፡፡ የተቋሙ የ2016 አፈጻጸም በዝርዝር ከቀረበ በኋላ በተነሱ ርዕሠ ጉዳዬች ላይ ምላሽና በቀጣይ ለተቋሙ በሚያስፈልጉ ድጋፎች ዙሪያ ውይይት ተደርጓል፡፡

May be an image of 6 people, people studying, suit and textMay be an image of 10 people, people studying and text