በቀጣይ ስድስት ወራት የማህበረሰቡን የላቀ ተጠቃሚነት ለማረጋገጥ እንሰራለን ተባለ፡፡

 

ይህ የተባለው በተቋሙ የ2016 የመጀመሪያ ግማሽ ዓመት እቅድ አፈጻጸም እና የቀጣይ ስድስት ወራት እቅድ ላይ ከአጠቃላይ ሰራተኛው ጋር ውይይት በተደረገበት ወቅት ነው፡፡ በመድረኩ ተቋሙ በባለፉት ስድስት ወራት ያከናወናቸውን ዋና ዋና ጉዳዬች ፣ያጋጠሙ ችግሮችና የተወሰዱ የመፍትሄ አቅጣጫዎች እና የቀጣይ ስድስት ወራት እቅድ ቀርቦ ውይይት ተደርጎበታል፡፡ በውይይቱ ማጠቃለያ የተቋሙ ም/ዋና ዳይሬክተር አቶ ፋሲካው ሞላ እንደገለጹት በባለፉት ስድስት ወራት ተቋሙ ያከናወናቸው ተግባራት ውጤታማ መሆኑን በመግለጽ በተለይም የተገልጋይ እርካታ አፈጻጸም ከባለፈው ተመሳሳይ ወቅት ጋር ሲነጻጸር የተሻለ መሆኑን አንስተዋል፡፡May be an image of 4 people, table, dais and text

ዲጂታል ተቋም መገንባት፣በተሰማራንበት የስራ መደብ ስፔሻላይይዝድ ማድረግ፣የውስጥ የአገልግሎት አሰጣጥ ማሻሻል ላይ የቀጣይ የትኩረት አቅጣጫ አድርገን እንሰራለንም ብለዋል፡፡ በመጨረሻም የጀመርናቸው ውጤታማ ስራዎች በማጠናከር፣በቁርጠኝነትና በትጋት አጠናክሮ በማስቀጠል የማህበረሰቡን የላቀ ተጠቃሚነት ለማረጋገጥ እንሰራለን ሲሉ ገልጸዋል፡፡

 


ለተቋሙ ሰራተኞች ከዕዳ ወደ ምንዳ በሚል ርዕስ ስልጠና ተሰጥቷል፡፡

May be an image of 2 people, dais and textየስልጠናው ዓላማ የመንግስት ሰራተኛው ከዕዳ ወደ ምንዳ ለመሸጋገር የሚያችለው ወቅታዊ፣ ሃገራዊ፣ ህዝባዊና መንግስታዊ አጀንዳዎች ላይ በመወያየትና በመመካከር የተሻለ ግንዛቤ መፍጠር፤ሁሉም ዜጋ የበኩሉን ሚና እንዲወጣ ማስቻልና የሃገራችንን አንድነት ለማስቀጠል ህዝባችንን ወደ ላቀ የዕድገት ደረጃ ለማሻገር ያለመ ነው፡፡ የመወያያ ርዕሰ ጉዳዮቹ ትኩረት ያደረጉት ሃብት ለመፍጠር ያሉ እድሎች እና የቀጣይ ትኩረት አቅጣጫዎች፣ በኢትዮጵያ አገልጋይና ስልጡን ሲቪል ሰርቪስ ለመገንባት በተደረገው ጥረት የተስተዋሉ ስኬቶች፣ ፈተናዎችና የቀጣይ ትኩረት አጀንዳዎች ላይ ሲሆን በቀረበው ሰነድ ላይም ሰፊ ውይይት ተደርጎ መግባባት ላይ ተደርሷል፡፡


የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ በኢትዮጵያ የጀርመን አምሳደር የሆኑትን ስቴፈን ኦየር (Stephan Auer) በጽህፈት ቤታቸው ተቀብለው አነጋግረዋል፡፡

የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ በኢትዮጵያ የጀርመን አምባሳደር ከሆኑት ስቴፈን ኦየርን (Stephan Auer) በጽህፈት ቤታቸው ተቀብለው ያነጋገሩ ሲሆን ባለስልጣን መስሪያ ቤቱ ከሲቪል ማህበረሰብ ደርጅቶች ዘርፍ ጋር በተያያዘ እየሰራቸው የሚገኙ ስራዎችን በሚመለከት ገለጻ አድርገዋል፡፡ የሲቪል ማህበረሰብ ድርጅቶች ባለስልጣን ከጀርመን መንግስት ጋር በጋራ ስለሚሰራባቸው ጉዳዮችም ማብራሪያ አቅርበዋል፡፡
ዋና ዳይሬክተሩ አክለውም በኢትዮጵያ የሚንቀሳቀሱ የሲቪል ማህበረሰብ ድርጅቶች በሰፊው ተንቀሳቅሰው ውጤታማ ስራ መስራት እንዲችሉ መንግስት ከባለድርሻ አካላት ጋር በመሆን ውጤታማ ስራዎችን እየሰራ እንደሚገኝ አንስተው በተለይም ከጀርመን መንግስት ጋር በበርካታ ጉዳዮች ዙሪያ በጋራ እንደሚሰሩ ተናግረዋል፡፡ አምባሳደሩ ወደ ባለስልጣን መስሪያ ቤቱ በመምጣታቸውና በጋራ ለመስራት ፍቃደኛ በመሆናቸው ምስጋናቸውን አቅርበዋል፡፡
May be an image of 9 people, dais and text
የሲቪል ማህበረሰብ ድርጅቶች ባለስልጣን ዘርፉ በሰላምና በዲሞክራሲ ስርዓት ግንባታ ስኬታማ ስራዎችን እንዲሰራ ለማስቻል የሚያደርገውን ጥረት በተመለከተ ምክትል ዋና ዳይሬክተር አቶ ፋሲካው ሞላ ገለጻ ያደረጉ ሲሆን በተለይም የሲቪል ማህበረሰብ ድርጅቶች ስኬታማ በሆኑ ቁጥር ባለስልጣን መስሪያ ቤቱ ስኬታማ እንደሚሆን አጽንዖት ሰጥተው ገልጸዋል፡፡ ዘርፉ ውጤታማ ስራ መስራት እንዲችል ባለስልጣን መስሪያ ቤቱ አገልግሎት አሰጣጡን በማዘመን የኤሌክትሮኒክ አገልግሎት አሰጣጥ ስርዓትን ተግባራዊ እያደረገ እንደሚገኝ ገልጸው ከተለያዩ ዓለም አቀፍ ተቋማት ጋርም በትብብር እየሰራ እንደሚገኙ ጠቁመዋል፡፡
አምሳደር ስቴፈን ኦየር (Stephan Auer) በበኩላቸው በኢትዮጵያ ውስጥ የጀርመን የሲቪል ማህበረሰብ ድርጅቶች በርካታ ፕሮጀክቶችን ቀርጸው እየሰሩ እንደሚገኙ ያነሱ ሲሆን በተለይም በሰላም ግንባታ፣ በዲሞክራሲ ስርዓት ግንባታ እና ማህበረሰብን ማዕከል ባደረጉ ስራዎች ላይ እየሰሩ እንደሚገኙ ጠቁመዋል፡፡ በአለም አቀፉ የፖቲካል ኢኮኖሚ መለዋወጥ ምክንያት በርካታ ማህበራዊ ቀውስ እየተፈጠረ በመሆኑ አያሌ የሰብዓዊ ድጋፍ ፍለካጎቶች መኖራቸውን ያነሱት አምባሳደሩ በኢትዮጵያ የሚንቀሳቀሱ የሲቪል ማህበረሰብ ድርጅቶች ያሉባቸውን ችግሮች በመፍታት ውጤታማ ስራ ሊሰራ እንደሚገባ አንስተዋል፡፡

በተቋሙ ስትራቴጂክ ዕቅድ አፈፃጸምና ትግበራ ዙርያ የማኔጅመንት አባላት ውይይት አደረጉ፡፡

May be an image of 4 people, people studying and text

የውይይቱን የመክፈቻ ንግግር ያደረጉት የባለስልጣን መስርያቤቱ ዋና ዳይሬክተር አቶ ሳምሶን ቢራቱ ባስተላለፉት መልዕክት ተቋማችን የተጣለበትን ሃላፊነት በአግባቡ ለመወጣት የ10 ዓመት ስትራቴጂክ ዕቅድ በመንደፍ ወደስራ የተገባ መሆኑን አንስተው እቅዱን በአግባቡ መፈጸምና ማስፈጸም እንዲያስችል ብሎም ለሃገራችን በዘርፉ አስፈላጊውን አስተዋጽኦ ለማበርከት ተገቢውን ግንዛቤ በመያዝ በትኩረት መፈጸም ይጠይቃል ብለዋል፡፡ የዛሬው የስልጠና ዓላማም በስትራቴጂክ እቅዱ ላይ ግንዛቤ ለማሳደግ፣አፈጻጸሙን ለመገምገም እና በእቅድ በአግባቡ ለመመራና ትክክለኛ መስመር ላይ ነን ወይ የሚለውን ጥያቄ ለመመለስ መሆኑን አቶ ፋሲካው ሞላ የተቋሙ ም/ዋና ዳይሬክተር አክለው ገልጸዋል፡፡ ስልጠናውን የሰጡት በባለስልጣን መስሪያ ቤቱ የፕሮጀክቶች አስተዳደርና አጋርነት ቡድን መሪ አቶ እንድሪስ የሱፍ ሲሆን በውይይቱ በርካታ ርዕሰ ጉዳዬች ተነስተው የጋራ መግባባት ተይዞባቸዋል፡

የመደራጀት መብትን ለማረጋገጥ የምዝገባና ሰነድ ማረጋገጥ መሪ ስራ አስፈጻሚ ከፍተኛ ሚና አለበት ተባለ፡፡

May be an image of 7 people, people studying and text

የመደራጀት መብትን ለማረጋገጥ የምዝገባና ሰነድ ማረጋገጥ መሪ ስራ አስፈጻሚ ከፍተኛ ሚና አለበት ተባለ፡፡
የሲቪል ማህበረሰብ ድርጅቶች ባለስልጣን ለምዝገባና ሰነድ ማረጋገጥ መሪ ስራ አስፈጻሚ ባለሙያዎች በአዋጁና በፀደቁ መመሪያዎች ላይ የስራ ላይ ስልጠና በተሰጠበት ወቅት ነው፡፡
በስልጠናው ላይ የተገኙት የምዝገባና ሰነድ ማረጋገጥ መሪ ስራ አስፈጻሚ አቶ ተፈሪ ገለቱ እንዳሉት የመደራጀት መብትን ለማረጋገጥ የምዝገባ ባለሙያዎች አዋጁንና መመሪያዎችን በሚገባ ማወቅ እንዳለባቸው አንስተዋል፡፡
ሌላው ያነሱት ለመደራጀት የሚመጡ አካላት የመደራጀት መብታቸውን ጠብቀን ባለሙያዎችም በተጠያቂነት መንፈስ እና አዋጁንና መመሪያዎችን መሠረት አድርገዉ መስራት እንዳለባቸው በመግለፅ የመንግስትን አሰራርን በተጠያቂነትና በግልጽነት በማከናወን ንቁና በነጻነት የተደራጀ የሲቪል ማህበረሰብ ድርጅቶች በመፍጠር የህብረተሰቡን ተጠቃሚነት ማረጋገጥ አለብን ሲሉ ገልፀዋል፡፡

በዋና ዳይሬክተር አቶ ሳምሶን ቢራቱ የተመራ ልዑካን ቡድን የማሪስቶፕስ ኢንተርናሽናል ኢትዮጵያ (MSI) የስራ እንቅስቃሴ ተመልክተዋል፡፡

May be an image of 7 people

በዋና ዳይሬክተር አቶ ሳምሶን ቢራቱ የተመራ ልዑካን ቡድን የማሪስቶፕስ ኢንተርናሽናል ኢትዮጵያ (MSI) የስራ እንቅስቃሴ ተመልክተዋል፡፡
ድርጅቱ ከተመሰረተ 30 ዓመታትን ያስቆጠረ ሲሆን የእናቶች ጤና እና አማራጭ የስነ ተዋልዶ አገልግሎት ላይ ለበርካታ የማህበረሰብ ክፍሎች አገልግሎት በመስጠት ላይ ይገኛል፡፡
ዶ/ር አበበ ሽብሩ የድርጅቱ ካንትሪ ዳይሬክተር ተደራሽነት፣የድርጅቱን ተልዕኮ ማጠናከር እና ጥራት ላይ ስትራቴጂ ጉዳይ አድርጎ እየሰራ መሆኑን በማብራሪያቸው ወቅት ገልጸዋል፡፡
አያይዘውም አዲሱ አዋጅ 1113/2011 መሰረት አድርጎ የተዘጋጀው የገቢ ማስገኛ መመሪያ ቁጥር 937/2015 ድርጀቱ ቀጣይነት እንዲኖረው እና የውስጥ ሃብትን ለመጠቀም ትልቅ እገዛ እንዳደረገላቸው ገልጸዋል፡፡
የተቋሙ ዋና ዳይሬክተር አቶ ሳምሶን ቢራቱ ከጉብኝቱ በኋላ በሰጡት አስተያየት የሃገሪቱ የጤና ፖሊሲ እና ጤና ሚኒስቴር ያወጣውን አሰራር እየደገፋችሁ መሆኑን በመመልከታችን ደስተኞች ነን በማለት በቅንጅት ከመንግስት እና ከማህበረሰቡ ጋር የሚሰራውን ስራ እንዲሁም የሃገር ውስጥ ሃብት መጠቀም መቻላችሁ ለሌሎች አስተማሪ ተግባር ነው ብለዋል፡፡

የሲቪል ማህበረሰብ ድርጅቶች ባለስልጣን ለተቋሙ ሰራተኞች የተቋሙን ስትራቴጂያዊ ትራንስፎርሜሽን እቅድ በሚመለከት ስልጠና ሰጠ፡፡

የሲቪል ማህበረሰብ ድርጅቶች ባለስልጣን ለተቋሙ ሰራተኞች የተቋሙን ስትራቴጂያዊ ትራንስፎርሜሽን እቅድ በሚመለከት ስልጠና ሰጠ፡፡
May be an image of 1 person and text
የሲቪል ማህበረሰብ ድርጅቶች ባለስልጣን የተቋሙን የ10 ዓመት ስትራቴጂያዊ ትራንስፎርሜሽን እቅድ በሚመለከት ለሁሉም የተቋሙ ሰራተኞች በዙር ስልጠና እየሰጠ ይገኛል፡፡ በስልጠናው ላይ የባለስልጣን መስሪያ ቤቱ የብቃትና ሰው ኃብት አስተዳደር ስራ አስፈጻሚ የሆኑት አቶ ደጀኔ ጌታቸው ለሰልጣኞቹ ባስተላለፉት መልዕክት ባለስልጣን መስሪያ ቤቱ ዓለም ዓቀፍ አማካሪዎችን በማሳተፍ ያዘጋጀውን የ10 ዓመቱን የስትራቴጂያዊ ትራንስፎርሜሽን እቅድ ቀደም ሲል ለሲቪል ማህበረሰብ ድርጅቶች በተለያየ መንገድ እንዲያውቁት የተደረገ መሆኑን ጠቁመው፤ የተቋሙ ሰራተኞችም የትራንስፎርሜሽን እቅዱን በሚመለከት በቂ ግንዛቤ እንዲኖራቸው ስልጠናው ሊዘጋጅ መቻሉን ተናግረዋ፡፡
አክለውም ባለስልጣን መስሪያ ቤቱ የስትራቴጂያዊ ትራንስፎርሜሽን እቅዱ ውጤታማ እንዲሆን ሁሉም የተቋሙ ሰራተኛ በቂ ግንዛቤ መያዝ ያለበት በመሆኑና ለባለስልጣን መስሪያ ቤቱ አገልግሎት አሰጣጥ ጥራት እጅግ አስፈላጊ በመሆኑ ስልጠናው ሊሰጥ እንደቻለ ገልጸዋል፡፡ ስልጠናው በባለስልጣን መስሪያ ቤቱ የስትራቴጂክ ጉዳዮች ስራ አስፈጻሚ ወ/ሮ ቃልኪዳን መንግስቴ፣ በበጎ ፈቃድ ማጎልበትና ትብብር ዋና ስራ አስፈጻሚ አቶ አሉላ ሚሊዮን እንዲሁም በባለስልጣን መስሪያ ቤቱ የፕሮጀክቶች አስተዳደርና አጋርነት ቡድን መሪ አቶ እንድሪስ የሱፍ አማካኝነት ተሰጥቷል፡፡ የስትራቴጂያዊ ትራንስፎርሜሽን እቅዱ ዳራ እና አውድ፣የሲቪል ማህበረሰብ ድርጅቶች ባለስልጣን ስትራቴጂክ ትንታኔ፣ የባለስልጣን መስሪያ ቤቱ ምህዳር ትንተና (PESTL and SWOT Analysis) የባለስልጣን መስሪያ ቤቱ ስትራቴጂክ ግቦችና አላማዎች በስልጠናው የተዳሰሱ ርዕሰ ጉዳዮች ናቸው፡፡

6ተኛው ዙር ተቋማዊ የንባብ ቀን በቢሾፍቱ ከተማ ኢየሩሳሌም የህፃናት እና ማህበረሰብ ልማት ድርጅት ከቤተ መፅሃፍት ጋር ተያይዞ የሰራቸውን ስራዎች በመመልከት ተካሂዷል::

May be an image of 4 people, people studying and text

6ተኛው ዙር ተቋማዊ የንባብ ቀን በቢሾፍቱ ከተማ ኢየሩሳሌም የህፃናት እና ማህበረሰብ ልማት ድርጅት ከቤተ መፅሃፍት ጋር ተያይዞ የሰራቸውን ስራዎች በመመልከት ተካሂዷል::
የሲቪል ማህበረሰብ ድርጅቶች ባለስልጣን በየወሩ የሚያካሂደውን ተቋማዊ የንባብ ቀን በቢሾፍቱ ከተማ ለስድስተኛ ጊዜ ተካሂዷል:: በመርሀግብሩ ላይ የሲቪል ማህበረሰብ ድርጅቶች ባለስልጣን ከፍተኛ የስራ ኃላፊዎችን ጨምሮ የተቋሙ ሰራተኞችና የኢየሩሳሌም ህፃናትና ማህበረሰብ ልማት ድርጅት የስራ ኃላፊዎች ተሳትፈዋል:: እየሩሳሌም የህፃናት እና ማህበረሰብ ልማት ድርጅት የንባብ ባህል እንዲዳብር በተለያዩ ክልሎች እየሰራቸው የሚገኙ ስራዎችን በሚመለከት በድርጅቱ ዋና ስራ አስፈፃሚ በ አቶ ሙሉጌታ አማካኝነት ገለፃ አድርጓል::
የባለስልኑ ዋና ዳይሬክተር አቶ ሳምሶን ቢራቱ በድርጅቱ በተደረገላቸው ገለፃ መደሰታቸውን ገልፀው ባለስልጣኑም አስፈላጊውን ድጋፍ የሚያደርግ መሆኑን ጠቁመዋል::
ምክትል ዋና ዳይሬክተር አቶ ፋሲካው ሞላ በበኩላቸው ባለስልጣን መስሪያ ቤቱ ንባብን ባህል ያደረገና ለሌሎችም አብነት የሆነ ተቋም ለመገንባት ጥረት እያደረገ እንደሚገኝ ተናግረዋል::
የሲቪል ማህበረሰብ ድርጅቶችም ንባብን በየተቋማቸው ባህል እንዲያደርጉ የጠቆሙት ምክትል ዋና ዳይሬክተሩ ድርጅቱ በተለያዩ ክልሎች የሰራቸው ቤተመጻሕፍቶች ንባብን ባህል ለማድረግና የበቃና የነቃ ትውልድ ለመፍጠር ትልቅ አስተዋፅዖ እንደሚያበረክት ገልፀዋል::

ምክር ቤቱ የሲቪል ማህበረሰብ ድርጅቶች የእርስ በእርስ የቁጥጥር ስርዓትን (Self-regulation scheme) ማጠናከር ላይ ትኩረት አድርጎ እንዲሰራ ምክረ ሃሳብ ቀረበ፡፡

May be an image of 5 people and people studying

ምክር ቤቱ የሲቪል ማህበረሰብ ድርጅቶች የእርስ በእርስ የቁጥጥር ስርዓትን (Self-regulation scheme) ማጠናከር ላይ ትኩረት አድርጎ እንዲሰራ ምክረ ሃሳብ ቀረበ፡፡
በምክትል ዋና ዳይሬክተር አቶ ፋሲካው ሞላ የተመራ የባለስልጣን መ/ቤቱ ልዑካን ቡድን በኢትዮጵያ የሲቪል ማህበረሰብ ድርጅቶች ምክር ቤት በመገኘት የምክር ቤቱን ቢሮዎች የጎበኘ ሲሆን በጋራ ጉዳዮች ዙሪያ ደግሞ ከምክር ቤቱ የስራ ኃላፊዎች ጋር ውይይት አድርጓል፡፡
በተደረገው ውይይት ምክር ቤቱ ያከናዎናቸው ተግባራት አበረታች መሆኑን በማንሳት በቀጣይ ምክር ቤቱ በህግ የተሰጠውን ኃላፊነት በበለጠ መልኩ እንዲወጣ የሚያስችል ጥረት ማድረግ እንደሚገበ የተጠቆመ ሲሆን ለዚህም ያላፉት ዓመታትን አፈፃፀምን በጥልቀት በማየት ተጠናክረው መቀጠል ያለባቸውን ማስቀጠል እንዲሁም መሻሻል ያለባቸውን ደግሞ ማስተካከል ተገቢነት ያለው አካሄድ መሆኑን ም/ዋና ዳይሬክተሩ ገልፀዋል፡፡ ምክትል ዋና ዳይሬክተሩ ምክር ቤቱ ነፃ፣ ገለልተኛ እና ለህዝብና ለአገር ጥቅም ከፍተኛ አስተዋፅኦ ማድረግ የሚያስችል የሲቪል ማህበረሰብ ድርጅቶች ዘርፍ በመገንባቱ ሂደት ላይ ከፍ ያለ ሚና ያለው እንደመሆኑ መጠን አዋጅ ቁጥር 1113/2011 በሚደነግገው አግባብ በዘርፉ የእርስ በእርስ የቁጥጥርና አስተዳደር ስርዓት እንዲዘረጋ በልዩ ትኩረት መስራት አስፈላጊ መሆኑን አንስተው የስነ-ምግባር ደንቡን በተሟላ መልኩ ተግባራዊ ማድረግ በቀጣይ በትኩረት ሊሰራበት የሚገባ መሆኑ ላይ ምክረ ሀሳብ አቅርበዋል፡፡
ከዚሁ ጋር በማያያዝ የተጓደሉ አመራሮችን ለማሟላት የሚደረግ ጥረት እንዲሁም በቀጣይ የሚካሄዱ የምክር ቤቱ ጉባኤዎችን በህግ የተሰጡትን ተግባራት በመፈፀም የሚያስችል ቁመና ያለው ምክር ቤት ለመፍጠር በሚያስችል መልኩ ኃላፊነት በተሞላበት መንገድ እንዲከናዎኑ ማድረግ ጠቀሜታው ጉልህ መሆኑን አንስተዋል፡፡ ም/ዋና ዳይሬክተሩ ባለስልጣን መ/ቤቱ ከምክር ቤቱ ጋር ህግና መርህን መሰረት ባደረገ መልኩ ተባብሮ መስራቱን እንደሚያጠናክር እንዲሁም ተገቢውን ድጋፍ የሚያደርግ መሆኑን በንግግራቸው አረጋግጠዋል፡፡
የምክር ቤቱ ተ/ዋና ዳይሬክተር ወ/ሮ ሐና ወ/ገብርኤል እና የምክር ቤቱ የስራ ኃላፊዎች የምክር ቤቱን እንቅስቃሴዎች በተመለከተ ሃሳቦችን የሰነዘሩ ሲሆን በቀጣይም በባለስልጣኑና በምክር ቤቱ መካከል የጋራ በሆኑ ዘርፋዊና አገራዊ ጉዳዮች ዙሪያ ቋሚ የሆነ የውይይት መድረክ ቢፈጠር ጠቀሜታ እንደሚኖረው አስተያየት ሰጥተዋል፡፡
በአዋጅ ቁጥር 1113/2011 አንቀፅ 2(11) እና አንቀፅ 85 መሰረት የሲቪል ማህበረሰብ ድርጅቶች በምክር ቤቱ አማካኝነት ራሳቸውን ለማስተዳደር በፈቃዳቸው በሚያወጡት የሥነ ምግባር ደንብ የሚመራ አስገዳጅ የእርስ በእርስ የቁጥጥር ሥርዓት መዘርጋት እንደሚገባው እና አተገባበሩንም በሁሉም ድርጅቶች ተሳትፎ የሚመራው የሲቪል ማህበረሰብ ድርጅቶች ምክር ቤት በቅርበት እንደሚከታተል ተደንግጓል፡፡

የሲቪል ማህበረሰብ ድርጅቶች ባለስልጣን ከፍተኛ የስራ ኃላፊዎች በቢሾፍቱ ከተማ የሚገኘውን የኮርያ ዓለም ዓቀፍ በጎ ፈቃደኞች ድርጅት (Korean International volunteer’s organization (KVO International) ጎበኙ፡፡

May be an image of 2 people and text

የሲቪል ማህበረሰብ ድርጅቶች ባለስልጣን ከፍተኛ የስራ ኃላፊዎች በቢሾፍቱ ከተማ የሚገኘውን የኮርያ ዓለም ዓቀፍ በጎ ፈቃደኞች ድርጅት (Korean International volunteer’s organization (KVO International) ጎበኙ፡፡
በሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ የተመራ የሲቪል ማህበረሰብ ድርጅቶች የስራ ኃላፊዎች ቡድን በቢሾፍቱ ከተማ በትምህርት ላይ ትኩረቱን አድርጎ የሚሰራው Korean International volunteer’s organization (KVO International) የተባለ ዓለም አቀፍ ድርጅት የስራ እንቅስቃሴን ተመልክቷል፡፡
በምልከታው ላይ የድርጅቱ የሀገር ውስጥ ተወካይ አቶ ሚኪያስ ግርማ የድርጅቱ የስራ እንቅስቃሴ በሚመለከት ገለጻ አድርገዋል፡፡ ድርጅቱ ከተመሰረተበት እ.ኤ.አ ከ2007 ዓ.ም ጀምሮ በትምህርት፣ በትምህርት ቤት ምገባ፣ በሮቦቲክስ፣ በዋሽ ፕሮግራም፣ በንጽህና መጠበቂያ ስርጭት እና ሌሎች በርካታ ስራዎችን በመስራት ላይ የሚገኝ ሲሆን በስራውም ዓለም ዓቀፍ እውቅናን ያገኘ ተቋም ነው፡፡ በርካታ ዓለም አቀፍና የሀገር ውስጥ በጎ ፈቃደኞችን በመስራት ውጤታማ ከመሆኑም ባሻገር ቤኩምሳ የመምህራን ማህበር ማቋቋም በጎ ፈቃደኛ መምህራን ለትምህርት ጥራት የበኩላቸውን እንዲወጡ በማድረግ ላይ እንደሚገኝ ተጠቁሟል፡፡
የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ የድርጅቱን የስራ እንቅስቃሴ ተመልክተው መደሰታቸውን ገልጸዋል፡፡ አክለውም በርካታ የሲቪል ማህበረሰብ ድርጅቶች በኢትዮጵያ ውስጥ ውጤታማ ስራዎችን እየሰሩ እንደሚገኙ አንስተው በኢትዮጵያ የሚንቀሳቀሱ የሲቪል ማህበረሰብ ድርጅቶች በኢትዮጵያ ብቻ ሳይሆን በአፍሪካም ሆነ በተቀረው ዓለም ውጤታማ ስራዎችን ሰርተው ተጽዕኖ ፈጣሪ እንዲሆኑ ከፍተኛ ፍላጎት አለን ብለዋል፡፡
ድርጅቶች በፕሮጅክቶቻቸው ዘላቂነት ላይ ትኩረት ሰጥተው እንዲሰሩ እና ሀገር በቀል የገቢ ማስገኛ ስራዎችን በማስፋት ራሳቸውን የሚያጠናክሩበት መንገድ ያለ በመሆኑ እንዲጠቀሙበት የጠቆሙት ምክትል ዋና ዳይሬክተሩ የሲቪል ማህበረሰብ ድርጅቶች ስኬታማ በሆኑ ቁጥር የባለስልጣን መስሪያ ቤቱ ስኬት የበለጠ የሚታይ መሆኑን ተናግረዋል፡፡
ኮይካን ከመሳሰሉ የኮሪያ አለም አቀፍ ድርጅቶች ጋር ባለስልጣን መስሪያ ቤቱ በትብብር ይሰራል ያሉት ምክትል ዋና ዳይሬክተር አቶ ፋሲካው ሞላ በተለይም በጎ ፈቃደኝነት ላይ ድርጅቱ ተሞክሮዎቹን ለሌሎችም የሲቪል ማህበረሰብ ድርጅቶች በማካፈል ላይ እንዲሰሩ እና ባለስልጣን መስሪያ ቤቱም አስፈላጊውን ድጋፍ ትብብር እንደሚያደርግ ጠቁመዋል፡፡