May be an image of 8 people and text
ስልጠናው ወደ ተቋሙ ለሚመጡ ዓይነ ስውራን ተገልጋዮች መደረግ ስላለበት ድጋፍና ዓይነስውራንን በሚመለከት ያለውን ግንዛቤ ማሰዳግ ላይ ትኩረት ያደረገ ነው፡፡ በስልጠናው ላይ የባለስልጣን መስሪያ ቤቱ ዋና ዳይሬክተር አቶ ሳምሶን ቢራቱን ጨምሮ የቱ ጌዘር ኢትዮጵያ ዳይሬክተር አቶ ብርሃኑ በላይ እንዲሁም የተቋሙ አመራርና ሰራተኞች ተገኝተዋል፡፡ ስልጠናውን ያስጀመሩት የባለስልጣኑ ዋና ዳይሬክተር አቶ ሳምሶን ቢራቱ ቱ ጌዘር ኢትዮጵያ በአይነስውራን ላይ ትኩረት አድርጎ እየሰራ ያለድርጅት መሆኑን በአካል በድርጅቱ ተገኝተው መመልከታቸውን አስታውሰው ከባለስልጣኑ ጋር እየሰራ ባለው ስራ እጅግ ደስተኛ መሆናቸውን ገልጸዋል፡፡ አክለውም ባለስልጣን መስሪያ ቤቱ የሚያደርገውን ድጋፍ አጠናክሮ እንደሚቀጥልም ገልጸዋል፡፡
የቱጌዘር ኢትዮጵያ ዳይሬክተር አቶ ብርኃኑ በላይ በበኩላቸው ድርጅታቸው ቱ ጌዘር ኢትዮጵያ ዓይነ ስውራንን መሰረት ያደረጉ 5 ፕሮጀክቶችን በተለያዩ የኢትዮጵያ ክፍሎች ተግባራዊ እያደረጉ መሆኑን ጠቁመው በተለይም ዓይነስውራን ከዲጂታል ቴክኖሎጂዎች ጋር ያላቸውን ተግባቦት ለማሳደግ የኢንፎርሜሽን ቴክኖሎጂ ስልጠናዎችን በመስጠት ለCOC ብቁ እንዲሆኑ አድርጓል፡፡ በዚህም በተለያዩ ምክንያቶች ክትምህርት ገበታቸው የተስተጓጎሉ ዓይነ ስውራንን ወደትምህርት ገበታቸው መመለስ መቻላቸውን ጠቁመዋል፡፡ አክለውም በ10 ዓመት ውስጥ ከ36 ሺህ በላይ ዓይነስውራንን በቀጥታ ተጠቃሚ ያደረጉ ስራዎችን መስራታቸውን ተናግረዋል፡