May be an image of text

የአድዋ ድል የሁሉም ብሔሮች፣ ብሔረሰቦችና ሕዝቦች የጋራ ድል ከመሆኑም በላይ ጊዜ የማይሽረዉ በደምና በአጥንት የተፃፈ የጋራ ታሪካችን ጭምር ነዉ፡፡ ዛሬ ላይ ሆነን ስንመለከት የአድዋ ድል ትሩፋት ከጦር ሜዳ አሸናፊነት በላይ ነዉ፡፡ አገራዊ እንድነታችንና ሉዓላዊነታችን የተረጋገጠበት ታሪካዊ ድል ነው፤አድዋ፡፡ የአሸናፊነታችን ምሥጢር መተባበራችንና አንድነታችን ስለመሆኑ አባቶቻችን በተግባር ያስተማሩበት የተግባር ልምምድም ነበር፡፡ መላዉ ኢትዮጵያዊያን ያለ አንዳች ልዩነት በአንድነት ለአገራቸዉ ሉዓላዊነትና ለሕዝቦቿ ክብር ተሰልፈዉ በጋራ የተዋደቁና የጋራ ድል ያስመዘበገቡ በመሆናቸዉ የአድዋ ድል የጋራ ታሪካችን ነዉ፡፡ ከሁሉም በላይ አድዋ የብሔራዊ ኩራታችን ምንጭም ነዉ፡፡ ከኢትዮጵያም አልፎ የመላ ጥቁር ሕዝቦች ኩራት ነዉ፡፡ የአድዋ ድል የአፍሪካዊያን የነፃነት ፋና ወጊ በመሆን የነፃነት ትግል ማቀጣጠያ ከመሆኑም በላይ ኢትዮጵያ የፓን አፍሪካኒዝም ተምሳሌት ተደርጋ አንድትቆጠር አድርጓታል፡፡

(ከየመንግስት ኮሙኒኬሽን አገልግሎት ከተሰጠ መግለጫ የተወሰደ)

የዘንድሮ 126ኛው የአድዋ በዓል “አድዋን ለኢትዮጵያውያን ኅብረት፣ ለአፍሪካ የነፃነት ጮራ” በሚል መሪ ቃል ይከበራል፡፡ የኢ.ፌ.ዴ.ሪ የሲቪል ማኅበረሰብ ድርጅቶች ባለስልጣንም ለመላው የኢትዮጵያ ህዝቦች የጥቁር ህዝቦች ኩራት ለሆነው ለ126ኛ የአድዋ ድል በዓል አደረሳችሁ በማለት መልካም ምኞቱን ይገልጻል፡፡