May be an image of 1 person and text

የሲቪል ማኅበረሰብ ድርጅቶች ባለስልጣን የማኅበራዊ ተጠያቂነትን ለመተግበር የሚያስችል መምሪያ አዘጋጅቶ የሲቪል ማህበረሰብ ድርጅቶች በማስተዋወቅ ላይ ይገኛል፡፡
የሲቪል ማህረሰብ ድርጅቶች ባለስልጣን ከዓለም ባንክ ባገኘው የገንዘብ ድጋፍ ማህበራዊ ተጠያቂነትን ተግባራዊ ለማድረግ የሚያስችል መምሪያ (Social Accountability Mainstreaming Guideline) በማዘጋጀት ለሲቪል ማህበረሰብ ድርጅቶች በማስተዋወቅ ላይ የሚገኝ ሲሆን በቢሾፍቱ ከተማ ከተለያዩ የሲቪል ማህበረሰብ ድርጅቶችና ከገንዘብ ሚንስቴር የተወከሉ ተሳታፊዎች የተገኙበት መድረክ ተካሂዷል፡፡ በመጪው ግንቦት ወር ይጠናቀቃል የተባለው የማህበራዊ ተጠያቂነት ፕሮግራም የሲቪል ማህበረሰብ ድርጅቶች በፕሮግራሞቻቸው አካተው ስለሚሰሩበትና የጋራ ጥምረት ፈጥረው ውጤታማ ስራ መስራት በሚችሉበት ሁኔታ ላይ ሰፊ ውይይት ተደርጓል፡፡
በእለቱ የመክፈቻ ንግግር ያደረጉት የሲቪል ማህበረሰብ ድርጅቶች ባለስልጣን ዋና ዳይሬክተር አቶ ሳምሶን ቢራቱ እንደገለጹት መንግስት በግልጽነት የሚተገበርና ተጠያቂነት ያለው አሰራር መከተል እንደሚገባው አንስተው ለዚህም መብቱን ያወቀና ጠያቂ ማህበረሰብ መፍጠር ያስፈልጋል ብለዋል፡፡ ይህን እውን ለማድረግ ከዓለም ባንክ በተገኘ የገንዘብ ድጋፍ በአንድ በኩል ከመንግስት በሌላ በኩል ደግሞ በሲቪል ማህበረሰብ ድርጅቶች አማካኝነት የማህበራዊ ተጠያቂነት (social accountability) ፕሮግራም ተግባራዊ እየተደረገ እንደሚገኝ ያነሱት ዋና ዳይሬክተሩ በትግበራውም አመርቂ ውጤት መታየቱንና የተገኙ ውጤቶችን ለማስቀጠልም ባለስልጣን መስሪያ ቤቱ ዘርፈ ብዙ ስራዎችን በመስራት ላይ እንደሚገኝ ጠቁመዋል፡፡
አክለውም ባለስልጣን መስሪያ ቤቱ የሲቪል ማህበረሰብ ድርጅቶች የማህበራዊ ተጠያቂነት ተግባራትን በየፕሮጀክቶቻቸው አካተው ተግባራዊ እንዲያደርጉ የሚያስችል መምሪያ በማዘጋጀት እያስተዋወቀ የሚገኝ መሆኑን የገለጹ ሲሆን በእለቱ የተዘጋጀው መድረክ አንደኛው ዓላማም ይህንኑ መምሪያ ማስተዋወቅ እንደሆነ ጠቁመዋል፡፡
ማህበራዊ ተጠያቂነትን ሲተገብሩ የቆዩ የሲቪል ማህበረሰብ ድርጅቶች ጥምረት መስርተው የተገኙ መልካም ውጤቶችን በማጠናከር የተጀመሩ ፕሮግራሞችን እንዲያስቀጥሉ ባለስልጣን መስሪያ ቤቱ ድጋፍ እንደሚያደርግ አክለው ገልጸዋል፡፡
በእለቱ ጥምረትንና የጥምረት አስፈላጊነትን በሚመለከት የሲቪል ማህበረሰብ ድርጅቶች ባለስልጣን ምክትል ዋና ዳይሬክተር አቶ ፋሲካው ሞላ ገለጻ ያደረጉ ሲሆን የሲቪል ማህበረሰብ ድርጅቶች ባለስልጣን በርካታ የሪፎርም ስራዎችን በመስራት ለሲቪል ማህበረሰብ ድርጅቶች ምቹ ሁኔታ እንዲፈጠር ማድረጉን ጠቁመዋል፡፡
የማህበራዊ ተጠያቂነትን ተግባራዊ ለማድረግ በተዘጋጀው መምሪያ (social accountability mainstreaming Guideline) ላይ ያተኮረ ጽሁፍ በአቶ እድሪስ የሱፍ በሲቪል ማህበረሰብ ድርጅቶች የፕሮጀክት አስተዳደርና አጋርነት ቡድን መሪ እነዲሁም (ESAP status update and way forward to sustain Social Accountability) ርዕስ አቶ ሲሳይ ግታቸው ከማኔጅመንት ኤጀንሲ ጽሁፍ ቀርቦ ውይይት ተደርጎበታል፡፡